PAR MONSEIGNEUR LE DUC

-^^§v?v/£"- 'a gueres qu'à Paris presidoit en la ^chambre des Comptes ung grant

çj clerc, chevalier, assez sur aage ;

U mais tresj oyeux et tresplaisant estoit, tant en sa manière d'estre comme en devises, où qu'il les adreçast , fut aux hommes ou aux femmes. Ce bon seigneur avoit femme espousée desja ancienne et maladive, dont il avoit belle lignie. Et entre les aultres damoiselles, chamberieres et servantes de son hostel, celle où Nature avoit mis son entente de la faire tresbelle estoit meschine, faisante le mesnage commun, comme les litz, le pain et autres telz affaires.

Monseigneur, qui ne jeusnoit jour de l'amoureux mestier tant qu'il trouvast rencontre , ne

5o DIX-SEPTIÈME NOUVELLE

cela gueres à la belle meschine le grant bien qu'il luy veult, et luy va faire ung grant prologue des amoureulx assaultz, que incessamment amours pour elle luy envoyé; continue aussi ce propos, luy promettant tous les biens du monde , monstrant comment il est bien en luy de lui faire, tant en telle manière, et tant en telle, et tant en telle. Et qui oyoit le chevalier, jamais tant d'heur n'advint à la meschine que de luy accorder son amour. La belle meschine , bonne et saige , ne fust pas si beste que aux gracieux motz de son maistre baillast response en riens à son advantage , mais se excusa si gracieusement que Monseigneur en son courage tresbien l'en prisa, combien qu'il aymast mieulx qu'elle tinst aultre chemin. Motz rigoureux vindrent en jeu par la bouche de Monseigneur quant il parceust que par doulceur ne feroit rien ; mais la tresbonne fille, aymant plus chier mourir que perdre son honneur, ne s'en effroia gueres, ains asseurement respondit die et face ce qu'il lui plaist , mais , jour qu'elle vive, de plus prés ne luy sera. »

Monseigneur, qui la voit aheurtée en ceste opinion, après ung gracieux à Dieu, laissa, ne sçay quans jours, ce gracieux pourchas , de

DIX-SEPTIÈME NOUVELLE 5l

bouche seullement; mais regars et aultres petis signes ne luy coustoient gueres, qui trop estoient à la fille ennuyeux. Et s'elle ne doubtast mettre maie paix entre Monseigneur et ma dame, elle ne lui celeroit guère la desloyauté de son seigneur ; mais , au fort , elle conclud le desceler tout le plus tard qu'elle pourra.

La devocion que Monseigneur avoit aux saincts de sa meschine de jour en jour croissoit, et ne luy souffisoit pas de l'aimer et servir en cueur seulement, mais d'oraison, comme il a fait cy devant, la veult arrière resservir. Si vient à elle et de plus belle recommença sa harengue en la façon que dessus, laquelle il confermoit par cent mille sermenset autant de promesses. Pour abregier, riens ne lui vault, et ne peust obtenir ung seul mot et encores moins de semblans qu'elle luy baille quelque peu d'espoir de jamais parvenir à ses attaintes. Et, en ce point, se partit, mais il n'oublia pas de dire que, s'il la rencontre en quelque lieu marchant, qu'elle l'obeyra ou elle fera pis. La meschine gueres ne s'en effroya, et, sans plus y penser, va besoigner en la cuisine ou aultre part.

Ne sçay quants jours après, unglundy matin,

la belle meschine, pour faire des pastez, buletoit de la farine. Or devez vous sçavoir que la chambre où se faisoit ce mestier n'estoit pas loing de la chambre de Monseigneur, et qu'il oyoit tresbien le bruit et la noise qui s'y faysoit; et encores sçavoit aussi tresbien que c'estoit sa meschine qui du tamis ^ouoit. Si s'avisa qu'elle n'auroit pas seule ceste peine , mais luy viendra ayder, voire et fera au surplus ce qu'il luy a bien promis, car jamais mieulx ne la pourroit trouver. Dist aussy en soy mesmes : « Quelques reffus que de la bouche elle m'ait fait, si en cheviray je bien se je la puis à gré tenir. » Il regarda que bien matin estoit et que ma dame n'estoit pas esveillée, dont il fut bien joyeux, et, affin qu'il ne l'esveille, il sault tout doulcement hors de son lit, à tout son couvrechief, et prent sa robe longue et ses botines, et descend de sa chambre si celéement qu'il fut dedans la chambrette où la meschine dormoit sans qu'elle oncques en sceut riens jusques à tant qu'elle le vit tout dedans.

