PAR MONSEIGNEUR L AMANT DE BRUCELLES

^^pfP^l Londres en Angleterre, avoit na-

Si| j \ vfg& gueres ung procureur de Parle-

^TXVJv^ ment, qui, entre les autres de ses

e^si^dbX serviteurs, avoit ung clerc habille

et diligent et bien escripvant, qui tresbeau filz

estoit ; et que on ne doit pas oublier, pour ung

homme de son aage il n'estoit point de plus

soubtil. Ce gentil clerc et vigoureux fust tan-

tost picqué de sa maistresse, qui tresbelle, gente

et gracieuse estoit; et si tresbien luy vint que,

ainçois qu'il luy osast oncques dire son cas, le

dieu d'amours l'avoit à ce menée qu'il estoit le

seul homme ou monde qui plus luy plaisoit.

Advint qu'il se trouva en place ramonnée ; et, de fait, toute craincte mise arrière, à sadicte maistresse son tresgracieux et doulx mal raconta, laquelle, pour la grant courtoisie que Dieu en elle n'avoit pas oubliée, desja ainsi attaincte comme dessus est dit, ne le fist gueres languir ; car, après plusieurs excusations et remonstrances qu'en brief elle luy toucha, que elle eust à aultre plus aigrement et plus longuement demenéez, elle fut contente qu'il sceust qu'il lui plaisoit bien. L'aultre, qui entendoit son latin, plus joyeux que jamais il n'avoit esté, s'advisa de batre le fer tandis qu'il estoit chault, et si trèsfort sa besoigne poursuivit qu'en peu de temps jouyst de ses amours.

L'amour de la maistresse au clerc, et du clerc à elle, estoit et fut long temps si tresardant que jamais gens ne furent plus esprins : car, en effect, le plus souvent en perdoient le boire et le mengier ; et n'estoit pas en la puissance de Malebouche, de Danger, ne d'aultres telles mauldictes gens, de leur bailler ne donner destourbier. A ce tresj oyeux estât et plaisant passetemps se passèrent plusieurs jours, qui gueres aux amans ne durèrent, qui tant donnez l'ung

TREIZIEME NOUVELLE iD

à l'aultre s'estoient qu'à peu ilz eussent quitté à Dieu leur part de paradis pour vivre au monde leur terme en ceste façon.

Et, comme ung jour advint que ensemble estoient, et des treshaultz biens qu'amour leur souffrit prendre se devisoient entre eulx, en eulx pourmenant par une sale, comment ceste leur joye non pareille continuer seurement pourroient, sans que l'embûche de leur dangereuse entreprinse fust descouverte au mary d'elle, qui du renc des jaloux se tiroit tresprés et du hault bout, pensez que plus d'ung advis leur vint au devant, que je passe sans plus au long le descripre. La finale conclusion et derreniere résolution que le bon clerc print fut de tresbien conduire et à seure fin mener son entreprinse : à quoy point ne faillit. Vecy comment.

Vous devez sçavoir l'accointance et aliance que le clerc eust à sa maistresse, laquelle diligemment servoit et luy complaisoit ; qui aussi n'estoit pas moins diligent de servir et complaire à son maistre, et tout pour tousjours mieulx son fait couvrir et aveugler les jaloux yeulx, qui pas tant ne se doubtoient que on lui en forgeoit bien la matière. Ung certain jour après, nostre

lb TREIZIEME NOUVELLE

bon clerc, voiant son maistre assez content de luy, entreprint de parler et tout seul treshumblement, doulcement et en grande révérence à luy; et luy dist qu'il avoit en son cueur ung secret que voulentiers luy declarast, s'il osast. Et ne vous fault celer que, tout ainsi comme plusieurs femmes ont larmes à commandement qu'elles espandent au moins aussi souvent qu'elles vueillent, si eust à ce coup nostre bon clerc que grosses larmes, en parlant, des yeulx luy descendoient en tresgrant abondance ; et n'est homme qui ne cuidast qu'elles ne fussent de contricion, de pitié, ou de tresbonne intencion. Le povre maistre, abusé, ouyant son clerc, ne fut pas ung peu esbahy ne esmerveillé, mais cuidoit bien qu'il y eust autre chose que ce que après il sceust ; si dist : « Et que vous fault il, mon fîlz, et que avez vous à plorer maintenant ? — Helasl.sire, et j'ay bien cause plus que nul autre de me douloir ; mais, helas ! mon cas est tant estrange, et non pas moins piteux ne moins sur tous requis d'estre celé, que, nonobstant que j'aye eu vouloir de le vous dire, si m'en reboute crainte, quant j'ay au long à mon maleur pensé. — Ne plorez plus, mon fîlz., res-

pond le maistre, et si me dictes qu'il vous fault, et je vous asseure, s'en moy est possible de vous aydier, je m'y emploieray voulentiers comme je doy. — Mon maistre, dist le regnart clerc, je vous mercie, mais, quant j'ay bien tout regardé, je ne pense pas que ma langue eust la puissance de descouvrir la tresgrant infortune que j'ay si longuement portée. — Ostez moy ces propos et toutes ces doléances, respond le maistre : je suis celuy à qui riens ne devez celer; je vueil sçavoir que vous avez. Avancez vous et le me dictes. »

