ECA

104 QUARANTIEME NOUVELLE

il mist tout à demain. Pensez la belle pacience que ceste bonne femme avoit, qui fut tout au long de la nuyt en ceste cheminée. Et, de sa bonne adventure, il ne pleut, long temps a, si fort, ne si bien, qu'il fist celle nuyt.

Lendemain, assez matin, nostre couvreur de tuille revint à l'œuvre pour recouvrer la perte que la pluye luy avoit faicte le jour devant. Il fut esbahy de veoir son eschielle ailleurs qu'il ne l'avoit laissée, et la cheminée lyée de la corde . si ne sçavoit qui ce avoit fait, ne à quel propoz. Puis, s'advisa d'aller quérir sa corde, et monta à mont son eschielle, et vint jusques à la cheminée, et destaicha sa corde ; et, comme Dieu voulut, bouta sa teste dedans le bouhot de la cheminée, où il vit nostre bouchiere plus simple qu'ung chat baigné : dont il fut tresesbahy. « Et que faictes vous icy, dame ? dit il. Voulez vous desrober les povres religieux ? — Helas ! mon amy, dit elle, par ma foy, nenny. Je vous requiers, aidez moy à saillir d'icy, et je vous donneiay ce que me vouldrez demander. — Dea, je m'en garderay bien, dit le couvreur, si je ne sçay pour quoy vous y venez Je le vous diray, puis qu'il vous plaist, dit elle; mais

QUARANTIEME NOUVELLE

je vous prie qu'il n'en soit nouvelle. » Lors lui compta tout du long les amours d'elle et du moyne, et la cause pour quoy elle venoit là.

Le couvreur, ouyant ces parolles , eut pitié d'elle ; si fist tant, à quelque peine et quelque meschief que ce feust, moyennant sa corde, qu'il la tira dehors et la mena en bas. Et elle luy promist que, si portoit bonne bouche, qu'elle lui donneroit de la chair et de beuf et de mouton assez pour fournir son mesnaige pour toute l'année ; ce qu'elle fist. Et l'autre tint si secret son cas que chascun en fut adverty.