Ce qu'elle eût fait elle-même si son état l'eût permis
« Est tout estainct par sa bonté exquise ;
« Il est mon Dieu et ma salvation. »
Puys elle fist tout bas confession
Dévotement, avant aux veulx les larmes.
Après luy dist telz ou semblables termes :
« Mon mal est tel que ne puys nullement
« Recevoir Dieu sacramentellement ;
« Mais allez moy une hostie quérir
« En la parroisse, affin qu'avant mourir,
« En la voyant, puysse ramentevoir
« Que Dieu se fait à l'homme recevoir. »
Ce que l'on fist ; et quand l'hostie vid,
S'escriant dist : « Jésus, filz de David,
« Qui sur la croix pour moy fuz estendu,
« Et par amour cueur et costé fendu,
« Je vous adore, ô mon Dieu et mon roy ;
« Père et amy tel je vous tiens et croy,
« Vous requérant de mes péchez pardon Fol. 338.
« En la vertu de ce très riche don
i< De vostre amour que vous m'avez donnée,
« Laquelle amour ne m'a habandonnée :
« Je l'ay tousjours en fiance parfaicte.
« Or mainctenant qu'aproche la deffaicte
« De la prison de ce vieil corps charnel,
« Las! plaise vous, o mon père éternel,
« Entre voz braz l'ame et l'esprit reprendre
« Que de bon cueur entre voz mains vois rendre.
« Je sçay, Seigneur, que celluy qui a creu
« Entièrement par foy vous a receu :
« Je vous croy myen, vous le m'avez promis,
« Donc vous recoy, o Tamy des amys,
<( En mon esprit qui par foy vous embrasse.
« O le pain vif duquel la doulceur passe
« Toute doulceur, en foy je vous recoy :
« Par ceste foy ainsy recevez moy ;
« Je ne suys pas de recevoir deceue
« Le vray amy duquel je suis receue.
« Je vous recoy spirituellement,
« Ne vous povant recevoir autrement,
« Croyant si bien ceste réception
« Que seure suys de ma salvation. »
L'hostie fut lors de là transportée ;
Elle du tout en Dieu reconfortée
Par l'unction que très bien entendit,
Et aux endroictz que failloit respondit.
Puys se monstrant de Dieu espouse et fille,
Va commander de lire l'évangile,
Et commençant au sermon fructueux Fol. 338 verso.
D'après la cène, que d'un cueur vertueux
Elle escoutoit, et tant que l'on lisoit,
Sans sentir mal, ung seul mot ne disoit,
Mais quand ung peu Ton cessoit la lecture,
Se pleignoit fort, car sa povre nature
Eut grand tourment de pierre et de gravelle,
Et qui pis fut, elle eut une nouvelle
Forte h porter, c'est qu'au terme prefix
N'estoit possible avoir le roy son filz.
Lors fist ung cry quand elle ouyt cela,
Et en pleurant amèrement parla :
« 0 mon enfant ! ne te verray je point !
« Me fauldras tu, mon filz, au dernier poinct!
« Fault il partir de ce terrestre lieu
« Sans te baiser pour le dernier adieu ! »
Puys dist, levant au ciel ses pleurans yeulx :
« Vous l'avez fait, mon Seigneur, pour le myeulx;
« Car luy ne moy ne l'eussions sceu porter,
« Encores moins l'un l'autre conforter.
« Trop grande estoit l'amour d'entre nous deux
« Ou plus ne fault penser, et je le veulx.
« Mais, Seigneur Dieu, soyez luy favorable,
<( Et à ses grans affaires secourable.
« Il portera tant et tant d'ennuys
« De ceste mort, parquoy, tant que je puys,
« Je vous requiers, par vostre passion,
« De luy donner la bénédiction
« A luy, aux siens et à toute sa race,
« Et le tenir en vostre bonne grâce. »
Et puys la croix, de triumphe baniere, Fol. 339.
Entre ses mains luy mist La Bourdaisiere *,
Qu'elle baisa, en disant doulcement :
« Ainsy fut mys pour moy le vray amant. »
Après, prenant sa fille par la main,
Dist : « Marguerite, encore est mon cueur plain
« De ceste amour portée à vous si forte,
« Et à mon filz, ce qu'encores je porte ;
« Et dans mon cueur le sens si véhément
« Que pour n'avoir en mon entendement
1. Philibert Babou, seigneur de la Bourdaisiere. Successivement secrétaire et argentier du roi, il devint surintendant des finances en 1524, et mourut en 1557, maître d'hôtel de Henri II.
