DES

IRK NOUVELLE

■ 'le bour

.Jr^ T-T.

idS Cii .

fj OH^-^^^^'^ temps receveur Jr^î^Xx quel entre les autre

^^^^N la ville de Valenciennes eut nal^p^^ gueres ung notable bourgois, en

de Henault, lequel entre les autres fut renommé de large et discrète prudence. Et, entre ses louables vertuz, celle de la libéralité ne fut pas la moindre, car par icelle vint en la grâce des princes, seigneurs et autres gens de tous estaz. En ceste eureuse félicité, Fortune le maintint et soustint jusques en la fin de ses jours. Devant et après ce que Mort l'eust destachié de la chaîne qui à mariaige l'accouploit, le bon bourgois cause de ceste h^ystoire n'estoit pas si mal logié

3o PREMIÈRE NOUVELLE

en ladicte ville que ung bien grant maistre ne s'en tint pour content et honnouré d'avoir ung tel logis.

Et entre les desirez et louez édifices, sa maison descouvroit sur plusieurs rues ; et là avoit une petite poterne vis à vis prés de là, en laquelle demouroit ung moult bon compaignon, qui tresbelle femme et gente avoit et encores en meilleur point. Et, comme il est de coustume , les jeulx d'elle, archiers du cœur, descoicherent tant de flèches en la personne dudit bourgois que, sans prochain remède, son cas n'estoit pas moindre que mortel. Pour laquelle chose seurement obvier, trouva par plusieurs et subtiles façons que le compaignon, mary de ladicte gouge, fut son amy tresprivé et familier, et tant que peu de disners, de souppers,de bancquetz, de bains, d'estuves, et autres passetemps, en son hostel et ailleurs, ne se feissent jamais sans sa compaignie. Et, à ceste occasion, se tenoit ledit compaignon bien fier et encores autant eureux.

Quant nostre bourgois, plus subtil que ung regnart, eust gaignié la grâce du compaignon, bien peu se soussia de parvenir à l'amour de sa femme ; et, en peu de jours, tant et si tresbien

PREMIÈRE NOUVELLE 3l

laboura que la vaillant femme fut contente d'ouyr et entendre son cas, pour y baillier remède convenable. Ne restoit plus que temps et lieu; et fut à ce menée qu'elle luy promist, tantost que son mary iroit quelque part dehors pour séjourner une nuyt, elle incontinent l'en avertiroit. A chief de pechié, ce désiré jour fut assigné, et dit le compaignon à sa femme qu'il s'en aloit à ung chasteau loingtain de Valenciennes environ troys lieues. Et la charga bien de soy tenir à l'hostel et garder la maison, pource que ses affaires ne povoient souffrir que celle nuyt il retournast.

S'elle en fut bien joyeuse, sans en faire semblant ne manière en parolles ne aultrement, il ne le fault ja demander, car il n'avoit pas encore cheminé une lieue d'assez, quant le bourgois sceust ceste adventure de pieça désirée. Il fîst tantost tirer les bains, chauffer les estuves, faire pastez, tartes, ypocras, et le surplus des biens de Dieu, si largement que l'appareil sembloit ung droit desroy.

Quand vint sur le soir, la poterne fut desserrée, et celle qui pour la nuyt y devoit le guet saillit dedans; et Dieu sçait qu'elle fut doulcement receue. Je m'en passe en brief, et

espoire plus, qu'ilz firent plusieurs devises d'aucunes choses qu'ilz n'avoientpasen cesteeureuse journée à leur première voulenté. Apres ce que en la chambre furent descenduz, tantost se boutèrent au bain, devant lequel beau souper fut en haste couvert et servy. Et Dieu sçait qu'on y beut d'autant largement et souvent. De vins et viandes parler n'en seroit que redicte ; et pour faire le compte brief, faulte n'y avoit que du trop. En ce tresgracieux estât se passa la pluspart de ceste doulce et courte nuyt : baisiers donnez, baisiers renduz, tant et si longuement que chascun ne desiroit que le lit.

Tandiz que ceste grant chiere se faisoit, vecy bon mary, ja retourné de son voyaige, non querant ceste sa bonne adventure, qui heurte bien fort à l'uys de sa chambre. Et, pour la compaignie qui y estoit, l'entrée de prinsault luy fut refusée jusques à ce qu'il nommast son parrain. Adonc se nomma haut et clair; et tresbien l'entendirent et recongneurent sa bonne femme et le bourgois, La gouge fut tant fort effrayée, à la voix de son mary, que à peu que son loyal cueur ne failloit ; et ne sçavoit ja plus sa contenance se le bon bourgois et ses gens

ne l'eussent reconfortée. Mais le bon bourgois, tant asseuré, et de son fait tresadvisé, la fist bien en haste couchier ; et au plus prés d'elle se bouta, et luy charga qu'elle se joingnist prés de luy et caichast le visaige, qu'on n'en peult rien appercevoir. Et cela fait au plus brief que on peult, sans soy trop haster, il commanda ouvrir la porte.

