CHAPITRE IT. JEANNE D*ARC ET SES TÉMOINS

2* Récit de l' auteur anonyme du livre intitule' : u le Miroir des femmes vertueuses. »

« Jehanne la Pucelle fut examinée et bien amplement interroguée par le conseil du Boy, auquel elle dit et déclara les advisions et aparitions qui advenues luy avoyent çsté, sans aulcunement leur révéler ce qu'elle avoità dire au Roy. Et fut gardée par aulcuns jours, et cliascun jour elle estoit interroguée de plusieurs interrogations divines et humaines ; mais finablemeot on la trouva si constante et si bien moriginée, qu'il fut advisé qu'on la feroit parler au Roy; si fut amenée en une salle ou le Roy estoit. Lequel elle congneut et aperceut entre les aultres seigneurs qui là estoient , combien qu'on luy cuidast faire entendre que quelque aultre de la compaignie estoit le Roy; mais elle disoit que non et monstra le Roy au doyt,* disant que c' estoit à luy qu'elle avoit à faire et non à aultre : dont tous ceulx qui là estoyent furent esmer veillez.

» Quant Jehanne la Pucelle eut apperceu le Roy, elle se approcha de luy, et luy dist : « Noble seigneur, Dieu le » Créateur m'a faict commander par la Vierge Marie, sa » mère, et par madame saincte Katherine et madame saincte 1) Agnès, ainsi que j'estoys aux champs gardant les aygneaulx V de mon père, que je laissasse tout là et que en diligence « je me retirasse par devers vous pour vous reveller les » moyens par lesquelz vous parviendrés à estre roy couv ronné de la couronne de France, et mettrez vos adver- » saires hors de vostre rovaulme. Et m'a esté commandé de » Nostre Seigneur que aultre personne que vous ne sache ce » que je vous ay à dire. »

» Et quant elle eut ce dit et remonstré, le Roy fist reculer au loing au bas d'icelle salle ceulx qui y estoyent à l'autre bout où il estoit assis, fist approcher la Pucelle de luy. Laquelle par l'espace d'ugne heure parla au Roy, sans que

294 PROLEGOMENES.

aultre personne que eulx deux sceut ce qu'elle luy disoit. Et le Roy larmoyoit moult tendrement : dont ses chambellans qui veoyent sa contenance, se voudrent approcher pobr rompre le propos; mais le Roy leur faisoit signe qu'ilz se reculassent et la laissassent dire. Quelles parolles ilz eurent ensemble, personne n'en a peu riens sçavoir ne congnoistre, si non que on dit que, après que la Pucelle fut morte, le Roy, qui moult dolent en fut, dist et révéla à quelqu'ung que elle luy avoit dit comment peu de jours paravant qu'elle venist à luy, luy estant par une nuyct couché au lict alors que tous ceulx de sa chambre estoyent endormis, il silogisoit en sa pensée les grans affaires où il estoit; et comme tout hors d'espérance du secours des hommes, se leva de son lict en sa chemise, et à costé de son lict, hors icelluv, se

mist à nudz genoulx et les larmes aux yeulx et les mains joincles, comme soy reputant nnserable pécheur, indigne de adresser sa prière à Dieu, suplia à sa glorieuse Mère qui est Roy ne de miséricorde et consolation des désolez, que, 's'il estoit vray filz du roy de France et héritier de sa couronne , il pleust k la Dame suplier son filz que il luy donnast ayde et secours contre ses ennemys mortelz et adversaires, en manière que il les peust chasser hors de son royaulme et icelluy gouverner en paix; et s'il n'estoit filz du Roy et le royaulme ne luy appartenist, que le bon plaisir de Dieu fut luy donner patience et quelques possessions temporelles pour vivre honnorablement en ce monde. Et dit le Roy que à ces parolles que portées luy furent par la Pucelle, il congneul bien que véritablement Dieu avoit révélé ce mistère à ceste jeune pucelle; car ce qu'elle luy avoit dict estoit vray. Et jamais homme aultre que le Roy n'en avoit riens sceu. »

3" Récit de Vabréviateur du procès :

a Combien que es croniques que j'ai veues ne soit feict mention d'une chose que, longtemps a, j'oys dire et révéler,