CHAPITRE ill. DOCUMENTS SUR JEANINE D'ARC

entre lesquelz estoit le mareschal de Rays, qui tous par belle ordonnance se mirent à piet et descendirent au premier foussé. Auquel eulx estans, elle monta le dos d^asne, duquel elle descendit jusques au second fossé, et y mist sa lance en divers lieux, tastant et essayant quelle parfondeur il y avoist d'eau et de boue. En quoy faisant elle fut ^rant espasse, et tellement qu^ung arbalestier de Paris luy perça la cuisse d'ung traict ; mais ce non obstant, elle ne s'en vouloit partir, et faisoit très grant dilligence de faire apporter et jetter fagotz et bois dedans cestuy foussé pour l'emplir afin qu'elle et les gens de guerre peussent passer jusques aux murs : qui ne sembloit pas lors estre possible, parce que l'eaue y estoit trop parfonde, et qu^elle n'avoit pas assez grant multitude de gens à ce faire , et aussi parce que la nuyt estoit prouchaine. Non obstant laquelle nuyt, elle se tenoit toujours sur .celluy foussé , et ne s'en vouloit retourner ni retraire en aucune manière, pour prière et requeste que lui feissent plusieurs qui par diverses fois l'alèrent requérir de soy en partir, et luy remonstrer qu'elle devoit laisser celle entreprinse : jusques à ce que le duc d'Alençon l'envoya querre, et la féist retraire, et toute l'armée, en icelluy village de la Ghappelle là où ilz se logèrent celle nuyt, comme ilz avoient faict le soir de devant.

» Et le lendemain s'en retournèrent tous à Sainct-Denys ; en laquelle ville fut moult louée la Pucelle du bon vouloir et hardy couraige qu'elle avoit monstre, en voulant assaillir si forte cité et tant bien gamye de gens et d'artillerie, comme estoit la ville de Paris. Et certes aucuns dirent depuis que si les choses se feussent bien conduictes , qu'il y avoit bien grant apparence qu'elle en fust venue à son vouloir; car plusieurs notables personnes estans lors dedans Paris , lesquelz congnoissoient le roy Charles septiesme estre leur souverain seigneur et vray héritier du royaume de France, et comment à grant tort et par cruelle vengence on les avoit sepparez et ostez de sa seigneurie et obéissance, et mis en la main du roy Henry d'Angleterre par avant mort , et deppuis conti-

nuant, so*ubz le roy Henry, son filz, usurpant lors grant partie du royaume ; se feussent mis, comme deppuis firent, six ans après, et réduiz en l'obéissance de leur souverain seig^neur, et luy eussent faict plainière ouverture de sa principalle cité de Paris. Ce que à ceste fois ils ne firent pour les causes dessus alléguées. Pour quoy le Roy qui vit lors quMlz ne monstroient aucun semblant d'eulx vouloir rendre à luy, tint plusieurs conseilz dedans la ville de Sainct-Denys ; en la fin desquelz fut advisé que , veue la manière de ceulx de la ville de Paris, la (prant puissance des Angloys et Bourguignons y estans dedans, et aussi qu'il n'avoit assez d'argent, et n'en pouvoit avoir illec pour entretenir si grant armée, qu'il feroit le duc de Bourbon son lieutenant général. Ce qu'il feist, et lui ordonna demourer es villes, citez et places à luy obeissans deçà la rivière de Loire ; et pour y mettre grousses garnisons, et les garder et deffendre, luy bailla grant nombre de gens d'armes et foison d'artillerie.

Et oultre celle ordonnance voulut et commanda que le conte de Vendosme et l'admirai de Gulant se tinssent à Sainct-Denys, auxquelz il bailla aussi plusieurs gens d'armes, afin qu'ilz peussent tenir la garnison. Et ce foict, se partist le douziesme jour de septembre , et s'en ala à Laigny sur Marne, dont il se partit le lendemain, et y ordonna cappitaine messire Ambroys de Loré, auquel il bailla messire Jehan Foucault, avecques plusieurs gens de guerre. Et tira d'illec le lendemain à Provins, et de là à Bray sur Seine, que les habitans réduirent à son obéissance. Et puis s'en ala passer pardevant Sens, qui ne luy feist aucune ouverture ; mais luy convint passer à gué, ung peu au dessoubz, la rivière d'Yonne, et tirer à Gourtenay, dont il ala à Ghasteau-Reguart et à Montargis, et au derrain à Gien, où il attendit aucuns jours, cuydant avoir accord avec le duc de Bourgoigne, qui luy avoit mandé par le seigneur de Chargny qu'il luy feroit avoir Paris, et qu'il y viendroiten personne. Et à celle occasion, luy avoit le Roy envoyé sauf conduit, affin qu'il peust passer sans contredit par les places et passaiges à luy obéis-