CHAPITRE III. DOCUMENTS SUR JEANNE D'ARC
» Et pour ceste heure, estoitle sire de la TrimoUe avec le Boy de France, et disoit-on qu'il avoit fort entreprins le gouvernement du Roy et du royaulme de France ; et pour celle cause garant question et débat s'esmeuit entre ycellui sire de la Trimolle et le conte de Richemont, connestable de France ; pourquoy il faillit que ledit connestable de France, qui avoit bien en sa compaignie douze cens combatans, s'en retoumast. Et aussy firent plusieurs aultres seigneurs et capitaines, desquelz ledit sire de la Trimolle se doubtoit. Dont ce fut très grant dommaige pour le Roy et son royaulme. Et par le moïen d'icelle Jehanne la Pucelle venoient tant de gens de toutes pars devers le Roy pour le servir à leur despens, que on disoit que ycellui de la TrimoUe et aultres du conseil du Roy en estoient bien courrouchiez que tant y en venoit, pour le doubte de leur personne. Et disoient pluiseurs que se ledit sire de la Trimolle et aultres du conseil du Roy eussent voulu recueillir tous ceulx qui venoient au service du Roy, qu'ilz eussent peu legierement recouvrer tout ce que les Ânglois tenoient 6u royaulme de France. Et n'osoit-on parler pour celle heure contre ledit sire de la Trimolle , combien que chascun veoit clèrement que la faulte venoit de lui »
S** Percevml de Cagny. [Extrait de la Chronique
des ducs d'Alençon.)
tt
Après la prinse des bastilles devant la ville d'Orlëens, la Pucelle dist au Roy, aux seigneurs et à tout son conseil, que il estoit temps que il fust prest de soy mettre au chemin de son couronnement à Rains. Son conseil sembla très dur à exécuter à touz ceulx que en ouyrent parler, et disoient que, veue la puissance des Englois et Bourgoignons , ennemys du Boy, et considéré que le Roy n'avoit pas grans finances pour souldoyer son armée , il luy estoit impossible de parfaire le chemin. La Pucelle dist : « Par mon martin, je conduiray » le gentil roy Charles et sa compaignie jusques audit lieu de
» Rains seurement et sans destourbier, et là le verre cou- » ronner. » Après ces parolles et ce qu'elle a voit fait de ravitaillier la ville d'Orléens et levé les bastilles de devant, nul ne osa contredire. Et mist le Roy ung jour auquel il seroit à Gien sur Laire. La Pucelle qui tousjours avait Tueil et sa pensée aux affeires du duc d'Orleens, parla à son beau duc d' Alençon et lui dist que , en tandiz que le Roy se apresteroit et que il metroit à faire son chemin à aler audit lieu de Gien , elle vouloit aler délivrer la place de Gergueau qui faisoit et donnoit de grans charges à la ville d^Orléens. Incontinent le duc d'Alençon fist scavoir aux mareschaulx de Boussac et de Rais, au Bastart d'Orléens, à la Hire et autres cappitaines « que eulx et leurs gens fussent à certain jour à ung village, prés Romorantin en Salloigne.
» L'assaut de Gergeau. Le samedi xi* jour du mois de juitig, environ deux heures après disner, le duc d'Alençon, la Pucelle, le conte de Vendosme et les autres cappitaines, en compaignie de ii. à m. mille combatans et autant de gem de commun ou plus , vindrent assegier la ville de Gergueau en laquelle estoient le conte de SufFord , deux de ses frères et de VII. à vni'' Englois. A l'arrivée, les gens de commun, à qui il estoit advis que à l'entreprinse de la Pucelle riens ne povoit tenir, saillirent es fossez sans sa présence et sans les gens d'armes qui entendoyent à eulx logier. Il eu y eut de bien batuz et s'enrevindrent. La chose demeura pour le jour en cet estât. La nuit, la Pucelle parla à ceulx de dedeD> et leur dit : « Rendez la place au Roy du ciel et au gentik » roy Charles, et vous en alez, ou autrement il vous mes- » chera. » Hz ne tindrent compte de choses qu'elle lear dist. La nuit, les bombardes et cagnons furent assis, et le dimenche venu , environ ix. heures au matin , la Pucelle et le duc d'Alençon firent sonner les trompilles pour venir à l'assaut. La Pucelle print son estendart ouquel estoit empainluré Dieu en sa majesté , et de l'austre costé l'image de Nostre-Dame et ung escu de France tenu par deux anges.