<( Rien que Dieu seul, que seul doy désirer,
« Je vous requiers d*ung peu vous retirer
« D'auprès de moy ; car quand je vous regarde
« D'avoir plaisir en mon cueur je n'ay garde.
« Las ! forte amour parler à vous m'empesche,
« Mais ung seul mot pour la fin je vous presche,
« C'est qu'en mon cueur je sens la foy si ferme,
« Le don de Dieu par lequel il m'afferme
« De mon salut, dont le plaisir je gouste ;
« N'en faictes plus, m'amye, nulle doubte. »
À ces propoz sa fille fort pleura,
Et de ses vculx soudain se retira ;
Et non pas loing, car jusques au dernier
Ne la laissa, et le bon cordelier ,
Mist entre deux, regardant à loisir
'Sa bonne mère en lict mortel gésir,
Qui escoutoit la lecture divine,
Les yeulx en hault, sans parolle ne myne,
Comme personne en extase ravie.
Mais ung des siens qui bien Tavoit servie,
Fut bien longtemps à la persuader Fol. 330Terso.
De quelque chose en fin leur commander,
En la priant avant que s'en aller
Vouloir les siens d'un seul mot consoller.
Elle luy dist : « Cessez vos vainz propoz ;
« Mainctenant est mon esprit en repoz,
« Plus n'est cà bas, vous me rompez la teste. »
Sa fille alors, qui du secours fut preste,
Dist : « Laissez la : elle attend la promesse
« De la divine et admirable haultesse ;
« Tous serviteurs, en fans, honneurs et biens
« N'estime plus sinon ordure et bien» ;
« Tous les mortelz pour l'Immortel oublye,
« Voyant son Dieu qui l'a tant anoblie,
« Qui la reçoit pour espouse et pour femme. »
Dont respondit à sa fille la dame :
« C'est très bien dit, m'amye, il est ainsy. »
Et sans bouger ses yeulx d'en hault aussi,
Sans plus parler la croix elle baisoit,
Et d'ouyr clair tousjours signe faisoit.
Et tost après jecta un regard doulx
Devers le ciel, là où son Tout en tous
En soubzriant sembloit veoir clairement.
Et sur ce poinct fist son trespassement,
Si doulcement que sa fille sans plus
S'en apperceut, car trèstout le surplus
Se debattoit si elle estoit morte ou non.
Ainsy passa, digne d'heureux renom,
Celle qui eut et vivante et mourante
Foy en Dieu seul, amour et vraye attente *.
Par ceste mort, Amye, il fault congnoistre Fol. 340.
Que plus Dieu fait la tentation croistre
Et plus il est du temple [l'jadjuteur
Qui par luy met à riens le vieulx tempteur.
Si de la foy, par ce dernier exemple,
Vous ne voyez la vertu assez ample,
Souvienne vous, Àmye, aussi fait il,
Du roy Françoys, son filz, prince gentil,
t. Avec ce vers se termine le fragment publié par Le Roux de Lincy.
Gentil de nom, de race et de vertuz,
Qui à la guerre a souvent combattuz
Ses ennemys, emportant la victoire,
Et, s'il fut prins, il n'en eut moins de gloire ;
Qui du seigneur de Langé sa cronique *
Verra, sçaura qu'il a eu la pratique
De gouverner, soit en paix soit en guerre,
Tout son royaulme, ou myeulx toute la terre.
De son scavoir et de l'amour aux lettres.
De ses escriptz tant en prose qu'en mettres,
Je m'en tairay : ilz sont assez congneuz.
De son trespas le bon Castellanus,
Qu'il avoit fait evesque de Mascons3,
En a escript a (fin que ne doubtons
Que ce roy là, tant beau, saige et bien né,
De biens, d'honneurs grandement fortuné,
N'eut en son cueur la foy vive et ardante,
Qui par dehors n'estoit tant évidente
Qu'on le jugeast ung dévot Saint Loys ;
Mais, par ung mot qu'ung jour de luy j'ouys.
