CHAPITRE II ï. DOCUMENTS SUR JEANNE D'ARC

nèrent lesdiz ducs d'Alençon et de Bourbon, ladicte Jehanne la Pucelle et aultres à Saint-Denis, où est oit ledit roy de France et son ost. Et là, devant le précieulx corps monseigneur Saint Denys et ses compaignons , fuirent pendues les armures d'icelle Jehanne, lesquelles elle offrit par grant

devocion

Le douziesme jour du mois de septembre, le roy de France ordonna que le duc de Bourbon, le conte de Yendosme, messire Loys de Gulant et plusieurs autres capitaines, demouroient es païs qui de ce Toiaige s'estoient réduis en son obéissance, et laissa son lieutenant le duc de Bourbon. Et audit lieu de Saint-Denis, laissa le conte de Yendosme et le sire de Gulant, admirai de France, à grant compaignie de gens d'armes ; et se partist avec son ost : auquel département Jehanne la Pucelle laissa toutes ses armures complètes auxquelles elle avoit esté blechée devant Paris; et s'en ala ledit Roy couchier à Laigni-sur-Marne , auquel lieu il ordonna demourer messire Ambrois, sire de Loré, lequel print et accepta ycelle charge ; et demoura avec lui ung chevalier nommé messire Jean Foucault. Et le lendemain ensieuvant, se partist le Roy d'ycelle ville de Laigny et s'en ala passer la rivière de Saine, et la rivière d*Yonne au gué emprès Sens. Et de là s'en ala à Montargiz et tout oultre la rivière de Loire.

9 Tantost après s'assemblèrent à Paris grant nombre d'Anglois et de Bourguignons; pour quoy, ce venu à la congnoissance des Franchois que le Roy avoit laissié dedens Saint-Denis en France laissèrent et habandonnèrent ycelle ville de Saint-Denis et s'en allèrent à Senliz.

» Ce venu à la congnoissance des Anglois qui dedens Paris estoient, s'assamblèrent et vindrent en la ville de Saint- Denis, laquelle ilz pillèrent et robbèrent. Et trouvèrent lesdittes armures de Jehanne la Pucelle, lesquelles furent prinses et emportées par l'ordonnance de l'évesque de Therouenne, chanceUer, sans pour ce faire quelque resconpence

à laditte église : qui est pur sacrilège et manifeste »

356 PROLEGOMENES.

5* Extrait du Journal, sous forme de notes , écrit sur les registres du Parlement de Paris, par le greffier Clément de Fauquembergue. (Fonctionnaire anglais.)

ft Jeudy, vui* jour de septembre, feste de la Natifvité de la Mère Dieu, les gens d'armes de messire Charles de Valois, assemblez en grant nombre d'emprez les murs de Paris, leiz la porte Saint-Honnoré , esperans par commocion de peuple grever et dommagier la ville et les habitans de Paris, plus que par puissance ou force d'armes, environ deux heures aprez midy, commencèrent de faire semblant de vouloir assaillir iadicte ville de Paris. Et hastivement plusieurs d*iceulx estans sur la place aux Pourceaux et environ prèz de Iadicte porte, portant longuez bourrées de fagos, descendirent et se boutèrent es premiers fossés, esquelz avoit grant eaue. Et à celle heure y ot dedens Paris gens affectez ou corrompuz , qui eslevèrent une voix en toutez les parties de la ville de çà et de là les pons, criant que tout estoit perdu, et que les ennemis estoient entrez dedans Paris et que chacun se retrabist et fist diligence de soy sauver. Et à celle voix, à une mesme heure de rapprochement desdicts ennemis, se départirent des églises de Paris toutes les gens estaos lors es sermons, et furent moult espoventez, et se retrahirent plusieurs en leurs maisons, et fermèrent leurs huys. Mais pour ce n*y ot aucune autre commocion de fait entre lesdicts habitans de Paris. Et demourèrent à la garde et défense des portes et des murs d'icelle ville ceulx qui estoient députez, et en leur ayde survindrent plusieurs autres desditz habitans qui firent très bonne et forte resistence aux gens dudict messire Charles de Yaloys, qui se tindrent dedens ledict premier fossé et dehors «ur Iadicte place aux Pourceaulz et à l'environ , jusquez à dix ou onze heures de nuit qu'ils se départirent à leur dommage. Et d'eulz en y ot plusieurs mors et navrez de traits et de canons. Et entre les autres fut blécée