GRANT TESTAMENT VILLON
En l’an de mon trentiesme aage, Que toutes mes hontes i’ay beues, Ne du tout fol ne du tout sage, Nonobstant maintes paines eues, Lesquelles j’ay toutes receues Soubz la main Thibault d’Auxigny :
S’euesque il est seignant les rues, Qu'il soit le mien je le reny.
Mon seigneur n’est, ne mon euesque :
Soubz luy ne tiens, si n’est en frische :
Foy ne luy doy, ne hommaige auecque :
Je ne suis son serf ne sa bische.
sd
Peu m'a d’une petite miche
Et de froide eau, tout ung esté :
Large ou estroit, moult me fut chiche.
Tel luy soit Dieu, qu’il m’a esté.
Et s’aucun me vouloit reprendre
Et dire que ie le mauldiz,
Non fais, si bien le scet comprandre, En riens de luy ie ne mediz. ° Vez cy tout le mal que j’en diz :
S’il m’a esté misericors,
Ihesus, le roy de paradis,
Tel luy soit à l’ame et au corps.
Et s’esté m’a dur et cruel,
Trop plus que ie ne le raconte,
Je vueil que le Dieu eternel
Luy soit donc semblable à ce compte.
Et l’Eglise nous dit et conte
Que prions pour noz ennemis :
Je vous diray : J’ay tort et honte :
Quoy qu’il m’ait fait à Dieu remis.
Sy priray pour luy de bon cueur,
Et pour l’ame de feu Cothart :
Mais quoy? ce sera donc par cueur, Car de lire ie suis fetart.
- Priere en feray de picart :
Si ne la scayÿ, voise l’aprendre,
S'il m’en croit, ains qu’il soit plus tart, À Tournay ou à l’Isle en Flandre.
Combien que s'il veult que l’on prie Pour luy, foy que doy mon baptesme, Non obstant qu’à tous ne le crie,
Il ne fauldra pas à son esme :
Au psaultier prens, quant suis à mesme, Qui n'est de beuf ne cordouan,
Le verselet escript septiesme
Du seaulme de Deus laudem :
Fiant dies eius pauci et episcopatum eius accipiat alter.
Je prie au benoist filz de Dieu,
Qui à tous mes besoings reclame, Que ma bonne priere ait lieu
Vers luy, de qui tiens corps et ame :
Qui m’a preserué de maint blasme Et franchy de ville puissance :
Loué soit-il, et Nostre Dame,
Et Loys ‘ le bon roy de France!
Auquel doint Dieu le heur de Iacob, De Salomon l’onneur et gloire.
Quant de proesse, il en a trop,
De force aussi, par m’ame! voire :
En ce monde cy transitoire ,
Tant qu’il a de long et de lé,
Affin que de lui soit memoire,
Viue autant que Mathusalé.
Et douze beaulx enfans, tous masles, Voire de son chier sang royal,
Aussi preux que fut le grant Charles, Conceus en ventre imperial,
Bons comme fut saint Marcial :
Ainsi en pregne au feu daulphin :
Je ne luy souhaicte autre mal, Et puis paradis à la fin.
Pource que feuble ie me sens .
Trop plus de biens que de santé, Tant que ie suis en mon plain sens, Si pou que Dieu m’en a presté, Car d’autre ne l’ay emprunté :
Je ce testament tresestable
Faiz, de darraine voulenté,
Seul pour tout et irreuocable.
Escript l’ay, l’an soixante et ung, Lorsque le Roy me deliura
De la dure prison de Mehun
Et que vie me recouura :
Dont suis, tant que mon corps viura, Tenu vers luy me humilier :
Ce que feray ius 1l morra.
Bienfait ne se doit oblier.
Or est vray qu'après plains et pleurs Et angoisseux gemissemens,
Apres tristesses et douleurs, Labeurs et griefz cheminemens, Trouue mes lubres sentemens, Esguisés comme une pelote, Mouuoir plus que tous les Commens D’Auerroys sur Aristote.
Combien qu'au plus fort de mes maulx, En cheminant sans croix, sans pille, Dieu, qui les Pelerins d’Esmaulx Conforta, se dit l'Euangille,
Me montra une belle ville
Et pourueut de don d’esperance :
Combien que pecheur soie ville,
Rien ne hait que perseuerance.
Je suis pecheur, ie le say bien :
Pourtant ne veult pas Dieu ma mort, Mais conuertisse et viue en bien,
Et tout autre que peché mort, Combien qu’en peché soye mort, Dieu vit?, et sa misericorde,
Se conscience me remort,
Par sa grace pardon m’accorde.
Et comme le noble Rommant
De la Rose dit et confesse,
En son premier commencement, Qu’on doit ieune cuer en jeunesse, Quant on le voit viel en viellesse, Excuser, helas! il dit voir.
Ceulx donc qui me font telle presse, En meureté me voudroient veoir.
Sy pour ma mort le bien publique D’aucune chose vaulsist mieulx,
À morir comme ung homme inique Me iugasse, ainsi m’eist Dieu.
Grief ne faiz à ieune n'à vieulx.
Soie sur piés ou soie en biere :
Les mons ne bougent de leurs lieux, Pour ung poure, n’auant n’arriere.
Au temps qu’Alixandre regna, Ungs homs, nommé Diomedès, Deuant luy on luy amena Engrillonné poulces et dès, Comme ung larron, car il fut des Escumeux que voions courir, Et fut mis deuant Cicadès,
Pour estre iugé à mourir.
L'Empereur si Paraisonna :
« Pourquoy es-tu larron en mer? »
L'autre, responce luy donna :
« Pourquoy larron me faiz nommer?
