I.XXII" NOUVELLE

pas U

ourgoig"

LA LXXP NOUVELLE

RACOMPTEE PAR MONSEIGNEUR LE DLC

Saint Omer, n'a pas long temps, advint une assez bonne histoire qui n'est pas moins vraye que l'Evangile, comme il a esté et est congneue de plusieurs notables gens, dignes de ioy et de croire. Et fut le cas tel pour le brief faire. Ung gentil chevalier, des marches de Picardie, pour lors bruyant et frisque, de grant auctorité et de grant lieu, se vint loger en une hostelerie qui, par le fourrier de monseigneur le duc Phelippe de Bourgoigne , son maistre, lui avoit esté délivrée. Tantost qu'il eust mis le pié

à terre, et que il fut descendu de son cheval, ainsi comme il est de coustume auxdictes marches, son hostesse lui vint au devant et tresgracieusement, comme elle estoit coustumiere et bien aprinse de ce faire : aussi, le receut moult honorablement; et lui, qui estoit des courtois le plus honorable et le plus gracieux, l'accola et la baisa doulcement, car elle estoit belle etgente, et en bon point, et mise sur le bon bout, appelant, sans mot dire, trop bien son marchant à ce baisier et accolement; et de prinsault n'y eut celuy des deux qui ne pleust bien à son compaignon. Si pensa le chevalier par quel train et moyen il parviendroit à la jouissance de son hostesse, et s'en descouvrit à ung sien serviteur, lequel en peu d'heure batist tellement les besoignes qu'ilz se trouvèrent ensemble.

Quant ce gentil chevalier vit son hostesse preste d'ouyr et d'entendre ce qu'il vouldroit dire, pensez qu'il fut joyeux oultre mesure, et, de grant haste et ardant désir qu'il eut d'entamer la matière qu'il vouloit ouvrir, il oublia de serrer l'huys de la chambre, et son serviteur, au partir qu'il fist de leur assemblement, laissa l'huys entrouvert. Alors ledit chevaHer commença sa

harengue bonne alleure, sans regarder à autre chose; et l'hostesse, qui ne l'escoutoit pas à regret, si lui respondit au propos, tant qu'ilz estoient si bien d'accord que oncques musique ne fut pour eulx plus doulce, ne instrumens ne pourroient mieulx estre accordez, que eulx deux, la mercy Dieu, estoient.

Or advint, ne sçay par quelle adventure, ou se Teste de leans, mary de Tostesse, queroit sa femme pour aucune chose lui dire, ou passant d'aventure par devant la chambre où sa femme avec le chevalier jouoit des cymbales, il en ouyt le son : si se tira vers le lieu où ce beau déduit se faisoit, et, au heurtera l'huys qu'il fist, il trouva l'atelée du chevalier et de sa femme, dont il fut de eulx trois le plus esbahy de trop, et en reculant subitement, doubtant les empescher et destourber de ladicte œuvre qu'ilz faisoient, leur dist, pour toutes menaces et tençons : « Et, par la mort bieu, vous estes bien meschans gens, et à vostre fait mal regardans, qui n'avez eu en vous tant de sens, quant vous voulez faire telz choses, que de serrer et tirer l'huys après vous! Or pensez que ce eust esté se ung aultre que moy vous y eust trouvez! Et, par Dieu, vous estiez

gastez et perdus, et eust esté vostre fait descelé, et tantost sceu par toute la ville. Faictes aultrement une aultre fois, de par le dyable! » Et, sans plus dire, tire l'hujs et s'en va; et bonnes gens de racorder leurs musettes et parfaire la note encommencée.

Et, quant ce fut fait, chascun s'en alla en sa chascune, sans faire semblans de riens; et n'eust esté, comme j'espoire, leur cas jamais descouvert ou au moins si publique de venir à voz oreilles ne de tant d'aultres gens, se n'eust esté le mary, qui ne se douloit pas tant de ce qu'on l'avoit fait coux que de l'huys qu'il trouva desserré.