LE BANCQUET DU BOYS
Ce beau printemps, qui ceurs à joie duit, Se passera-il ainssi meschantement ?
La terre fleurs renouelle et produit,
Et s’en reuest si tresioliement,
Puis ça, puis la, qui semble proprement, Tant y fait bon, gracieux et bel estre, Que ce soit veoir ung paradis terrestre.
Où sont bergers ? Que sont-ils devenus, ui souloient iouer de la musette ?
Où sont-ils tous ? Qui les a retenus ?
Où est Rifflart et s’amye Guillemette ?
Où est Gombault à sa grise cornette,
Le bon Jehannot, le hastiz Renouars ?
Qu’est devenu le flory Grimouars ?
Où sont bergers ? Où sont ces pastourelles ?
Où est Robin ? Marion est venue.
Où sont bergeres et pastours entour elles,
| Et] ly Hebers à la barbe chenue ?
Hé ! bergerie, et qu’es-tu deuenue ?
Resueillés-vous, francs bergers sans reproche, Resueillés-vous, le mois de may approche!
Certes, Gonthier, il les vous fault auoir, Pour mettre sus quelque nouueau sembel :
Mandés-les cy, et y feront deuoir
De comparoir, car le lieu est moult bel.
Je me fais fort que, puis le temps Abel,
Bergers ne firent resueil si honorable, Car la place est moult belle et delictable.
Resueillés-vous, faictes vostre bancquet, Ainsi que ont fait les seigneurs de Paris :
Mandés Gombault et le grisart Jacquet, Et Renouars, et le viel Aloriz :
Mandés Rüfflart, Grimouars le floris,
A ce bancquet dessus l’arbette drue,
Et que chascun y admene sa drue.
Soubz aubepine bien fleurie et fleurant,
En lieu amene, comme un droit paradis,
Manda Gonthier, esté tint repairant,
Le bon bergier et pastour de iadis.
Si sont venus, puis Ça six, puis ça dix,
Et amainent leurs brebis et leurs chiens, Chieures, moutons, et grant part de leurs biens.
Premier y vint Aloriz ly senez, :
Auec son chien, qui est*et bon et beaulx- Deux de ses filz, plus gaiz n’eut homme nez, Y amena, qui frent mains sembeaulx.
Dieux ! quel plaisir de veoir telz pastoureaulx, Portans chascun houllette et panetiere,
Qui ne demandent qu’à faire bonne chere !
Or vient Rifflars : n’a garde de songier
Et a juré tous les artz de tollette:
Qui ne lui fault herault, ne messagier, Pour le mander. Nulz ne s’en entremette.
Et si amaine auec luy Guillemette, Chieures, moutons et brebis à grant laine, Car trop desire veoir Gonthier et Helaine.
D'autre lez vient damp Gombault l’azuré, Qui a iuré par sa cornette grise Et par sa fleuste (or, est-ce bien iuré),
Qu'il comparra, puisqu'il scet l’entreprise.
Mais qu'amaine-il ? Une couple bien prise De belles filles, prestes à le bien faire :
C'est beau present, qui presente la paire.
Le bon Jehannot et la sotte Margaie
A ce bancquet reuiennent accourant :
Morel leur chien amainent à grant ioye, Qui le pris ot, l’autruy, au mieulx courant.
Peu s’en falut que tout le demourant
De leur chastel n’ait este admené,
Mais de leurs gens n’ont fors eulx amené.
Or y aceurt ly hastifz Renouars,
Qui au bancquet amena ses brebis
Et ses deux chiens qui ne sont pas couars, Pour les garder des maulx leux enrabis :
Son vert huuet, dont il fait le grobis, N'oublie pas, tasse ne panetiere,
Auec Hersent, sa godinette chere.
Ly Berhebés, à la chanue barbe,
En bergerie trestout le plus senez, Vient d'autre part, s’aporte sa rebarbe, Au bancquet a ses enfans amenés,
Et filz, et files, gayement atournés
De chappelets et fleurettes petites, Souef dutns. semés de marguerites.
