LA LXXXVIII^ NOUVELLE

^N une gente petite ville cy entour, ^que je ne vueil pas nommer, est Ya>] Kf^S^ ^'^ S^^^^^ advenu adventure, dont ikJ't^^Àd^je vous fourniray ceste nouvelle. Il y avoit ung simple et rude païsan marié à une plaisante et assez gente femme, laquelle laissoit le boire et le menger pour aymer par amours. Le bon mary avoit d'usaige de demourer trèssouvent es champs, en une maison qu'il y avoit, aucunesfois troys jours, aucunesfois quatre, aucunesfois plus, ainsi qu'il lui venoit à plaisir; et, laissoit sa femme prendre du bon temps à la bonne ville. Car, affin qu'elle ne s'espoventast, elle avoit tousjours ung homme qui gardoit la place du bon homme et entretenoit son devant, de paour que le roui n'y print. La règle de

5o QUATRE-VINGT-HUITIÈME NOUVELLE

ceste bonne bourgeoise estoit de attendre toutesfoiz son mary jusques à ce que l'en ne véoit gueres ; et jusques à ce qu'elle se tenoit seure de son mary qu'il ne retournoit point, ne laissoit venir le lieutenant, de paour que trompée ne feust.

Elle ne sceut mettre si bonne ordonnance en sa règle acoustumée que trompée ne feust, car, une fois, ainsi que son mary avoit demouré deux ou trois jours, et pour le quatriesme avoit attendu aussi tard qu'il estoit possible avant la porte close, cuidant que pour ce jour il ne deust point retourner, si ferma l'huys et les fenestres comme les aultres jours, et mist son amoureux au logis, et commence à boire d'autant et faire chiere tout outre. Gueres assis n'avoient esté à la table que nostre mary vint hucher à l'huys, tout esbahy qu'il le trouvoit fermé.

Et, quant la bonne dame l'ouyt, fîst saulver son amoureux soubz le lict, pour le plus abregier, puis vint demander à l'huys qui avoit heurté. « Ouvrez! dist le mary. — Ha, mon mary, dist elle, estes vous là? Je vous devois demain envoler ung messaiger comment ne retournissiez point. — Quelle chose y a il? dist il. — Quelle chose? dist elle. Helas! les sergens ont esté

céans plus de deux heures et demie, vous attendant pour vous mener en prison. — En prison? dist il. Et comment en prison? Quelque chose ai je mefîait ? A qui doy je? Qui se plaint de moy? — Certes je n'en sçay rien, ce dist la rusée, mais ilz avoient grant vouloir et désir de mal faire; il sembloit qu'ilz voulsissent tuer ung caresme,'si fiers estoient ilz. — Voire, ce disoit noz amys, ne vous ont ilz point dit quelque chose qu'ilz me vouloient? Nennil, dist elle, fors que, s'ilz vous tenoient, vous n'eschapperiez de la prison devant long temps. — Hz ne me tiennent pas encores, Dieu mercy! Adieu! je m'en retourne. - — Où yrez vous? dist elle, qui ne demandoit aultre chose. — Dont je vien! dist il. — Je yray doncques avec vous? dist elle. — Non ferez; gardez bien et gracieusement la maison, et ne dictes point que j'aye icy esté. — Puis que vous voulez retourner aux champs, dist elle, hastez vous, avant que l'en ferme la porte; il est ja bien tard. — Quant elle seroit fermée, si fera tant le portier, dist il, pour moy, qu'il la me ouvrira tresvoulentiers. » A ces motz, il se partit, et, quant il vint à la porté, il la trouva fermée, et, pour prière qu'il

sceust faire, le portier ne la voulut ouvrir. Si fu bien mal content de ce qu'il convenoit qu'il retburnast à sa maison, doublant lessergens; toutesfois falloit il qu'il y retournast, s'il ne vouloit coucher sur les rues. Il vint arrière heurter à son huys, et la dame, qui faisoit la râtelée avec son amoureux, fut plus esbahye que devant; elle sault sus et vintàl'huys, toute esperdue, disant : « Mon mary n'est point revenu; vous perdez temps. — Ouvrez, ouvrez! dist il : m'amye, ce suis je. — Helas! helas ! vous n'avez point trouvé la porte ouverte? Je m'en doubtoye bien, dist elle; véritablement, je ne voy remède en vostre fait que ne soyez prins, car les sergens me dirent, il m'en souvient maintenant, qu'ilz retourneroient sur la nuyt. — Or çà, dist il, il n'est mestier de long sermon; advisons qu'il est de faire. — Il vous fault mucier quelque part céans, dist elle, et si ne sçay lieu ne retraict où vous puissiez estre bien asseuré. — Serois je point bien, dist l'autre, en nostre coulombier? Qui me sercheroit là? » Et elle, qui fut moult joyeuse de ceste invencion et expédient traictié, faingnant toutesfoys, dist : « Le lieu n'est grain honneste , il y fait trop puant. — Il ne me

chault, dist il; j'ayme mieulx me bouter là pour une heure ou deux, et estre saulvé, qu'en autre honneste lieu où je seroye paradventure trouvé. — Or çà, dist elle, puis que vous avez ce ferme couraige, je suis de vostre opinion. »

Ce vaillant homme monta en ce coulombier, qui se fermoit par dehors à clef, et se fîst illec enfermer, et pria sa femme que, se les sergens ne venoient tantost , qu'elle le mist dehors. Nostre bonne bourgeoise abandonna son mary, et le laissa toute la nuyt rancouler avec les coulons, à qui ne plaisoit gueres, et tousjours doubtoit ces sergens.

Au point du jour, qu'il estoit heure que l'amoureux se departist, ceste bonne preude femme vint hucher son mary et lui ouvrit l'huys, qui demanda comment on l'avoit laissé si longuement tenir compaignie aux coulons. Et elle, qui estoit faicte et pourveuede bourdes, lui dist que les sergens avoient toute la nuyt veillé autour de leur maison, et que plusieurs fois avoit à eulx devisé, et qu'ilz ne faisoient que partir; mais ilz avoient dit qu'ilz viendroiçnt à telle heure qu'ilz le trouveroient. Le bon homme, bien esbahy quelle chose sergens lui povoient

vouloir, se partit incontinent, et retourna aux champs, promettant qu'en long temps ne reviendroit.

Et Dieu sçait que la gouge le print bien en gré, combien que s'en monstroit douloureuse. Et par tel moyen elle se donna meilleur temps que devant, car elle n'avoit quelque soing sur le retour de son mary.