Ms. Car nul ne se tay. — 2. Ms. Se pense

Mais par sa très s[e]ure promesse Donne à son cueur la seureté Qu'il est avec elle en tristesse, Et que tousjours y a esté.

Par foy elle reçoit la grâce

En celuy là qui la soubtient,

Et par foy elle voy la face

De l'amy dont tout bien luy vient.

Plaisante luy est la souffrance, Veu qu'en sa tribulation Est son amy et la souffrance Dont elle a la fruition.

En luy retrouve père et mère, Enfans, cousins, parens, amis, Parfaict amy, mary et frère, Dont en soy seul son cueur a mis.

Toutte la terre et sa verdure Elle retrouve en luy par foy ; Dans1 le facteur void la facture De touttes choses et de sov.

Parquoy estant de Dieu remplie, Ne treuve plus que souhaitter :

En luy sa joye est accomplye, Là elle se veult arrester.