CONTKE PAR MONSEIGNEUR DE LANNOY

f^^S^/5 N une ville de Hollande, comme £--,/, iSi;-^!^ '^ prieur des Augustins nagueres fH^&'^J^^ se pourmenast, en disant ses heu res, î=^^^^ sur le serain, assez prés de la chappeile de Sainct Anthoyne, située au bois de ladicte ville, il fut rencontré d'ung grant lourt Hollandois, si tresyvre qu'à merveilles, lequel demouroit en ung villaige nommé Stevelinghes, à deux lieux prés d'illec. Le prieur, de loing le voyant venir, congneut tantost son cas par les jourdes desmarches et mal seures qu'il faisoit, tirant son chemin. Et quant ilz vindrent pour joindre l'ungà l'autre, l'yvroingne salua premier

le prieur qui luy rendit son salut tantost, et puis passe oultre, continuant son service, sans en aultre propos l'arrester ne interroguer.

Mais l'yvroingne, tant oultré que plus ne povoit, se retourne et poursuit le prieur, et luy requist confession. « Confession ? dist le prieur. Va t'en, va t'en, tu es bien confessé. — Helas ! sire, respond l'yvroingne, pour Dieu, confessez moy ; j'ay assez tresfresche mémoire de tous mes péchiez, et si ay perfaicte contricion. » Le prieur, desplaisant d'çstre empesché à ce coup par cest yvroingne, respond : '( Va ton chemin ! il ne te fault confesser, car tu es en tresbon estât. — Ha dea, dist l'yvroingne, par la mort bieu, vous me confesserez, maistre prieur, car j'en ay à ceste heure devocion!» Et le saisit par la manche, et le voulut arrester. Ce prieur n'y vouloit entendre, mais avoit tant grant faim que merveilles d'estre eschappé de l'autre; mais riens n'y vault, car il est ferme en la devocion d'estre confessé, ce que le prieur tousjours reffuse ; et si s'en cuide desarmer, mais il ne peut.

La devocion de l'yvroingne de plus en plus s'efforce ; et , quant il voit le prieur reffusant d'ouyr ses péchiez, il met sa main à sa grande

coustille et de sa gayne la tire, et dit au prieur qu'il le tuera si bien il n'escoute sa confession. Le prieur, doubtant le cousteau et la main périlleuse qui le tenoit, si demande à l'aultre : « Que veulx tu dire ? — Je me vueil confesser, dit il. — Or avant ! dist le prieur, je le vueil ; avance toy?» Nostre yvroingne, plus saoul que une grive partant d'une vigne, commença, s'il vous plaist, sa dévote confession, laquelle je passe, carie prieur point ne la révéla; mais vous pouvez penser qu'elle fut bien nouvelle et estrange.

Quant le prieur vit son point, il couppa le chemin aux longues et lourdes parolles de nostre yvroingne et l'absolucion lui donne; et, en congié lui donnant, lui dist : « Va t'en ! Tu es bien confessé. — Dictes vous, sire? respond il. — Ouy vrayement, dist le prieur, ta confession est tresbonne. Va t'en ! tu ne peuz mal avoir. — Et puis que je suis bien confessé et que j'ay l'absolucion receu, se à ceste heure je mouroye, n'yroye je pas en paradis? ce dit l'yvroingne. — Tout droit sans faillir, respond le prieur, n'en faiz nul doubte. — Puis qu'ainsi est, ce dit l'yvroingne, que maintenant je suis en bon estât

et en chemin de paradis, et qu'il y fait tant bel et tant bon, je vueil mourir tout maintenant, affin que incontinent je y aille. »

Si prent et baille son Cousteau à ce prieur, en lui priant et requérant qu'il lui tranchast la teste, affin qu'il allast en paradis. «Ha, dea, dist le prieur tout esbahj, il n'est ja mestier d'ainsi faire; tu yras bien en paradis par aultre voye. — Nennil, respond l'yvroingne, je y vueil aller tout maintenant et icy mourir par voz mains; avancez vous et me tuez? --- Non feray pas, dist le prieur; un prestre ne doit personne tuer. — Si ferez, sire, par la mort bieu ! et, se bientost'ne me depeschiez et me mettez en paradis, moy mesmes à mes deux mains vous occiray. » Et, à ces motz, brandit son grant Cousteau, et en fait monstre aux yeulx du povre prieur, tout espoventé et assimply.