Gobin le gaiz en a ouy le vent,
Qui a iuré crucefiz et moustiers,
Que pour ung moyne ne fauldra le conuent.
La feste scet : si yra voulentiers.
Saués que fist ly franc compains Entiers :
Songneusement attela sa charrette,
Au Dancquet vient et amaine Perrette.
Tous les bergiers, de vingt lieues à la ronde, Venus y sont : n’ont soing de demourer, Les plus sachans qui soient en ce monde
= HZ
Pour bien dancer, fleuster et tabourer :
Et pour Gonthier plus à plain honorer, N’y ot celuy qui n’eust o soy present Muse ou flaiol, ou quelque autre present.
Tous d’un accord ont Gonthier salué,
Aussi Helaine, la dame de la feste :
Chascun son don y a distribué,
Muse ou flaiol, ou chien, ou autre beste.
Puis dit Gonthier : « Qr sus, à ma requeste, Souffle, Rifflart, une dance bien prise,
En attendant que la nappe soit mise. »
Moult fut la court et grande et renuoisée, Plaine de ioye, quant chascun fust venu.
Là fust ce iour faicte mainte risée :
Fleusté, dancé, ont souvent et menu.
Mais à quans coups Gombault se fust tenu, Veu qu’il auoit près de luy sa doulcette, Qui ne dansast au son de la musette.
Chascun feist feu de tripper et sailhr, Chascun feist feu de frapper de la botte, Chascun feist feu de sa dame assaillir, Chascun feist feu de mener sa mignote.
A tant arrive, à tout sa bleue cotte,
Le mauforbis Gombers à son bedon, Qui à Gonthier raporte maint beau don.
Trop feust la court ioyeuse en son venir, Car de tous lez recommance la ioye.
Chascun y queurt : nul ne se peult tenir De s’esioyr, car Franc Gonthier l'ottroÿe :
L'ung crie France, l’autre crie Monioye ! Bonne aduenture ait Gombers le gentilz, A tout sa fleuste et ses aultres houstilz !
Ou lez d’ung boys, si plaisant qu’on peult dire, Sir l’erbe verte, auprès d'une fontaine, Fust Franc Gonthier, et là suit son empire,
Et son bancquet, en ioye moult hautaine,
Sans quelque orgueil, sans rigueur, sans attaine, Et sans enuye, car de ce n'ont-y cure :
Comptons des biens que leur dunne Nature.
Biens ont assez, car ilz ont souffisance :
De deul n’ont cure, ne de merencolie.
De tous les biens qui sont ores en France Rien ne leur est, car ce n’est que follie.
Ung trihory dessus l’erbe iolye,
Au flaiolet, leur porte plus de bien
Que de tous biens ne scay dire combien.
Le beau pain bis, la belle eaue toute platte, L’ail et l’oingnon, la petite maison,
Beaulx pois pillés toute plaine une iatte,
Ou le beau lait, quant il en est saison :
Sur l’erbe vert, du surplus nous taison,
Faire cela, sans doubte de personne.
Hé dieux! quel vie! sur mon âme, elle est bonne !
Pour honorer plus haultement le iour, Chargea Gonthier Helaine expressement Qu'elle apportast, sans y faire seiour, Lait et formage, et sel gros largement,
La blanche nappe, sentant souefuement, Et le beau pain, qui deux fois fust sassé :
D'autre plus bis se feust-on bien passé.
Aulx et oingnons y eust à grosses bottes, Et molz formages en grande quantité, Herbes, ciuotz, porrette, escalottes,
Pour refraischir, car lors estoit esté.
Chascun saisist, l’ung droit, l’autre à coste, Sur l’erbe vert, l’ung l’autre n’atendit :
Qui deust seruir au seruice attendit.
A chascun mez eust assés flaiollé, Et de musette, de fleuste et de bedon :
Assés y ot baué et rigollé :
L'ung gette à l’autre tousiours quelque lardon. Grande est la feste, tout y est abandon.
Gardemanger n’y ot, huche, ne aumoire :
De riens garder n’estoit-il lors memoire.
