CHAPITRE 111. DOCUMENTS SUR JEANNE D'ARC
tiroit tant qu'elle eust la ville. Ledit d' Alençon et austres des capitaines estoient bien de ce vouUoir à Tentreprinse d'elle de y retourner, et aucuns non. £t tandiz que iiz estoient en ces paroUes, le baron de Monmorancy qui tousjours avoit tenu le parti contraire au Roy, vint de dedens la ville, accompaignié de l. ou lx. gentilzhommes, soy rendre en la cornpaignie de la Pucelle. A quoy le cueur et le courage fut plus esmeu à ceulx de bonne volonté de retourner devant la ville. £t tandiz que ilz se approuchoient, vindrent le duc de Bar et le conte de Cleremont de par le Roy, qui estoit à Saint- Denys , et prièrent à la Pucelle que , sans aler plus avant, elle retoumast devers le Roy, audit lieu de Saint-Denys. Et aussi de par le Roy prièrent audit d' Alençon et commandèrent à touz les autres cappitaines, que ilz s'en venissent et amenassent la Pucelle devers lui. La Pucelle et le plus de
ceux de la compaignie en furent très marriz, et néantmoins obéirent à la voulenté du Roy, espérans aler trouver leur entrée à prendre Paris par Tautre costé et passer Saine à ung pont que le duc d' Alençon avoit fait faire au travers de la rivière endroit Saint-Denys; et ainssi s'en vindrent devers le Roy.
» Le samedi ensuivant, partie de ceulx qui avoient esté devant Paris cuidèrent bien matin aler passer la rivière de Saine audit pont : mais ilz ne pourent pour ce que le Roy qui avoit sceu l'intencion de la Pucelle, du duc d* Alençon et des autres de bon vouUoir, toute la uuist fist dépecier ledit pont. Et ainssi furent demourez de passer. Ce jour le Roy tint son conseil , ouquel plusieurs oppinions furent dictes ; et de^ moura audit lieu jusques au mardi xm* jour, toujours tendant affin de retourner sur la rivière de Laire au grant desplaisir de la Pucelle »
3* Extrait de la Chronique anonyme du siège d'Orléans
et du voyage à Reims,
« Et le tiers jour de septembre s'en partit
350 PROLÉGOMÉr^ES.
la Pucelle et le duc d'Alençon, le duc de Bourbon» le conte de Vendosme, le conte de Laval, et les marescbaulx de Saiacte- Sévère et de Rays, la Hire» Potoa et plusieurs autres vaillans chevaliers, cappitaines et escuiers, avec graot nombre de vaillans gens de guerre, et s'en vindrent loger en un village dit la Ghappelle , qui est au chemin et comme au millieu de Paris et Sainct-Denvs.
» Et le lendemain ensuivant, s'en vindrent mettre en belle ordonnance au Marché aux pourceaulx , devant la porte Sainct-Honnoré, et firent assortir plusieurs canons, dont ilz firent jetter en plusieurs lieux et souvent dedans Paris ou estoient en armes les gens de guerre y estans en garnison, et aussi le peuple. Et faisoient lesdits gens de guerre porter plusieurs estendars de diverses couleurs, et tournoyer, aller et retourner à Fentour des murs par dedans, entre lesquelz estendars en y avoit ung moult grant à une croix rouge. Aucuns seigneurs françoys voulurent approucher plus près, et par especial le seigneur de Sainct-Vallier , daulphinoys, lequel fist tant que luy et ses gens alèrent bouter le feu au boulevert et à la barrière de celle porte de Sainct*Honnoré. Et combien qu'il y eust plusieurs Angloispour les deffendre, toutesfoyz leur convint-il retraire par celle porte, et rentrer dedans Paris ; par quoy les Françoys prindrent et gaignèrent à force la barrière et le boulevert. Et parce qu'ilz pensèrent que les Anglois sauldroient par la porte Sainct-Denys pour courir sus aux Françoys estans devant la porte Sainct-Honnoré, les ducs d'Alençon et de Bourbon s'embuschèrent derrière la montaigne qui est auprès et contre celluy Marché des pourceaulx ; et plus près ne se povoient mettre, pour doubte des canons et couleuvrines , dont tiroient ceulx de Paris sans cesser. Mais ilz perdirent leur peine, car ceulx de Paris n'osèrent saillir hors la ville. Pour quoy la Pucelle voyant leur couart maintien, délibéra de les assaillir jusques au pié de leur mur. Et de faict, se vint présenter devant eulx, pour ce faire, ayant avecques elle plusieurs seigneurs et grant compaignie de gens d'armes et plusieurs seigneurs.
