PAR MONSEIGNEUR DE VILL1ERS

ng gentil homme de ce royaulme, tresvertueux et de grande renom-

reux d'une tresbelle et gente damoiselle ; et, en brief temps, fut si bien en sa grâce que riens ne luy fut escondit de ce qu'il osa demander. Advint, ne sçay combien après ceste aliance, que ce bon chevalier, pour mieulx valoir et honneur acquerre , se partit de ses marches, tresbien en point et accompaigné , portant entreprinse d'armes, du congié de son maistre. Et s'en alla es Espaignes et en divers lieux, où il se conduisit tellement que à son retour il fut receu à grant

triumphe. Pendant ce temps, sa dame fut mariée à ung ancien chevalier, qui gracieux et saichant homme estoit, qui tout son temps avoit hanté la court et estoit, au vray dire, le registre d'honneur. Et n'estoit pas ung petit dommaige qu'il n'estoit mieulx allié, combien toutesfoys que encores n'estoit pas descouverte l'embusche de son infortune si avant, ne si commune, comme elle fut depuis, ainsi comme vous orrez.

Car ce bon chevalier aventureux dessusdit retourna d'accomplir ses armes. Et, comme il passoit par le pavs, il arriva d'aventure, à ung soir, au chasteau où sa dame demouroit. Et Dieu sçait la bonne chiere que Monseigneur son mary et elle luy firent, car il y avoit de pieça grant acointance et amitié entre eulx. Mais vous debvez sçavoir que, tandis que le seigneur de leans pensoit et s'efforçoit de faire finance de plusieurs choses pour festoyer son hoste, l'hoste se devisoit avec sa dame qui fut, et s'efforçoit de trouver manière de la festoyer comme il avoit fait avant que Monseigneur feust son mary. Elle, qui ne demandoit aultre chose, ne se excusoit en riens, sinon du lieu : « Mais il n'est pas possible, dist elle, de le povoir trouver? — Ah!

TRENTE-CINQUIEME NOUVELLE 6l

dit le bon chevalier, ma chiere dame, par ma foy, si vous le voulez bien, il n'est manière qu'on ne treuve. Et que sçaura vostre mary, quand il sera couchié et endormy, si vous me venez veoir jusques en ma chambre? Ou, se mieulx vous plaist et bon vous semble, je viendray bien vers vous. — Il ne se peut ainsi faire, ce dist elle, car le dangier y est trop grant : car Monseigneur est de legier somme, et jamais ne s'esveille qu'il ne taste après moy ; et, s'il ne me trouvoit point, pensez que ce seroit ! — Et quant il s'est en ce point trouvé, que vous fait il ? — Aultre chose, dist elle : il se vire d'ung et revire d'autre. — Ma foy, dist il, c'est ung tresmauvais mesnagier ! Il vous est bien venu que je suis venu pour vous secourir et lui ayder et parfaire ce qui n'est pas bien en sa puissance d'achever. — Si m'aist Dieu, dist elle, quant il besoigne une fois le mois, c'est au mieulx venir; il ne faut ja que j'en fasse la petite bouche. Croyez fermement que je prendroye bien mieulx. — Ce n'est pas merveilles, dit il. Mais regardez comment nous ferons, car c'est force que je couche avec vous. — Il n'est tour ne manière que je voye, dit elle, comment il se puisse faire.

62 TRENTE-CINQJJIEME NOUVELLE

— Et comment? dit il : n'avez vous point céans femme en quoy vous osissiez fier de lui desceler vostre cas? — J'en ay, par Dieu, une, dit elle, en qui j'ay bien tant de fiance que de lui dire la chose en ce monde que plus vouldroye estre celée, sans avoir suspicion ne doubte que jamais par elle fut descouverte. — Que nous fault il donc plus? dit il. Regardez, vous et elle, du surplus. »

La bonne dame, qui vous avoit la chose à cueur, appella ceste damoiselle et lui dist : « M'amye, c'est force annuit que tu me serves, et que tu me aydes à achever une des choses en ce monde qui plus au cueur me touche. — Ma dame, dit la damoiselle, je suis preste et contente comme je dois de vous servir et obeyr en tout ce qu'il me sera possible; commandez, je suis celle qui accompliray vostre commandement.

