RECEPTE DE CE PRÉSENT COMPTE
Somme xum viuc xxnu liv. x s. de xl gros.
Autre recepte extraordinaire (résultant de la vente des objets et matériaux qui avaient servi à la fête). ijclxij liv. u s. i den.
Somme toute de la recepte de ce présent compte : %nsm nu" vi liv. xn s. i den. de xl gros.
C'est la déclaration des ouvraiges fais par l'ordonnance et commandement de mon dit très redoubté seigneur, M S le duc de Bourgogne et de Brabant, en
la ville de Bruges, tant en l'église Nostre Dame pour y célébrer la feste de sa Thoison d'or le viue jour de may l'an mil nuc lxviii, comme en son hostel au dit Bruges, pour la dicte feste de la Thoison d'or et aussi pour y tenir la feste et solempnité de ses noepces, à court ouverte, au mois de juillet ensuivant.
Premièrement : en la dicte église de Nostre-Dame a esté fait ou cuer , au grant autel , d'ouvraige de charpenterie, ung hourt sur trois mast , lequel hourt avoit trois estages sans le passet , pour sur ce parer et aorner le dit autel , tant de relicques et de riches tables d'autel , comme d'ymaiges d'or et d'argent et de tapisseries.
Item , avoir fait une clôture à l'entour du dit autel , en bas, de bois dennemarche, avec une huisserie pour y entrer, et ce environ de trois piez de hault.
Item, ou fons des formes ou dit cuer, avoir fait ung siège pour mon dit seigneur sus ung nouveau planchier à passez pour y monter et une apuye pour soy agenoullier.
Item, avoir mis pluiseurs lambourdes pour tendre tapisserie , tant à l'entour du dit siège et du cuer, comme en la nef de la dite église.
Item, y avoir fait plusieurs bancs, les ungs à passez et les autres sans passez pour seoir les seigneurs, chevaliers et gentilz hommes, à l'entour du dit autel, durant le service.
Item, avoir fait une allée close d'aisselles, à deux costez, pour aler du cuer au revestiaire, et en icelui
revestiaire avoir rompu deux trous, ès murs, pour y faire deux huisseries qu'on y a mis en cassiz de bois avec leurs pentures et serrures, l'une pour entrer ou dit revestiaire, du costé du cuer, et l'autre pour yssir hors en lattre, afin de y avoir chemin pour aler et venir sans presse des gens.
Item, avoir fait une clôture d'aisselles, en la karolle autour du cuer , pour y estre les dames et damoiselles hors de la presse.
Item, avoir fait ou dit cuer ung grant chandelier de bois, pour y mettre les chandelles, le jour qu'on fist le service des mors des chevaliers qui ont esté de l'ordre de la dite Thoison d'or.
Nouveaulx ouvraiges et réparations faites en Vostel de mon dit seigneur , au dit Bruges, pour y tenir la dite (este de sa Thoison et la feste et solempnité de ses noepces.
Premièrement : l'en a mis en point la place du jeu de palme, qui est devant les chambres de MS ; fait widier pluiseurs terres et émondices qui de pieça y estoient, et la faire toutte nette, pour y asseoir une grant salle de bois , faite à Brouxelles , et amenée par eaue au dit Bruges , laquelle a esté ilec assise pour y faire et tenir les dites festes de la Thoison et des noepces. Contenant , icelle salle , cxl piez de long qui est la longueur de la dite place, alant de la porte d'emprès les estables des chevaulx de corps jusques aux nouvelles galleries devers l'oest , et contenant lxx piez
4409 appendice. 297
de large , entre les posteaulx , et a environ lxij piez de hault, toutte couverte et close d'aiz à Tentour, et aussi des fenestres en bas au long des dits posteaulx pour, contre ces dits parois, mettre la tapisserie.
Item , ou pendant du thoy, derière les dits posteaulx , avoir fait, ès deux costez, xiu chambrettes pour y faire les offices de despenses , servans à la dite salle.
Item , ès deux pignons avoit x lumières de fenestres croisées à chacun , et ès costez en avoit à ung lez cincq doubles fenestres croisées de xnu piez de hault chacune et à l'autre lez quatre semblables, toutes lesquelles fenestres ont esté faites de voirière, excepté que en chacune des dites ix fenestres avoit ung feullet de bois pour clorre et ouvrir pour avoir l'air et en chacun des deux pignons deux semblables feuliez. Laquelle salle est toutte pavée de planches, dessoubz les seullez a esté mâchonnée tout à Tentour et les dits offices touttes pavées de bricques , et le hault d'icelle, par dedens, a esté fait de sparres cramponnées pour y attachier les draps de couleur dont on la cielée.
