Ms. mest soin, estude
328 DEUXIÈMES POÉSIBS DE MARCUEItITE DE NAVARRE
Il est joieux a toute heure Et ne veut nul ennuyer, Mais s'il void que quelqu'un pleure, Ses larmes vient essuyer; Puis de sa voix reconforte Par ung chant de tel accord Qu'il faict la personne morte Saillir des mains de la mort.
Seigneur, etc.
L'amye, qui est navrée De son très plaisant regard, D'autre amour est délivrée, Ne prenant plus d'autre esgard Qu'à l'œil qui d'aimer la tente, Et peult son mal appaiser ; Mais elle est bien plus contente Quant sa bouche peult baiser.
Seigneur, etc.
Car le baiser de sa bouche [Et] le regard de son œil Jusques au fond du cueur touche, Dont il chasse ennuy et dueil.
En joye et plaisir excedde Le plaisir de ceste là Qui le bon et beau possedde :
Nul ne le sçet qui ne Ta.
Seigneur, etc.
Tel est [l']amy [si] aimable Duquel aymé[e] je suys.
Tel esl [l']amy désirable Qu'assez louer [je] ne puis.
Toute beaulté, sens, noblesse, Doulceur, largesse et honneur, Amour, force et hardiesse, Sont logées dans son cueur.
Seigneur, etc.
De toutes vertuz est maistre, Et si n'a point de pareil ; Aussi fort est il congnoistre Qu'à regarder le soleil.
Amour est sa congnoissance, Parquoy quant vous aymer[i]ez Parfaicteinent, sans doubtancc Mon amy vous n'auriez.
Seigneur, etc.
Si l'amour vayne et nuysante Est en ung cueur si plaisante Qu'il ne s'en peult abstenir, La vertueuse et duysante Dcbvroit bien cher la tenir.
Fol. 80 verso.
Dont vient qiTafection folle Sçet si bien jouer son rolle, Que d'un diable faict ung dieu Qui tousjours aveugle voile, Sans s'arrester en nul lieu.
L'amitié qui est estable.
Ferme, seure et véritable, Sans dommaige ne danger.
Mais utile et profitable.
Nul cueur ne la veult loger.
La responce est véritable :
Chacun avme son semblable Et a luy se veult ranger :
Dieu ferme au cueur immuable, Dieu voilant au cueur legier.
Celluy qui a congnoissance D'Amour et de sa naissance Sçet lequel on doibt choisir.
Où gist sçavoir et puissance, Félicité et plaisir ;
Mais l'homme qui ne void goutte, Qui de la vérité doubte, Partant chemine à cloz veulx, Quant à la fosse se boutte Dict qu'il ne peult estre mieulx.
CHANSONS S1MIUIUKLLES
La nuict luy semble lumière.
Et si paint en sa bannière La fol lie de son cueur, Préférant sa chambrière A la maistresse d'honneur.
Sa volunté il adore Et son amour il honore, Disant que le mal est bien.
Las ! cest pouvre qui ignore Que Dieu faict tout et luy rien.