Pourçe qu’on me voit escumer Dedans une petite fuste ?
Si comme toy me peusse armer, Comme toy empereur ie fusse.
« Mais que veulx-tu de ma fortune, Contre qui ne puis bonnement, Que si faulcement me fortune,
Que c’est grant esbaissement ?
Sachez que veritablement
Souuent en bien grant poureté .
(Ce mot se dit communement)
Ne gist pas grande loyaulté. »
Eu
Quant l’empereur ot remiré
De Diomedès tout le dit :
« Ta fortune ia mueré
De mauuaise en bonne! » luy dit.
Si fist-il. Onc puis ne mesdit
A personne, mais fut vray homme.
Vallere pour vray le bauldit,
Qui fut nommé le Grant à Romme.
Se Dieu m’eust donné rencontrer Ung autre piteux Alixandre,
Qui m’eust fait en bon heur entrer, Et lors qui m’eust veu condescendre A mal, estre ars et mis en cendre Jugé me fusse de ma voix :
Necessité fait gens mesprendre
Et faim saillir les loups des bois.
Je plains le temps de ma ieunesse, Auquel ray plus qu’autre gallé, Jusques à l’entrée de vieillesse Qui son partement m’a celé.
1! ne s’en est à pié allé,
N’a cheual, helas! Comment don? Soubdainement s’en est vollé
Et ne m’a laissé quelque don.
Allé s’en ést, et ie demeure
Poure de sens et de sauoir,
Triste, failly, plus noir que meure, Qui n’ay cens, rente ne auoir :
Des miens le maindre, ie diz voir, De me desauouer s’auance, Obliant naturel deuoir,
Par faulte d’un pou de cheuance.
Sy ne crains auoir despendu
Par friander ne par lecher :
Par trop amer n’ay riens vendu, Qu’amis me peussent reproucher, Au moins, qui leur coste moult chier :
Je le dy et ne crois medire.
De ce ie me puis reuencher :
Qui n’a meffait ne le doit dire.
Il est bien vray que l’ay amé
Et ameroie voulentiers,
Mais triste cuer, ventre affamé,
Qui n’est resasié au tiers,
Me oste des amoureux sentiers :
Au fort, quelqu’un s’en recompence, Qui est ramply sur les champtiers, Car la dance vient de la pance.
Ho dieu! si j’eusse estudié,
Au temps de ma ieunesse folle , Et à bonnes meurs dedié, J'eusse maison et couche molle.
Mais quoy ? ie fuyoie l’escolle, Comme fait le mauvais enfant.
En escripuant ceste parolle,
A pou que le cuer ne me fent.
Le dit du Saige bien apris, Fauorable bien en puis mès,
Qui dit : Esioys-toy, mon filz,
En ton adolescence, mais
Ailleurs sert bien d’un autre mès, Car ieunesse et adolescence
(C’est son parler, ne moins ne mès) Ne sont qu’abuz et ignorence.
Mes jours s’en sont allez errant, Comme, dist Job, d’une touaille Sont les fillez, quant tizerant
En son poing tient ardante paille :
Lors, s’il y a nul bout qui saille.
Soubdainement il le rauit :
Si ne crains plus que rien me faille, Car à la mort tout s’assouuit.
Où sont les gracieux gallans,
Que ie suiuoye au temps iadiz,
Si bien chantans, si bien parlans,
Si plaisans en faiz et en diz?
Les aucuns sont mors et roidiz :
Rien n'est-il plus d’eulx maintenant :
Repos aient en paradis,
Et Dieu sauue le demourant !
Et les autres sont deuenus,
Dieu mercy, grans seigneurs et maistres :
Les autres mendient tous nus
Et pain ne voient qu’aux fenestrés.
Les autres sont entrés en cloistres
De Cellestins et de Chartreux,
Botés, houzés, com pescheurs d’oytres :
Vez là l’estat diuers d’entre eulx. |
Aux grans maistres doint Dieu bien faire, Viuans en paix et en regoy :
En eulx 1! n’y a que reffaire,
Et s’en fait bon taire tout coy.
Mais aux poures qui n’ont de quoy, Comme moy, doint Dieu pacience :
Aux autres ne fault qui ne quoy,
Car assés ont pain et pitance.
Bons vins ont souuent enbrochez, Saulces, broetz et gros poissons, Tartres, flans, eufz friz et pochez, Et perdriz en toutes facons.
Pas ne ressemblent les massons, Que seruir fault à si grant paine:
Ilz ne veulent nulz eschançons :
De soy verser chascun se paine.
En cest incident me suis mis,
Qui de rien ne sert à mon fait.
Je ne suis iuge, ne commis,
Pour pugnir, n’absouldre meffait :
De tous suis le plus imparfait.
Loé soit le doulx Ihesuérist,
Que par moy luy soit satisfait !
Ce que ay escript est escript.
Laissons le mostier où il est, Parlons de chose plus plaisante :
Ceste matiere à tous ne plaist, Ennuyeuse est et deplaisante.
Poureté, chagrine, dolente, Tousiours despiteuse et rebelle, Dit quelque parolle cuisante :
Selle n’ose, si la pence-elle.
Poure ie suis de ma ieunesse,
De poure et de petit extrace.
Mon pere n’ot onc grant richesse,
Ne son ayeul nommé Orace.
Poureté tous nous suit et trace :
Sur les tombeaulx de noz ancestres, Les ames desquels Dieu embrace,
On n’y voit couronnes, ne ceptres. :
En ma poureté guementant,
Souuent me dit le poure cueur :
« Homme, ne te doulose tant,
Et ne demaine tel douleur.
