DE MONSEIGNEUR JACQUES DE BOURBON
gr onseioneur de Monferrant, BU je me recommende à vous X d'aussi bon cuer que onc-
ques vous recommandastes votre cas amou-
«#3 reux à vostre Dame; j'entens la mieulx et
plus parfaitement amée. Et combien que je me répute bien maleureux, que une fois en ma vie ne puis avoir moyen ne ochoison honneste et selon mon fait d'aller veoir vostre tant triumphante court; toutefloys quant il me souvient encores des grans biens qui y sont, et que je y croy estre pour
ce que m'en avez dit, et dont le bruit ne est
mie si grant que l’eflect, espérant que une
lois vous y voye, je me repose de mes ennuis sur la souvenance que j'en ay. Car je ny scauroye penser ne en parler de ce César ne de sa séquelle, que l’entendement, la bouche et tout n'en amende. Et se fortune feust tant ma mie que bien vouldroye, sans convoiter grant avoir, Je VOUS asseure que Je vous Iroye voulentiers veoir; mais entre deux, Monseioneur de Monferrant, affin que sçaciés qu’il m'est bien souvenu de vous, comme raison est. Car de vostre courtoisie m'avez atiré et fait honneur plus tost que je vous eusse déservi, voir et oultre ce que jamais porroye pour vous faire. Je, à vostre requeste et soubz vostre conseil, me suis enhardy d'escripre à George l'épistreque vous envoye avecques ces présentes enclose. Ne la prose, ne la rime, ne le francois, ne le latin, ne sont pas pour estre mis devant si cler orateur qu il est; mais il fault que je face comme
l'ouvrier qui, avec ostie de dur fer, tire le
bon et pur or de la parfonde mine. Je pré-
sume, se ainsi se peut dire, peut estre trop avant, de provocquier cellui devant qui moy, ne plus parfait d’engin mille fois, en mil endroit ne porroit demourer invaincu.
Neantmoins soubz la fiance de son gracieux support, et à vostre ennortation, je me suy mis à descouvrir ma témérité et fol cuider, vous priant que, se l’escript vous semble aucunement mal sonnant, le veulliez taire et soppir, que nul fors vous ne cognoisse ma folle entreprise. Et se voyez que puisse seulement magnifester mon amour audit George par icellui escript, vous plaise me recommander à lui. Vous savez et avez pu veoir aussi bien la force de mon engin que Hector veyt oncques la puissance d’Achilles en quelque estour. Quant à la langue latine, j'escrips tout soubz la bonne correction de George; car vous savez que longtain suis
du lieu où elle ait règne et vigueur, et ne
= suis pas digne de en ouvrir devant lui ma
ÈS ”
p Fax c< KQrD).
bouche. Au surplus, Monseigneur de Monferrant, pour ce que vous scavez que, entre
les vivans hommes Francois, je suis cellui
qui espoir a plus amé, quéru, prisié et re-
cueilly par decà des haulz et accomplis fais dudit George, vous prie que, par les premiers venans, vous plaise m'en envoyer aucune chose, ainsi que promis le m'avez, en moy recommandant à Monseigneur de la Riere; et toujours me mander vos bons plaisirs pour
les accomplir; priant nostre Seigneur qu'il vous octroie joye parfaicte de vos plus cu-
rieux désirs.
Escript à Dags, le premier jour de Mars.
Votre serviteur à Jamais, ROBERTET.
Et au dos.
A MonsEIGNEUR DE MONFERRANT, GOUVERNEUR DE Mox-