Et autour d’eulx sont leurs bestes à laine, Chieures, moutons, chascun en son espece, Parquetz de cloies pour seurté plus certaine. Il ont beau paistre, car l’erbe y est espesse. N'y a brebis, ne mouton qui ne paisse,
Et près du parc sont leurs chiens en aguet :
De paour du loup, chascun y faict le guet.
Comme ilz auoient disné presqu’à demy,
Du bois saillit le seigneur Ysangrins,
Qui aux pastours est mortel ennemy :
Une brebis cuida prendre au pourprins.
Les chiens saillent: tant ont faict que l’ont prins. Plus n’emblera brebis, chieure, n'oison :
Presenté fust en lieu de venaison.
Mouit en fust ris, car c’estoit belle prinse Et beau present en feste si notable.
Bergiers éntranent dehors de la pourprinse, Au chief du bois, assés Joing de la table :
A une hart, sans engin ne sans chable,
Pour ses meffais feust maistre loup pendu :
Son larrecin luy est bien cher vendu.
De toutes pars recommence la feste,
Plus renuoisée qu’auant n’auoit esté.
Joyeulx sont tous de la noble conqueste :
Oncq ne feust veue telle ioieusetté.
« Sus ! dit Gonthier, n’y ait plus arresté :
Qui scet chanter chante, qui fleuste fleuste ! Prengne chascun sa musette et sa fleuste !
« Je veuil auoir quelque gente morisque, Qui soit dansée sur mode de bergier, La pastourelle ou une aultre plus frisque. »
Entan saillit en champ le beau Rogier, Qui deschaussa, pour estre plus legier, Bottes et guestres et soulliers à noyaulx : Y! feroit feu, s’en amours est loyaulx.
Car là estoit sa dame en amourettes,
L'une des filles à l’azuré Gombault :
Donné luy ot romarins et violettes,
Par amours fines, dont il ot le cueur bault.
Belle fille est, et yl fust beau ribault :
L'une beaulté à l’autre correspont :
Heurte Guillaume, Ysabeau luy respont,
Sans riens oster ne troubler le seruice,
Fust ceste dance tresbien continuée,
De haye en haye et d'office en office :
Plus Pelle dance ne vit oncq ame née.
Le doulx Gobers Melot y a menée :
St feist Aubry Bietrix sa dame chere :
Gens qui s’entraiment s’entrefont bonne chere.
Amours contraint, que 1à n’ait endormye, Jehan, filz Hebers, d’aler saisir Agache :
Ung peu rougist, car elle estoit s’amye
Secretement, ne veult pas qu’on le sache.
Les petis saulx fait dru comme une vache O ses soulliers, qui l’autruy furent oings :
En amours a tousiours assés de soings.
Moult bien dancerent à la mode bergiere Deux ou trois nottes, que Gombers bedonna A tout sa fleuste, par si doulce magniere,
Que boys et champs et tout en resonna. Puys, à un signe que Gonthier leur donna, Cessa la dance qui durast à 1amais,
Mais il faloit auoir les entremetz.
Cinq s’en partirent pour faire leur deuoir Des entremetz querir et presenter :
N'y a celuy qui ne desire auoir
Bel entremetz, pour Gonthier comptenter.
Le beau Rogier se peult lors bien vanter Que bel l’auoit, car ès buissons trouua Ung nic de pie que la mere couua.
Le doulx Gobers va d’autre part saisir
Ung nic d’oiseaulx, dont il fut moult mignolz. Quel entremetz! qui n’y prendroit plaisir ?
Et mesmement que c’estoient rossignoiz.
Tout garotté de ioncgs ioinctz à lignolz
Caige de mesmes desus le nic bouta :
Ainsi l’emporte, car perdre le euida.
Thierry le sot, aisné filz Aloris,
Jà se Dieu plaist, ainssi ne demoura
Sans entremetz : il vit une soris :
Prendre la cuide. Je ne scay s’il pourra.
Et ouy vrayement, car c’est qui mieulx courra. Prinse, la met au fort de sa houlette : | Grant ioye en mainne, car belle prinse a faicte.