Ce qu'avez fait come je croy, m'Amye,
Ceste fov vive en luy ne doubtav mve.
2. 11 s'agit des célèbres Mémoires de Guillaume du Bellay, seigneur de Langey. — 3. Pierre Duchàtel, lecteur royal, successivement cvèque de Tulle, de Màcon et d'Orléans, prononça, en 1547, deux oraisons funèbres de François Ier, publiées dans la Vit a Castellani de Galland, éditée par Baluze en 1674 (8°). Il mourut en 1552. On peut comparer le récit des derniers moments de François Ier, tel qu'il figure dans les Prisons , avec les données fournies par les deux oraisons funèbres de Du Châtel, ainsi qu'avec les pièces citées par M. de Ruble (Le mariage de Jeanne d'Albret, p. 223).
Disant : « Sachez icy, en ce festin, Fol. 340 verso.
« Si Dieu mandoit que demain au matin
« Il me faillust par mort le veoir au ciel,
« En ce banquet n'y a sucre ne miel
« Qui si doulx soit à la friande langue
« Comme à mon cueur seroit ceste harangue,
« Et ne désire à vivre longuement
« Pour d'un tel bien avoir retardement ;
« Digne n'est pas d'avoir ung si bon maistre
« Qui n'a désir par mort avec luy estre. »
Je diray plus que onques je ne viz,
En ces plaisans et gracieux devis,
Que l'on eust dit : « Cest homme icy habunde,
Sans craindre Dieu, en tous plaisirs du monde » ;
Que si quelqu'un soudain propoz tenoit
Parlant de Dieu, la larme luv venoit
A l'œil, monstrant l'esprit n'estre empesché
D'aymer son Dieu, nonobstant qu'à pèche
Servist le corps par sa fragilité ;
Car de péché venoit humilité.
Si parfaict fut en sa condition,
Que si péché quelque imperfection
N'eust myse en luy, dont estoit exempté,
De trop d'orgueil il eust esté tempté.
Si haultement son bon esprit volloit
Et de son Dieu si vivement parloit,
Que si Satan Dieu ne luy eust donné
Dedans sa chair, eguillon ordonné
Pour abbesser de soy mesmes l'estime.
Orgueil l'eust mys au plus grant de la cime.
Donc en la chair à péché il servoit, Fol. 341.
Mais en l'esprit la foy il conservoit,
Qui le faisoit en soy humilier,
Et à son Dieu par forte amour lyer;
Et ceste foy, laquelle avoit receue
De bien longtemps, monstra à son yssue :
Ce que voz yeulx ont veu et non les miens *,
Dont vous heureuse et mov malheureux tiens.
Souvienne vous que sa mort il congneut ;
Souvienne vous qu'humblement il receut
Ses sacremens, que tous il demanda;
Souvienne vous de ce qu'il commanda
Au roy son (ilz, par grande affection,
Auquel donna sa bénédiction ;
Souvienne vous comme il se confessa
Pécheur damne, et jamais ne cessa
De tous ses maulx humblement s'accuser
Sans se vouloir d'un tout seul excuser;
Souvienne vous que biens ny royaulté,
Sçavoir, povoir, force, santé, beaulté,
D'habandonner ne monstroit nul regret,
Ce qu'il disoit tout hault, non en secret ;
Souvienne vous comme son cueur ardoit
Parlant de Dieu, duquel il attendent
De son salut vrave finition,
Se confiant en ceste passion
1. Ce témoignage indique que la personne à laquelle, par suite d'un ■artifice plus ou moins mystérieux, le poème est censé adressé, fut témoin des derniers moments du roi et prouve, d'autre part, que l'auteur du poème n'y assista point.
LES PRISONS DK LA HK1NK DR XAVARKR 283
De Jesuchrîst, dont le meritte est tel
Qu'il n'y a nul péché ne si mortel
Que par ce sang ne soit estainct sans faincte,
Demandant grâce en s'asseurant sans craincte
Que Dieu est bon, et sa promesse il tient, Fol. 341 yerso.
Quand humblement vers luy le pécheur vient.
