Les dix dizaines des Cent nouvelles nouvelles

ng lâche paillait, recraint, jaloux, je ne dis pas coux, vivant à l'aise, ainsi que Dieu sçait que les entaichiez de ce mal peuvent sentir, et les aultres peuvent percevoir et ouyr dire, ne sçavoit à qui recourre et soy rendre pour trouver garison de sa douleur misérable et bien peu plainte maladie. Il faisoit huy ung pèlerinage, demain ung autre, et aussi le plus souvent par ses gens ses devocions et offrendes faisoit faire, tant estoit assoté de sa maison, voire au moins du regart de sa femme, laquelle misérablement

son temps passoit avec son tresmauldit mary, le plus suspeçonneux hongnart que jamais femme accointast.

Ung jour, comme il pensoit qu'il avoit fait et fait faire plusieurs offrendes à divers saints de paradis, et entre aultres à monseigneur sainct Michel, il s'advisa qu'il en feroit une à l'image qui est soubz les piez dudit sainct Michel. Et. de fait, commanda à l'ung de ses gens qu'il luy alumast et fist offre d'une grosse chandelle de cire, en le priant pour son intencion. Tantost son commandement fut accomply et luy fut fait son rapport. « Or çà, dist il en soy mesmes, je verray se Dieu ou Diable me pourroit guarir. En son accoustumé desplaisir, s'en va coucher auprès de sa bonne et preude femme; et, ja soit ce qu'il eust en sa teste des fantaisies et pensées largement, si le contraingnit Nature qu'elle eust ses droiz de repos. Et, de fait, bien fermement s'endormit.

Et ainsi qu'il estoit au plus parfont de son somme, celluy à qui ce jour la chandelle avoit esté offerte par vision à luy s'apparut, qui le remercia de l'offrende que nagueres lui avoit envoyée, affermant que pieça telle offrende ne luy

fut donnée. Dist, au surplus, qu'il n'avoit pas perdu sa peine, et qu'il obtiendroit ce dont il avoit requis. Et, comme l'autre tousjours perseveroit à son somme, luy sembla que à ung doy de sa main ung anneau luy fut bouté, en luy disant que tant que cest anneau en son doy seroit, jamais jaloux il ne seroit, ne cause aussi venir lui en pourroit qui de ce le tentast.

Après l'evanouyssement de ceste vision, nostre jaloux se resveilla, et cuida à l'ung de ses doys ledit anneau trouver, ainsi que semblé luy avoit, mais au derrière de sa femme bien avant bouté l'un de sesdis doys se trouva : de quoy luy et elle furent treseshahis. Mais du surplus de la vie au jaloux, de ses affaires et maintiens, ceste hystoire se taist.

LA XIIe NOUVELLE

.:l monseigneur de la roche

s mectes du pays de Hollande , ung fol nagueres s'advisa de faire du pis qu'il pourroit, c'est assavoir soy marier. Et tantost qu'il fut affublé du doulx manteau de mariaige , ja soit ce que alors il fust yver, il fut si tresfort eschauffé qu'on ne le sçavoit tenir de nuyt, encores veu que les nuytz, qui pour ceste saison duroient neuf ou dix heures, n'estoient point assez souffisantes ne d'assez longue durée pour estaindrc le tresardent désir qu'il avoit de faire lignée. Et, de fait, quelque part qu'il rencontrast sa femme, il la abatoit : feust en la chambre, feust en l'es-

table, ou en quelque lieu que ce feust, tousjours avoit ungassault. Et ne dura ceste manière ung mois ou deux seulement, mais si treslonguement que pas ne le vouldroie escripre, pour l'inconvénient qui sourdre en pourroit, se la folie de ce grant ouvrier venoit à la congnoissance de plusieurs femmes. Que vous en diray-je plus ? Il en fist tant que la mémoire jamais estaincte n'en sera audit pays. Et, à la vérité, la femme qui nagueres au bailly d'Amiens se complaignit n'avoit pas si bien matière de soy complaindre que ceste cy. Mais, quoy qu'il feust, nonobstant que de ceste plaisante peine se feust trèsbien aucune fois passée, pour obeyr comme elle devoit à son mary, jamais ne fut reboursée à l'esperon.