Le clerc, sçaichant le tour de son baston, s'en fist beaucoup prier et à tresgrant crainte, par semblant, et à tresgrant abondance de larmes, et à voulenté se laisse ferrer ; et dist qu'il lui dira, mais qu'il lui vueille promettre que par luy jamais personne n'en sçaura nouvelle, car il aimeroit autant ou plus chier mourir que son maleureux cas feust cogneu. Ceste promesse par le maistre accordée, le clerc, mort et descouloré comme ung homme jugié à pendre, si va dire son cas : « Mon tresbon maistre, il est vray que, ja soit ce que plusieurs gens et vous aussi pourroient penser que je feusse homme naturel

comme ung autre, ayant puissance d'avoir compaignie avec femme et de faire lignée, vous oseray bien dire et monstrer que point je ne suis tel, dont, helas ! trop je me deul. » Et, à ces parolles, trop asseurement tira son membre à perche et luy fist monstre de la peau où les coulons se logent, lesquelz il avoit par industrie fait monter en hault vers son petit ventre, et si bien les avoit cachiez qu'il sembloit qu'il n'en eust nulz. Or luy va dire : « Mon maistre , vous voyez bien mon infortune, dont je vous prie de rechief que elle soit celée ; et, oultre plus, treshumblement vous requiers, pour tous les services que jamais vous feis, qui ne sont pas telz que j'en eusse eu la voulenté se Dieu m'eust donné le povoir, que me faciez avoir mon pain en quelque monastère dévot, où je puisse le surplus de mon temps ou service de Dieu passer, car au monde ne puis de riens servir. »

Le abusé et deceu maistre remonstra à son clerc l'aspreté de religion, le peu de mérite qui luy en viendroit quant il se veult rendre comme par desplaisir de son infortune, et foyson d'aultres raisons luy amena, trop longues à compter, tendans à fin de l'oster de son propos. Sçavoir

vous fault aussi que pour riens ne l'eust voulu abandonner, tant pour son bien escripre et diligence que pour la fiance que doresenavant à luy adjoustera. Que vous diray je plus ? Tant luy remonstra que ce clerc, au fort, pour une espace, en son estât et en son service demourer luy promect.

Et, comme bien ouvert luy avoit son secret le clerc, aussi le maistre le sien luy voulut desceler, et dist : « Mon filz, de vostre infortune ne suis je point joyeux; mais, au fort, Dieu, qui fait tout pour le mieulx et sçait ce qui nousduyt et vault mieulx : vous me pourrez doresenavant tresbien servir, et, à mon povoir, vous le meriteray. J'ay jeune femme assez legiere et volaige, et suis, ainsi comme vous veez, desja ancien et sur aage : qui aucunement peut estre occasion à plusieurs de la requerre de deshonneur, et à elle aussi, s'elle estoit autre que bonne, me bailler matière de jalousie, et plusieurs aultres choses. Je la vous baille et donne en garde, et si vous en prie que à ce tenez la main que je n'aye cause d'en elle trouver nulle matière de jalousie. » Par grande deliberacion fit le clerc sa response ; et, quand il parla, Dieu sçait si

loua bien sa tresbelle et bonne maistresse, disant que sur tous autres il l'avoit belle et bonne et qu'il s'en devoit tenir seur ; neantmoins qu'en ce service et d'autres il est celuy qui s'y veult de tout son cueur emploier, et ne la laissera, pour riens qu'il luy puisse advenir, qu'il ne le advertisse de tout ce que loyal serviteur doit faire à son maistre.

Lemaistre, lye et joyeux de la nouvelle garde de sa femme, laisse l'ostel, et en la ville à ses affaires va entendre. Et bon clerc incontinent sault à sa garde, et, le plus longuement que luy et sa dame bien osèrent, n'espargnerent pas les membres qui en terre pourriront ; et ne firent jamais plusgrant feste, depuis que l'adventure fut advenue de la façon subtille et que son mary abuseroient. Assez et longue espace dura le joly passetemps de ceulx qui tant bien s'entraymoienL Et, se aucunes fois le bon mary alloit dehors, il n'avoit garde d'emmener son clerc ; plustost eust emprunté ung serviteur à ses voisins que l'aultre n'eust gardé l'ostel ; et, se la dame avoit congié d'aller en aucun pellerinage, plustost alast sans chamberiere que sans le tresgracieux clerc.

Et faictes vostre compte : jamais clerc vanter ne se peut d'avoir eu meilleur adventure, qui point ne vint à congnoissance, voire au moins que jesçaiche, à celuy qui bien s'en feust désespéré s'il en eust sceu le demaine.