Item, au hault bout de la dite salle, a esté fait ung grant double passet pour y mettre et asseoir la grant table , lequel on le voit ung jour et puis quant besoing estoit , on le rasseoit. Sur lequel passet avoit assiz une longue table, contenant l piez et v piez de large et ung banc à puye y servant.
Item , semblablement aux deux costez de la dite
salle, a l'en fait passez, de deux piez de hault et de viu piez et demy de large, et sur iceulx fait, à chacun lez, quatre tables de trois piez demy de large et de xxv piez de long chacune et hauls bancs à passetz d'un costé et d'autre.
Item , au fons de la dite salle a esté fait une allée haulte, pour d'ilec veoir partout en la dite salle, pour y mettre les dames estrangières hors de la presse , laquelle allée a vin piez de large et lxx piez de long et est faite toutte de bois soyé et de planches rabotées , à deux long estages et à ung autre estage à demy pour les trompettes et ménestrels.
Item, pour faire le planchier de la dite salle plus hault que Terre de la dite place, n'estoit à convenu y amener beaucoup de terre et sablon afin que les eaues des lavasses de pluyes n'y feissient dommaige et semblablement ès dits offices.
Item, ou milieu d'icelle salle a esté fait un grant dreçoir pour parer et aorner de vaisselle , lequel estoit de trois karrés , chacun karré de xviu piez de long, et de vi estages de hault, qu'on povoit mettre et oster, lequel ne servi que le jour de la grant feste et pour servir ès autres jours ont esté fais autres deux dreçoirs à l'un des costez de la dite salle pour semblablement mettre vaisselle de parement.
Item , chacune des dites offices ont esté furnyes de tables, de bancs, de tréteaulx et d'autres ouvraiges y appartenant, selon l'office qu'on y logoit.
Item, l'en a fait, de Testable des chevaulx de
4409 appendice. 299
corps qui est au fons et au bout de la dicte salle, le dreçoir pour servir des metz de cuisine en icelle salle ; assavoir : on a osté les ratelières et inengoires, avoir rompu le mur du costé de la dicte salle , et y avoir fait trois grans fenestres levices pour la clôture dlcelui, avoir rehauché de terre le pavé et tout fait de bricque, y avoir fait des grans dréçoirs pour drécier la vyande et y fait des huisseries et fenestres y servans.
Item, avoir estançonné et fortifïié une alée qui estoit dessus icelui dreçoir.
Item, l'en a fait une montée de bois, pour aler de la dicte salle ès chambres de mon dit seigneur, qui est couverte d'aiz et lambroissée par dedens et a l'en rompu le mur et y fait huisserie pour aler et venir ès dictes chambres et de l'un en l'autre, et fait paver entre la dicte salle et icelle montée et aussi fait paver une alée, au plus près, pour aler en la garderobe estant ilec.
Item, au devant de l'entrée de la dicte salle a esté fait ung mur, entre le cuing du mur des dites estables et la montée de l'oratoire, lequel de xxxu piez de long, ou environ , et de xv piez de hault, et en icelui a esté fait une grant porte , et devant icelle porte unes bailles.
Offices de despenses qu'on a remis en point et autres fait de noef, et premiers pour la panne trie .
En la vielle pannetrie de Toslel l'en y a fait des
huches noefves pour mectre le pain , des perches pour le linge , et des armaires servans au dit office.
Item, pour ce que icelle pannetrie ne povoit furnir la dicte feste l'en a fait encore une pannetrie emprès la dicte grant salle , en une estable tenant an dit dréçoir de la cuisine d'un costé, et de l'autre costé sur la rue pour, par une huisserie et une fenestre faite du dit costé de la rue , faire les délivrances de pain, lequel lieu on a mis en point; assavoir: pavé de bricque , fait de huches tout à l'entour à y mettre le pain, pluiseurs aiz atachiez ès murs , pluiseurs perches pour le linge , et tables, bancs et treteaulx y servans et rompu les murs pour y mettre deux cassiz avec huisseries fermans à clef.
En V eschançonnerie de monseigneur et en celle de madame et ès caves à mettre le vin.