Au fort, après qu'il eut ung peu pensé, aftin d'estre de son yvroingne despeschié, lequel de plus en plus Taggresse et parforce qu'il lui oste la vie, il saisit et prent le Cousteau, et si va dire : a Or çà, puisque tu veulx finer par mes mains affin d'aller en paradis, metz toy à genoulz cy devant moy. » L'yvroingne ne s'en fist gueres

preschier, mais, tout à coup, du hault de luy tomber se laissa, et à chief de pechié, à quelque meschief que ce fut, sur les genoulz se releva, et à mains joinctes le coup de l'espée, cuidant mourir, attendoit. Le prieur, du doz du Cousteau, fîert sur le col de l'yvroingne ung grant et pesant coup, et par terre le abat bien rudement. Mais vous n'avez garde qu'il se relieve, mesmes cuide vrayement estre mort et estre ja en paradis. En ce point le laissa le prieur, qui pour sa seureté n'oublia pas le cousteau.

Et comme il fut ung peu avant, il rencontra ung chariot chargé de gens : au moins, de la pluspart, si bien advint que ceulx qui avoient esté presens où nostre yvroingne s'estoit chargié y estoient, auxquelz il racompta bien au long le mistere dessus dit, en leur priant qu'ilz le levassent et qu'en son hostel le voulsissent rendre et conduire, et puis leur bailla son cousteau. Hz promirent de l'emmener et chargier avec eulx, et le prieur s'en va.

Hz n'eurent gueres cheminé qu'ilz apperceurent ce bon yvroingne couchié ainsi comme s*il fust mort, les dens contre terre. Et quant ilz furent prés de lui, tous à une voix par son

nom l'appelèrent ; mais ilz ont beau huchier, il n'avoit garde de respondre ; ilz recommencèrent à crier, mais c'est pour néant. Adoncques descendirent aucuns de leur chariot, si le prindrent par la teste, par les piez et par les jambes, et tout en l'air le levèrent, et tant bûchèrent qu'il ouvrit ses yeulx, et incontinent parla et dist : « Laissez moy, laissez moy, je suis mort ! — Non estes, non, dirent ses compaignons ; il vous fault venir avec nous? — Non feray, dist l'yvroingne. Où yray je ? Je suis mort et desja en paradis. — Vous vous en viendrez, dirent les aultres ; il nous fault aller boire. — Boire? dist il. — Voire, dist l'aultre. — Jamais je ne boiray, dist il, car je suis mort. » Quelque chose que ses compaignons lui dissent ne fissent, il ne vouloit mettre hors de sa teste qu'il ne fust mort.

Ces devises durèrent beaucoup, et ne sçavoient trouver les compaignons façon ne manière d'emmener ce fol yvroingne, car, quelque chose qu'ilz dissent, tousjours respondoit : « Je suis mort! » En la fin, ung entre les autres se advisa et dist: o Puis que vous estes mort, vous ne voulez pas demourer icy, et comme une beste aux champs estre enfouy ; venez, venez avec nous : si

VOUS porterons enterrer, sur nostre chariot, au cymitiere de nostre ville, ainsi qu'il appartient à ung crestien ; aultrement, n'yrez pas en paradis. » Quant l'yvroingne entendit qu'il le falloit enterrer ains qu'il montast en paradis, si fut content d'obéir ; si fut tantost troussé et mis dedans le chariot, où gueres ne fut sans dormir.

Le chariot estoit bien hastelé, si furent tantost à Stevelinghes, où ce bon yvroingne fut descendu tout devant sa maison. Sa femme et ses enfans furent appelez, et leur fut ce bon corps saint rendu, qui si fort dormoit que, pour le porter du chariot en sa maison et en son lit le jecter, jamais ne s'esveilla, et là fut il ensevely entre deux linceux sans s'esveiller bien deux jours après.

