CHAPITRE I. LES JUGES ET LEURS COMPLICES
1* Mandat de payement en faveur des siz universitaires j délivré par le général gouverneur des finances, en vertu étune ordonnance de Henry VI,
« Thomas Blount, cheTalier, trésorier et général gourerneur des finances du Roy nostre sire an païs et duchié de Normandie, à Pierre Surreau, receveur général desdittes finances. Veu par nous les lettres du Roy nostredit seigneur auxquelles ces préseutes sont attachées soubs nostre signet, nous TOUS mandons que des deniers de vostre recepte vous paiez, baillez et délivrez à maistres Jehan Beaupère, Jaques de Thouraine , Nicole Midi , Pierre Morice , Girard Feuillet , docteurs, et à Thomas de Courceîles, bachelier formé en théologie, et à chacun d'icenlx, la somme de vint sols tournois pour chacun jour qu^ilz affirmeront avoir vacqué en la matière déclairée èsdittes lettres royaulx, tout ainsi pour les causes et par la forme et manière que le Roy nostredit seigneur le veult et mande par ses dittes lettres et que contenu est en icelles. Donné à Rouen, le premier jour de mars mil cccc. et trente. »
2* Première quittance, donnée le quatre mars.
« Vénérables et discrettes personnes, maistres Jehan Beaupère, Jaques de Thouraine, Nicole Midi, Pierre Morice, Girard Feuillet^ docteurs, et Thomas de Courceîles, bachelier formé en théologie, confessent avoir eu et receu de honnorable homme et saige Pierre Surreau, receveur général des finances du Roy nostre sire en Normandie , la somme de six vint livres tournois, en déduccion et rabat de ce qu'il leur peut et pourra estre deu à cause de certaine tauxacion à eulx faicte par le Roy nostredit seigneur; c'est assavoir de XX. soulx tournois pour chascun d'iceulx maistres et bacfae- Uer, pour chascun jour qu'ilz affirmeront vacquer ou avoir vacqué au procès ecclésiastique commencé contre celle
femme qui se fait appeler Jehanne la Pucelle, à compter du xvm* jour de février derrenier passé, inclus, jusques à leur retour à Paris. De laquelle somme de vi** livres tournois lesdits maistres et bachelier se tiennent pour bien paiez et contens et en quictent le Roy nostredit seijpieur, icelluv receveur et tous autres. Tesmoing le seinç manuel de moy Jehan Thiessart, notaire du Roy, icy mis le rv* jour de mar$ mil GGCC. et trente. »
3* Troisième quittance (la deuxième manque), donnée
le neuf avril,
u Vénérables et discrettes personnes, maistres Jehan Beaupère, Jacques de Thouraine, Nicole Midi, Pierre Morice, Girard Feuillet, docteurs, et Thomas de Gourcelles, bâchelier formé en théologie, confessent avoir eu et receu de honnorable homme et saige Pierre Surreau, receveur général des finances du Roy nostre sire , en Normandie , la somme de six vint livres tournois , oultre et pardessus deux cent quarante livres tournois qu'ils ont déjà receue pour XL. jours, en déduction et rabat de ce qu'il leur peut et pourra estre deu à cause de certaine tauxacion de xx. s. tournois à eulx faicte par le Roy uostre sire, pour chascun d'iceulx, pourchascun jour qu'ils affirmeront avoir vaqué ou procès ecclésiastique commencé contre celle femme qui se fait appeler Jehanne la Pucelle, à compter du xvm* jour de février derrenier passé, inclus , jusques à leur retour à Paris ; auquel procès ils ont affirmé avoir vacqué continuellement depuis ledit xvm* jour de février jusques au jour d'uy, et vacquent encore de jour en jour. De laquelle somme de six vint livres tournois lesdits maistres et bachelier se tiennent pour bien paiez et contens et en quictent le Roy nostredit seigneur, icelluy receveur et tous aultres. Tesmoing le seing manuel de moy, Jehan Thiessart, notaire du Roy. Le ix* jour d'avril, Tan mil CCGC. et trente ung^ après Pasques. »
