CHAPITRE II. JEANNE D*ARC ET SES TÉMOINS

non pas en une fois seulement, mais plusieurs, à g^rans personnages de France, qui disoient l'avoir veu en cronique bien autentique; laquelle chose rédigée par escript dès lors, tant pour l'autorité et réputation de celui qui la disoit que pour ce qu'il me sembla que cbose estoit digne de mémoire, je l'ay bien voulu ici mectre par escvipt.

1» C'est que, après que le Roy eust ouy ladicte Pucelle, il fut conseillé par son confesseur ou autres de parler en secret et luy demander en secret s'il pourroit croire certainement que Dieu l'avoit envoyée devers luy, aflSn qu'il se peust mieulx fier à elle , et adjouster foy en ses parolles : ce que ledit seigneur fist. A quoy elle respondit : « Sire, si je vous » dis des choses si secrettes qu'il n'y a que Dieu et vous qui » les saches, croirez vous bien que je suis envoyée de par » Dieu? » Le Roy respond que la Pucelle luy demande. « Sire, » n'avez vous pas bien mémoire que le jour de la Toussaint » dernière, vous estant en la chapelle du château de Loches, » en vostre oratoire, tout seul, vous feistes trois requestes à » Dieu? » Le Roy respondit qu'il estoit bien mémoratif de luy avoir fait aucunes requestes. Et alors la Pucelle luy demanda se jamais il avoit dict et révélé lesdictes requestes à son confesseur ne à autres. Le Roy dist que non. « Et se » je vous dis les trois requestes que luy feistes , croirez vous » bien en mes paroles? » Le Roy respondit que ouy. Adonc la Pucelle luy dist: « Sire, la première requeste que vous » feistes à Dieu fut que vous priastes que, se vous n'estiez » vray héritier du royaulme de France, que ce fustson plaisir ». vous oster le courage de le poursuivre affin que vous ne » fussiez plus cause de faire et soustenir la guerre dont pro- » cède tant de maulx, pour recouver ledit royaulme. La » seconde fiit que vous luy priastes que, se les grans adver- » sitez et tribulations que le pouvre peuple de France souf- » froit et avoit souffert si longtemps , procédoient de vôstre » péché et que vous en fussiez cause : que ce fust son plaisir » en relever le peuple , et que vous seul en fussiez pugny et » portassiez la pénitence , soit par mort ou autre telle peine

296 PROLEGOMENES.

» qu'il luy plairoit. La tierce fut que, se le péché du peuple » estoit cause desdictes adversitez, que ce fust son plaisir )) pardonner audit peuple et appaiser son ire, et mectre le » royaulme hors des tribulations es quelles il estoit, ja avoit » douze ans et plus. » Le Roy congnoissant qu'elle disoit vérité, adjousta foy en* ses paroles et creut qu'elle estoit venue de par Dieu, et eut gitind espérance qu'elle luy ayderoit à recouvrer son royaulme ; et se délibéra soy ayder d'elle, et croire son conseil en toutes ses affaires.