Si tu n’as tant que laques Cueur, Mieulx vault viure soubz gros bureau, Poure, qu’auoir esté seigneur
Et pourrir soubz riche tombeau.
Qu’auoir esté seigneur ! que dis!
Seigneur ? las! se ne l’est-il mais :
Selon les Dauitiques dis,
Son lieu ne congnoistra iamès.
Quant du surplus, ie m’en desmets :
Il appartient à moy pecheur :
Aux theologiens le remès,
Car c’est office de prescheur.
Sy ne suis, bien le concidere,
Filz d'ange portant dyademe D’estoille, ne d’autre sidere :
Mon pere est mort, Dieu en ait l’ame!
Quant est du corps, il gist soubz lame.
J’entens que ma mere moura :
Bien elle scet, la poure femme, Et son filz pas ne demoura.
Je congnois que poures et riches, Sages et folz, prebstres et laiz, Nobles, villains, larges et chiches, Petiz et grans, et beaulx et laiz, Dames à rebracez colletz,
De quelconque condicion, Portant atour ou bourreletz,
Mort saisist, sans exception.
Et meure Paris ou Helaine :
Quiconque meurt, meurt à douleur Telle, qu’il pert vent et alaine :
Son fiel se creue sur son cueur.
Puis sue, Dieu scet quel sueur!
Et n’est qui de ses maulx l’alege, Car enfant n’a, frere, ne seur,
Qui voulsist lors estré son plege.
La mort le fait fremir, pallir,
Le nez corber, les vaines tendre, Le col enfler, la char molir,
Jointes et nerfs croistre et estendre.
Corps femenin, qui tant es tendre, Poly, souef et precieulx,
Te faudra-il ses maulx attendre ?
Ouy, ou tout vif aller es cieulx.
Balade.
Dictez-moy où, ne en quel pays,
Est Flora la belle Romaine? , Archipiade, ne Phaiz
Qui fut sa cousine germaine ?
Echo, parlant quant bruit on maine, Dessus riuiere ou sus estan, …
Qui beaulté ot trop plus que humaine ?.….
Mais où sont les neges d’antan?
Où est la tressage Eloys,
Pour qui chastré fut et puis moyne Pierre Esbaillars, à Saint-Denis ?
Pour son amour eut ceste estraine.
Semblablement, où est la Royne Qui commanda que Buridan Fust gecté en un sac en Saine ?.… Mais où sont les neges d’antan ?
La royne Blanche comme liz,
Qui chantoit- à voix de seraine :
Berthe au plat pié, Beatrix, Alix, Herault Burgis qui tint le Maine, Et Iehanne la bonne Loraine, Qu’Englois brulerent à Rouan :
Où sont-ilz, Vierge souueraine ?.… Mais où sont les neges d’antan ?
Prince, n’enquerés de sepmaine Où elles sont, ne de cest an,
Car ce reffrain le vous ramaine : Mais où sont les neges d’antan ?
Autre balade.
Qui plus est, et le tiers Calixte, Darrain decedé de ce nom,
Qui quatre ans tint le papaliste :
Alphonce le roy d’Aragon,
Le gracieux duc de Bourbon,
Et Arthus le roy de Bretaigne,
Et Charles VIIe le Bon.
Mais où est le preux Charlemaigne ?
Semblablement le Roy scotiste, Qui demie face ot, ce dit-on,
Vermeille comme une amatiste, Depuis le front jus au menton :
Le Roy de Chippre de renom
Helas ! et le bon Roy d’Espaigne, Duquel ie ne say pas le nom...
Mais où est le preux Charlemaigne ?
D’en plus parler ie me desiste :
Le monde n’est qu’abusion.
Ne n’est qui contre mort resiste, Ne qui y treuue prouision.
Encor faiz une question :
Lancelot, le roy de Behaigne,
Où est-il? où est son thaion?
Mais où est le preux Charlemaigne ?
Où est Clasquin, lé bon breton,
Et le comte daulphin d’Auuergne,
Et le bon feu duc d’Allencon?
Mais où est le preux Charlemaigne *?
Puisque pappes, roys, filz de roys, Conceus en ventre de roynes,
Sont enseuelis mors et froiz,
En autres mains passent les regnes.
Moy. poure mercerot de‘Regnes, Mouray-ie pas? Ouy, se Dieu plaist, Mais que j'aye fait mes estraines :
Honneste mort ne me desplait.
ad —
Ce monde n’est perpetuel, Quoyque pence riche pillart :
Tous sommes sous mortel coutel.
Ce conseil prens, poure viellart, Lequel d’estre plaisant raillart
Ot le bruit, lorsque ieune estoit, Qu’on tendroit à fol et paillart, Si maintenant s’entremetoit.
Or luy conuient-il mendier,
Car à ce force le contraint : Regrecte huy sa mort et hier, Tristesse son cueur si estraint :
Si souuent n’estoit Dieu qu’il craint, I! feroit ung horrible fait,
Et aduient que en ce Dieu enfraint Et que luy mesmes se deffait.
Car s’en ieunesse fut plaisant,
Ores ne dit plus rien qui plaise.
Tousiours viel cinge est desplaisant :
Moe ne fait qui ne desplaise.
S’il se taist, affin qu’il complaise,
Il est tenu pour fol recreu ;
S’il parle, on [luy] dit qu’il se taise, Et qu’en son prunier n’a pas Creu *.
Aduis m’est que l’oy regrecter La belle qui fut heaulmiere, Soy ieune fille souhaicter .
Et parler en telle maniere :
« Ha ! ieunesse felonne et fiere, Pourquoy m’as si tost abatue?
Qui me tient que ie ne me fiere Et qu’à ce cop ie ne me tue !