Souvienne vous qu'en eslevant ses yeulx,
Comme voyant par foy son Tout aux cyeulx,
Luy demandoit de cueur humble et humain
Qu'il luy donnast sa très puyssante main,
Se confessant remply de pesanteur
Par son péché, parquov du Rédempteur,
De ceste main clouée en croix l'aïde
Il demandoit, sachant que c'est la guvde
Qui peult mener le povre viateur
Entre les braz du puyssant Créateur.
Souvienne vous que ses braz estandoit
Et sa main grande ouverte à Dieu tendoit,
Duquel par foy congnoissoit le secours
Estre très seur à son dernier discours ;
Souvienne vous de l'ardeur de sa fov
Qui le poussoit à Dieu par dessus soy, En s'asseurant que sa miséricorde Luy pardonnoit sa vie salle et orde, Et que sa' grâce en sa main il tenoit Ou ses péchez sa bonté pardonnoit.
Souvienne vous de ses propoz et dictz, Et comme en fov demandoit paradis Que justement disoit avoir perdu Par son péché, mais que du tout rendu
Il luy estoit par le sang et meritte
De Jesuchrist, par lequel l'homme heritte,
Non pas par soy, le céleste heritaige ;
Souvienne vous comme en ferme courage
Il s'asseuroit en Dieu, par la bonté Fol. 342.
Duquel péché et l'enfer est dumpté.
Las ! je sçay bien que vous n'oublierez pas
Qu'ung peu avant qu'il deust passer le pas,
À dire adieu aux siens il s'efforça,
Et par amour ung chacun embrassa,
Les consolant de son soudain départ,
Dont vostre cueur sentit de dueil sa part.
Souvienne vous que son esprit ce jour
Dedans son corps ne peut faire séjour,
Car, ayant pris son dernier sacrement,
En declairant au long par testament
Ce qu'il vouloit, ayant dit le surplus
A son cher filz, voyant qu'il n'avoit plus
Chose ça bas qu'il faillust ordonner,
Devers son Dieu se print à retourner,
Remply d'amour ardante et de foy forte,
Laissa son corps et passa par la porte
De ceste mort, que si doulce esprouva
Que dedans elle et vie et Tout trouva ;
Ce que l'on vit, car son corps sain et fort
Ne fist semblant de ce dernier effort :
Pas n'est raison que le corps douleur sente
A ce jour là, puysque l'âme est contante.
Ainsy ce roy en son Tout fut receu.
Car il avoit ce Tout par foy conceu
Tant que prison, maladie ou douleur,
Tristesse, ennuy, perte d'amys, malheur,
Ne l'ont point fait tant soit peu murmurer,
Mais doulcement tous ses maulx endurer;
Prospérité ne Fa mys en orgueil Fol. 342 verso.
Pour mescongnoistre ou destourner son œil
De son Seigneur, où par foy revenoit ;
Et si péché ça bas le proumenoit
En le menant en région loingtaine,
Il retournoit souvent à la fontaine
De pénitence, parquoy Jésus, venu
Pour les pécheurs qui Font creu et congneu,
Rompant du sens charnel le jugement,
L'a prins à soy, où éternellement
Avec luy règne, et çà bas a régné,
Car il estoit pour estre vray roy né.
A ce Rien donq, que long temps j'ay laissé,
Retourner fault, lequel s'est abessé
A regarder par la senestre bende
Son Tout en tous qui tous les maulx amende,
Car, soit en mort, tristesse ou passion,
Ce Tout, qui est remply d'affection,
Ne sçauroit tant nostre corps lapider
Que nostre esprit il ne vienne ayder;
Et qui le voit au milieu du tourment
Le tourmenteur tourmentant doulcement,
Non pas ainsy que l'avons desservi
Pour ne l'avoir ny aymé ny servi,
Mais ung petit, comme cnfans, nous chastie,
Nous départant ung peu de sa rostie
A (Tin qu'ayons mémoire que rostir
S'est fait pour nous, et que devons sentir
En nostre cueur ung grand contantement,
Quand ung morceau nous donne seulement
De son dur pain, qu'il a pour nous masché, Fol. 343.
Voire avallé en la croix attaché ;
Nous l'avalions, mais point ne le goustons
Quand de sa mort la vertu nous douhtons ;
Et onques nul, qui à luy s'attendit,
Son ame à Dieu en douleur ne rendit.
