FIG. 77. — FONTS BAPTISMAUX

Gravure au trait. — (Collection de M. Foule.)

présence même de ces hommes du xvie siècle qui avaient tout à faire pour habituer leurs concitoyens au nouveau point de vue auquel toutes choses étaient envisagées à cette époque.

Androuet Du Cerceau. Perspective positive, i vol. (Préface.)

PRÉFACE DE LAUTHEUR

« Congnoissant la grande affection qu’ont la plus part des hommes vertueux, de quelque qualité qu’ils soient, d’auoir congnoissance de Part de Perspectiue positiue, pour les grades commoditez et plaisirs qu'elle apporte : Et d’autre part, scachât que peu de personnes en ont traicté si intelligiblement qu’il seroit requis, à la prière et requeste de plusieurs miens amis et seigneurs, i’ay mis en lumière ces petites leçons, esquelles i’ay vsé de la plus grande facilité qu’il m’a esté possible pour la bonne affection et désir que i’ay que chascun puisse par soy et sans autre maistre que de ce liure apprendre aisément les principes de cest art. Que si quelqu’vn plus advâcé se fasche de ceste façon aysée et familiaire de laquelle i'vse, ie le prie qu’il prenne en boïïe part, si ie trauaille pour seruir aux apprentis : ausquels s’il peult apporter le profit et intelligence que ie désire, ie seray satisfaict de mon labeur. Et quant à ceux qui sont aduancez en ceste science, i’espère aussi leur satisfaire par les liures des principaux bastimens de nostre france, qu’auec l’ayde de Dieu ie délibère en bref mettre en lumière : et par iceux ils trouueront assez de matière pour s’amuser. Et néantmoins s'il leur plaist de voir la méthode dont i’use en ce liure, et en iuger sainement, ie n’oseray bien promettre qu’ils ne la trouueront que très bone : Et mesmes par aduëture qu'aucuns d’eux ne se repentiront point de l’auoir entièrement veu : au moins quât aux ieunes et apprentis, ie les puis bien asseurer, que s'ils veulent auoir patience de côprendre et s’exercer eux mesmes à contrefaire les leçons les vnes après les autres, qu’auec l’ayde de Dieu, et en peu de temps, ils en auront la congnoissance entière. Mais ie veux bien vous prier et aduertir (amy Lecteur) que vous n'ayez à négliger les premières leçons pour leur facilité, car elles sont le fondement de toutes les autres. Et icelles bien entendues, voire par vne seule leçon des élévations d’vn corps sur toutes les veiies, il vous sera fort aisé par après de comprendre les autres, voire en desseigner de vous mesmes de telles que

FvVINAKVM TEttPLI PAC! 5, PRO SPLCTVS.^

F J G . 7g. — LE TEMPLE DE LA PAIX,

lire des Præcipua ahquot Romance antiquitatis, de Du Cerceau. — (D’après Batt. Pitoni, Venise, 1 56 1 . )

voudrez. Dauantage ayant bien entendu ce petit liuret, vous aurez l’intelligëce non seulemët de tous les liures de ceux qui en ont escript : mais encores voyant quelques desseings de maçonnerie, paysages ou autres, vous iugerez aisément si les maistres ouuriers y ont mis la main, et s’ils ont obserué la raison et ordonnance de Perspectiue. Toutesfois, il ne fault pas penser que par la seule congnoissance de Perspectiue vous puissiez iuger de l’Architecture ne de la Pourtraicture. Assauoir si les colomnes du bastiment sont faites selon les mesures et raisons des ordres, auec leurs ornemës et symmetries, ny pareillement si les figures pourtraits et linéaments sont faicts corne il appartient : car ce sont sciences à part. Somme la Perspectiue n'est autre chose qu'vn miroir lequel de soy ne fait les choses qui luy sont présentées, meilleures ou pires quelles ne sont, mais seulement représente au vray ce qui luy est mis au deuant ainsi et comme il est.

« Pour exemple, si vous mettez vn miroir deuant vn bastiment de belle et bonne ordonnance, comme pourroit estre la face de la court du Louvre, le miroir la rapportera telle qu’elle est, belle et riche; mettez le mesme miroir cotre vne vieille muraille mal faicte et mal ordonnée, le miroir vous rapportera toutes les faultes qui sont : Doncques la Perspectiue ne tend point à faire et dessigner les choses que l’on veult représenter pires ou meilleures, mais bien nous apprend de représenter avec science et raison les choses telles qu’elles s’apparoissent à l'œil.

« Par cecy vous pouuez congnoistre combien il y a grande affinité entre ces sciences d’architecture et Perspectiue, et combien l’vne est nécessaire pour la parfaicte congnoissance de l'autre. Toutesfois pour ce que sont deux sciences séparées pour ne les côfôdre ie ne parleray aucunemët de l'architecture. Mais si Dieu me donne la grâce et le loisir, et ie congnoisse que ce présent liure vous ait esté agréable, par cy-après et le plustost que ie pourray, ie vous en feray voir quelque liure de leçons : et là familièrement vous en declareray ce qui sera besoing. Cependant vous pourrez ayder de mes liures des Plans et montées des bastimens où trouuere{ quelques inuentions pour embellir les rostres.

juLus ihrtullcL otleucdeotuU

Estampe au trait, lavée par Du Cerceau.

« Par ce que dessus vous entendez assez que nostre Perspectiue positiue n’est autre chose que l’art de pouuoir représenter sur le papier