En Teschançonnerie de MS a esté fait ung nouvel huys et deux refens de waghescot , ung marchepiet noef de blocbord et remis en point le buffet de la vaisselle et remis en point leuwier et autres choses y servans.
Item, en la grant cave, qui est dessoubz la grant vielle salle, avoir fait une cheminée, remis en point les fenestres et treilles de fer , fait ung planchier à l'entour de la dicte cheminée, y avoir fait des armaires , avoir fait une séparation et clôture d'aiz de travers de la dicte cave, pour la garde des vins, y avoir fait tous nouveaulx gantiers fors et durables ,
avoir estanchonné le planchier de la salle qui est dessus, avoir fait de noef l'uisserie de la grant porte, par dedens la court, remis en point l'autre porte devers la rue par dedens.
Item, avoir fait une nouvelle huisserie ou mur en hault , du costé de la place , devers la cuisine , pour d'ilec descendre en la dicte cave par une montée de bois qu'on y a fait, et pour par ilec servir, sans avoir presse de gens, et, dessus icelle montée et huisserie, a esté fait ung grant capiteau , à façon d'appentis , pour desvoier les eaues du thoy qui chéoient par la dicte huisserie et fenestres en la dicte cave.
Item, a l'en fait pluiseurs amars et gantiers, en cincq caves prinses en la ville, emprès Fostel de MdS, pour y mettre le surplus de la garnison des vins qui ne povoient entrer en celle de Fostel.
Item , a esté mis en point l'eschançonnerie pour Testât de madame et de madamoiselle, ouquel office on a fait ung euwier, deux dreçoirs et buffez à double estage, et clos à l'en tour, et y avoir fait armai res pour mettre la vaisselle.
Pour le fait des cuisines a l'en fait les ouvraiges qui s'ensuivent.
Premièrement : l'en a repavé la grant cuisine, tout de noef, de grans larges karreaulx de pierre de Brabant, y fait ung grant euwier, repavé les deux grans estres de thieulle, mise de quant, et leurs deux contre cuer de cheminée de semblable thieulle, avoir
mis et ataché gros bancs, au long des murs, à Fun des costez à décoper chars, et fais autres gros bancs à piez pour servir de semblable en la dicte cuisine.
Item , au garde mangier , tenant à icelle cuisine , et au dreçoir y tenant par où Fen sert en la grant vielle salle, a esté deffouy et osté les terres et y a l'en fait deux caves volsées de bricques, pour y mettre et tenir gellées et autres provisions de cuisine, èsquelles caves Fen a mis et ataché, ès murs, pluiseurs aiz à trois estages pour y mettre les viandes , et a Fen fait une viz de pierre pour descendre ès dictes deux caves, et dessus icelles a Fen clos de parois de waghescot et treillie par en hault les dits garde mengier et dréçoirs et fait ung refens entre deux , et ou dit garde mengier a l'en fait de grans armaires, du long du mur, pour y retraire et mettre en sauf les garnisons de cuisine, et tables, tréteaulx et bancs y servans, et fait ou dit garde mangier le pavé tout de karreaulx cuitz et semblablement le dit dréçoir et en icelui dréçoir fait bancs à décopper et tables, tréteaulx et bancs y servans.
Item, a Fen fait une grant montée de bois , pour monter en la chambre des escuiers de cuisine qui est dessus les dits garde mengier et dréçoir , avoir icelle chambre remis en point, excepté le planchef , en laquelle on a fait une cheminée noefve et remis en point les fenestres et au devant du dit garde mengier a esté rompu le mur et y fait une huisserie pour descendre, à dégrés de pierres, en la place y tenant ^
ou l'en a fait pluiseurs appentiz pour les chaudières à boulir, et pour les rotissoirs.
Item , a l'en fait une buscherie noefve , durable , faite de muraille et couverte de thieulle, tenant au grant puiz , emprès la dicte cuisine , laquelle est de xlv piez de long et de xx piez de large, à deux huisseries et durant cette feste , l'en l'a fait servir de garde mengier pour y retraire une partie des garnisons des larts et semblables.