Advint, ung jour, après disner, que tresbeau temps faisoit, et que le soleil ses raies envoioit et departoit dessus la terre paincte et broudée de belles fleurs, si leur print voulenté d'aller jouer au bois eulx deux tant seulement, et si se misrent au chemin. Or ne vous fault il pas celer ce qui sert à l'histoire. A l'heure droictement que noz bonnes gens avoient ceste devocion d'aller jouer au bois, advint, que ung laboureur

uvoit perdu son veau qu'il avoit mis paistre dedans ung pré, en ung pastiz ou dit bois ; lequel !e vint cherchier, mais il ne le trouva pas, dont il ne fut point trop joyeux. Si se mist en la queste, tant par le boiz comme es prez, terres et places voisines de l'environ, pour trouver sondit veau, mais il n'en scet avoir nouvelles. Il s'advisa que par adventure il se seroit bouté en quelque buisson pour paistre, ou dedans aulcune fosse herbue, dont il pourroit bien saillir quant il auroit le ventre plain. Et à celle fin qu'il puisse mieulx veoir et à son aise, sans aller courir çà ne là. se son veau estoit ainsi comme il pensoit, il choisist le plus hault arbre et mieulx houchié de bois qu'il peut trouver, et monte sus. Et quant il se treuve au plus hault de cest arbre, qui toute la terre d'environ couvroit, il lui fut bien advis que son veau estoit à moityé trouvé.

Tandis que ce bon laboureur gettoit ses yeulx de tous coustez après son veau, voicy nostre homme et sa femme qui se boutent ou bois, chantans, jouans, devisans et faisans feste , comme font les cueurs gaiz quant ilz se trouvent es plaisans lieux. Et n'est pas merveilles se vou-

lO DOUZIEME NOUVELLE

loir luy creust et se désir l'enhorta d'accoller sa femme en ce lieu si plaisant et propice. Pour exécuter ce vouloir à sa plaisance et à son beau loisir, tant regarda un coup à dextre, l'aultre à senestre , qu'il perceut le tresbel arbre dessus lequel estoit le laboureur, dont il ne sçavoit riens ; et soubz cest arbre se disposa et conclue! ses gracieuses plaisances accomplir.

Et quant il fut au lieu, il ne demoura gueres après la semonce de sondit désir, mais tantost mist la main à la besoigne et vous commença à assaillir sa femme, et la gette par terre, car à l'heure il estoit bien en ses gogues, et sa femme aussi, d'autre part. Si la voulut veoir par devant et par derrière ; et, de fait, prent sa robe et la lui osta, et en cote simple la met. Après, il la haulsa bien hault, maulgré d'elle, ainsi comme efforcée, et ne fut pas content de ce; mais encores, pour le bien veoir à son aise et sa beaulté regarder, la tourne et revire, et, à la fin, sur son gros derrière sa rude main par trois ou quatre fois il fait descendre; puis, d'autre part, la retourne; et comme il eut son derrière regardé, aussi fait-il son devant; ce que la bonne simple femme ne veult pour rien consentir : mesmes

avec la grant resistence qu'elle fait, Dieu sçait que sa langue n'estoit pas oiseuse. Or l'appelle maulgracieux, maintenant fol et enragié, l'autre fois dcshonncstc, et tant luy dist que c'est merveille, mais riens n'y vault : il est trop plus fort qu'elle, et si a conclud de faire inventoire de ce qu'elle porte ; si est force qu'elle obeïsse, mieulx aymant, comme saige, le bon plaisir de son mary que par reffus son desplaisir. Toute défense du costé d'elle mis arrière, ce vaillant homme va passer temps à son devant regarder, et, se sans honneur on le peust dire, il ne fust pas content se ses mains ne descouvrirent à ses yeulx les secretz dont il se devoit bien passer d'enquerre.

Et comme il estoit en ceste parfonde estude, il disoit : « Maintenant, je voy cecy ! je voy cela ! Encores cecy ! encores cela ! » Et qui l'oyoit, il veoit tout le monde et beaucoup plus. Et, après une grande et longue pose, estant en ceste gracieuse contemplacion, dist de rechief : « Saincte Marie, que je voy de choses ! — Helas ! dist lors le laboureur sur l'arbre, bonnes gens, ne veez vous point mon veau ? Sire, il me semble que j'en voy la queue. » L'aultre, ja soit qu'il fust

bien esbahy, subitement fist la response et dist : « Cette queue n'est pas de ce veau. » Et à tant part et s'en va, et sa femme après.

Et qui me demanderoit qui le laboureur mouvoit de faire cette question, ie secrétaire de cette hystoire respond que la barbe du devant de ceste femme estoit assez et beaucoup longue, comme il est de coutume à celles de Hollande, si cuidoit bien que ce feust la queue de son veau, attendu aussi que le mary d'elle disoit qu'il véoit tant de choses, voire à peu prés tout le monde; sipensoit ensoymesmes que son veau ne povoit gueres estre eslongné, et que avec d'autres choses leans pourroit estre embuschié.