LA vue NOUVELLE

PAR MON SEIGNEUR

NG orfèvre de Paris, nagueres, pour

iV<A^l^ despeschier plusieurs besongnes de isa marchandise, à renconire d'une

>^^rA^i foire du Lendit et d'Envers , fît large et grant provision de charbon de saulx. Advint, ung jour entre les aultres, que le charreton qui ceste denrée livroit, pour la grant haste de l'orfèvre, fist si grant diligence qu'il amena deux voitures plus qu'il n'avoit fait es jours par avant; mais il ne fust pas si tost en Paris, à sa derreniere charretée, que la porte à ses talons ne fust fermée ; toutesfois, il fust trèsbien venu, et bien de l'orfèvre receu. Et, après

que son charbon fut descendu et ses chevaux mis en l'estable, il voulut soupper tout à loisir, et firent tresgrant chiere, qui pas ne se passa sans boire d'autant et d'autel.

Quant la brigade fut bien repeue, la cloche va sonner douze heures, dont ilz se donnèrent grant merveille, tant plaisamment s'estoit le temps passé à ce soupper. Chascun rendit grâces à Dieu, faisans trespetitz yeulx, et ne demandoient que le lit ; mais, pource qu'il estoit tant lart, l'orfèvre retint au coucher son charreton, doubtant la rencontre du guet, qui l'eust bouté en Chastelet se à ceste heure l'eust trouvé. Pour celle heure, nostre orfèvre avoit tant de gens qui pour luy ouvroient, que force lui fut le charreton avec lui et sa femme en son lit hebergier; et, comme saige et non suspeçonneux, il fît sa femme entre lui et le charreton couchier.

Or, vous faut il dire que ce ne fut pas sans grant mistere, car le bon charreton refusoit de tous pointz ce logis, et à toute force vouloit dessus le banc ou dedans la grange couchier : force lui fut d'obeyr à l'orfèvre. Et, après qu'il fut despouillé, dedans le lit se boute, ouquel estoient ja l'orfèvre et sa femme en la façon que

j'ay dicte. La femme, sentant le charreton à cause du froit et de la petitesse du lit d'elle approuchier, tost se vira devers son mary, et, en lieu d'oreiller, se mist sur la poitrine de sondit mary, et ou giron du charreton son derrière reposoit.

Sans dormir ne se lindrent gueres l'orfèvre et sa femme, sans en faire le semblant; mais nostre charreton, ja soit qu'il fust lassé et travaillié, n'en avoit garde. Car, comme le poulain s'eschaufîe sentant la jument, et se dresse et se demaine, aussi faisoit le sien poulain, levant la teste contremont si tresprouchain de ladicte femme. Et ne fut pas en la puissance dudit charreton qu'à elle ne se joignist et de prés. Et, en cest estât, fut longue espace sans que la femme s'esveillast, voire ou au moins qu'elle en fist semblant. Aussi n'eust pas fait le mary, se ce n'eust esté la teste de sa femme qui sur sa poitrine estoit reposant. qui, par l'assault et hurt de ce poulain, luy donnoit si grand branle que assez tost il se resveilla. Il cuidoit bien que sa femme songeast, mais, pource que trop longuement duroit , et qu'il ouyoit le charreton soy remuer et tresfort souffler, tout doulcement leva la main en hault, et si

9'-î SEPTIEME NOUVELLE

tresbien à point en bas la rabatit qu'en dommaige et en sa garenne le poulain au charreton trouva, dont il ne fut pas bien content, et ce pour l'amour de sa femme. Si l'en fist en haste saillir, et dist au charreton : « Que faictes vous, meschant coquart? Vous estes, par ma foy,bien enraigié, qui à ma femme vous prenez! N'en faictes plus. Je vous jure, par la mort bieu, que, s'elle se fust à ce coup esveillée , quant vostre poulain ainsi la harioit, je ne sçay moy penser que vous eussiez fait : car je suis tout certain, tant la cognois, qu'elle vous eust tout le visage esgratigné, et à ses mains les yeulx de vostre teste esrachez. Vous ne sçavez pas comme elle est merveilleuse, depuis qu'elle entre en sa malice, et si n'est chose ou monde qui plutost luy boutast. Ostez vous, je vous en supplie, pour vostre bien. »

Le charreton à peu de motz s'excusa qu'il n'y pensoit pas; et comme le jour fut prochain tantost, il se leva, et, après le bon jour donné à son hostesse, part et s'en va, et à charrier se met.

