Ms. lentree. — 2. Ms. enlumer
0 bergère, ma mye,
Je ne vis que d'amours ;
Vray amour est ma vie,
Qui d'aymer me convie.
Parquoy je n'ay envie
Que sans cesser l'ayme tousjours.
O bergère, ma mye,
Je ne vis que d'amours.
Amour est ma fiance,
Repoz de conscience,
Ma force et passience,
Ma foy, mon espoir, mon secours,
O bergère, ma mye,
Je ne vis que d'amours.
Amour est ma victoire, Mon honneur et ma gloire, Qui me faict son histoire [Suivre] par plaisir tous les jours.
O bergère, etc.
Amour a telle grâce, Qu'a contempler sa face Jamais n'en serois lasse, Mais y treuve les ans trop cours.
O bergère, etc.
Fol. 77.
Amour tant me contente Qu'en luy gist mon attente.
Sa main est si puissante Qu'ailleurs je n'en vois a recours.
0 bergère, etc.
Amour a soy m'attire, Me faict pleurer et rire, Me brusle et me martire.
Las ! il me faict d'estranges tours.
0 bergère, etc.
Amour se mect en fuitte, Me tirant a sa suitte, Où je faictz ma poursuicte, Les bras tenduz a luy je cours.
0 bergère, etc.
Amour, pour mieulx me prendre, En mes braz se vient rendre ; Alors fuy après me prendre Ses saiges et plaisans destours.
0 bergère, etc.
Ma joye non pareille De chanter m'apareille ; Je crie a toute aureille :
« Aymez amours ou soyez sourdz. »
O bergère, etc.
Bergères gracieuses, Soyez donc amoureuses
D'Amour, et plus heureuses Serez que roynes en leurs cours.
0 bergère, etc.
Seigneur, je suis la mignonne D'un que je ne puis nommer, Mais par sa grâce tant bonne Se peult cognoistre et aymer :
Seulement n'est beau de face, Mais est la seulle Beauté, Et vault mieulx sa bonne grâce Qu'empire ny royaulté ; Sa doulceur est si très grande Et sa libéralité,
Que tout ce qu'on luy demande Donne par bénignité.
Il est d'amour seur et ferme, Sans faillir à ses amvs, Et ne sort jamais du terme D'amour pour ses ennemys ; Car voluntiers il pardonne A qui Toffence plus fort, Et par amour s'habandonne A ceux qui lui tiennent tort.
Seigneur, etc.
Fol. 78 verso.
Il possède la richesse
D'un indicible trésor;
Il le despend en largesse,
N'espargnant argent ny or.
11 est filz d'un très grand prince
Et de fort bonne maison,
Et gouverne sa province
En justice, par raison.
Seigneur, etc.
A tous peult tenir escolle De vertu et bon scavoir ; Qui escoutte sa parolle, De le suvvre faict devoir :
Son parler est si très saige Si prudent et gracieux, Qu'il donne a chacun couraige De l'escoutter en tous lieux Seigneur, etc.
Il n'en est point à la guerre De plus hardy ne plus fort.
Et la fouldre du tonnerre Ne faict pas plus grant effort, Car il n'est point de mémoire Qu'ennemy ayt combattu.
Dont il n'avt eu la victoire, L'ayant par mort abattu.
Seigneur, etc.
CHANSONS SPIIUTUKLLKS
Il n'y a si forte place Qu'il ifose bien assaillir.
Et la prent quoy qu'elle face ; L'on ne luy voit point faillir :
Celle dont il prent la garde Peult bien dormir seurement, Car de la rendre il n'a garde, Mais la deflend va[i]llamment.
Seigneur, etc.
De l'honneur de sa conqueste Nul n'en sçauroit approcher; Jusques au bout a faict la queste Qui luy a cousté bien cher.
Mais plus grande est l'entreprise, Et plus il a mérité D'avoir l'honneur que l'on prise Par dessus tous en vérité.
Seigneur, etc.
Si aux ennemys est rude En les destruisant trestous, Moins il ne mect son estude * D'estre a ses amys fort doux.
Envers eulx il s'humilie Et les veult du tout servir; Jamais n'a melencolye Qui le peult veoir et servir.
Seigneur, etc.