Qui fut bien esbahye , ce fut la povre chambrière , qui à peu trembloit , tant estoit effrée , doubtant que Monseigneur ne luy ostast ce que jamais rendre ne luy sçauroit. Monseigneur, qui

la voiteffrée, sans plus parler, lui baille ung fier assault , et tant fist en peu d'heure qu'il avoit la place emportée, s'il n'eust esté content de parlamenter. Si luy va dire la fille : « Hélas ! Monseigneur, je vous crye mercy, je me rens à vous; ma vie et mon honneur sont en vostre main, ayez pitié de moy ! — Je ne sçay quel honneur? dit Monseigneur, qui treseschauffé et espris estoit. Vous passerez par là!» Et, à ce mot, recommence l'assault plus fier que devant.

La fille , voyant que eschapper ne pouvoit , s'advisa d'ung bon tour et dist : « Monseigneur, j'ayme mieulx vous rendre ma place par amour que par force; donnez fin, s'il vous plaist, aux durs assaultz que me livrez , et je feray tout ce qu'il vous plaira. — J'en suis content, dist Monseigneur, mais créez que aultrement vous n'eschapperez. — D'une chose vous requier, dist lors la fille : Monseigneur, je doubte beaucoup que ma dame ne vous oye ; et, se elle venoit d'aventure, et droit cy vous trouvast, je seroie femme perdue et deshonnourée, car elle me feroit du moins battre ou tuer. — Elle n'a garde de venir, non, dit Monseigneur; elle dort au plus fort. — Helas ! Monseigneur, je doubte tant que

je n'en sçay estre asseurée ; si vous prie et requier, pour la paix de mon cueur et plus grande seureté de nostre besoigne, que vous me laissez aller veoir s'elle dort ou qu'elle fait. — Nostre Dame! tu ne retournerois pas? dist Monseigneur. — Si feray, dist elle, par mon serment, trestout tantost. — Or je le vueil ! dist il. Advance toy ! — Ha ! Monseigneur, dist elle , se vous vouliez bien faire , vous prendriez ce tamis et besoigneriez comme je faysoie, affin, d'aventure, se ma dame estoit esveillée, qu'elle oye la noise que j'ay devant le jour encommencée? — Or, monstre çà : je feray bon devoir, et ne demeure gueres. — Nennil, non, Monseigneur. Tenez aussi ce buleteau sur vostre teste : vous semblerez tout à bon escient estre une femme. — Or çà, de par Dieu ! » dist il. Il fut affublé de ce buleteau, et puis commence à tamiser, tant que c'estoit belle chose que tant bien luy séoit. Et entretant la bonne chamberiere monta en la chambre et esveilla ma dame, et luy compta comment Monseigneur par cy devant d'amours l'avoit priée , qu'il l'avoit assaillie à ceste heure où elle tamisoit : « Et s'il vous plaist venir veoir comment j'en suis eschappée et en quel point il

est, venez en bas, vous le verrez? » Ma dame tout à coup se lieve , et prent sa robe de nuyt ; et fust tantost devant l'huys de la chambre où Monseigneur diligemment tamisoit. Et quant elle le voit en cest estât et affublé du buleteau, elle luy va dire : « Ha ! maistre , et qu'est cecy ? Où sont voz lettres, voz grans honneurs, voz sciences et discrecions ? » Et Monseigneur, qui l'ouyt et deceu se voit, respondit tout subitement : «Au bout de mon v... dame, là ay je tout amassé aujourd'huy. »

Lors, tresmarry et courroucé sur la meschine, se desarma de l'estamine et du buleteau , et en sa chambre remonte; et ma dame le suyt, qui son preschement recommence, dont Monseigneur ne tient gueres de compte. Quant il fut prest, il manda sa mule, et au palais s'en va, où il compta son adventure à plusieurs gens de bien, qui s'en rirent bien fort.

Et me dit on depuis , quelque courroux que le seigneur eust de prinsault à sa meschine , si l'ayda il depuis, de sa parolle et de sa chevance, à marier.

