Ms. sein
CHANSONS SP1H1TUKLLKS 313
S'il me veult saulver par sa dextre, Fault il en mon bras me fier ?
S'il est mon salut et mon estre, Point n'en fault d'aultre édifier.
S'il est mon seur et seul espoir,
Fault il avoir autre espérance?
S'il est ma force et mon pouvoir,
Fault il prandre ailleurs assurance;
Et s'il est ma persévérance,
Fault il louer ma fermeté,
Et pour une belle apparence,
Fault il laisser la sûreté ?
Si ma vie est en Jesucrist,
La fault il croire en ceste cendre?
S'il m'a donné son saint escript,
Fault il d'aultre doctrine prendre?
Si tel maistre me daigne apprendre,
Fault il à aultre escolle aller?
S'il me faict son vouloir entendre,
Fault il par craincte le celler?
Si Dieu me donne son enfant,
Fault il craindre à l'apeller Père?
Si le inonde me le défend,
Fault il qu'à son mal je tempère ?
Si son esprit en moy opère, \^
Fault il son ouvraige estimer ?
Non, mais Dieu, qui partout imperc,
Fault en tout veoir, craindre et aymer.
AUTRE SUR LE CHANT : « AVEZ POINCT VEU LA PERONNELLE f »
Avés poinct veu la malheureuse, Fol. 72.
Que tous ennuis * viennent chercher, Qui de nul bien n'est désireuse, Et ne veult de joye approcher?
Ne la cherchez poinct en la plaine 2 De propre délectation ; Elle s'en va sur3 la montaignc De toutte tribulation ;
Où n'a ny homme, ny femme, Qui veulle ce lieu habiter; Mais elle fuit tout ce qu'elle ayme, Pour en ce lieu sainct hériter.
Le rossignol, ny la callandre, L'estourneau, la pie et le jay Ne font poinct là leur chant entendre, Ne aussy le doux papegay.
Le cha[t] huan, oyseau nocturne, L'orfraye 4 et aussy le corbeau Prédisent5 la malle fortune A tout passant viel et nouveau.
1. Ms. ennemis. — 2. Ms. penne. — 3. Ms. en. — 4. Ms. La freyaye. — 5. Ms. prédisant.
CHANSONS SPUUTUELLKS 315
Et en lieu de doulce musique Sont reynes et chauves souris, Et à son pleur mélancolique Prent plus de plaisir qu'en son ris
En ceste montaigne ne va vache Beuf, brebis, chèvre, ne mouton, Mais l'animal qui l'homme fâche Repare aumônier, ce dict on.
La serpente et verte lesarde, Escorpions et gros crapaulx, De ceste montaigne ont la garde Pour faire aux passans mille maulx.
Arbre n'y a, herbe ou verdure,
Ni belle fleur, ny nul bon fruict,
L'iver sans controuver y dure,
Le printemps du chault est prescript.
Il n'y croit ni poire ny pomme, Ny chose qu'on puisse manger, Sinon tout ce qui nuict à l'homme, Dont elle n'a peur ne danger.
Car ne trouvant ça bas pasturc, En voyant que tout luy default, Joieusement elle l'endure, Espérant la manne d'en hault ;
Ainsy que bonne pellerine, En croiant ce qui est promis,
D'Egipte n'emporte farine, Ny sac où nul vivre soit mis.
Le plaisir du fol et du saige, C'est de trouver à qui parler :
Mais il * n'a en ce lieu sauvaige, A qui se puisse déclarer.
Il n'y a arbre ny racine, Pour faire table ny eschetz ; Et cy sont la roche et l'espine Trop tortes pour faire jonchetz.
Des ouvraiges qui donnent joye, On n'en trouveroit2 tout un seul ; Il n'y croit ny fil d'or3, ny soye, Ny couton pour faire ung linceul.
Il n'y a temple ny esglise, Paincture vive ny tableau, Ny riens qui l'œil charnel ravis[s]e De contempler le bon et beau.
Elle n'espargnc pas ses plantes De marcher sur rocs 4 eslevez, Sur chardons et roses piquantes.
Car ce sont tous tappis vellus.
Là ne croist papier, encre ou plume, Pour escripre ce qu'elle veult,
1. Ms. qui. — 2. M», trouva. — 3. M s. fidor. — '*. Ms. rocher.
Ny livre, livret ny volume ; Toutesfois elle ne s'en deult.
Tout le passetemps et la joye Que le monde a sceu inventer, Elle n'en voyt rien en sa voye, Car nul ne s'y veult présenter.
Chose ne void en ceste terre, Qui plaise à son eul ny son c[u]eur, Mais perdre veult en ceste guerre, Pour rendre autruy contant vainc[u]eur.
Elle ne parle, ny n'escoutte, Car ne se tay * qui parle peu, Et pour ce qu'elle ne void goutte, S'esjouit là où pleurer deust.
Ainsy de roc en roc s'arappe, Prenant repos à travailler, Et ne luy chault qui tue ou frappe; Rien ne la faict esmarveiller.
Sa pensée2 seulle demeure Avec elle en tout labeur, Souvent en l'entreprenant pleure, Et puis rid, aymant sa douleur :
Mais sy Dieu tout bon la dellaissc En ce rocher plus dur que fer, Tristesse, qui son cueur abaisse, Le mènera jusqu'en enfer.
