LE LAIS FRANCOIS VILLON

L'an CCCC cinquante six,

Je François Villon escolier, Considerant de sens racis,

Le frain aux dens, franc au collier, Qu’on doit ses œuures conseiller, Comme Vegesse le raconte,

Sage Romain, grant conseiller,

Ou aultrement on se mesconte ;

En ce temps que ray dit deuant, Sur le nouuel, morte saison, Que les loups se viuent de ven Et qu’on se tient en sa maison,

mu TO.

Pour le frimas, près du tison :

Me prinst le vouloir de briser La tresamoureuse prison,

Qui me souloit bien debriser.

Je le feis en telle façon,

Voyant celle deuant mes yeulx Consentant en ma deffaçon,

Sans que 1a luy en fust de mieux, Dont ie me deul et plains aux cieulx, En requerant d’elle vengence

A tous les dieux venereeulx,

Et du grief d’amours alegence.

Et se l’ay prins en ma faueur

Ses doulx regars et beaux semblans

De tresdeceuante saueur,

Me tresparsans jusques aux flans,

Bien. S’ils ont vers moy les piés blancs Et me faillent au grant besoing, Planter me fault aultres complans

Et frapper en ung aultre coing.

Le regart de celle m’a prins,

Qui m’a esté felonne et dure :

Sans ce qu’en riens j’aye mesprins, Veult et ordonne que i’endure

La mort, et que plus ie ne dure :

Si n’y voy secours, que fouir.

Rompre veult la viue soudure, Sans mes piteulx regretz ouir.

Pour obuier à ces dangers,

Mon mieulx est, se croy, de fouir.

Adieu! ie m’en vois à Angers :

Puisqu’el” ne me veult impartir

Sa grace, il me conuient partir.

Par elle meurs, les membres sains ; Au fort, ie suys amant martir,

Du nombre des amoureux sains.

Combien que le depart me soit Dur, si faut-il que ie l’eslongne | Comme mon poure sens consoit, Aultre que moy est en quelongne, Qui plus billon et plus or songne, Plus ieune et mieulx garny d’umeur.

C’est pour moy piteuse besongne :

Dieu en veuille ouyr ma clameur.

Et puys que departir me fault,

Et du retour ne suys certain,

le ne suys homme sans deffault,

Ne qu’aultre d’assier ne d’estain.

Viure aux humains est incertain,

Et après mort r’y a relaiz.

le m’en vois en pays lointain :

Si establi ce present Laiz.

Premierement, ou nom du Pere, Du Filz et du Saint Esperit,

Et de sa glorieuse Mere,

Par qui grace point ne perit,

le laisse, de par Dieu, mon bruyt A maistre Guillaume Viilon, Qui en l’onneur de ce nom bruyÿt, Mes tentes et mon pauillon.

Item à celle que j’ay dit,

Qui si durement m’a chassé, Que ie suys de ioye interdict Et de tout plaisir dechassé, le laisse mon ceur enchassé, Palle, piteulx, mort et transi. Elle m’a ce mal pourchassé, Mais Dieu luy en face mercy.

Item à maistre Ythier, marchant, Auquel ie me sens bien tenu,

Laisse mon branc d’assier tranchant, Ou à maistre Iehan le Cornu,

Qui est en gaige detenu

Pour ung escot VIII soulz montant :

Si veuil, selon le contenu,

Qu’on leur liure en le rachetant.

Item ie laisse à Saint Amant

Le cheual blanc voire ou la mulle, Et à Blarru mon dyamant,

Ou l’asne raié qui recule.

Et le decret qui articulle :

Omnis utriusque SeXUS,

Contre la Carmeliste bulle,

Laisse aux curés pour mettre sus.

Item laisse et donne en pur don

Mes gans et ma hucque de soye

A mon amy Jasques Cardon,

Le glan aussy d’une saulsoye,

Et tous les jours une grasse oye

Et ung chappon de haulte gresse, Dix muys de vin blanc comme croye, Et ung procès, que trop n’engresse ‘.

Item ie laisse à noble homme Regnier de Montigny, trois chiens :

Aussi, à Iehan Raguier, la somme De cent francs prins sur tous mes biens.

Mais quoy ? ie ne comprens en riens Ce que ie pourray acquerir.

On ne doibt trop prendre des siens, Ne son amy trop requerir.

Item au seigneur de Grigny Laisse la garde de Nygon,

Et six chiens plus qu’à Montigny, Vicestre chastel et donion :

Et ad ce mallostru Canion Mouton qui letient en procez, Laisse trois coups d’un escourgon Et coucher, paiz et aise, es septz.

Et à maistre laques Raguier

Laisse l’abruuouer Popin,

Paiches, poires, sucre, figuier, Tousiours le chois d’ung bon loppin,

Le trou de la Pomme de Pin, Clotz et couuert, au feu la plante, Emmaillotté en iacoppin,

Et qui vouldra planter si plante.

Item à maistre Iehan Mautaint,

A maistre Pierre Basanier,

Le gré du seigneur qui ataint Troubles, forfaiz, sans espargner :

Et à mon procureur Fournier, Bonnetz cours, chausses semellées , Tailées par mon cordouannier, Pour porter durant ses gelées.

Item à Iehan Tronne, boucher, Laisse le mouton franc et tendre,

Et ung tacquon pour esmoucher

Le beuf couronné qu’on veult vendre, Ou la vache qui pourra prendre

Le villain qui la trousse au col :

S'il ne la veult, on le puist pendre

Et estrangler d’ung bon licol.

Item au Lou et à Cholet,

Laisse à la foiz ung bon canart

Prins sur les murs, comme on souloit, Ou vers les fossés sur le tart,

Et à chascun un grant tabart

De cordelier iusques aux piés,

Buche, charbon et poix au lart,

Et mes houseaulx sans avantpiés.