Mais ceulx qui n'ont ny amour ny foy vive
En ce Tout là, quand ce vient à la rive
Et qu'on leur dit : « Amy, mourir vous fault >,,
Oyant cryer Jésus, le cueur leur fault,
Et tant plus sont affoibliz et malades,
Les fault tenir, tant ilz font de gambades.
J'en ay congneu en extresme vieillesse,
Plains de tous maulx et de grande foiblesse,
Qui à la mort en fais[oie]nt des grimaces
De piedz, de mains, comme boutions en farces :
C'estoit l'esprit voyant son jugement,
Qui craignoit tant ce dur département
D'ame et de corps, que la chair tourmentoit,
Qui quant à soy peu de douleur sentoit.
J'en ay congneu, ainsy que j'ay compte,
Desquelz la foy avoit le cueur dumpté,
Qui en mourant d'un gracieux couraige
Sans faire myne, ainsy qu'ung bel ymaige.
Ont ce dur pas saulté, bien que leurs corps
Fussent puyssans, jeunes et sains et fortz.
J'en ay congneu de vie bien mondayne
Par le dehors, où foy n'a esté vaine,
Car à la mort les a tant secouruz
Qu'à leur Saulveur sans doubter sont couruz ;
Et confessant leur juste damnement Fol. 343 verso.
Hz ont trouvé en luy leur saulvement,
Ne se fians qu'en ses œuvres parfaictes,
Et de celles que vivant avoi[en]t faictes,
Ne trouvoient rien qu'ordure et puanteur;
En s'arrestant du tout au Rédempteur,
Qui leur estoit miséricordieux
Comme péché leur estoit odieux,
Et puys que Rien devant luy s'estimoient,
Trouvoient en luy le Tout que tant aymoient.
L'ayant trouvé après l'avoir perdu,
Ont leur esprit si doulcement rendu
Entre ses mains, que Dieu estoit louable
Rendant leur mort doulce et amyable.
J'en ay congneu de vie pure et munde
Autant qu'en pcult veoir et juger le monde.
Jeusneurs, prieurs, faisans grandes merveilles.
Mais quand failloit crier à leurs aureilles
Ce mot : « Jésus », en lieu d'un grant mercys,
L'on les voyoit estonnez et transiz
En crainte et peur, cherchans pardons, bulles,.
Pour s'asseurer de dix mille scrupules;
Car leurs bienfaictz où ilz s'estoient fundez.
Quant à la mort et pesez et sundez
Les leur monstroit la divine justice,
Devant laquelle est nostre vertu vice,
Hz se trouvoient appuyez d'un roseau
Qui leur perçoit jusques à l'os la peau,
Car, sans la foy, n'y a œuvre plaisante
Au Créateur et qui ne soyt nuysante
A celluy-là qui du tout s'y confie. Fol. 344.
Et j'en ay veu, je le vous certifïie,
De tourmentez pour n'avoir pas apris
De se fier au meritte et grant pris
De Jesuchrist, lequel par grâce est nostre,
Dont leur povre a me en craincte passant oultre,
Leurs corps faisans tant effroyables mynes
Que l'on povoit congnoistre leurs ruynes.
Las ! le corps fort ny la vie joyeuse
Ne rend la mort dure et laborieuse ;
Le faible aussy ny la vie apparente
Ne fait la mort amye ny parente ;
Mais la foy vive rend au cueur la mort belle,
Comme elle est laide au pécheur infidelle.
O léger Rien, volant du fondz d'enfer
Jusqu'au plus hault dont partit Lucifer,
Puys d'Orient jusques en Occident,
Le bien et mal t'est monstre évident.
Que trouves tu, ça et là te tournant?
Tu trouves Tout en tous tout contenant ;
Tout en enfer tu voys justicier
Ceulx qui n'ont sceu ce Tout remercier
De ses bienfaictz, ne de luy les tenir,
Sans congnoissance, amour ny souvenir
De sa bonté ; mais ce Tout incongneu
Et refusé du grand bien, qu'obtenu
Àvoit pour eulx de grâce entièrement,
Est en enfer le plus amer tourment :
Car voyant Dieu, duquel ils sont bannis,
Tant plus est bon, et tant plus sont punys,
Et n'est douleur qui soit tant importable Fol. Wk verso.
Qu'estre privé du seul bien désirable.
