LA IP NOUVELLE

PAR MONSEIGNEUR

N la maistresse ville du royaume d'Angleterre , nommée Londres , assez hantée et congneue de plusieurs gens , n*a pas long temps , demouroit ung riche et puissant homme , qui marchant et bourgois estoit , qui , entre ses riches bagues et innumerables trésors, s'esjoyssoit et se tenoit plus enrichy d'une belle fille que Dieu luy avoit envoyée que du bien grant surplus de sa chevance , car, de bonté , beaulté et genteté , passoit toutes les filles d'elle plus aagées. Et ou temps que ce treseureux bruit et vertueuse renommée d'elle sourdoit , en son

quinziesme an ou environ, Dieu sçait se plu-

42 DEUXIE»1E NOUVELLE

sieurs gens de bien desiroient et pourchassoient sa grâce par plusieurs et toutes façons en amours accoustumées; qui n'estoit pas ung plaisir petit au père et à la mère. Et , à ceste occasion , de plus en plus croissoit en eulx Tardante et paternelle amour que à leur tresaymée fille portoient.

Advint toutesfois, ou que Dieu le permist, ou que fortune le voulsist et commandast , envieuse et mal contente de la prospérité de celle belle fille, de ses parens, ou de tous deux ensemble, ou espoir de une secrette cause et raison naturelle , dont je laisse l'inquisition aux philosophes et médecins, qu'elle cheut en une dangereuse et desplaisante maladie que communément on appelle broches. La doulce maison fut treslargement troublée quant en la garenne que plus chiere tenoient lesditz parens avoit osé lascher ses lévriers et limiers ce desplaisant mal, et, qui plus est, touchier sa proye en dangereux et dommageable lieu. La povre fille, de ce grand mal toute affolée, ne sçait sa contenance que de plourer et souspirer. Sa tresdolente mère est si tresfort troublée que d'elle il n'est rien plus desplaisant; et son tresennuyé père detort ses mains

et detire ses cheveux, pour la raige de ce nouveau courroux. Que vous diray je? Toute la grant triumphe qu'en cesthostelsouloittant comblement abonder est par ce cas flappie et ternie, et en amere et subite tristesse à la maie heure convertie.

Or viennent les parens, amys et voisins de ce doulent hostel visiter et conforter la compaignie , mais peu ou rien proufhtoit , car de plus en plus est aggressée et oppressée la bonne fille de ce mal.

Adoncques vient une matrone qui moult et trop enquiert de ceste maladie , et fait virer et revirer, puis çà, puis là, la tresdolente et povre paciente, à grant regret. Dieu le sçait, et puis luy baille médecines de cent mille façons d'erbes ; mais riens; plus vient avant, et plus empire : si est force que les médecins de la ville et du pays environ soient mandez, et que la povre fille descouvre et monstre son trespiteux cas.

Or sont venuz maistre Pierre , maistre Jehan , maistre cy, maistre là, tant de physiciens que vous vouldrez , qui veulent bien veoir la paciente, ensemble et les parties du corps à descouvert où ce mauldit mal de broches s'estoit.

helas! longuement embusché. Geste povre fille fut plus surprinse et esbahie que se à la mort feust adjugée; et ne se vouloit accorder qu'on la mist en façon que son mal feust apperceu, mesmes aymoit plus chier mourir que ung tel secret feust à ung homme descouvert. Geste obstinée voulenté ne dura pas gramment, quant père et mère vindrent, qui plusieurs remonstrances luy firent , comme de dire qu'elle pourroit estre cause de sa mort , qui n'est pas ung petit péché, et plusieurs aultres y eut trop longs à racompter. Finablement , trop plus pour père et mère que pour crainte de mort vaincue, la povre fille se laissa ferrer; et fut mise sur une couche, les dens dessoubz, et son corps tant et si tresavant descouvert que les medicins virent apertement le grant meschief qui fort la tourmentoit. Hz ordonnèrent son régime faire aux appotiquaires : clysteres , pouldres, oygnemens et le surplus que bon sembla; elle print et fist tout ce que on voulut pour recouvrer santé. Mais tout rien n'y vault, car il n'est tour ne engin que les dictz medicins saichent pour allegier quelque peu de ce destresseux mal , ne en leurs livres n'ont veu ne accoustumé que riens, si très-

fort que la povre fille empire , mes que l'ennuy qu'elle s'en donne, car autant semble estre morte que vive.

En ceste aspre langueur et douleur forte se passèrent beaucoup de jours. Et comme le père et la mère, parens et voisins s'enqueroient partout pour l'alegance de la fille, si rencontrèrent ung tresancien cordelier, qui borgne estoit ; et en son temps avoit veu moult de choses , et de sa principale science se mesloit fort de medicine. Dont sa présence fut plus agréable aux parens de la paciente , laquelle, helas! à tel regret que dessus, regarda tout à son beau loisir, et se fist fort de la guarir. Pensez qu'il fut tresvoulentiers ouy, et tant que la dolente assemblée, qui de lyesse pieça banie estoit, fut à ce point quelque peu consolée , espérant le fait sortir tel que sa parolle le touchoit. Adonc maistre cordelier se partit de leans , et print jour à demain de retourner, fourny et pourveu de medicine si tresvertueuse qu'elle en peu d'heure etïacera la grant douleur qui tant martire et desbrise la povre paciente.

