RACOMPTEE PAR MONSEIGNEUR DE THALEMAS

u temps de la guerre des deux partiz, les ungs nommés Bourguignons et les autres Armegnacz , advint à Troyes, en Champaigne, une assez gracieuse adventure qui trèsbien vault le reciter et mettre en compte, qui fut telle. Ceulx de Troyes, pour lors que oncques par avant ilz eussent esté Bourguignons, s'estoient tournez Armignacz, et entr'eulx avoit conversé ung compaignon, à demy fol, non pas qu'il eust perdu l'entière congnoissance de raison, mais, à la vérité, il tenoit plus du costé de dame folie qu'il ne tenoit de raison , combien que aucunes fois il executast, et de la main et

3o SOIXANTE-Q^UINZIÈME NOUVELLE

de la bouche, plusieurs besoingnes que plus saige de lui n'eust sceu achever.

Pour venir donc au propos encommencé, le galant dessusdit estoit en garnison avec les Bourguignons à Saincte Meneho, mist une journée en termes à ses compaignons, et leur commença à dire que, s'ilz le vouloient croire, qu'il leur bailleroit bonne doctrine pour attraper ung hoc des loudiers de Troyes, lesquelz, à la vérité, il hayoit mortellement, et ilz ne l'aymoient gueres, mais le menassoient tousjours de pendre, s'ilz le povoient tenir. Vecy qu'il dist : « Je m'en iray devers Troyes et m'aprocheray des faulxbourgs, et feray semblant d'espier la ville et de taster de ma lance les fossez, et si prés de la ville me tireray que je seray prins. Je suis seur que, si tost que le bon bailly me tiendra, qu'il me condemnera à pendre, et nul de la ville ne s'y opposera pour moy, car ilz me hayent trestous. Ainsy seray je bien matin au gibet, et vous serez embuschez au bocquet qui est au plus prés dudit gibet. Et, tantost que vous orrez venir moy et ma compaignie, vous sauldrez sur l'assemblée, et en prendrez et tiendrez à vostrevoulenté, et me délivrerez de leurs

SOIXANTE-Q^UINZIÈME NOUVELLE 3l

mains. » Tous les compaignons de la garnison s'y accordèrent tresvolentiers, et lui commencèrent à dire que, puis qu'il osoit bien entieprendre ceste adventure, que ilz ayderoyent à la fournir au mieulx qu'ilz sçauroient.

Et, pour abregier, le gentil folastre s'approcha de Troyes, comme il avoit devant dit, et aussi comme il desiroit, et fut prins ; dont le bruit s'espandist tost parmy la ville, et n'y eut celuy qui ne le condemnast à pendre; mesmement le bailli, si tost qu'il le vit, dist et jura par ses bons Dieux qu'il sera pendu par la gorge : « Helas! monseigneur, disoit il, je vous requier mercy! Je ne vous ay rien meffait. — Vous mentez, ribault, dist le bailly : vous avez guidé les Bourguignons en ceste marche, et avez accusé les bourgeois et bons marchans de ceste ville; vous en aurez vostre paiement, car vous en serez au gibet pendu. — Ha! pour Dieu, monseigneur, dist nostre bon compaignon, puis qu'il fault que je meure, au moins qu'il vous plaise que ce soit bien matin, et qu'en la ville, où j'ay eu tant de congnoissance et d'acointance, je ne reçoive trop publique pugnicion. — Bien, dit le bailly, on y pensera. »

32 SOIXANTE-Q^UINZIÈME NOUVELLE

Le lendemain, dés le point du jour, le bourreau avec sa charette fut devant la prison^ où il n'eust gueres esté que vecy venir le bailly à cheval et ses sergens et grant nombre de gens pour l'accompaigner; et fut nostre homme mis, troussé et lyé sur la charette, et, tenant sa musette dont il jouoit coustumierement , on le maine devers la justice, où il fut plus accompaigné que beaucoup d'aultres n'eussent esté, tant estoit hay en la ville.