Que trouve[s] tu en la prospérité,
En l'orient, en la diversité,
A cette dextre où est toute habundance ?
Tout y est seul en sa belle ordonnance,
Et rien que Tout n'y peulx considérer,
Qu'en chascun lieu veulx et doibz révérer,
Le congnoissant le bien des biens, l'honneur
De tous honneurs, le vray plaisir du cueur,
Vertu par qui porte fleur, fueille et fruict,
Ignoramment l'arbre ; et ung cueur instruict
De ce seul Tout ne fait, ne dit, ne pense
Que ce que veult le Tout, lequel l'avance
Ou le retarde ainsy qu'il détermine.
Quand tous ces biens au vray tu examine,
Tu dis heureux ceulz qui ce Tout congnoissent
Dans les beaultez qui dehors apparoissent,
Et malheureux qui s'arreste a l'externe
Sans passer oultre au Tout qui tout gouverne.
Que trouves tu en l'occident senestre,
En mort, trouvant ennuy depuis la teste
Jusqu'à la fin en guerre et en procès,
En maladie, en injure, en excès,
Prisons, gibetz, lances, canons, espée,
Dont la vie est avant son but couppée ?
290 DKRMKRES POESIES DE MARGUERITE DE NAVARRB
Le Tout en tous qui glorieusement
Les uns punit voire à leur damnement,
Et ses esleuz chastie en amytié,
Ayant tousjours à la fin d'eulx pitié ;
Et qui ce Tout dans les maulx peult comprendre, Fol. 345.
Il luy sera facile de les prendre
Bien doulcement, et qui ne l'y peult veoir
S'en va tumber au fondz du desespoir;
Qui meurt sans Tout en desespoir habunde ;
Qui meurt en Tout n'a point de mort seconde.
O Rien, qui es plain de félicité
En renonçant aux yeulx de cécité,
Voyant des yeulx du Tout et non des tiens,
Au fondz d'enfer, en tous maulx, en tous biens,
Ton seul Tout voys ; mais dy moy plus avant,
Quand tu t'en vas sus les aelles du vent.
Que trouves tu au ciel entre les sainetz?
Tu trouves Tout, duquel ilz sont tous plains,
Tout, qui de tous est la béatitude,
Tout, seul vivant en ceste multitude,
Tout, qui en tous s'ayme par son amour,
Tout, qui se loue en tous et nuict et jour;
Tout, ung seul feu, qui par ses estincelles
Purge, nettoyé et fait apparoir belles,
Sans vice aucun, les lampes attachées
A ce hault ciel, qui ont esté tachées,
Estant çà bas, par péché qui ne taschc
Que de noircir nostre blanc par sa tache.
Mais ce feu chault ayant purgé le verre,
Le séparant de sa boue et sa terre,
Le rend si clair, et net de toute ordure,
Qu'il est luysant encontre sa nature ;
Ce Tout, ce feu, ceste vraye lumière,
En toute lampe et en toute manière,
Reluit si fort en tous les sainctz et sainctes, Fol. 345 verso.
Qui lampes sont sans jamais estre estainctes,
Par ce feu là qui en soy les rassemble
Que feu chacune et non verre ressemble ;
Et plus ce feu çà bas les a polies,
Et plus là hault sont claires et jolies.
Qui plus çà bas de poliment reçoit,
Là hault plus clair le feu s'y apperçoit,
Et tant plus est le verre exténué,
Poly, fourby, en soy diminué,
Plus la beaulté du feu s'y monstre claire,
Et plus ce feu par elles nous esclaire,
Et les vertuz et grâces naturelles
De ce feu là voyt on reluyre en elles ;
Et qui ce feu en elles ne verroit,
Ceste lueur venir d'elles croyroit,
Mais qui congnoist le Tout en tous n'a garde
De se tromper en chose qu'il regarde.
O contant Riens, qui plus Riens t'apperçoys
Et plus le Tout tu congnoys et conçoys.
Las ! que ce Tout plus ardant que nul cierge
Tu as congneu en la benoiste Vierge,
Mère du filz, qui à rien nous a mys
Pour à la fin au Tout estre remis !
O que ce Rien pleut à ceste pucelle
Quand elle dist : « Voicy de Dieu l'ancellc »,
Quand elle dist que sa nichilité,
Son povre Rien, bassesse, humilité,
Son Dieu avoit par pitié regardée,
Et qu'elle estoit par ce regard gardée
De Tord venin du vénéneux serpent, t\,i. 346.