Tollu m’as la haulte franchise
Que beaulté m’auoit ordonné
Sur clers, marchans et gens d’eglise, Car lors il n’estoit homme [né]
Qui tout le sien ne m’eust donné, Quoy qu’il en fust des repentailles, Mais que lui eusse habandonné
Ce que reffusent truandailles.
A maint homme l’ay refusé
(Qui n’estoit pas à moy sagesse) Pour l’amour d’ung garcon rusé, A qui ie en faisoie largesse :
A qui que l’en feisse “ finesse, Par ma mere! ie l’amoye bien!
Or ne me faisoit que rudesse
Et ne m’amoit que pour le mien.
Sy ne me sceust tant detrayner,
Foller aux piés, que ne l’aymasse,
Et m’eust-il fait les rains trayner,
Si me dist que ie le baisasse,
Que tous mes maulx ie n’obliasse !
Le gloton, de mal entaché,
M’embrassoit : j’en suis bien plus grasse !
Que m’en reste-il? honte et peché.
Or est-il mort, passé XX ans,
Et ie remains vielle chanue.
Quant ie pense, las! au bon temps, Quelle fuz, quelle deuenue,
Quant me regarde toute nue
Et ie me voy si très changée, Poure, seiche, megre et menue,
Je suis presque toute enragée.
Qu’est devenu ce front polly, Cheueux blongs, ces sourcilz voultiz, Grant entre œil et regart iolly,
Dont prenoie les plus soustilz,
Ce beau nez droit, grant ne petiz, Ces petites jointes oreilles,
Menton fourchu, clair viz traictiz, Et ces belles leures vermeilles.
Ces gentes espaules menues,
Ces bras longs et ces mains traitisses, Petins tetins, hanches ? charnues, Eslevées, propres, faitisses
À tenir amoureuses lisses,
Ces larges rains, ce sadinet
Assis sur grosses fermes cuisses Dedans son petit iardinet.
Le front ridé, les cheueux gris,
Les sourcils cheus, les yeulx estains, Qui faisoient regars et riz,
Dont mains marchans furent actains :
Nez courbé, de beaulté loingtains :
Oreilles pendantes, mossues,
Le viz pally, mort et destains, Menton froncé, ioues epeausues $.
C’est d’umaine beaulté l’issues :
Les bras cours et les mains contraictes, Les espaules toutes bossues, Mamelles, quoy ? toutes retraictes :
Telles les hanches que les tettes:
Du sadinet, fy ! Quant des cuisses, Cuisses ne sont plus, mès cuissetes Griuolées comme saulcisses.
Ainsi le bon temps regretons Entre nous, poures vielles sotes, Assizes bas à croppetons ?,
Tout en ung tas comme pelotes, A petit feu de cheneuotes
Tost allumées, tost estaintes,
Et jadis fusmes si mignotes !
Ainsi emprant à mains et maintes.
Balade.
Or y pensés, belle Gaultiere, Qui escoliere soulliés estre, Et vous, Blanche la sauetiere,
= Orest-il temps de vous congnoistre!
Prenez à dextre et à senestre, N’espargnez homme qui vous prie, Car vielles n’ont ne cours, ne estre, Ne que monnoie qu’on descrie.
Et vous, la gente saulciciere,
Qui de dancer estes adestre :
Guillemote la tappiciere,
Ne m’espargnez vers vostre maistre :
Tost vous faudra clorre fenestre ; Quant deuiendrez vielle flestrie,
Plus ne seruirez que viel prestre,
Ne que monnoie qu’on descrie.
Jehanneton la chapperonniere, Gardez qu’amy ne vous ampestre, Et, Katherine la bourciere, N’enuoiés plus les hommes paistre, Car qui belle n’est ne perpectre Leur bonne grace, mais leur rie :
Laide viellesse ‘? amour n’empestre, Ne que monnoie qu’on descrie.
Filles, vueillés vous entremectre D’escouter pourquoy pleure et crie :
\ C’est pource que ne me puis mectre, Ne que monnoie qu’on descrie.
STUMIYERSITY jen -4 JL 1960 7 OF CXFORD
À {Re , À
Ceste lecon icy leur baille,
La belle et bonne de iadiz.
Bien dit ou mal, vaille que vaille, Enregistrer j’ay fait ces dis,
Par mon clerc Fremy l’estourdiz, Aussi rassiz que ie puis estre.
S’il me desment, ie le mauldiz :
Autel le clerc est deu le maistre.
Sy appercoy le grant dangier, Ouquél homme amoreux se boute.
Et qui me voudroit laidengier
De ce mot, en disant : « Escoute !
Si d’amer t’estrange et deboute
Le barat d’icelles nommées,
Tu feras une folle doubte,
Car ce sont femmes diffamées.
« Sy n’ayment, fors que pour l’argent, On ne les ayme que pour l’eure; Rondement ament toute gent,
Et rien, lorsque bource ne pleure.
D'icelles !: si n’est qui ne queure, Mais en femmes d’onneur et nom, Franc homme, se Dieu me sequeure, Se doit emploier : ailleurs, non. »
Je prens qu'aucun die cecy, :
Si ne me conteste-il en rien.
En effect, il conclut ainsi, Et'ie le cuide entendre bien:
Qu'on doit amer en lieu de bien.
A sauoir-mon si ces fillettes,
Qu'en parolles longuement tien, Ne furent-ilz femmes honnestes :
Honnestes si furent vraiement,
Sans auoir reprouche ne blasmes.
Il est vray qu’au commencement
Une chascune de ces fames
Si prindrent, ains qu’eussent diffames,
Une ung lay, ung clerc, l’autre uñg movne, Pour estraindre d’amour les flammes,
Plus chaudes que feu sainct Anthoyne.
