TOME I

de Rains audit lieu de Dammartin-en-Gouelle, la Pacelle fist moult de dillîgences de réduire et mètre plusieurs places en Tobéissance du Roy. Et aiussifut; car plusieurs furent par elle faictes françoises.

» Le dimenche xmi* jour du mois d'aoust, la Pucelle, le duc d'Alençon, le conte de Yendosme, les mareschaulx et autres cappitaines acompaigniez de vi. à vn. mil combatans , furent à Feure de vespres logiës à une haye aux champs près Montpillouer, environ deux lieues prés la cité de Sentis. Le duc de Bethford, les capitaines Englois acompaigniez de vm. à ix. mille Englois estoient logiez à demye lieue près de Senlis, entre noz gens et laditte ville, sur une petite rivière, en ung village nommé (Nostre Dame) de la Victoire. Geluy.vespre noz gens alèrent escharmouchier avecques les Englois près de leur logis, et à icelle escharmouche furent des gens prins d'ung costé et d'autre, et y fut mort du costé des Englois le capitaine d'Orbec et x. ou xn. autres, et des gens bleciez d'un costé et d^ autre. La nuit vint, chascun se retrait en son logis.

» Le lundi xv* jour du mois d'aoust, la Pucelle, le duc d'Alençon et la compaignie cuidans ce jour avoir la bataille, touz ceulx de la compaignie , chacun en droit soy, se mist ou milleur estât de sa conscience que faire se peut , et après ce, à cheval. Et vindrent mettre leur bataille près de la bataille des Englois, qui ne se estoient bougés de leur logis ou ilz avoient geu. Et toute la nuit se fortifEèrent de paulx, de fossez et de leur charrey au devant d'eulx ; et la rivière les fortifiet par derrière. Tousjours avoit de grans escharmouches entre les ungs et les autres. Les Englois ne firent oncques nul semblant de vouloir saillir hors de leur place, si non par escharmouche. Et quand la Pucelle veit que ilz ne venoient point dehors , son estendart en sa main , se vint mètre en l'avant garde et vindrent férir jusques à la fbrtificacion des Englois. Et (en) celle entreprinse furent mors des gens de Tung costé et de l'autre ; et pour ce que les Englois ne voulurent faire semblant de saillir à grant effort, la