Item, a l'en fait ung apentiz entre ceste dicte buscherie et la porte qui va sur la rue , en icelle place contre le mur devers le nort, et dessoubz icelui a l'en faitgrans bancs, gros et larges, atachez au mur pour décoper chars et aussi pour servir à mettre la poulaille plumée. En laquelle place l'en a mâchonné quatre grans fourneaulx, et mis quatre grans chaudières dessus , pour ilec eschauder et plumer les poulailles et voulilles. Et ouquel mur, tenant à la dicte buscherie, l'en a fait ung grant huys pour entrer en la maison de Fevesque de Salubrie , tenant ilec , laquelle appartient à MdS. En laquelle maison l'en a logié les escuiers de cuisine et les clercs d'offices tenant le compte de la despense del'ostel. Et les estables estans soubz icelui logeis a l'en mis en point , pour en faire ung grant garde mengier pour ilec faire les livrées de cuisine à ceux de l'ostel de MdS , assavoir : rempiété et remachonné ung viel mur qui vouloit fondre, et y attaché pluiseurs tables, au long des murs , à deux estages et y mis pluiseurs
30i LES DUCS DE BOURGOGNE. 4409
râteliers à pendre grosses chars. Et, en la courcelle, avoir fait deux apentiz d'aiz et y avoir mis de gros bancs à décoper grosses chars pour les dites livrées.
Item , en la grant place , de l'autre costé du dit puiz, a Fen fait ung long apentiz contre le mur des jardinages et, soubz icelui, avoir fait vin fourneaulx et mis vin grans chaudières à boulir les chars ; lequel apentiz a esté cloz tout à l'entour d'aiz, et à l'en fait, dedans icelui, dréçoirs larges, à double estage, pour drécier et mettre la char dessus qu'on tiroit hors des dictes chaudières , et avoit icelui apentiz l piez de long et xn piez de large.
Et, de l'autre costé d'icelui mur, en la place des dits jardinages, ont esté fais appentiz d'icelle largeur, et cloz toute icelle place d'aiz , assavoir , depuis la porte qui est au bout d'icelui mur, emprès la vielle salle, allant costiant le dit mur, jusques ès chambres des baigneries , qu'on dit maintenant la chambre de madame, et en revenant arière, en deux karrures, jusques à la dicte salle, dont l'une, d'icelles deux karrures, a servi pour y faire le rost , et au bout devers la dicte salle l'en a fait ung dréçoir, clos d'aiz, pour y drécier la viande pour servir les salles d'en hault , et au demourant y a l'en fait pluiseurs dréçoirs à embrochier, tablettes à mettre le rost et pluiseurs autres ouvraiges y servans. Et à l'encontre d'icelui dréçoir a l'en fait une montée de bois, apuyé et couverte d'aiz , et en hault avoir rompu le mur pour y avoir fait une huisserie pour par ilec porter
4409 APPENDICE. 30o
la viande du dit dréçoir pour servir ès dictes salles haultes.
Et, à l'autre karrure, avoir fait une buscherie dessoubz les dits appentiz , close , pour y mettre le bois et charbon de cuisine, à ung lez, et à l'autre lez pour y retraire le bois de fourière, pour servir ès chambres de là entour, et en une autre place, tenant à icelle , a l'en fait deux apentiz , cloz entour , l'un pour y faire la buscherie de la cuisine de madame et l'autre pour y retraire le fait et les garnisons du potagier.
Item , en icelle place, a l'en fait trois grans fours durables , pour y cuire durant la dicte feste , mais à cause de hastivité , la maison qui est dessus n'est faite, couverte, ne cloze que d'aiz.
Item, pour ce que tous ces dits ouvraiges, fais en l'ostel de MdS, ne povoient furnir le fait de la dite cuisine , l'en a cloz la rue qui est entre le dit hostel et l'ostel MS de Duzelie à deux lez, et au lez devers les grans estables l'en a fait ung grant apentiz, cloz d'aiz , pour par ilec faire les livrées et délivrances de char aux estrangiers.
Item, a l'en prins le dit hostel de Duzelie, pour en la salle faire ung refens d'aiz et faire dréçoirs contre icelui, d'un costé et d'autre, pour, à l'un des lez du costé devers la grant cheminée , faire les gellées , et puis les retraire ou celier qui est au plus près, lequel on a mis en point, comme de y aporter beaucoup de sablon, et de y mettre pluiseurs aiz à trois estages,
IIe PART. — TOM. II. 20
atachées au long des murs, et semblablement ou milieu d'icelui pour y mettre et garder les dites gellées. Et, à l'autre costé du dessus dit refens, avoir fait dreçoirs fors pour y mettre la vaisselle d'estain de la sausserie du commun.