— Et je te mercye, m'amye, dist la dame, et soyes seure que tu n'y perdras rien. Vecy le cas. Ce chevalier qui céans est , c'est l'homme au monde que j'ayme le plus ; et ne vouldroye pour rien qu'il se partist de moy sans aucunement avoir parlé à luy. Or ne me peut il bonnement dire ce qu'il a sur le cueur, sinon entre

TRENTE-CINQJJIEME NOUVELLE 6d

nous deux et à part ; et je ne m'y puis trouver si tu ne vas tenir ma place devers Monseigneur. Il a de coustume, comme tu sçais, de soy virer par nuyt vers moy ; et me taste ung peu, et puis me laisse et se rendort. — Je suis contente de faire vostre plaisir, ma dame ; il n'est rien qu'à vostre commandement je ne fisse. — Or bien, m'amye, dit elle, tu te coucheras comme je fais, assez loing de Monseigneur ; et garde bien, quelque chose qu'il face, que tu ne die ung seul mot; et, quelque chose qu'il vouldra faire, seuffre tout. — A vostre plaisir, ma dame, et je le feray. »

L'heure du souper vint, et n'est ja mestier de vous compter du service ; seulement vous souffise que on y fist tresbonne chiere, et il y avoit bien de quoy. Apres souper, la compaignie s'en alla à l'esbat, le chevalier estrange tenant ma dame par le bras, et aucuns aultres gentilz hommes tenans le surplus des damoiselles de leans Et le seigneur de l'ostel venoit derrière, et enqueroit des voyaiges de son hoste à ung ancien gentil homme qui avoit conduit le fait de sa despence en son voyaige. Ma dame n'oublya pas de dire à son amy que une telle de ses

femmes tiendra annuyt sa place et son lieu, et qu'elle viendra vers lui. Il fut tresjoyeux, et largement l'en mercya, désirant que l'heure feust venue. Hz se mirent au retour et vindrent jusques en la chambre de parement, où Monseigneur donna la bonne nuytà son hoste et ma clame aussi. Et le chevalier estrange s'en vint en sa chambre, qui estoit belle à bon escient, bien mise à point ; et estoit le beau buffet garny d'espices, de confitures et de bon vin de plusieurs façons. Il se fit tantost desabillier, et beut une fois, puis fist boire ses gens et les envoya couchier. Et demoura tout seul, attendant sa dame, laquelle estoit avec son mary, qui tous deux se despouilloient et se mettoyent en point pour entrer ou lit. La damoiselle, qui estoit en la ruelle du lit, tantost que Monseigneur fut couchié, se vint mettre en la place de sa maistresse; et, elle, qui autre part avoit le cueur, ne fist que ung sault jusques à la chambre de celuy qui l'attendoit de pié quoy.

Or est chascun logié, Monseigneur avec sa chamberiere, et son hoste avec ma dame. Et fait assez à penser qu'ilz ne passèrent pas toute la nuyt à dormir.

Monseigneur, comme il avoit de coustume, environ une heure devant jour, se resveilla, et vers sa chamberiere, cuidant estre sa femme, se vira ; et, au taster qu'il fist, heurta sa main à son tetin, qu'il sentit si tresdur et poignant ; et tantost congneut que ce n'estoit point celui de sa femme, car il n'estoit point si bien troussé : « Ha ! dist il en soy mesmes, je vois bien que c'est, et j'en bailleray ung aultre. » Il se vire vers celle belle fille, et, à quelque meschief que ce fut, il rompit une lance, mais elle le laissa faire, sans oncques dire ung seul mot, ne demy.

Quant il eut fait, il commence à appeller tant qu'il peut celuy qui couchoit avec sa femme : « Hau ! Monseigneur de tel lieu, où estes vous ? Parlez à moy. » L'autre, qui se ouyt appeller, fut beaucoup esbahy, et la dame fut toute esperdue. Et bon mary recommence rehuchier : a Hau ! Monseigneur mon hoste, parlez à moy. » Et l'aultre s'adventura de respondre et dist : « Que vous plaist il, Monseigneur ? — Je vous feray tousjours ce change, quant vous vouldrez. — Quel change? dit il. — D'une vieille ja toute passée et desloyale à une belle et bonne

et fresche jeune fille; ainsi m'avez vous party, la vostre mercy ! »

La compaignie ne sceut que respondre ; mesmes la povre chamberiere estoit tant surprinse que s'elle fut à la mort condamnée, tant pour le deshonneur et desplaisir de sa maistresse, comme pour le sien mesmes qu'elle avoit meschamment perdu. Le chevalier estrange se partit de sa dame au plus tost qu'il sceust, sans mercier son hoste et sans dire adieu. Et oncques puis ne s'y trouva, car il ne sçait encores comme elle se conduit depuis avec son mary. Ainsi, plus avant ne vous en puis dire.