Or firent, selon ce decret,
Leurs amys, et bien y appart :
Elles amoient en lieu secret,
Ne nul autre n’y auoit part.
Non obstant, ceste amour s’espart, Car celle qui n’en auoit qu’un,
De celuy s’estrange et se part,
Et aime mieulx amer chascun.
Qui les meit ‘? ad ce? Je ymagine, Sans l’onneur des dames blasmer, Que c’est nature femenine,
Qui tout homme voudroit amer.
Autre chose n’y say rimer,
Fors qu’on dit à Raiïns et à Trois, Voire à l’Isle et à Saint Omer,
Que six ouuriers font plus que trois.
— Lj —
Or ont, les faulx amans, le bont, El Et les dames, print la vollée.
C’est le droit loyer qu’amans ont :
Toute foy y est viollée.
Quelque doulx baiser n’a collée
De chiens, d’oyseaulx, d'armes, d’amours.
C’est fine verité prouuée :
Pour une ioye cent doulours.
Balade.
Pour ce, amez tant que voudrés, Suyués assemblées et festes :
A fin ià mieulx vous n’en vaudrés ;
Si n’y romprés, fors que voz testes.
Folles amours font les gens bestes :
Salomon en ydolatria,
Sanson en perdit ses lunetes…
Bien est heureux qui rien n’y a!
Orpheus, le doulx menestrier, Joueux de fleustes et musettes, En fut en danger de meurtrier Chien Cerberus à quatre testes :
Et Narcisus, beau filz honnestes, En ung parfont puis s’en noya, Pour l’amour de ses amourettes… Bien est heureux qui rien n’y a!
Sardana, le preux cheualier,
Qui conquist le regne de Crettes,
En voulut deuenir moullier
[Et filer entre pucellettes] '* :
David, le roy sage prophetes,
Crainte de Dieu en oblia,
[Voyant lauer cuisses bien faites] ‘*...
Bien est heureux qui rien n’y a!
Amon en voult deshonnourer, Faignant de menger tartelettes,
Sa seur Thamar et deflorer,
Qui fut incest et deshonnestes :
Herodes (pas ne sont sornettes)
Saint Jehan Baptiste en decolla, .
Pour dances, saulx et chançonnettes… Bien est heureux quiriemnnyal
De moy poure ie vueil parler :
J’en fu batu, comme à ru telles ‘5, Tout nu, 1a ne le quier celer.
Qui me fist mascher ses groiselles, Fors Katherine de Vasselles,
Noë ", le tiers qui fut ila ?
Mitaines à ses nopces telles.
Bien est heureux qui rien n’y a!
Mais que ce !? ieune bachelier
Laissast ses ieunes basseletes,
Non, et le deust-on vif trayner, Comme ung cheuauch: ur d’escouuetes,
nr —
Plus doulces lui sont que ciuetes.
Mais toutesfois fol s’y fia.
Soient blanches, soient brunettes… Bien est heureux qui rien n’y a!
Se celle que iadis servoie
De si bon cuer et loyaument, Dont tant de maulx griefs j’auoie Et souffroie tant de tourment,
Se dit m’eust, au commencement, Sa voulenté (Mais nennil, las!), J'eusse mis paine aucunement
A me retirer de ses laz.
Quoy que ie lui voulisse dire, Elle estoit preste d’escouter, Sans m’accorder ne contredire, Qui plus me souffroit acouter ‘’, Joignant des piés m’arioter !*, Et ainsi m’aloit amusant,
Et me souffroit tout raconter,
Et si n’estoit qu’en m’abusant.
Abuser se fait à entendre
Tousiours d’ung que ce fust ung autre; De farine, que ce fut cendre :
D’ung mortier, ung chappeau de faultre :
De viel machefer, ce fust peaultre :
D’ambezas *°, que ce fussent ternes.
Tousiours trompeur aultruy engaultre Et rent vecies pour lanternes.
Du ciel, une poille d’arain :
De nues, une peau de veau :
Du matin, que c’estoit serain :
D’ung trongnon de chou, ung naueau :
D'orde seruoise, vin nouueau :
D'une truye, ung molin à vent,
Et d’une hars, ung escheueau :
D’ung gras abbé, ung poursuiuant.
Ainsi m'ont amours abusé
Et pourmené de l’uys au pesle.
Je croy que homme n’est si rusé, Fut fin comme argent de crepelle, Qu'il n’y laissast linge, drappelle, . Mais qu'il fust ainsi manié,
. Comme moy qui partout m’apelle :
Amours renys et regnyé.
Je regny amours et despite
Et deffy à feu et à sang :
Mort par elle me precipite,
Et ne leur en chault pas d’un blanc.
Ma vielle ay mis soubz le banc :
Si amans ne suiuray iamès :
Si iadiz ie fu de leur renc,
Je desclaire que ne suis mès.
Car ay mis le plumail au vent, Et le suyue qui a actente :
De ce me tais doresnauant,
Car poursuiure vueil mon entente.
Et s’aucun m'interrogue ou tente Comment d’amour i’ose mesdire, Celle parolle le contente :
« Qui meurt, à ses hoirs doit tout dire.
Je congnois aproucher ma seuf :
Je crache blanc comme coton, Jacoppins gros comme ung esteuf.
Qu’esse à dire que Jeanneton ?
Plus ne me tiens pour valleton, Mais pour ung viel usé regnart :
De viel porte voix et le ton,
Et ne suis qu’ung ieune coquart.
