CHAPITRE II. JEANNE D'ABC ET SES TEMOINS. S

et tenues les eavres et deux manières dessusdites : c'est assavoir probacion , par prudence humaine et par oroison , en demandant signe de Dieu.

n Quant à la première qui est par prudence humaine , il a Faict esprouver ladicte Pucelle de sa vie, de sa naissance, de ses meurs, de son entencion, et l'a faict gai*der avec luy bien par l'espace de six sepmaines, à toutes gens la desmonirée, soyenl clercs, gens d'Eglise, gens de devocion, gens d'armes, femmes, veufves et autres. Et publiquement et secrettement elle a conversé avec toutes gens : mais en elle on ne trouve point de mal , fors que bien , humilité , virginité, devocion, honnesteté, simplesse; et de sa naissance et de sa vie, plusieurs choses merveilleuses sont dictes comme vrayes.

V Quant à la seconde manière de probacion , le Roy luy demanda signe, auquel elle respont : « Que devant la ville d^Orléans elle le monstrera et non par ne en autre lieu : car ainsi luy est ordonné, de par Dieu. »

» Le Boy, attendu la probacion faicte de ladicte Pucelle en tant que luy est possible, et nul mal ne treuve en elle , et considérée sa responce , qui est de démonstrer signe divin devant Orléans : veue sa constance et sa persévérance en son propos, et ses requestes instantes d'aler à Orléans pour y monstrer signe de divin secours, ne la doit point empescher dealer à Orléans avec ses gens d'armes, mais la doit faire conduire honnestement en spérant en Dieu. Car la douter ou deiaissier sans apparance de mal, seroit répugner au Sainct- Esperit et se rendre indigne de l'aide de Dieu , comme dist Gamaliel eu ung conseil des Juifs au regart des Apostres. »