Ms. leurs vies et leurs corps mis

Pour louer amis remplis de ceste amour. Qui plus est, Dieu par Amour est soubzmis A tous humains faire ung amoureux tour.

Je ne dis pas que l'homme deshonneste, Fol. 69.

Qui a perdu par fureur la raison

Et n'a désir, sinon que [d']une beste,

Donner au corps tout plaisir à foison,

Que, contre ung tel, Amour, toutte saison,

Ne soit cruel ennemy et contraire,

Et que ses biens ne luy veuille soustraire.,

Luy refusant tout ce qu'il luy demande.

Mais sy du mal au bien se veult retraire,

Je luy pardonne et paye son amande.

Vous qui paignez Amour parfaict et beau,

Rien regarder au vif vous ne scavez :

Il est aveugle et porte ung gros bandeau,

Et ne scay[t] Ton s'il a les yeulx crevez.

Puis ses csles estimer ne dcbvez,

Par lesquelles sa nature légère

Se void assez, et sa cruaulté faire

L'on congnoist bien aux flèches et quarquois.

Trompée au moings ne serez la première

Do celles là qui d'un tel dieu font cas.

Je sçay très bien que l'Amour court et voile, Fol. 69 verso.

Et de l'aimer ne pers * poinct le présage :

C'est le vray poinct où mon cueur se consolle

Qu'Amour parfaict ne congnoist nulle absence ;

Eslongnement, ne le temps, n'ont puissance

De Tesloigncr ou de le randre moindre.

Nul ne le peult rccepvoir ne contraindre

D'estre tousjours joinct et uny très fort

A ce qu'il [n']aime pas ; parquoy aimer sans faindre

Veulx cest Amour trop plus fort que la mort.

Moy [je] ne sens qu'Amour dedans mon cueur, Qui le soubtient par passion sy forte, Moy le vaincu par l'amour du vaincueur; Et pour l'honneur de celluy que je porte, Devez aymer au moings de telle sorte Que vous souffrez de moy estre servie : Si de m'aymer - vous n'avez nulle envye, Voiant en moy Amour que louez tant, En l'honorant, sauvez ma pauvre vie.

Et servant l'un, rendez l'autre contant.