Item , l'en a fait en icelui hostel l'office de la sausserie en une vielle chambre par terre , emprès icelle salle, laquelle chambre on a mis en point comme y condempné de muraille une huisserie , et y avoir fait , tous à l'entour des murs , fors dreçoirs pour y mettre et retraire la dicte vaisselle de sausserie, et y avoir fait pluiseurs gantiers pour y mettre les garnisons de verjus et vinaigre en tonnes.
Item, ès chambres d'en hault ou dit hostel, a l'en fait bancs tables, et tréteaulx pour les maistres d'ostel, pour le contreroleur et pour les maistres ouvriers s'y relraire et faire leurs comptes de ces dits ouvraiges , et aussi y a l'en fait des couches pour y coucher certains officiers, tant de sausserie, comme autres.
Item, en la court d'icelui hostel l'en a fait clôture d'aiz, tout à l'entour, pour y faire, à l'un des lez, quatre fourneaulx et y mettre nu grans chaudières pour laver la dicte vaisselle , et à l'autre lez avoir mis, sur grans bois, ix mortiers pour y estamper les sausses , et a l'en fait apentiz dessus pour y estre à couvert , et si a l'en rompu le mur pour y faire une huisserie à yssir en la rue et dilec entrer en la place de la grant cuisine de l'ostel de MdS.
Item , en la place qui est emprès la cuisine de la
ii09 APPENDICE. 307
bouche venant devers la cave, a esté fait ung grant apentiz, cloz d'aiz tout à Tentour, et soubz icelui a esté fait ung dréçoir pour cuisine, pour d'ilec servir les chambres par Fostel.
Item, en la dicte cuisine de la bouche , a esté mis ung gros estançon pour asseurer le planchier de la salle qui est en hault et si a l'en fait nouveau dréçoir pour la viande en la dicte cuisine et bancs , tables et tréteaulx y servans, et dessoubz les degrez, qui descendent de la sausserie de la bouche en icelle place d'emprès icelle cuisine, a esté fait une clôture hault et bas pour y retraire les potz et cuillères et autres garnisons du potagier de la cuisine de h bouche.
Item, la cuisine de madame la duchesse et de madamoiselle de Bourgogne a esté repavée de noef, et y fait ung nouvel euwier, refait de noef les fenestres qui sont devers la court et y avoir mis des barreaux de fer; avoir tout replatry les gistes et planchiers d'en hault pour afin que la pouldre ne chut sur la viande ; avoir fait une paroit de waghescot pour la clôture d'icelle cuisine, et dedens icelle avoir cloz une petite chambrette pour en faire leur gardemengier , et y avoir fait de noef dreçoirs , tables et bancs y appartenans.
Item , avoir rompu le mur pour y faire une huisserie à degrez pour aller en la placette et au puiz lenant à icelle cuisine ; avoir fait en icelle placette ung apentiz cloz d'aiz , tout à Fentour emprès le dit
puis, pour ilec faire ung fourneau à mettre une chaudière pour y laver la vaisselle de leur sausserie. Et, emprès le dit puis , avoir fait une petite chambrette de machonnerie et couverte de thieulle pour, ou bas d'icelle, retraire et mettre en sauf leurs gellées et ou hault d'icelle sur le planchier , avoir fait , par l'ordonnance de madame , une petite cheminée pour y distiler eaues de rozes et semblables.
Item, l'en a remis en point aucunes nécessitez en la sausserie de la bouche et au dréçoir qui est emprès icelle.
Es offices de fruitrie.
L'en a fait en la fuitrie de la bouche une chambrette pendant, pour y coucher le sommelier du dit office, et en la fruitrie qui est en hault, a l'en fait ung double dréçoir clos, un refens en la chambrette, une table à ouvrer de cirre , deux couches, tables, bancs et tréteaulx y servans et si a l'en repavé le dit office en aucuns lieux.
Es offices d' espisseries.
L'en a fait, en l'espisserie de la bouche, une cave noefve à mettre et tenir la thysanne pour MS, laquelle est faite en venant dessoubz le pavé de la court de l'ostel, toutte voltée et degrés de pierres pour y descendre par dedens le dit office, et a l'en fait ung nouveau porge à husserie, fait ung euwier, lait la chausse d'un retrait, tout de bricque, et si a
l'en fait, ou dit office, une fenestre à barreaux de fer du costé de la court , et mis en ladite cave des aiz et bancs y appartenans. Et pour ce que ce dit office estoit. trop petit pour y faire et tenir les ypocras et confitures, pour la dicte feste des noepces, l'en a mis en point la maison d'un cuvelier, tenant à la grant salle d'un costé derière, et à l'autre costé sur la rue, ouquel hostel l'en a fait trois huisseries, l'un du costé de la dicte rue, l'autre pour clorre une place ou dit hostel, et l'autre fait ou mur pour, par ilec, aler servir en la dicte salle. Avoir mis en point le celier estant ou dit hostel , comme de l'avoir pavé et y avoir fait des habillemens pour couler et mettre l'ypocras, et au demourant y avoir charpenté pluiseurs aiz et tables en manière de dreçoirs pour mettre et drécier leurs entremetz.
