VII I

DEDICACE DU « SECOND LIVRE d’aRCHITECTURE ». - I 5 6 I .

« Au Roy.

Sire, considérant que vos ancestres ont touiours eu en singulière recômendation l’intelligence et aduancement de toutes sciences liberales, et mesmement de l’art d’Architecture : comme il appert tant par la cognoissance des bonnes lettres à présent florissantes par tout vostre Royaume, que par l’excellente et somptueuse architecture des bastimens par eulx édifiez : Je me suis asseuré que vostre noble sang et nourriture Royale, nô seulement retiendra cette vertueuse et louable coustume de vos très illustres progeniteurs, mais aussy y adioustera quelque ornement et accroissement particulier. Parquoy, Sire, encores que de ce petit talét qu’il a pieu à Dieu mettre entre mes mains, toute ma vie ie me sois efforcé à illustrer cest art d’Architecture, comme tesmoignent plusieurs et diuers liures par moy soutient mis en lumière : si est ce que depuis vostre aduenement au régné, auquel vous à Dieu assis, je me suis proposé de m’emploier mieulx que iamais à entreprendre choses plus rares et excellentes, qui puissent à vostre Royal esprit apporter quelque recreatiô et plaisir. Et pour ce, Sire, que de ceste affection et volôté mienne i’ay tousiours désiré incontinent vous faire quelque preuve : ayant de nagueres acheué cest œuvre de plusieurs inventions grandement utiles et necessaires à orner et embellir toutes sortes de bastimens, i’ay bien osé cestuy présenter à vostre maiesté, pour le premier gaige de l’obeissance et très humble seruice que luy doibs et desire faire : Vous supplianttres humblement, Sire, qu’il vous plaise lerecepuoir benignement de vostre très aflectioné seruiteur et subiect, attendant que Dieu me face la grâce de vous en présenter ung autre, selon qu’il m’a este permis et ordonné par voz prédécesseurs Roys, tant des desseins et œuures singulières de vostre ville de Paris, corne de voz palais et bastimens royaux, auec aucuns des plus somptueux qui se treuuét