Vous devez penser que la bonne femme, s'elle eust pensé le fait du charreton, qu'elle l'eust beaucoup plus grevé que son mary ne disoit ,

combien que depuis il me fut dit que assez de fois le charreton la rencontra en la propre façon et manière qu'il fut trouvé de Torfevre, sinon qu'elle ne dormoit pas; non point que je le vueille croire, ne en riens ce raport faire bon.

LA Vlir NOUVELLE

PAR MONSEIGNEUR DE LA ROCHE

^^^^N la ville de Brucelles, où maintes ^^M^ adventures sont en nostre temps adr(3\ 3'*#7^^^^^^^^' demouroit, n a pas long %:^i£^%^::Xi tems, ung jeune compaignon picart, qui servit tresbien et loyaument son maistre assez longue espace. Et, entre aultres services à quoy il obligea sondit maistre vers lui, il fit tant, par son tresgracieux parler, maintien et courtoisie, que si avant fut en la grâce de sa fille, qu'il coucha avec elle, et par ses œuvres méritoires elle devint grosse et ençainte. Nostre compaignon, voyant sa dame en cest estât, ne fut pas si fol que d'attendre l'heure que son maistre

^6 HUITlÈxME NOUVELLE

le pourroit sçavoir et appercevoir. Si print de bonne heure ung gracieux congié pour peu de jours, combien qu'il n'eust nulle envye d'y jamais retourner, faignant d'aller en Picardie visiter son père et sa mère et aucuns de ses parens. Et quant il eut à son maistre et à sa maistresse dit adieu, le trespiteux fut à la fille, sa dame, à laquelle il promist tantost retourner : ce qu'il ne fist poini, et pour cause.

Lui estant en Picardie, en l'ostel de son père, la povre fille de son maistre devenoit si trèsgrosse que son piteux cas ne se pouvoit plus celer : dont, entre les autres, sa bonne mère, qui au mestier se congnoissoit, s'en donna garde la première. Si la tira à part et luy demanda, comme assez on peut penser, dont elle venoit en cest estât et qui lui avoit mise. S'elle se fist beaucoup presser et admonnester avant qu'elle en voulsist rien dire ne recongnoistre, ilnelefaultja demander; mais, en la fin, elle fut à ce menée qu'elle fut contrainte de congnoistre et confesser son piteux fait, et dist que le picart varlet de son père, lequel nagueres s'en estoit allé, l'avoit seduitte et en ce trespiteux point laissée.

Sa ip<^.re, toute enraigée, forcenée et tant

marrie qu'on ne pourroit plus, la voyant ainsi deshonorée, se prent à la tenser et tant d'injures lui va dire que la pacience qu'elle eut de tous coustez, sans mot sonner ne riens respondre, estoit assez suffisante d'estaindre le crime qu'elle avoit commis par soy laissier engroissier du Picart. Mais, helas ! ceste pacience ne esmeut en riens sa mère à pitié, mais lui dit : « Va t'en, va t'en, arrière de moy, et fais tant que tu treuves le Picart qui t'a faicte grosse et lui dy qu'il te defface ce qu'il t'a fait ! Et ne retourne jamais vers moy, jusquesà ce qu'il aura toutdeffait ce que par son oultraige il t'a fait. » La povre fille, en Testât que vous oyez, marrie et désolée par sa fumeuse et cruelle mère, se met en la queste de ce Picart qui l'engroissa. Et croyez certainement que, avant qu'elle en peust avoir aucunes nouvelles, ce ne fut pas sans endurer grant peine et du mal aise largement. En la parfin, comme Dieu le voulut, après maintes gistes qu'elle fist en Picardie, elle arriva, par ung jour de dimanche, en ung gros villaige , ou pays d'Artois. Et si tresbien lui vint à ce propre jour que son amy le Picart, lequel l'avoit engroissée, faisoit ses nopces, de laquelle chose

elle fut merveilleusement joyeuse. Et ne fut pas si peu asseurée pour à sa mère obéir qu'elle ne se boutast par la presse des gens, ainsi grosse comme elle estoit; et fîst tant qu'elle trouva son amy et le salua, lequel tantost la congneut, et, en rougissant, son salut lui rendit, et lui dist : « Vous soyez la tresbien venue! Qui vous amaine à ceste heure, m'amie! — Ma mère, dist elle, m'envoye vers vous, et Dieu sçait que vous m'avez bien fait tenser. Elle m'a chargié et commandé que je vous dye que vous me deffaciez ce que vous m'avez fait; et, se ainsi ne le faictes, que jamais je ne retourne vers elle. »