En l'office de la fouriere.
L'en a fait pluiseurs tables longues et courtes , pluiseurs bancs et tréteaulx pour servir en divers lieux, oultre et par dessus l'estofFement des salles et chambres, pluiseurs scabelles et escrans y servans.
En la chambre des joyaulx.
L'en a pavé de noef la chambrette tenant à la chambre des joyaulx , qui est soubz l'oratoire, et y fait ung refens et autres menuz ouvraiges.
Ouvraiges fais au cloestre des Carmes , en la dicte ville de Bruges, pour y tenir V estât des seigneurs d'Engleterre qui sont venus accompaignier ma dicte dame.
L'en a fait au couvent du dit cloestre, en une place wide , une maison de l piez de long et de environ xxviu piez de large , cloze et couverte de planches , pour y faire la cuisine, en laquelle on a fait pluiseurs bancs à décopper et tables y servans; mis en point une petite maisonnette, y tenant, pour y retraire les viandes et provisions de cuisine. Avoir fait ung autre grant gardemengier ou cloestre , à y mettre et tenir les garnisons de chars et poisson, et pour d'ilec faire les délivrances des livrées, y avoir fait des gros bancs à décopper, et cloué des aiz et fait des râteliers, tout à l'entour, pour mettre et pendre les grosses chars et autres garnisons, et emprès la dicte grant cuisine, avoir fait quatre grans fourneaulx de bricque à mettre quatre grans chaudières pour boulir et servir en la dicte cuisine.
Item , y a l'en mis en point une chambrette à y faire l'office de pennetrie, comme y avoir fait huches à mettre le pain ; fait ung trou ou mur et y fait une huisserie pour, par ilec, servir ès salles, et y avoir fait tables , bancs , tréteaulx et perches y servans.
Item, a l'en mis en point une autre chambre pour l'office de l'eschanconnerie , en laquelle on a fait
buffetz et dréçoirs cloz pour y mettre et tenir la vaisselle d'argent; y avoir fait ung refens, et tables, bancs et tréteaulx y servans.
Item , a l'en mis en point ung lieu à y mettre les garnisons de vin , comme de y avoir fait aporter grant quantité de sablon et y fait des amars et autres choses y appartenans.
Item, y a l'en mis en point une chambrette pour l'office de la fruitrie, en laquelle on a mis des aiz atachés au mur, fait une petite clôture, et tables, tréteaulx et bancs y servans.
Item, a l'en mis en point ung lieu pour y faire la sausserie, lequel on a clos de planches et y fait dréçoirs et tables y servans.
Item, en la grant salle, qu'on a mise en point pour y asseoir la seignoure, a esté fait hauls bancs à passets pour seoir à deux lez et ung grant buffet cloz d'aiz, pour servir à mettre la vaisselle de l'eschançonnerie, pour servir ès tables, et au fons d'icelle salle a esté fait une clôture de waghescot de long du large de la dicte salle pour y faire le dréçoir de cuisine, et en icelui fait tables pour drécier les metz et vyandes , et gros bancs à décopper , et en la karolle du dit cloestre a l'en a mis en point de tables, tréteaulx et bancs pour y asseoir les serviteurs et commun, et fait ung buffet pour Teschançonnerie , et au demourant a l'en fait pluiseurs ouvraiges de charpenterie nécessaires pour y tenir ledit estât.
Ouvraiges fais en pluiseurs lieux ou dit hostel de mon dit seigneur.
En la chambre de MS l'en a fait de noef une couche au grant lit, et une autre pour le lit de la chambrette où il couche, et en la sallette où il tient estât, qui est tenant à la dicte chambre , a Ton fait ung long bancs à doz et tréteaulx nouveaux pour la dicte table, et tout ce, de main d'escrignier ; en laquelle sallette on a fait une grant conche pour y mettre le lit de parement.