Dieu mercy et Jaque *! Thibault, Qui tant d’eau froide m’a fait boire, Mis en bas lieu, non pas en hault, Mengé d’angoisse mainte poire, Enserré... Quant j’en ay memoire, Je prie pour lui, et reliqua,
Que Dieu lui doit, et voire, voire, Ce que ie pence et cetera.
Toutesfois, ie n’y pence mal Pour luy, ne pour son lieutenant, Aussi pour son official,
Qui est plaisant et aduenant, Que faire n’ay du remenant,
Fors du petit maistre Robart.… Je les ayme tout d’un tenant, Ainsi que fait Dieu le Lombart.
Il me souuient bien, Dieu mercis, Que ie fiz, à mon partement, Certains Laiz, l’an Ivi*?,
Qu’aucuns, sans mon consentement, Voulurent nommer Testament.
Leur vouloir fut, non pas le mien :
* Mais on dit bien communement, Qu’ung chascun n’est maistre du sien *#.
Pour les reuoquer ne le diz,
Et y courust toute ma terre.
De pitié ie suis reffroidiz
Enuers le bastart de la Barre :
Parmy ses trois gluyons de ferre, Je luy donne mes vielles'nates :
Bonnes seront pour tenir serre Et soy soustenir sur ses pates.
Et s’ainsi est qu'aucun n’eust pas Receu les laiz que ie leur mande, J’ordonne qu’après mon trespas,
A mes hoirs en face demande.
Mais qui sont-ilz ? s’on les demande :
Moreau, Prouins, Robin, Turgis,
De moy (di tez que ie leur mande) Ont eu juc au lit où ie giz.
Somme, plus ne diray qu’un mot, Car commencer vueil à tester.
Deuant mon clerc Fremy, qui m’ot, S’il ne dort, ie vueil protester
Que n’entens homme detester En ceste presente ordonnance, Et ne le vueil magniffester, Sinon ou royaume de France.
Je sens mon cuer qui s’afeublit
Et plus ie ne puis pappier.
Fremy, sié toy auprès mon lit :
Que l’on ne me viegne espier.
Pren encre tost, plume et pappier :
Ce que dy escry vistement,
Puis fay-le partout coppier,
Et vez cy le commencement.
OU NOM DE DIEU PERE ETERNEL Et du Filz que Vierge parit, Dieu au Pere coeternel, Ensemble le saint Esperit,
Qui saulua ce qu’Adam perit,
Et du peryÿ pare les cieux.
Qui bien ce croit, peu ne merit :
Gens mors estre faiz petiz dieux.
Mors estolent, et corps et ames,
En dampnée perdicion :
Corps pourriz, et ames en flammes, De quelconques condicion.
Toutesfois, faiz ** excepcion
Des patriarches et prophetes ;
Car, selon ma concepcion,
Onques n’eurent grant chault aux fesses.
Qui me diroit : « Qui vous fait mectre 'Si tresauant ceste parolle,
Qui n’estes en theologie mestre,
Dont vous est presumption folle ? »
C’est de Jhesus la parabolle
Touchant du Riche enseuely
En feu, non pas en couche molle,
Et du Ladre de dessus luy.
Se du Ladre eust veu le doit ardre,
la n’en eust requis reffrigere,
N’au bout d’un de ses doiz adherdre *ÿ, Pour refreschir sa maschouere.
Pyons y feront mathe chiere,
Qui boyuent pourpoint et chemise.
Puisque boiture y est si chiere,
Dieu nous en gart, bourde jus mise.
Ou nom de Dieu, comme ray dit, Et de sa glorieuse mere,
Sans peché soit parfait ce dit, Par. moy plus mefgre que chimere.
Si ie n’ay eu fieure ou fumere,
Ce m’a fait diuine clemence :
Mais d’autre mal et perte amere le me tais, et ainsi commence :
Premier, ie donné à ma poure ame La glorieuse Trinité,
Et la commende à Nostre Dame,
Chambre de la Divinité :
Priant toute la charité
Des dignes IX ordres des cieulx, Que par eulx soit ce don porté Deuant le Trosne precieux.
Item, mon corps r’ordonne et laisse À nostre grant mere la terre.
Les vers n'y trouueront grant gresse :
Trop luy a fait faim dure guerre.
Or lui soit deliuré grant erre :
De terre vint, en terre tourne :
Toute chose qui par trop n’erre, Voulentiers en son lieu retourne.
Item, et à mon plus que pere:
Maistre Guillaume de Villon,
Qui esté m’a plus doulx que mere A enfant leué de maillon,
Degeté hors de maint boullion :
Et de cestuy pas ne s’esioye !
Je luy requier à genoillon .
Qu'il m’en laisse toute la ioye.
Je luy laisse ma librairie
Et le Romant du Pet au deable, Que maistre Guillen Tribarie Grossa, qui est homs veritable.
Par cayelz est soubz une table :
Combien qu’il soit rudement fait, La matiere est si tresnotable, Qu'elle amende tout le forfait.
Item, donne à ma poure mere,
Pour saluer nostre Maistresse,
Qui pour moy ot douleur amere, Dieu le scet! et mainte destresse :
(Autre chastel n’ay, ne forteresse
Où me retraie corps et ame,
Quant sur moy court malle destresse, Ne ma mere, la poure femme) :
Balade.
Dames des Cieulx, regente terrienne, Emperiere des infernaulx paluz,
Receuez moy, vostre humble chrestienne :
Que comprinse soie entre vos esluz,
Ce non obstant qu’onques rien ne valuz.
Les biens de vous, madame ma maistresse, Sont trop plus grans que ne suis pecheresse, , Sans lesquelz biens ame ne peut merir, N’auoir les cieulx : ie n’en suis menteresse : En ceste foy ie vueil viure et morir.