L'aultre entend tantost la folie, et, au plustost qu'il peut, il se deffist d'elle et lui dist par telle manière : « M'amie, je feray voulentiers ce que me requérez et que vostre mère veult que je fasse, car c'est bien raison; mais, à ceste heure, vous voyez que je n'y puis pas bonnement entendre : si vous prie, tant comme je puis, que ayez pacience pour meshuy, et demain je besongneray à vous. » Elle fut contente, et alors il la fîst guider et mettre en une belle chambre, et commanda qu'elle fut tresbien pancée, car, aussi bien, elle en avoit bon mestier, à

cause des grands labeurs et travaulx qu'elle avoit eu en son voyaige, faisant ceste queste.

Or, vous devez sçavoir que l'espousée ne tenoit pas ses yeulx en son sein, mais se donna tresbien garde et apperceut son mary parler à nostre fille grosse, dont la puce luy entre en l'oreille ; et n'estoit en riens contente, mais trestroublée et marrie en estoit. Si garda son courroux, sans mot dire, jusques à ce que son mary se vint couchier. Et quant il la cuida acoUer et baiser, et au surplus faire son devoir et gaingner le chaudeau, elle se vire, puis d'un costé, puis d'aultre, tellement qu'il ne peut parvenir à ses attaintes, dont il est tresesbahy et courroucé, et lui va dire : « M'amie , pourquoy faictes vous cecy? — J'ay bien cause, dist elle, et aussi, quelque manière que vous facez , il ne vous chault gueres de moy : vous en avez bien d'autres, dont il vous est plus que de moy ! — Et non ay, par ma foy, ma dame, dist il, ne, en ce monde, je n'ayme aultre femme que vous. — Helas! dist elle, et ne vous ay je pas bien veu, après disner, tenir voz longues parolles à une femme en la sale ? Ouy, voyois trop bien que c'estoit vous, et ne vous en sçauriez excuser. —

0ft3vf«n«»^

lOO HUITIEME NOUVELLE

Cela, dist il, nostre dame, vous n'avez cause en rien de vous en jalouser! » Et adonc luy va tout au long compter comment c'estoit la fille à son maistre de Brucelles, et coucha avec elle et l'engroissa ; et que à ceste cause il s'en vint par deçà ; comment aussi, après son partement, elle devint si tresgrosse qu'on s'en apperceut; et comment elle se confessa à sa mère qu'il l'avoit engroissée ; et l'envoyoit vers luy affin qu'il luy deffist ce qu'il luy avoit fait; aultrement, jamais vers elle ne s'en retournast.

Quant nostre homme eut tout au long compté sa râtelée, sa femme ne reprint que l'ung de ses pointz et dist : « Comment, dist elle, dictes vous qu'elle dist à sa mère que vous aviez couchié avecques elle ? — Ouy, par ma foy, dist il, elle lui congneut tout. — Par mon serment, dist elle, elle monstra bien qu'elle estoit beste; le charreton de nostre maison a couchié avecques moy plus de quarante nuyctz, mais vous n'avez garde que j'en disse oncques ung seul mot à ma mère; je m'en suis bien gardée! — Voire, dist il, de par le dyable, le gibet y ait part! Or, allez à vostre charreton, se vous voulez, car je n'ay cure de vous. »

lOI

Si se leva tout à coup et s'en vint rendre à celle qu'il engroissa, et abandonna l'aultre. Et quant lendemain on sceust ceste nouvelle, Dieu sçait le grant riz d'aucuns, et le grant desplaisir de plusieurs, especialement du père et de la mère de ceste espousée.