Et le bon compaignon sault dedans la chambre, pensant en soy que aucun mistere y avoit, quant devant l'uys l'avoient retenu si longuement. Et quant il vit la table tant chargée de vins et de grans viandes, ensemble le beau bain tresbien paré, et le bourgois ou tresbeau lit encourtiné avec sa seconde personne. Dieu sçait s'il parla hault et blasonna les armes de son bon voisin : lors l'appela rihault, loudier, après putier, après yvrongnCj et tant bien le baptiza que tous ceulx de la chambre, et luy avecques, s'en rioient bien fort. Mais sa femme, à ceste heure, n'avoit pas ce loisir, tant estoient ses lèvres empeschées de soy joindre prés de son amy nouvel : « Ha! ha! dist il, maistre houllier, vous m'avez bien celée cette bonne chiere ; mais, par ma foy, si je n'ay esté à la grant feste, si faut il bien que l'on me

monstre l'espousée. » Et, à ce coup, tenant la chandelle en sa main, se tira prés du lit : et ja se vouloit avancier de haulcier la couverture soubz laquelle faisoit grant penitance et silence sa tresparfaite et bonne femme, quant le bourgois et ses gens l'en gardèrent : dont le compaignon ne s'en contentoit pas trop; et à force, maulgré chascun, tousjours avoit la main au lit. Mais il ne fut pas maistre pour lors, ne creu de faire son vouloir, et pour cause.

Sur quoy ung appointement tresgracieux et bien nouveau fut fait, de quoy assez se contenta, qui fut tel : le bon bourgois fut content que on luy monstrast à descouvert le derrière de sa femme, les rains et les cuisses, qui blanches et grosses estoient; et le surplus bel et honneste, sans riens descouvrir ne veoir le visaige. Le bon compaignon, tousjours la chandelle en sa main, fut assez longuement sans dire mot. Et quant il parla, ce fut en louant beaucoup la tresgrande beaulté de ceste femme ; et afferma, par ung bien grant serment, que jamais n'avoit veu chose si bien ressembler au cul de sa femme ; et s'il ne feustbien seur qu'elle feust en son hostel à ceste heure, il diroit que ce seroit elle ! Mais elle fut

tantost recouverte, et adonc se tira arrière, assez pensif. Et Dieu sçait se on luy disoit bien, puis l'ung, puis l'autre, que c'estoient de luy mal congneu , et à sa femme peu d'honneur porter ; et que c'estoit bien aultre chose, que cy après assez il pourroit veoir.

Pour reiîaire les jeulx abusez de ce povre martir, le bourgois commanda qu'on le feist seoir à la table, où il reprint nouvelle ymaginacion par boire et mengier largement du soupper de ceulx qui entretemps au lit se devisoient à son grant préjudice. Puis, l'heure vint de partir, et donna la bonne nuyt au bourgois et à sa compaignie ; et pria moult doulcement qu'on le boutast hors de leans par la poterne, pour plus tost trouver sa maison. Mais le bourgois luy respondit qu'il ne sçauroit à ceste heure trouver la clef; pensoit aussy que la serreure feust tant enrouillie qu'on ne la pourroit ouvrir, pource que nulle fois ou peu souvent s'ouvroit. Il fut, au fort, contraint de saillir par la porte de devant et d'aller le grant tour à sa maison.

Tandis que les gens au bourgois le conduisoient vers la porte, tenant le hoc en l'eaue par devises, et la bonne femme fut incontinent mise

sur piez, et en peu de heure habillée et lacée sa cotte simple, son corset en son bras, et venue à la poterne; puis ne fist que ung sault en sa maison, où elle attendoit son mary qui le long tour venoit, tresadvisée de son fait et des manières qu'elle avoit à tenir.

