Ms. Dedans

Elle ayme sa mélancolie Et ne refuze nul tourment, Puisqu'Amour par doulceur la lye A son vray et parlaict amant.

En luy trouve telle armonie,

Que d'homme et d'oyseaux fuit les chants J ;

Du monde veult estre bannie,

Pour estre avec luy seule aux champs.

Viande de ça bas ne regrette, Mais en desprise la saveur.

Car elle a la manne secrette, Qui d'amour accroist la ferveur.

Et parmy les bestes cruelles Elle vit, sans point les ouïr2; En son amy toutes sont belles, Puisqu'elle peut de luy jouyr.

Bref, il n'y a homme ni beste, De gracieux ny 3 cruel cueur, Ny bien fâcheuse ny honneste4, Dont elle ayt désir ny paine.

Car eslevant au ciel la teste En contemplant leur créature, De l'ouvraige elle faict la feste, Puisqu'il donne gloire future 5.

i. Que d'hommes et d'oyseaux fut les chnns. — 2. Mb. jouir. — 3. Ms. nul. — 4. Ces épithètes se rapportent au mot beste. — 5. Ms. gloire au futur. Le texte de cette strophe a été évidemment altéré.

320 DERNIÈRES POÉSIES DE MARGUERITE DK NAVAItMB

Elle ne sent travail ny peine, Elle court à mont et à val, Car de son amy est si pleine Qu'elle [ne peut] sentir son mal.

La desconfortée conforte,

Et luy rend plaisans ses ennuys ;

Voire resucite la morte,

Tourne en glorieux jours les nuis *.

Il la remplit2 d'amour naïfve, Il est sa force et son appuy, Parquoy, moins en soy elle est vive, Plus elle s'en retourne en luy.

Or, puis doncques qu'il vit en elle, Elle ne peult craindre la mort, Mais en luy la trouve si belle, Qu'elle l'a[t]tend comme ung seul port.

Or est la malheureuse, heureuse, Et son malheur, faict très heureux, Puisqu'elle [est] parfaicte amoureuse De son trespas faict amoureulx.