Qui sur tout homme au monde le respand ;
Plus qu'autre femme en son cueur elle avoit
Ce Rien, lequel gardoit et conservoit
En s'unissant à luy de son bon gré,
Et s'abessant jusqu'au plus bas degré
Du povre Rien ; le vray Tout, désireux
De ce Rien là dont il est amoureux.
Pour ce qu'à Rien soubzmyse la trouva,
Dedans son Tout si très hault l'esleva
Qu'on ne scauroit dire au céleste lieu
Si elle est lampe ou si elle est pur feu,
Car si fort est son verre cristalin
Purifïié que le beau feu divin
S'y voit si clair, Tayaut purilïiée,
Que sa lampe est toute déifiée.
Purgée fut par préservation
De tous péchez par tribulation,
Et par la foy en Celluy qu'elle creut,
Dont charité si fort en elle acreul.
Que par son feu monstra la lampe pure
Sans le povoir d'humaine créature,
Dont par sus tous plaine de Dieu reluict
Au lieu où est jour éternel sans nuict.
Diligent Rien regardant ceste lampe,
Où Tout en Rien se voit myeulx qu'en l'estampe,
Je m'esbahy qu'en ce Heu ne t'arrestes,
Maïs je voy bien que ton vol tu aprestes
D'aller plus hault, et que ton vol et course
N'aura repoz jusqu'à ce qu'à la source
Soys arrivé ; or sus, Rien, que dis tu Fol. 346 vcmo.
En aprochant la divine vertu ?
Ne voys tu pas en ung Dieu troys personnes?
Racomptes m'en, mais quoy ? mot tu ne sonnes?
Ne voys tu pas une seulle unité,
Ung tout seul Dieu en une trinité,
Puyssant et saige et bon : ce sont bien trovs,
Mais en ces troys seule deité crovs.
Ne voys tu pas le grant povoir du Père,
Qui tout a fait et qui partout impere?
Ne vois tu pas du Filz la sapience
Par qui avons du Père la science,
Qui triumpher fait nostre humanité ?
Ne voys tu pas l'amour, la charité
Du saint Esprit qui chacun illumine,
Luy déclarant comme il fault qu'il chemine?
Et ces troys là ne sont qu'ung touteslbvs ;
O Rien, ravy où es tu ceste foys?
Amoureux Rien, forte amour te fait fondre.
Tant que ne sens ou ne me veulx respondre !
Ceste clarté te fait en tov tenir
Et en ce Tout pour jamais mainctcnir;
Ce grant esprit et ce feu consummant
Met Rien en Tout, comme au commancement
En Rien avoit mys l'homme et sa puyssance.
Et mainctenant donne à Rien jouyssance
De ce Tout là, qui pour luy s'est courbé
Affin que Rien en luy fust absorbé.
0 puyssant Tout, Elisée prophète,
Qui sur l'enfant, le mort, la chose infecte,
Te fait petit, courbé et à luy joinct, Fol. 347.
Parquoy la mort, où vie n'estoit point,
Receut de toy ce qu'en toy seul estoit ;
Ainsy ce Rien qui nul bien ne congnoist,
Par ce grand Tout, qui pour luy fut petit»
La vie d'en hault, la force et l'appétit *.
0 Rien, en Tout tu es en liberté,
En doulx repoz, en ferme seureté ;
Tu ne craindz plus d'estre mys en prison
Ny des beaultez la fine trahyson ;
Biens et honneurs et plaisirs tu regardes,
Mais avec toy tu as si bonnes gardes
Que leur povoir ne te pourroit toucher,
Pour ce qu'en toy n'y a morceau de chair;
Car cest esprit, dont ta liberté tiens,
T'a délivré de tous charnelz lvens.
Parquoy voyant, parlant, beuvant, mangeant,
Ainsy que ceulx que les sotz vont jugeant
Hommes communs, qui de vie commune
Vivent partout sans en choisir pas une,
Pour au dehors se monstrer plus parfaietz,
Ce nonobstant tu ne portes nul faix
De ce péché qui entre par les sens,
Car tu ne voys, ny goustes, ny ne sens
