CHAPITRE III. DOCUMENTS SUR JEANNE D'ARC
» L'assault fut moult cruel d'une part et d'autre , et dura bien jusques à quatre heures après disner, sans ce qu'on sceust qui eut le meilleur. Ung pou après quatre heures, ceulx de Paris prindrent cuer en eulx ; et tellement les hersèrent de canons et d'autre traict, qu'il leur convint par force reculer et laisser leur assault, et eulx en aller. Qui mieulx s'en povoit aller^ estoit le plus eureux ; car ceulx de Paris avpieut de grans canons qui gelloient de la porte Saint- Denys jusques par delà Saint-Ladre largement, qu'ilz leur gettoient au dos ; dont moult furent espovantez. Ainsi furent mis à la fuite ; mais homme n'issy de Paris pour les suivir, pour paour de leurs emhusches.
» Eulx en allant, ilz boutèrent le feu en la grange des Matfaurins, emprès les Porcherons ; et mirent de leurs gens qui mors estoient à F assault, qu'ilz avoient troussés sur leurs chevaulx, dedans cellui feu grant foison, comme faisoientles pavens à Rome jadis; et mauldissoient moult leur Pucelle, qui leur avoit promis que sans nulle faute ilz gaigneroient à celluy assault la ville de Paris par force, et qu'elle y gcyroit celle nuit, et eulx tous, et qu'ilz seroient tous enrichis des biens de la cité, et que tous seroient mis, qui y meltroient aucune deffence, à l'espée, ou ars en sa maison. Mais Dieu qui mua la grant emprinse d'Oloferne par une femme nommée Judith, ordonna par sa pitié aultrement qu'ilz ne pensoient ; car le lendemain y vindrent quérir par sauf conduit leurs mors, et le hérault qui vint avecques eulx fut sarmenté du cappitaine de Paris, combien y avoit eu de navrés de leurs genâ; lequel jura qu'ilz estoient bien quinze cens, dont bien cinq cens ou plus estoient mors ou navrés à mort. Et vray est qu'en cest assault n'avoit aussi comme nuls hommes d'armes, qu'environ quarante ou cinquante Ânglois, qui moult y firent bien leur debvoir, car la plus grant partie de leur charroy, en quoy ils avoient amené leurs bourrées, ceulx de Paris leur ostèrent; car bien ne leur debvoit pas venir de vouloir faire telle occision le jour de la sainte Natifvité de Nostre-Dame »
?• Trêve secrète du \% septembre.
« Charles, par la grâce de Dieu roy de France, à tous ceulx qui ces présentes lettres verront, 'salut. — Coninie pour parvenir au bien de paix et faire cesser les grans maulx et inconvénients quy par les guerres et divisions quy sont en nostre royaulme, y sont advenues et a dvi^nnent chacun jour, aient nagaires esté prinses et acordées par le moien des ambaxadeurs de nostre très chier et très amé cousin le duc de Savoie certaines abstinences de guerre entre nous, d'une part, et nostre cousin de Bourgoingne, d^autre part, à durer depuis le 28* jour d'aoust derrain passé jusques au jour de Noël prochain, selon la forme, condicions et reservacions contenues et déclairiées en certaines noz autres lettres sur ce faictes, données en nostre ville de Compiengne le 28* jour d'aoust dessusdis, èsquelles abstinences n'est aucunement comprise nostre ville de Paris, nostre chatel du bois de Vincennes, nos pons de Gharenton et de Saint-Gloud et la ville de Saint-Denis ; Savoir faisons que nous, ces choses considérées et pour certaines autres causes et concidéracions à ce nous mouvans , avons , en ampliant de nostre part lesdictes abstinences , consenti et accordé , et par ces présentes consentons et accordons que nostre ville de Paris, nostre chastel du bois de Vincennes, nos ponts de Gharenton et de Saint-Gloud et la ville de Saiât-Denis soient en icelles abstinences comprinses tout ainsy comme si lesdictes villes et lieux y eussent, par exprès, été nommées et déclairiées, pourveu toutesvoyes que de nostredicte ville de Paris et des autres places et lieux ci-devant exprimés ne soye fait, par voye de guerre, durant icelles abstinences, chose préjudiciable ausdites abstinences, et que de ce nostredit cousin nous baille ses lettres Donné à Sentis le xvm* jour
de septembre. Tan de grâce mil CCCG. vingt neuf et le septième de nostre règne »
