CHAPITRE III. DOCUMENTS SUR JEANNE D'ARC
Pucelle fist tout retraire jusques à la bataille , et fut mandé aux Englois par la Pucelle, le duc d'AIençon et les capitaines, que si ilz vouloient saillir hors de leur place pour donner la bataille, nos gens se recuUeroient et les lesseroient mètre en leur ordonnance. De quoy ilz ne voulurent riens faire, et tout le jour se tindrent sans saillir si non pour escharmoucher. La nuit venue, noz gens revindrent en leur logis. Et le Roy fut tout ce jour à Montepillouer. Le duc de Bar, qui estoit venu devers le Roy à Provins, estoit en sa compaignie, le conte de Gleremont et autres des cappitaines avecques eulx. Et quant le Roy veit que on ne povoit faire saillir les Englois hors de leur place et que la nuit approchoit, il retourna à giste audit lieu de Grespi.
V La Pucelle, le duc d'AIençon et leur compaignie se tindrent toute la nuit en leur logis. Et pour scavoir si les Englois se metroient point après eulx , le mardi bien matin , se recullèrent jusques à Montepillouer, et là furent jusques environ heure de midi que nouvelles leur vindrent que les Englois retoumoient à Senlis et droit à Paris. Et noz gens s'en vindrent devers le Roy audit Ueu de Grespi.
» Le mercredi xvn* jour dudit mois d'aoust furent aportés devers le Roy les clefs de la ville de Gompiengne , et le jeudi ensuivant le Roy et sa compaignie alèrent à giste audit lieu de Gompiengne.
» Avant ce que le Roy partist de Grespi, le conte de
Vendosme , les mareschaulx de Boussac et de Rais et autres
capitaines en leur compaignie , furent ordonnez par le Roy à
aler devant la cité de Senlis. Eulx venuz devant la place,
ceulz de dedens considérans la grant conqueste que le Roy
avoit faicte en peu de temps par l'aide de Dieu et le moien
de la Pucelle et que ilz avoient veu la puissance du duc de
Bethfort, qui près leur place n' avoit osé combattre le Boy
et sa compaignie et se estoient reculiez à Paris et ailleurs
aux autres places, ilz se rendirent au Roy et à la Pucelle.
Le conte de Vendosme demeura gouverneur et garde de la
place et y acquist honneur et chevance.
340 PROLEGOMENES.
» Quant le Roy se trouva audit lieu de Compiengne, la Pucelle fut moult marrie du séjour que il y voulloit faire; et sembloit à sa manière que il fust content à icelle heure de la grâce que Dieu lui avoit faicte, sans autre chose entreprendre. Elle appela le duc d'Alençon et luy dist : « Mon » beau duc, faictes apareiller voz gens et des autres capi- V taines. » Et dist : a Par mon martin, je vueil aler veoir » Paris de plus près que ne Fay veu. »
}} Et le mardi xxm' jour dudit mois d'aoust, la Pucelle et le duc d'Alençon partirent dudit lieu de Gompiengne de devers le Roy à tout belle compaignie de gens. Et vindrent recouvrer, en faisant leur chemin, partie .des gens qui a voient esté au recouvrement de laditte cité de Senlis. Et le vendredi ensuivant xxvi* jour dudit mois, furent la Pucelle, le duc d'Alençon et leur compaignie logiez en la ville de Saint- Denys. Et quant le Roy sceut que ilz estoient ainssi logiez en la ville de Saint-Denys, il vint à grant regret jusquez en la ville de Senliz; et sembloit que il fust conseillé au contraire du voulloir de la Pucelle, du duc d'Alençon et de ceulx de leur compaignie.
» Quand le duc de Bethford vit que la cité de Senliz estoit françoise, il lessa Paris ou gouvernement des bourgois, du sire de l'ille Adam et des Bourgoignons de sa compaignie, et n'y demoura gaires d'Englois. Il s'en ala à Rouan moult marri et en grant doubte que la Pucelle remist le Rov en sa seigneurie. Depuis qu'elle fut arrivée audit lieu de Saiot- Denys, par chacun jour deux ou trois fois nos gens estoient à l'escharmouche aux portes de Paris, une foiz en ung lieu et puis en l'autre ; et aucunes foiz au moulin à vent devers la porte Saint-Denys et la ChapçUe. Et ne passoit jour que la Pucelle ne veist faire les escharmouches ; et moult voulentiers avisoit la situacion de la ville de Paris , et avecques ce, lequel endroit luy sembleroit plus convenable à donner ung assault. Le duc d'Alençon estoit le plus souvent avecques elle. Mais pour ce que le Roy n'estoit venu audit lieu de Saint-Denys pour message que la Pucelle et le duc