Ly duc Gossarts, à la chiere courtaise, Cuide en courant prendre ung esmerillon, Mais il faillit, car 1 fist trop de noise :
Si s’envola le petit oisillon. .
Autour de luy a veu maint papillon :
Deux en a prins, les plus beaux du tropel :
Pour presenter, les meist soubz son chapel.
Et Baudichon, qui amoit Jacquelotte, Fille Gombault, dont fust moult assotté, Pour mieulx courir, a rebrassé sa cotte, Tiré ses guestres et si s'est debotté.
Tant a ee eouru et tricquotté, Qu'ung chahua a saisy à la course :
Longes luy feist des tirans de sa bourse.
Or, Dieu mercy, chascun beau present a, C'est grant miracle, qu’ils en ont peu finer. Du retourner chascun fort se hasta,
ES
Là où seotent les aultres à disner.
Grant deuoir feirent chascun de s’encliner Deuant Gonthier, et leurs metz presenterent : Lors rirent tous et fort s’en contenterent.
& Moult, dit Gonthier, sont beaulx les entremetz ! » « Voire! » se dist Renouar le hastifz.
Les cinq bergers ont le pris pour huy, mais
Tous l’acorderent : les grans et les petis
Tant les louerent, qu’encores il fussent-ilz.
Mais aux varletz, qui estoient [là] autour,
Sigoa Gonthier qu’on apportast le four.
Ce dit, en près saillirent les deux bergiers, Dont le plus viel n’ot pas vingt ans passez : Moult furent beaulx, roides, fors et legiers,
Si bien les ot Nature compassez.
Or leurs aides, dont ilz orent assés,
Quatre flaiolz presenterent sur table :
Ce n’est pas mocque, mais four bel et notable.
Bien seruis furent, et feusse pour le pape :
Tout fut mengié : si falut desservir.
Après tous metz, fust estonssé la nappe Pour l’ipocras, dont il fallait seruir,
Mais point n'en orent, si s’en falut cheuir.
Un grant pain bis gettent en la fontaine :
« C'est ypocras et mestier! » dit Helaine.
Tous se leuerent, quant graces furent dictes : Vielles sonnent, la fleuste et la musette.
Bergieres orent, tant grandes et petites, Chapeaulx moult beaux de fleurs et violette,
Et bergiers saillent, qui mainte mine ont facte. À la dance chascun maine la soye :
Oncques bergiers ne menerent tel ioye.
Quant dansé orent assés longuettement, Tant que chascun suoit en son harnoys, Trois des bergiers partent soudainement,
— ji10 —
Et se detracquent à l’orée du boys.
Là se desguisent, chascun en son lourdoys, Le mieulx qui peuent, si hardi qu’omme rie :
Ainssi faict-on quant on faict mommerie.
Bergiers mommerent le mieulx qu’oncques fust veu, Pour eulx aux dances faire mieulx renommer.
Congneus ne sont : ad ce ont-ilz bien pourueu,
N'y a celuy que l’on sache nommer.
Oncq on ne vit plus gaiement mommer,
Ainsi que dient les bergiers et bergieres :
Le bruyt leur donnent, qui ne leur couste gueres.
Bien feust midi, si leua la chaline,
Dont maint bergier de danser se lassa.
Aux menestriers donna Gonthier ung signe, Chascun se tust et la dance cessa.
Les uns dormirent, et le chault se passa.
Les autres vont reboursans les buissons, Eulx esbatans en diuerses facons.
A nicz querir les aucuns s’applicquerent,
Et les aucuns boucqués et chapeaulx firent :
Les ungs dancerent et les aultres chanterent : Les uns se couchent et les aultres s’assirent : Aultres au boys tout de gré se perdirent.….
Je n’en dis plus: d'Adam sommes et d’Eue :
Se ce n’est tout, qui vouldra si acheue. :
Or ça, mon livre, si vis baptisart,
Si dy volo, et on te nommera.
Quo nomine vis ergo vocari ?
Il est muet : 1à mot n’en sonnera.
Au fort, alés qui le decidera !
Sans tant tenir tant de chiens aux abois, Vela son nom : c’est le Bancquet du Boys.
