CHAPITRE III. DOCUMENTS SUR JEANNE D'ARC

de Trêves et s'en alla au chastel avec luy mon oncle pour signifier au Roy que j'estois venu et pour scavoir quand luy plairoit que je allasse devers luy. Et je eus réponse que je y allasse sitost qu il me plairoit ; et me fit le Roy très bonne chère et me dit moult de bonnes paroles. Et quand il estoit allé par la chambre avec aulcun aultre , il se retournoit chacune fois devers moy pour me mettre en paroles d'aulcunes choses et disoit que j'estois venu au besoing sens mander et qu'il m'en scavoit meilleur gré. Et quand je luy disois que je n'avois pas amené telle compaignie que je desirois, il répondoit qu'il suffisoit bien de ce que j'avois amené et que j'avois

bien pouvoir d'en recouvrer greigneur nombre

» Et le lundy (6 juin) me party d'avec le Roy pour venir à Selles en Berry à quatre lieues de Sainct-Aignan , et feit le Roy venir au devant de luy la Pucelle qui estoit de paravant à Selles. Disoient aulcuns que ce avoit esté en ma faveur pour, ce que je la veisse ; et fit ladite Pucelle très bonne chère à mon frère et à moy, armée de touttes pièces sauf la teste et tenant la lance en main. Et après que feusmes descendus à Selles, j'allay à son logis la voir; et fit venir le vin et me dit qu'elle m'en feroit bientost boire à Paris ; et semble chose toutte divine de son faict et de la voir et de l'ouïr. Et s'est partie ce lundy (6 juin) aux vespres de Selles pour aller à Romorantin à trois lieues en allant avant et approchant des advenues, le mareschal de Boussac et grant nombre de gens armés et de la commune avec elle ; et la veis monter à cheval armée tout en blanc sauf la teste, unne petite hache en sa main sur un grand coursier noir qui à huis de son logis se demenoit très fort et ne souifroit qu'elle montast ; et lors elle dit : « Menés-le à la croix » qui estoit devant l'église auprès, au chemin. Et lors elle monta sans ce qu'il se meust, comme s'il fust lié. Et lors se tourna vers l'huis de l'église qui estoit bien prochain, et dit en assés voix de femme : « Vous, les prestres et gens d'Eglise, faites procession et prières à Dieu. » Et lors se retourna à son chemin , en disant : « Tirés avant, tirés avant » , son étendard ployé que

portait un {][racieux paig^e et avoit sa hache petite en la main. Et un sien frère qui est venu depuis huit jours, partoitaussy

avec elle, tont armé en blanc — Et arriva ce lundy

à Selles monseigneur le duc d'Alencon qui ha très grosse compagnie et ay aujourdhuy gagné de luy à la pauline une

convenance Et dict Ten icy que monseigneur le cou-

nestable vient avec six cents hommes d'armes et quatre cents hommes de traict et que Jean de la Roche y vient aussy et que le Roy n'eut piéça si grande compagnie que on espère estre icy ; ne oncques gens n'allèrent de meilleure volonté en besongne que ils vont a ceste. Et doit ce jourd'huy icy arriver mon cousin de Rais et croist ma compagnie; et quoy que ce soit ce quMl y a est bien honneste et d'appareil, et y est le seigneur d'Argenton l'un des principaux gouverneurs qui m'a fait bien bon accueil et bonne chère ; mais de l'argent n'y en a-il point à la Cour que si estroitement que pour le tenops présent je n'y espère aucune rescousse ni soustenue. Pour ce, vous madame ma mère qui avez mon sceau , n'espargniés point ma terre par vente ne par engage ou ad visez plus convenable affaire ; là où nos personnes sont a estre sauvés ou aussy par defiault abbaissés et par adventure en voie de périr : car si nous ne fasismes ainsy, où qu'il

n'y a point de soulde^ nous demeurerons tous seuls

Cèjourd'huy (8 juin) monseigneur d'Alencon , le Bastard d'Orléans et Gaucourdoivent partir de ce lieu de SeUes et aller après la Pucelle. Et avés fait bailler je ne scay quelles lettres à mon cousin de la Trimoille et seigneur de Trêves par occasion desquelles le Roy s'efforce de me vouloir retenir avecqùes luy jusques à ce que la Pucelle ait esté devant les places anglesches d'environ Orléans où l'on va mettre le siège et est déjà l'artillerie poun^eue ; et ne s'esmaye point la Pucelle qu'elle ne soit tantost avec le Roy disant que lorsqu'il prendra son chemin à tirer avant vers Reims que je irois avec luy ; jà Dieu veuille que je le face et que je le aille. Et autant en dit à mon frère, et comme monseigneur d'Alencon, et que abandonné seroit celuy qui demeureroit. Et pense que le Roy