Item ie laisse et én pitié

A trois petis enfans tous nulz, Nommés en ce present traictié, Poures orphelins impourueus,

Tous deschaussés, tous despourueus, Et denués comme le ver :

l’ordonne que soient pourueus,

Au moins pour passer cest hiuer.

Premierement Colin Lorens,

Girard Gossoin, Iehan Marceau, Despourueus de biens, de parens,

Et n’ont vaillant l’ance d’ung seau :

Chascun de mes biens ung fesseau, Ou quatre blancs, si l’ayment mieulx :

Ils mangeront le bon morceau,

Les enfans, quant ie seray vieulx.

Item ma nominacion

Que j’ay de l’Uniuersité, Laisse par resignacion,

Pour exclurre d’aduersité Poures clercs de ceste cité, Soubz cest interdit contenus :

Charité m'y a incité

Et nature, les voiant nulz.

C’est maistre Guillaume Cottin Et maistre Tibault de Vittry, Deux poures clercs parlans latin, Paisibles enfans sans estrif,

Humbles, bien chantans au lettry :

le leur laisse cens recepuoir,

Sur la maison Guillot Guettry,

En attendant de mieulx auoir.

‘Item et ie adioings à la crosse Celle de la rue Sainct Antoine, Ou ung billart de quoy on crosse, Et tous les iours plain pot de sainne :

Aux pigons, qui sont soubz la Saine Ensarrés soubz trappe voliere, Mon mirouer bel et ydoine Et la grace de la geoliere.

Itemie laisse aux hospitaulx Mes chassis tissus d’arignée, Et au gesans soubz les estaux, Chascun sur l’euil une grongnée, Trembler à chere renfrongnée, Maigres, velus et morfondus, Chausses courtes, robe rongnée, Gelez, meurdris et enfondus.

Item ie laisse à mon barbier

Les rongneures de mes cheueux, Plainement et sans descombrier :

Au sauetier, mes soulliers vieulx :

Et au freppier, mes abbis tieulz Que, quant ainssi ie les delaïsse Pour mains qui ne cousterent neufz, Charitablement ie luy laisse.

Item ie laisse aux Mendians,

Aux Filles Dieu et aux Beguines, Sauoureulx morceaulx et frians, Faucons, chappons, grasses gelines, Et puys prescher les XV signes,

Et abatre pain à deux mains :

Carmes cheuauchent nos voisines, Mais cela ce n’est que du mains.

Item laisse le Mortier d’or

A Iehan, espicier de la Garde :

Une potence de saint Mor,

Pour faire ung broyer à moustarde, A celuy qui feit l’auantgarde, Pour faire sur moy griefz exploitz, Et par moy saint Anthoine l’arde.… le ne luy feray aultre laiz.

Item ie laisse à Merebeuf

Et à Nicolas de Louuiers,

À chascun l’esquaille d’ung euf, Plaine de francs et d’escus vieulx :

Et au concierge de Gouuieulx, Pierre de Rousseuille, ordonne, Pour donner, en attendant mieulx, Escus telz que le prince donne.

Et à maïistre Robert Vallée, Poure clergot de parlement,

Qui n’entend ne mont ne vallée, l’ordonne principallement

Qu'on luy baille legierement

Mes brayes estans aux tremillieres, Pour parler plus honnestement

A s’amye lehanne des Millieres.

Pource qu'il est de lieu honneste, Fault qu’il soit mieulx recompensé, Car charité m’y admoneste,

Pource qu’il est tout insensé :

Et pourtant me suys pourpensé,

Veu que n’a sens ne qu’une aumoire, De luy laisser, sans mal pensé,

De recouurer l’art de memoire.

Item, pour asseurer la vie

Du dessusdit maistre Robert,

Pour Dieu, n’y aiés point d’enuie, Mes parens, vendés mon haubert, Et que l'argent ou la pluspart

Soit emploié, dedans ces pasques.

Pour achetter à ce poupart

Une fenestre emprès Saint lasques.

Finablement, en estriuant,

Ce soir seulet estant en bonne, Dictant ce laiz et escripuant, loys la cloche de Sorbonne,

Qui tousiours à neuf heures sonne Le salut que l’Ange predit :

Si suspendis et y mis bourne, Pour prier comme le cuer dit.

Ce faisant, ie m’entroublié,

Non pas par force de vin boire, L’entendement comme lié :

Lors le sentis dame Memoire Reprendre et mettre en son aumoite, Sur especes collateralles,

Oppinatiue faulce et voire

Et autres intellectualles :

Et mesmement l’extimatiue,

Par qui la perspectiue vient :

Similatiue, formatiue,

Par quoy bien souuent il aduient Que par leur trouble homme deuient Fol et lunatique par moys :

le l’ay leu, dont il me souuient,

En Aristote aucunes foiz.

Mais le sensitif s’esueilla

Et esuertua fantasie,

Ettous les dormans resueilla, Car la souueraine partie

En suspens estoit amortie

Par opression d’oubliance,

Qui en moy estoit espartie, Pour monstrer de sens l’aliance.

Puys que mon sens fust à repos Et l’entendement demeslé,

le cuidé finer mon propos, Mais mon ancre estoit gelé,

RE

Et mon cierge trouue freslé :

Et n’eusse peu de feu finer.

C’estoit assés tarteuelé.

Pourtant 1] me conuint finer.

Fait au temps de ladite date

Par le bien renommé Villon,

Qui ne mangeust figue ne datte, Secq et noir comme escouuillon.

Il n’a tente ne pauillon,

Qui n’ait laissié à ses amys,

Et n’a plus qu’ung peu de billon, Qui sera tost à la fin mis.