Or devez vous sçavoir que les compaignons de la garnison de Saincte Meneho n'oublièrent point eulx embuschier au bois, auprès de la justice, dés la minuyt, tant pour saulver l'homme, quoy qu'il ne fust pas des plus saiges, comme pour gaingner prisonniers et aultre chose, s'ilz povoient. Eulx là doncques arrivez, disposèrent de leurs besoignes comme de guerre et ordonnèrent ung guet sur ung arbre qui leur devoit dire quant ceulx de Troyes seroient à la justice. Geste guette, ainsi mise et logée, dist qu'elle feroit bon devoir.

Or sont descenduz ceulx de la justice devant le gibet, et, le plus abregéement que faire se peust, le bailli commanda que on despeschast

SOIXANTE-Q^UINZIÈME NOUVELLE 33

nostre povre coquart, qui estoit bien esbahy où ses compaignons estoient, qu'ilz ne venoient ferir dedans ces ribaulx Armignacz. Il n'estoit pas bien à son aise, mais regardoit devant et derrière, et le plus vers le bois; mais il n'ojoit riens. Il se confessa le plus longuement qu'il peust; toutesfoys, il fut osté du prestre , et, pour abréger, monta sur l'eschelle, et luy, là venu, bien esbahj. Dieu le sçait, regarde tousjours vers ce bois; mais c'estoit pour néant, car la guette ordonnée pour faire saillir ceulx qui rescourre le dévoient estoit endormie sur cest arbre; si ne sçavoit que dire ne que faire ce povre homme, sinon qu'il pensoit estre à son dernier jour. Le bourreau, à certaine pièce après, fist ses préparatoires pour lui bouter la hart au col pour le despescher.

Et quant il veit ce, il se advisa d'ung tour qui lui fut bien profitable et dist : « Monseigneur le bailly, je vous prie, pour Dieu, que, avant qu'on mette plus la main à moy, que je puisse jouer une chançon de ma musette, et je ne vous demande plus; je suis après content de mourir et vous pardonne ma mort, et à tout le monde. » Geste requeste lui fut passée, et sa

^4 SOIXANTE-Q^UINZIEME NOUVELLE

musette lui fut en hault portée. Et quant il la tint, le plus à loysir qu'il peut, il la commence à sonner et jouer une chanson que ceulx de la garnison dessusdicte congnoissoient tresbien, et y avoit : Tu demeures trop, Kobin, tu demeures trop. Et, au son de la musette, la gtfette s'esveilla, et, de paour qu'elle eut, se laissa cheoir du hault en bas de l'arbre où elle estoit, et dist : (( On pend nostre homme! Avant! avant! hastez vous tost! » Et les compaignons estoient tous pretz; et, au son d'une trompette, saillirent tous hors du bois, et se vindrent fourrer sur le bailli et sur tout le mesnaige qui devant le gibet estoit. Et, à cest effroy, le bourreau fut tant esperdu et esbahy qu'il ne sçavoit ne n'eust oncques advis de lui bouter la hart au col ne le bouter jus, mais lui pria qu'il lui sauvast la vie : ce qu'il eust fait tresvoulentiers; mais il ne fut en sa puissance ; trop bien il fist aultre chose et meilleure, car lui, qui estoit sur l'eschelle, crioit à ses compaignons : « Prenez cestuy çà, prenez cestuy là : ung tel est riche, ung tel est mauvais. »

Brief, les Bourguignons en tuèrent ung grant tas en la venue de ceulx de Troyes, et

SOIXANTE-Q^UINZIÈME NOUVELLE 35

prindrent des prisonniers ung grant nombre, et saulverent leur homme en la façon que vous oyez, qui leur dist qu'en jour de sa vie n'eust si belles affres qu'il avoit à ceste heure eues.

LA LXXVP NOUVELLE