Item , pour descendre de la dicte chambrette de retrait par derière , en la ruelle , pour aler ès jardinages de l'ostel vert, avoit pieça esté fait ungs dégrés de pierre et montée avec ung porget , laquelle montée l'en à présent fait couvrir de bois lambroissié et semblablement le dit porge , et fait la couverture d'ardoise, estoffée de plonc et de nocquières y appartenant.
Item, en la sallette, qui est emprès la chapelle , a l'en fait une grant cheminée noefve, fait trois porges ès trois huisseries d'icelle sallette, dont l'un qui est à Fuisserie pour aler en l'autre salle tenant à icelle est double pour servir ès dictes deux salles , en laquelle sallette on a fait ung grant marchepié pour dessus icelui mettre la table pour MS, et y a l'en fait ung grant banc à doz.
Item, en hault d icelle sallette, a l'en fait ung planchier noef, pour faire ung gallataz dessus, lequel
planchier est tout lambroissié et feulleté entre les gistes, ou quel gallataz on a fait une cheminée, et d'emprès icelle fait ung trou ou mur pour y faire une huisserie , pour , .par ilec , aler ou nouveau gallataz fait dessus la chambre de Charny, et a l'en fait une grant fenpstre croisée ou pan de mur du costé de la court.
Item , ou gallataz dessus les chambres de MS , a l'en fait une paroit double dewaghescot et close par en hault pour séparer la chambre des finances , qui est ès dits gallataz, et faire une allée pour MS aler, par ilec, en son oratoire d'en hautl lez la chappelle, et a Ton fait une nouvelle fenestre ou thoy, couverte d'ardoise et estoffée de plonc, et si a l'en rompu ung trou ou mur, et fait une huisserie pour aller, par ce costé là, ou dit gallataz dessus la chambre de Gharny.
Item , a l'en mis en point la salle moyenne qui tient à la devant dicte sallette d'emprès la chappelle, assavoir de y avoir fait tables , bancs et tréteaulx, tout à l'entour, et ou milieu ung grant passet devant la cheminée pour asseoir dessus la haulte table, et avoir fait ung buffet pour la vaisselle.
Item , en la grant vielle salle basse a l'en fait sièges , tables et tréteaulx alans tout à l'entour et ou milieu pour y asseoir le commun de l'ostel , et fait ung buffet pour la vaisselle.
Item, a l'en recouvert la dicte grant salle, en pluiseurs lieux, à cause qu'il y plouvoit partout.
Item, la couverture du dréçoir tenant à icelle;
semblablement a l'en recouvert aussi de thieulle la dicte salle moyenne, une partie de noef, du costé devers les jardinages, et aussi les estables, eslans en la court, esquelles on a fait le dréçoir de la grant salle, car la couverture estoit toutte pourrie du costé del'oest, et semblablement a l'en recouverte aucun lieu la chambre qu'on souloit dire d'estampes. Laquelle chambre on a mis en point pour y logier la duchesse de Suphol ; assavoir la chambre bas, changié le refens, fait ung porge, fait une treille à trois karres pour mettre ou hors des fenestres qui sont du costé de la rue , et icelle avoir couvert de plonc , avoir rempiété les fenestres du costé de la court, avoir remis en point les garderobes hault et bas, fait réparer et plâtrer l'allée du retrait , fait couches , tables et bancs y servans, et remis en point de machonnerie la chausse du retrait pour le faire servir en hault.
Item, dessus la chambre de la taillerie des parmentiers de MS, a esté mis en point le gallataz pour y faire une chambre à logier la taillerie de madame; assavoir : de y avoir fait refens et la clore de parois et plastrer en hault et ès costez, y fait une cheminée noefve, ung euwier, ungs dégrés, et establies pour ouvrer dessus.
Item, a l'en remis en point les chambres qui sont emprès le logeis MS Darcy, ou dit hostel ; assavoir : refait planchiers, fait des refens et clôtures d'aiz pour y tenir les estas des chambellans et chevaliers de l'os-
tel; y fait une montée de bois à puye et couverte pour monter ès chambres , estans , Tune dessus la cuisine de madame, et l'autre dessus la fourierie ; fait une huisserie ou mur pour servir à la dicte montée, et estoffé icelles chambres de tables , bancs et tréteaulx.