LA XVIIIe NOUVELLE

PAR MONSEIGNEUR DE LA ROCHE

ng gentilhomme de Bourgoigne, nagueres, pour aucuns de ses affaires, s'en alla à Paris, et se logea en ung tresbon hostel : car telle estoit sa coustume de tousjours quérir les meilleurs logis. Il n'eust gueres esté en son logis, lui qui bien congnoissoit mouche en lait, qu'il n'aperceut tantost que la chamberiere de leans estoit femme qui debvoit faire pour les gens. Si ne luy cela gueres ce qu'il avoit sur le cueur, et, sans aller de deux en trois , il demanda l'aumosne amoureuse. Il fut de prinsault bien rechassé des meures : « Voire, dist elle, est ce à moy que vous devez adresser telles parolles ? Je vueil bien que

vous cachiez que je ne suis pas celle qui fera tel blasme à l'ostel où je demeure. » Et pour abréger, qui l'oyoit, elle ne le feroit pour aussi gros d'or. Le gentil homme tantost congneust que toutes ses excusations estoient erres pour besoigner; si luy va dire. « M'amye, se j'eusse temps et lieu, je vous diroie telle chose que vous seriez bien contente; et ne doubtez point que ce ne feust grandement vostre bien, m'amye, pource que devant les gens ne vous vueil gueres araisonner, affin que ne soyez de moy souspeçonné. Croyez mon homme de ce que par moy vous dira; et se ainsi le faictes, vous en vauldrez mieulx. — Je n'ay, dist elle, n'a vous, n'a luy, que deviser ! » Et, sur ce point, s'en va.

Et nostre gentil homme appela son varlet, qui estoit ung galant tout esveillé ; puis luy compta son cas et le charge de poursuir sa besoigne sans espargner bourdes. Le varlet , duyt à cela , dist qu'il fera bien son personnage. Il ne l'oublia pas, car, au plus tost qu'il la trouva, pensez qu'il joua bien du bec. Et se elle n'eust esté de Paris, et plus subtille que foison d'aultres, son gracieux langaige et les promesses qu'il faisoit pour son maistre l'eussent tout en haste abbatue. Mais

DIX-HUITIÈME NOUVELLE 5cj

aultiement alla , car, après plusieurs parolles et devises d'entre elle et luy, elle luy dist ung mot trenché : « Je sçay bien que vostre maistre veult, mais il n'y touchera j a se je n'ay dix escus. »

Le varlet fît son rapport à son maistre, qui n'estoit pas si large , voir au moins en tel cas , que donner dix escus pour jouyr d'une telle damoiselle. « Quoy que ce soit, elle n'en fera aultre chose, dit le varlet; encores y a il bien manière de venir en sa chambre , car il fault passer par celle à l'hoste. Regardez que vous vouldriez faire. — Par la mort bieu ! dist il, mes dix escus me font bien mal, d'en ce point les laisser aller, mais j'ay si grant devocion au sainct et en ay fait tant de poursuite qu'il fault que je besoigne. Au Deable soit chicheté ! elle les aura. — Pourtant vous dis je, dist le varlet, voulez vous que je luy die qu'elle les aura? — Ouy, de par le Deable, ouy ! » dit il. Le varlet trouva la bonne fille et luy dist qu'elle aura ces dix escus, voire et encores mieulx cy après. «Trop bien!» dit elle.

Pour abregier, l'heure fut prinse que l'escuier doit venir coucher avec elle, mais, avant que oncques elle le voulsist guyder par la chambre

de son maistre en la sienne, il baille tous les dix escus contant. Qui fut bien mal content, ce fut nostre homme, qui se pensa, en passant par la chambre et cheminant aux nopces qui trop chier à son gré luy coustoient, qu'il jouera d'ung tour. Hz sont venus si doulcement en la chambrette que maistre ne dame rien n'en sceurent. Si se vont despouiiler, et dist nostre escuier qu'il emploiera son argent, s'il peut. Il se met à l'ouvrage et fait merveilles d'armes, et espoire plus que bon ne luy fut.

