M s. peit. — 2. M s. moymer

Vous me priez que je veulle souffrir Que me servez : ce que je ne puis faire, Car Amour s'est * premier venu offrir A me servir, voire à me satisfaire ; De serviteur, fors luy, je n'ay affaire, Car mon esprit luy seul peult contanter. Vous perdez temps de me cuider tenter De saillir hors de mon cache repos :

Ne me venez service presanter, Qui suis aimée et servie à propos.

Vous demandez que je saulve et conserve Fol. 70.

Vous, vostre vie, en honorant mon dieu :

Ce m'est assez qu'Amour mon c[u]eur préserve

Tant qu'autre amour ny puisse trouver lieu.

De ce dieu là je n'ayme poinct le jeu ;

La simple voix plus plaisante me semble,

Vous et Amour l'un l'autre ne resemblc.

Vous estes deux, et prendre n'en veulx qu'un,

Mais quant tous deux serez venuz ensemble,

Ung seul vouloir sera mis en commun.