CHAPITRE 111. DOCUMENTS SUR JEANNE D'ARC
en la jambe, de trait, une femme que on appelloit la Pucelle, qui conduisoit Tarmée avec les autres capitaines dudict messire Charles de Valois, qui s'attendoient de plus grever Paris pour ladicte commocion que par assault ou force d'armes ; car, si, pour chascun homme qu'ilz a voient lors, ilz en eussent eu quatre ou plus, aussi bien armez qu'ils estoient, ilz n'eussent mie pris ladicte ville de Paris par assault ni par siège, tant qu'il y eust eu vivres dedens la ville, qui en estoit lors bien pourveue pour longtemps ; et estoient les habitans bien uniz avec les gens d'armes de ladicte ville pour résister à Fassault et entreprinse dessusdicte. Et mesmement pour ce que on avoit dit et disoit-on publiquement à Paris, que ledict messire Charles de Valois, fils du roy Charles VI* derrenier trespassé, cui Dieu pardoint, avoit abandonné à ses gens ladicte ville de Paris et les habitans d'icelle, grans et petits , de tous estats , hommes et femmes , et quod erat sua intentio redtgendi ad aratrum urbem Parisiensem , christianissimis civibus habitatam; quod non erat facile cre* dendum, »
6* Extrait des Mémoires d^un anonyme, supposé membre de l'Université de Paris , et qualifié habituellement a le Bourgeois de Paris » . (Bourguignon.)
a La première semaine de septembre, l'an mil quatre cens vingt-neuf, les quarteniers chacun en son endroit , commencèrent à fbrtiffier Paris aux portes, de boulevarts ; es maisons qui estoient sur les murs, affuster canons et queues pleines de pierres sur les murs, redresser les fossés dehors la ville et faire barrières dehors la ville et dedans. Et en icelluy temps, les Arminaz firent escrire lettres scellées du seel du conte d'Alenchon, et les lettres disoient : « Â vous, prevost de V Paris et prevost des marchans et eschevins ; » et les nommoient par leurs noms , et leur mandoient de salut par bel langaige largement, pour cuider esmouvoir le peuple l'ung
358 PROLEGOMENES.
contre l'autre et contre euix ; mais on apercent bien leur malice, et leur fut mandé que plus ne gectassent leur papier pour ce faire , et n'en tint on compte.
» La vigille de la Natih'ité de Nbstre Dame en septembre, vindrent assaillir aux murs de Paris les Arminaz, et le cnidoient prendre d'assault ; mais pou y conquestèrent, si ce ne fut douleur, honte et nieschief ; car plusieurs d'eulx furent navrez pour toute leur vie, qui, par avant Tassaalt, estoient tous sains ; mais fol ne croit jà tant qu'il prend. Pour eulx le dy, qui estoient pleins de si çrant malheur et de si malle créance. Et le dy pour une créature qui estoit en forme de femme avec eulx, que on nommoit la Pucelle. Que c'estoit. Dieu le scet.
» Le jour de la Natifvité de No&tre Dame , firent conjuracion, tout d'ung accord, de cellui jour assaillir Paris et s*assemblérent bien douze mille ou plus ; et vindrent environ heure de grant messe, entre onze et douze, leur Pucelle avecques eulx, et très grant foison de chariots , charrettes et chevaulx, tous chargiés de grans bourées à trois hart, pour emplir les fossez de Paris. Et commencèrent à assaillir entre la porte Saint-Honnouré et la porte Saint-Deuys ; et fut l'assault très cruel ; et en assaillant disoient moult de villeines paroles à ceulx de Paris. Et là estoit leur Pucelle, à tout son estendart, sur les conclos des fossez, qui disoit à ceulx de Paris : » Rendez vous, de par Jhesus, à nous tost; car si » vous ne vous rendez avant qu'il soyt la nuyt, nous y entre- » rons par force, veuillez ou non, et tous serez mis à mort, » sans mercy. — Voire, dit ung, paillarde! ribaude! » Et trait de son arbalestre droit à elle, et lui perce la jambe tout oultre , et elle de s'enfouir. Un autre perça le pié tout oultre à celui qui portoit son estendart. Quant il se sentit navré , il leva sa visière pour veoir à oster le vireton de son pié , et ung autre lui trait, et le saingne entre les deux yeulz, et le navre à mort : dont la Pucelle et le duc d' Alençon jurèrent depuis que mieulz ilz amassent avoir perdu quarante des meilleurs hommes d'armes de leur compaignie.