Tant en devises que aultrement se passèrent tant d'heures que le jour estoit voisin et prouchain à celuy qui plus voulentiers eust dormy que nulle autre chose fait ; mais la tresbonne chamberiere luy va dire : « Or ça, sire, pour le tresgrant bien, honneur et courtoisie que j'ay ouy et veu de vous, j'ay esté contente mettre en vostre obéissance et jouyssance la chose en ce monde que plus dois chier tenir. Je vous prie et requier que incontinent vous vueillez apprester, habillier et de cy partir, car il est desja haulte heure, et, se d'avanture mon maistre ou ma maistresse venoient cy, comme assez est leur coustume au matin, et vous trouvassent, je se-

DIX-HUITIEME NOUVELLE bl

roie perdue et gastée ; et vous espoire ne serez pas le mieulx party du jeu. — Je ne sçay, moy, dit l'escuier, quel bien ou quel mal; mais je me reposeray et si dormiray tout à mon aise et à mon beau loisir avant que j'en parte. Et aussi je vueil employer mon argent. Pensez vous avoir si tost gaigné mes dix escus ? Ils ne vous coustent gueres à prendre ; mais, par la mort bieu ! affin que je n'aye point paour, et que point je ne me espante, vous me ferez compaignie, s'il vous plaist. — Ha, Monseigneur, dist elle, il ne se peut ainsi faire, par mon serment ! Il vous convient partir: il sera jour trestout en haste ; et, se on vous trouvoit icy, que seroit ce de moy ? J'aymeroie mieulx estre morte que ainsi en advenist. Et, se vous ne vous advancez, ce que trop je doubte en adviendra ! — Il ne me chault, moy, qu'il adviengne, dit l'escuier ; mais je vous dis bien que, se ne me rendez mes dix escus, ja ne m'en partiray. Advienne ce que advenir peut. — Vos dix escus ? dist elle. Et estes-vous tel, se vous m'avez donné aucune courtoisie ou gracieuseté, que vous me le voulez après retollir par ceste façon ? Sur ma foy ! vous monstrez mal que vous soyez gentil

homme! — Tel que je suis, dit il, je suis celuy qui de cy ne partiray, ne vous aussi, tant que me ayez rendu mes dix escus : vous les auriez gaignez trop aise ! — Ha ! dist elle, si m'ayt Dieu ! Quoy que vous disiez, je ne pense pas que vous soyez si mal gracieux, attendu le bien qui est en vous et le plaisir que je vous ay fait, que feussiez si peu courtois que vous ne aydissiez à garder mon honneur ! Et pour ce, de rechief vous supplie que ma requeste passez et accordez, et que de cy vous partez ? »

L'escuier dist qu'il n'en fera rien. Et pour abregier, force fut à la bonne gentil femme, à tel regret que Dieu sçait, de desbourser les dix escus arfinque l'escuyer s'en alast. Quant les dix escus refurent en la main dont ilz estoient partis, celle qui les rendit cuida bien enrager, tant estoit mal contente, et celuy qui les a leur fait grant chiere. « Or avant, dist la courroucée et desplaisante qui se voit ainsi gouverner, quant vous vous estes bien joué et farce de moy, au moins advancez vous, et vous suffise que vous seul congnoissez ma folie, et que, par vostre tarder, elle ne soit congneue de ceulx qui me deshonnoreront s'ilz en voient l'aparence. — A

DIX-HUITIEME NOUVELLE b.>

vostre honneur, dist l'escuier, point je ne touche. Gardez le autant que vous l'aymez ; vous m'avez fait venir icy, et si vous somme que vous me rendez et remettez ou lieu dont je partis, car ce n'est pas mon intencion d'avoir les deux peines de venir et retourner. »

La chamberiere, voyant que riens n'avoit eu, sinon le courroucer, voyant aussi que le jour commençoit à apparoir, avec tout le desplaisir et crainte que son ennuyé cueur portoit dudit escuier, se hourde de cest escuier et à son col le charge. Et comme, à tout ce fardeau, le plus souef qu'elle oncques peust, le courtois gentil homme portoit, tenant lieu de bahu, sur le dos de celle qui sur son ventre l'avoit soustenu, laissa couler ung gros sonnet, dont le ton et le bruit firent l'oste esveiller ; et demanda assez effrement : « Qui est là ? — C'est vostre chamberiere, sire, dist l'escuier, qui me porte rendre où elle m'avoit emprunté. »

A ces motz, la povre gentil femme n'eust plus cueur, puissance, ne vouloir de soustenir son desplaisant fardeau : si s'en va d'ung cousté, et l'escuier de l'autre. Etl'hoste, qui bien congnoissoit que c'est, et aussi, avecques ce, s'en doub-

DIX-HUITTEME NOUVELLE

toit bien, parla tresbien à l'espousée, qui toute demoura deceue et scandalisée, et tost après se partit de leans.

Et l'escuier en Bourgoigne s'en retourna, qui aux galans et compaignons, de la sorte, joyeusement et souvent racompta son adventure dessusdicte.

LA XIXe NOUVELLE