La nuyt fut beaucoup longue , attendant le jour désiré; neantmoins passèrent tant d'heures

à quelque peine que ce fut, que nostre bon cordelier fut acquitté de sa promesse pour soy rendre devers la paciente à l'heure assignée. S'il fut joyeusement receu , pensez que ouy. Et quant vint l'heure qu'il voulut besongner et la paciente mediciner, on la print comme l'aultre fois, et sur la couche, tout au plus bel qu'on peust, fut à bougons couchée et son derrière descouvert assez avant , lequel fut incontinent des matrones d'ung tresbeau blanc drap linge garny, tapissé et armé; et, à l'endroit du secret mal, fut fait ung beau pertuis, par lequel maistre cordelier povoit appertement le choisir. Et il regarde ce mal, puis d'ung cousté , puis d'aultre ; maintenant le touche du doy tout doulcement , une autre fois prent la pouldre dont mediciner la vouloit. Ores regarde le tuyau dont il veult souffler icelle pouldre par sus et dedans le mal; ores retourne arrière et jecte l'oeil de rechief sur cedit mal, et ne se sçait saouler d'assez le regarder. A chief de pièce , il prend sa pouldre à la main gauche , mise en ung beau petit vaisseau plat, et de l'aultre son tuyau qu'il vouloit emplir de ladicte pouldre; et comme il regardoit tresententivement et de tresprés par ce pertuis et à

l'environ le destresseux mal de la povre fille ; et elle ne se peut contenir, voyant l'estrange façon de regarder, à-tout ung oeil, de nostre cordelier, que force de rire ne la surprist, qu'elle cuida bien longuement retenir, mais si mal, helas! lui advint que ce riz, à force retenu, fut converty en ung sonnet, dont le vent retourna si très à point la pouldre que la pluspart il fit voler contre le visaige et seul bon oeil de ce bon cordelier, lequel, sentant ceste douleur, abandonna tantost et vaisseau et tuyau ; et à peu qu'il ne cheut à la reverse , tant fut fort effrayé. Et quant il eut son sang, il met tost en haste la main à son oeil, soy plaingnant durement , disant qu'il estoit homme deffait , et en dangier de perdre ung seul bon oeil qu'il' avoit. Il ne mentit pas , car en peu de jours la pouldre, qui corrosive estoit, luy gasta et mengea trestout l'oeil, et par ce point, l'aultre qui ja estoit perdu, aveugle fut, et ainsi demoura ledit cordelier.

Si se fist guider et mener, ung certain jour après ce, jusques à l'hostel où il conquist ce beau butin; et parla au maistre de leans, auquel il remonstra son piteux cas , priant et requérant , ainsi que droit le porte, qu'il lui baille et as-

signe , ainsi qu'à son estât appartient , sa vie honnorablement. Le bourgois respondit que de ceste son adventure beaucoup luy desplaisoit , combien qu'en riens il n'en soit cause, ne en quelque façon que ce soit chargié ne s'en tient. Trop bien est il content luy faire quelque gracieux ayde d'argent , pource qu'il avoit emprins de garir sa fille , ce qu'il n'avoit pas fait , et que à luy ne veult estre tenu en riens; lui veult bailler autant en somme que s'il luy eust sa fille en santé rendue , non pas , comme dit est , qu'il soit tenu de ce faire. Maistre cordelier , non content de ceste offre , demande qu'il luy assignastsavie, remonstrant comment sa fille l'avoit aveuglé en sa présence, et, à ceste occasion, privé estoit de la digne et tressaincte consecracion du précieux corps de Jésus , du sainct service de l'Eglise , ef de la glorieuse inquisicion des docteurs qui ont escript sur la saincte théologie; et, par ce point, de predicacion plus ne povoit servir le peuple : qui estoit sa totale destruction, car il est mendiant et non fondé, sinon sur aumosnes que plus conquerre ne povoit. Quelque chose qu'il allègue, ne remonstre, il ne peut finer d'autre response que ceste précédente.

Si se tira par devers la justice du parlement dudit Londres, devant lequel fist bailler jour à nostre homme dessus dit. Et quant il vint heure de plaider sa cause par ung bon advocat bien informé d^ ce qu'il devoit dire , Dieu sçait que plusieurs se rendirent au consistoire pour ouyr ce nouveau procès , qui beaucoup pleust aux seigneurs dudit parlement , tant pour la nouvelleté du cas que pour les allegacions et argumens des parties devant eulz debatans, qui non acoustumées, mais plaisantes estoyent. Ce procès tant plaisant et nouvel , afBn qu'il feust de plusieurs gens congneu , fut tenu et maintenu assez et longuement, non pas qu'à son tour de roule ne fust bien renvoyé et mis en jeu; mais le juge le fist différer jusques à la façon de cestes.

Et par ce point , celle qui auparavant , par sa beaulté, bonté et genteté, congneue estoit de plusieurs gens , devint notoire à tout le monde par ce mauldit mal de broches, dont en la fin fut garie, ainsi que depuis me fut compté.