CHAPITRE ni. DOCUMENTS SUR JEANINE D'ARC

partira ce jeudy d'icy (9 juin) pour s'y approcher plus près de l'ost. Et viennent g^ens de touttes parts chacun jour. Après , vous ferez scavoir sitost qu'on aura aucune chose besoignëe, ce qui aura esté exécuté. Et espère Ton que, avant qu'il soit dix jours , la chose soit bien advencée de costé ou d'aultre. Mais tous ont si bonne espérance en Dieu, que je croy qu'il nous aydera. — Mes très redoutées dames et mères, nous recommandons, mon frère et moy, à vous le plus humblement que pouvons et vous envoyé des blancs si(jnés de ma main , affin , si bon vous semble, du datte de ceste présente, escrire aucune chose du contenu cy-dedans à monseigneur le Duc que luy en escrivés ; car 'je ne luy escripts oncques puis ; et vous plaise aussy sommairement nous escrire de vos nouvelles ; et vous , madame ma mère, en quelle santé vous vous trouvés après les médecines qu'avés prises, car j'en suis à très grand malaise. Et vous envoie dessus ces présentes, minute de mon testament afin que vous mes mères m'advertissés et escrivés par les prochainement venans de ce que bon vous semblera que y adjouste, et y pense encore de moy y adjouter entre deux ; mais je n'ay encore eu que peu de loisir

» Escript à Selles, ce mercredy huictième de juing.

» Et ce vespres sont arrivés icy monseigneur de Vendosme, monseigneur de Boussac et aultres. La Hire s'est approché de l'ost et aussy on besongnera bientost. Dieu veille que ce soit à nostre désir !

» Vos humbles fils, Guy et André de Laval. »

2®7ean Chartier, moine de Saint-Denis, chroniqueur en titre des Rois de France. {Extrait de sa Chronique»)

Au commencement du mois de juing, le rov Charles de France fist une grant armée par l'admonestement de ladiUe Pucelle, laquelle dtsoit que c'estoit la vouleuté de Dieu que

302 PROLEGOMENES.

le roy Charles alast à Rayns pour illec estre sacrez et couronnez. Et quelques difficultez ou doubtes que feist ledit Roy ou son conseil, il Fut conclud par Tadmonnestement d'icelle Jehanne , que ledit Roy manderoit ce qu'il pouroit de gens pour aler et prendre le voïage de son couronnement à Rains, combien que y celle ville de Rains fust tenue en Fobeissance des Anglois et toutes les villes et fortresses de Picardie, de Ghampaigne, l'Isle de France, Brie, Gastinois, TÂucerrois, Bourgongne et générallement tout le païs de Loire. Et avoit en la compaignie du Roy de France, le duc d' Alençon, le duc de Bourbon, le conte de Vendosme, Jehanne la Pucelle, le sire de Laval, le sire de la TrimoUe, le sire de Raiz, le sire de la Breth, le sire de Loehac, frère du sire de Laval, et pluiseurs aultres grans seigneurs et capitaines ; et venoient gens d'armes de toutes pars au service du Roy. Et avoient chascun grant attente que par le moien d'ycelle Jehanne la Pucelle, on eust beaucop de biens. ou royaulme de France: laquelle on convoittoit et desiroit on à congnoistre ses fais, comme chose venue de par Dieu. Et chevaulchoit toujours armée en habillement de guerre, ainsy qu'estoientles aultres gens de guerre de la compaignie ; et parloit aussy prudamment de la guerre, compte cappitaine sçavoit faire. Et quant le cas advenoit qu'il y avoit en l'ost aulcun cry ou efFroy de gens darmes, elle venoit, fust à pie ou à cheval, aussy vaillamment comme capitaine de la compaignie eust sceu faire, en donnant cueur et hardement à tous les aultres , en les admonestant de faire bon guet et garde en Tost, ainsy que par raison on doit faire. Et en toutes les aultres choses estoit bien simple personne, et estoit de belle vie et honneste ; et se confessoit bien souvent et recepvoit le corps de Nostre Seigneur presques toutes les semaines une fois. Et tousjours estoit, armée ou aultrement, en habit d'homme, et disoit-on que c'estoit trop estrange chose à veoir une femme chevaulchieren telle compagnie ; et tant d' aultres raisons disoit-[on] qu'il n'y avoit docteur, clerc ni aultre personne qui de sod fait ne fust emerveillié.