A vostre Filz dictez que ie suis sienne :
De lui soient mes pechez aboluz :
Pardonnez-moy, comme à l’Egyptienne, Ou com fistes au clerc Theophilus,
Lequel par vous fut quicte et absoluz, Combien qu’il eust au deable fait promesse.
mn OT ==
Preservez-moy que n’acomplisse ce, Vierge portant, sans rompure encCorir,
Le sacrement qu’on celebre à la messe.
En ceste foy ie vueil viure et morir.
Femme ie suis pourete et ancienne,
Qui rien ne scay : onques lettre ne luz.
Au mostier vois, dont suis paroissienne, Paradis peint, où sont harpes et luz :
Puis voy enfer, où sont dampnez boilluz :
L’un me fait paour, l’autre ioye et liesse.
La ioye auoir me faiz, haulte deesse,
A qui pecheurs doiuent tous recourir :
Comblé de foy, sans fainte ne paresse, En ceste foy ie vueil viure et morir.
Vous portastes, Vierge digne princesse, Jhesus regnant, qui n’a ne fin ne cesse :
Le Tout Puissant, prenant nostre foiblesse, Laissa les cieulx et nous vint secourir, Offrant à mort sa treschiere ieunesse.
Nostre Seigneur est tel, ie le confesse :
En ceste foy ie vueil viure et morir.
Item, m’amour, ma chere Rose, Ne lui laisse ne cuer ne foye :
Elle ameroit mieulx autre chose, Combien qu’elle ait assés monnoie.
Quoy? une grant bource de soye, Plaine d’escuz, profonde et large.
Mais pendu soit-il, qui ce soye, Qui l’y lairra n’escu ne targe.
Car elle en a sans moy assés, Mais de cela il ne m’en chault :
Mes plus grans deulz en sont passés.
Plus n’en ay le croppion chault.
Je m’en demetz aux hoirs Michault, Qui fut nommé le grand fouterre :
Priez pour lui, faictes ung sault :
A saint Sactour gist soubz Ausserre.
Ce non obstant, pour m’acquiter, Enuers amours, plus que uers elle, Car onques n’y peuz acquester D’espoir une seule estincelle…
Je ne scay s’à touz si rebelle
A esté, ce m'est grant esmoy.
Mais, par sainte Marie la belle |
Je n’y voy que rire pour moy.
Ceste ballade luy enuoye,
Qui se termine tout par R.
Qui lui portera? que ie voye?
Sera Perinet de la Barre,
Pourueu, s’il rencontre en son erre Madamoiselle au naz tortu,
1l luy dira, sans plus enquerre :
. « Orde paillarde, dont viens-tu? »
Balade.
Faulce beauté, qui tant me coste cher, Rude en effet, ypocrite doulceur,
Amour dure plus que fer à mascher, Nommer te puis de ma deffacon seur, Cherme, selon lPamour d’un poure cueur, Orgueil mussé, qui gens metz au morir, Yeulx sans pitié, ne veult droit de rigueur, Sans empirer, ung poure secourir.
Mieulx m’eust valu auoir esté cercher Ailleurs secours, s’eust esté mon honneur.
Rien ne m’eust sceu de ce fait arracher.
Troter m’en fault en fuite et deshonneur.
Haro, haro, le grant et le mineur!
Et qu’esse-cy? Mourray-ie sans ferir ?
Ou pitié veult. selon ceste teneur,
Sans empirer, ung poure secourir.
Ung temps vendra, qui fera desecher, Jaunir, flestrir vostre espanye fleur :
Je m’en risé, s’enfant peusse marcher, Mais las! nennil; ce seroit donc foleur.
Viel ie seray, vous laide sans couleur.
Or buués fort, tant que ru peult courir :
Ne donnés pas à tous ceste rigueur, Sans empirer, ung poure secourir.
Prince amoureux, des amans le grigneur, Vostre mal gré ne vouldra encourir :
Mais tout franc cuer doit, pour Nostre Seigneur, Sans empirer, ung poure secourir.
Item, à maistre Ithier, marchant, Auquel mon branc laissé iadiz, Donne, mais qu’il le mecte en chant, Ce Lay, contenant des vers dix,
Et au lucz, ung de proffundis,
Pour ses anciennes amours, Desquelles le nom ie ne diz,
Car il me hayroit à tousiours.
Lay.
Mort, l'appelle de ta rigueur, Qui as ma maistresse rauye Et n’es pas encore assouuie, Si tu ne me tiens en langueur.
Onques puis n’euz forte vigueur!
Mais que te nuysoit-elle en vie?
Deux estions et n’auions qu’ung cuer!
S’il est mort, force est que deuie, Voire, ou que le viue sans vie, Comme les ymages par cuer.
Jtem, à maistre Jehan Cornu, Autre nouueau laiz lui vueil faire, Car il m’est tousiours suruenu
A mon grant besoing et affaire :
Pour ce, le jardin lui transfere Que maistre Pierre Bobignon M’arenta, en faisant reffaire L’uys et redrecer le pignon *.
Item, et pource que la femme
De maistre Pierre Saint Ament, Combien se coulpe y a à l’ame,
Me mist en ranc de cayement (Dieu lui pardonne doulcement), Pour le Cheual blanc qui ne bouge, Lui semblable à une iument
Et à la mulle, ung asne rouge.
Item, donne à sire Denis Hynselin, esleu de Paris, Quatorze muytz de vin d’Aulnis, Prins sur Turgis, à mes perilz.
S’il en buuoit tant, que periz En fust son sens et sa raison, Qu’on mecte de l’eaue ès barilz :
Vin pert mainte bonne maison.