Vecy nostre homme, voyant encore la lumière et la clarté en sa maison, heurte assez rudement. Et sa bonne femme qui mesnaigeoit par leans, en sa maintenant ung ramon, demande ce qu'elle bien sçait : « Qui est ce là ? » Et il respondit : « C'est vostre mary. — Mon mary ? dist elle ; mon mary, n'est-ce pas ? Il n'est pas en la ville. » Et il heurte de rechief et dit : « Ouvrez, ouvrez, je suis vostre mary. — Je congnois bien mon mary, dist elle; ce n'est pas sa coutume de soy enclorre si tart, quand il seroit en la ville ; allez ailleurs, vous n'estes pas bien arrivé : ce n'est point céans qu'on doit heurter à cesle heure. » Et il heurte pour la tierce fois et l'appella par son nom, une fois, deux fois. Adonc • fist elle aucunement semblant de le congnoistre, en demandant dont il venoit à ceste heure. Et pour response ne bailloit aultre chose que : « Ouvrez ! ouvrez ! — Ouvrez ! dit elle ;

PREMIÈRE NOUVELLE By

encores n'y estes vous pas, meschant houillier? Par la force saincte Marie, j'aymeroie mieulx vous veoir noyer que céans vous bouter! Allez coucher en mal repos, dont vous venez ! » Et lors le bon mary de soy courroucer; etfiert tant qu'il peut de son pié contre la porte, et semble qu'il doyve tout abatre ; et menassa sa bonne femme de la tant batre que c'est raige, dont elle n'a gueres grant paour ; mais, au fort, pour apaisier la noyse et à son aise mieulx dire sa pensée, elle ouvrit l'uys.

Et à l'entrée qu'il fist , Dieu sçait qu'il fut servy d'une chiere bien rechignée et d'ung agu et enflambé visaige. Et quant la langue d'elle eut povoir sur le cueur chargié tresfort d'yre et de courroux, par semblant, les parolles qu'elle descocha ne furent pas moins tranchantes que rasoirs de Guingant bien affiliez. Et entre aultres choses, fort luy reprouchoit qu'il avoit par malice conclut ceste faincte allée pour l'esprouver; et que c'estoit fait d'ung lasche et recreu couraige , indigne d'estre alié à si preude femme comme elle. Le bon compaignon, ja soit ce que feust fort courroucié et mal meu par avant , toutesfois pource qu'il veoit son tort à l'oeil et

le rebours de sa pensée, refraint son yre ; et le courroux qu'en son cueur avoit conceu, quant à sa porte tant heurtoit, fut tout à coup en courtois parler converty. Car il dist , pour soy excuser et pour sa femme contenter , qu'il estoit retourné de son chemin pource qu'il avoit oublié la lettre principale qui touchoit plus le fait de son voyaige.

Sans faire semblant de le croire , elle recommence sa légende dorée , luy mettant sus qu'il venoit de la taverne et de lieux deshonnestes et dissoluz 5 et qu'il se gouvernoit mal en homme de bien, mauldissant l'heure que oncques elle eut son accointance et sa tresmauldicte aliance. Le povre désolé , congnoissant son cas , voyant sa bonne femme trop plus qu'il ne voulsist troublée, helas ! et à sa cause ne sçavoit que dire. Si se prent à penser, et à chief de pensée ou méditation , se tire prés d'elle , ployant ses genoulz tout en bas sur la terre , et dit les beaulx motz qu'ilz s'ensuyvent : « Ma chiere compaigne et tresloyale espouse , je vous prie , ostez vostre cueur de tous ces courroux que avez vers moy conceuz, et me pardonnez au surplus ce que vous puis avoir meffait. Je con-

gnois mon cas, et viens nagueres d'une place où l'en faisoit bien bonne chiere. Si vous ose bien dire que congnoistre vous y cuiday, dont j'estoie tresdesplaisant. Et , pour ce que à tort et sans cause, je le confesse, vous ay suspeçonnée d'estre aultre que bonne , dont me repens amèrement, je vous supplie, et de rechief, que, tous aultres passez courroux et cestuy ci oubliez, vostre grâce me soit donnée , et me pardonnez ma folie. »

Le mautalant de nostre bonne gouge, voyant son mary en bon ploy et à son droit, ne se monstra meshuy si aspre ne si venimeuse : « Comme, dit-elle, villain putier, se vous venez de vos tresdeshonnestes lieux et infâmes, est il dit pourtant que vous devez oser penser, ne en quelque façon croire , que vostre bonne preude femme les daignast regarder? Nenny, par Dieu. — Helas ! ce sçay je bien , ma mye ; n'en parlons plus, pour Dieu! » dist le bon homme. Et, de plus belle , vers elle s'encline , faisant la requeste ja pieça que trop dicte. Elle, ja soit ce que encores marrye et presque enraigée de cette suspection , voyant la parfonde contrition du bon homme, cessa son parler, et petit à petit

son troublé cueur se remist à nature ; et luy pardonna, combien que à grant regret, après cent mille sermons et autant de promesses, que celuy qui tant l'avoit grevée.

Et par ce point , à moins de crainte et de regret, elle passa maintesfois depuis la poterne, sans que l'embusche feust jamais descouverte à celuy à qui plus touchoit.

Et ce souffise quant à la première histoire.