Item, donne à mon aduocat Maistre Guillaume Charruau, Quoyque marchant ou pour estat, Mon branc... le me tais du fourreau.
Il aura auec ung reau
En change, affin que sa bource enîle, Prins sur la chaussée et carreau
De la grant closture?* du Temple.
Item, mon procureur Fournier
Aura pour toutes ses Coruées (Simple sera de l’espargner)
En ma bourse ïii hauées,
Car maintes causes m’a sauuées, Justes (ainsi Jhesus Crist m'aide) Comme elles ont esté trouuées : Mais bon droit a bon mestier d’aide.
Item, j’ordonne à maistre Jaques Regnier, le grant godet de Greue, Pourueu qu’il paiera ii plaques, Deust-il vendre, quoy qu’il luy griefue, Ce dont on queuure mol et greue :
Aller sans chausses en eschappin,
Se sans moy boit, assiet ou lieue,
Au trou de la Pomme du Pin.
Item, quant est de Meresbeuf
Et de Nicholas de Louuiers, Vache ne leur donne, ne beuf,
Car vachiers ne sont, ne bouviers, Mais gens pour porter esparuiers, Ne cuidés pas que ie me ioue,
Et pour prendre perdrix, plouuiers, Sans faillir, sur la Machecoue.
Item, viegne Robin Turgis
A moy : ie luy paieray son vin.
Combien ? S’il trouue mon logiz, Plus fort sera que le Diuin.
Le droit Jui donne du chemin Que ray comme enfant de Paris :
Si ie parle ung pou poicteuin, Yce m’ont deux dames apris.
A ! elles®® sont belles et gentes Et demeurent à Saint Guerou, Près Saint Julien de Vouuentes, Marche de Bretaigne et Poictou.
Mais y ne dy proprement où Par qu’elles passent tous les ours.
M’arme ! y ne seray pas si fou, Car ie vueil celer mes amours.
Item, à Jehan Regnier ie donne, Qui est sergent voire des douze, Tant qu’il viura, ainsi Pordonne, Chascun iour une tallemouze, Pour bouter et fourrer sa mouze, Prins à la table du Bailly :
A Maubué sa gorge arrouse#!,
Car au mengier n’a pas failly **.
Item, aux XIXX sergens
Donne, car leur fait est honneste Etsont bonnes et doulces gens, Denis Richer et Jehan Vallecte,
A chascun une grant cornete,
Pour pandre à leurs chappeaulx de faultres, J’entens ceulx à pié, à la guecte,
Car ie n’ay que faire des autres.
Derechief, ie donne à Pernet, J’entens le bastart de la Barre, Pource qu’il est beau friz et net, En son escu, en lieu de barre, Trois dez plombés de bonne carre, Et ung beau ioly ieu de quartes.….
Pourueu, s’on l’oit vecir ne poirre, En oultre, aura les fieures quartes.
Item, ne vueil plus que Cholet
Dole, tranche, doe, ne boise,
Relie brocq ne tonnelet,
Mais tous ses hostilz changer voise
A une espée lyonnoise,
Et retienne le utinet : de Combien qu’il n’aime bruit et noise,
Si luy plaist-il ung tantinet.
Item, ie donne à Jehan le Lou, Homme de bien et bon marchant, Pource qu’il est linget et flou
Et que Cholet est mal serchant, Ung beau petit chenet couchant, Qui ne laira poullailles en voie, Ung long tabart et bien cachant, Pour les musser, qu’on ne les voie.
Item, à l’orfeure Du Boys
Donne cent clôz, queues et testes, De gingembre sarrazinois,
Non pas pour acomplir ses buistes, Mais pour coniondre culz et coiectes Et couldre iambons et andoilles, Tant que le lait en monte ès tettes Et le sang en deualle ès coulles.
Au cappitaine Jehan Rou,
Tant pour lui que pour ses archiers,
Je donne VI hures de lou,
Qui n’est pas viande à porchiers,
Prins à gros mastins de bouchiers,
Et cuictes en vin de buffet :
Pour mengier de ces morceaulx chiers, On en feroit bien ung mal fait.
C’est viande ung peu plus pesante Que duuet, ne plume, ne liege :
Elle est bonne à porter en tente
Ou pour user en quelque siege.
S’ilz estoient pris à ung piege,
Que ces mastins ne seussent courre, J’ordonne, moy qui suis bon miege, Que des peaulx, sur l’iuer, se fourre.
Item, à Robinet Trouscaille, Qui en seruice (c’est bien fait) A pié ne va comme une quaille, Mais sur rouan gras et reffait,
Je luy donne, de mon buffet, Une iacte qu’emprunter n’ose :
Il aura mesnage parfait,
Plus ne luy failloit autre chose.
Item, donne à Perrot Girart, Barbier iuré du Bourg la Royne, Deux bacins et ung quoquemart, Puisqu’à gaigner met telle paine.
Des ans y a demie douzaine, Qu’en son hostel, de cochons gras M’appareilla, une sepmaine, Tesmoing l’abbesse de Jouras.
Item, aux freres mendiens,
Aux deuotes et aux beguines,
Tant de Paris que d’Orleans,
Tant turlupins que turlupines,
De grasses souppes iacoppines,
De flans leur faiz oblacion,
Et puis après, soubz ses courtines, Parler de contemplacion.
Sy ne suis-ie pas qui leur donne, Mais de touz enffans sont les meres.
C’est Dieu qui ainsi les guerdonne, Pour qu’ilz seuffrent paines ameres.
Il faut qu'ilz viuent, les beaulx peres, Et mesmement ceulx de Paris :
S’ilz font plaisir à noz commeres,
Ilz ayment ainsi leurs mariz.