Item, a l'en semblablement estoffé les chambres dessus la vielle porte de Fostel et dessus la chambre qui est dessus la dicte cuisine de tables, bancs, tréteaulx et buffetz pour y tenir Testât des seigneurs estrangiers.
L'en a fait une alée noefve, de bas en haut, pour aler de la devant dicte salle moyenne ès chambres de madame, à cause que celle qui y estoit ne valoit plus riens, laquelle alée est assise sur nouvelles arches, et est le premier planchier fait de beau bois lambroissié et feulleté entre les gistes et pavé par dessus, à l'égal des dictes chambres de madame, et le dessoubz sert pour aler ès chambres d'embas, et pour aler ès galeries du jardin.
Item, a l'en fait ung refens de muraille pour contregarder la placette qui est devant les dictes galleries, laquelle placette a aussi esté repavée de noef , et en hault d'icelle alée a esté fait ung planchier lambroissié, entre les gistes, laquelle alée a quatre fenestres croisée, ou mur du costé des dits jardins , et la couverture d'icelle a façon de quatre capiteaulx couvers d'ardoise et estoffez deplonc et des nocquières y appartenans.
Et, tenant à icelle alée, a l'en faitung maisonnage, noef, de bas en hault, au lieu où souloit jadis estre la chambre de MS le duc Jehan, laquelle chambre est toutte fondée sur eaue des conduiz du dit hostel , et ou bas d'icelle a l'en fait une chambre à cheminée pour y logier la garderobe de ma dicte dame, et y a l'en eslevé de machonnerie trois couches de retrais de bas en hault, l'une pour servir à icelle garderobe , l'autre pour servir à la chambre du milieu , qui est pour logier le conte de Charny , et l'autre pour servir au gallataz d'en hault. Laquelle garderobe a esté estoffée de couches, de tables, de bancs et tréteaulx y appartenans et dessus icelle garderobe a l'en fait une chambre pour y logier MS le conte de Charny, et est faite à l'égal de la devant dicte alée, et ou hault d'icellea esté faitung gallataz à cheminée , pour servir au gallataz de la chambre des finances, comme devant a esté dit. Lequel maisonnement est couvert d'ardoise et estoffé de plonc en hault servant à la couverture et de nocquières y appartenans, et si a l'en recouvert de plonc la terrasse, qui est sur la vys, tenant à icelui gallataz.
Item, en la chambre qu'on dit les baigneries, ou dit hostel, l'en y a fait ung planchier par terre, fait une cheminée noefve et mis en point pour y logier madame, fait à l'uisserie de devant ung double porge et encores ung autre porge à l'uisserie, pour aler es deux chambrettes y tenans, et y a l'en fait couches
4409 APPENDICE. o!7
noefves, tables , tréteaulx et bancs y servans , et en la chambrette où les estuves estoient a l'en fait ung refens de waghescot, à rencontre des pots, pour les contregarder , et si y a l'en fait une couche et bancs pour séoir , et ès autres deux chambrette , qui sont de l'autre costé tenans à la dicte chambre, a l'en refait de noef les planchiers par terre, fait des couches, armaires, buffet, tables et bancs, et réparé et remis en point la cheminée, pour en icelle chambrette logier les femmes de ma dicte dame.
Item, ou gallataz, qui est dessus icelui logeis, a l'en fait une cheminée, refait le planchier, et y avoir fait tables, bancs, armaires et couches pour y logier Tespisserie et garderobe de ma dicte dame.
Item, a l'en muré ung petit lieu, en bas du costé de la ruelle, tenant à icelui logeis, pour y mettre la garnison de vin de ma dicte dame et fait ung trou ou mur pour faire une huisserie pour y entrer du costé de la dicte ruelle.
Item, a l'en mis en point la cuisine qui est devant icelle chambre de madame, comme de l'avoir repavée, fait ung euwier, fait ung demi porge, fait des gros bancs à décopper la char, fait ung dréçoir, et derrière, tenant à icelle , a esté fait ung gardemengier, aussi long que la cuisine est large, et de x piez en largeur, tout de bas en hault mâchonné et couvert de thieulle, pavé debricque; et y fait des tables, bans, armaires et aiz, mis et atachées ès murs, pour y mettre les garnisons, et si a l'en pertuizié le mur
ol8 LES DUCS DE BOURGOGNE. 1409
de la dicte cuisine pour y faire une huisserie à y entrer de l'un en l'autre.
Item, a l'en repavé de noef la place qui est devant les dictes chambres et fait des huisseries et clôtures ès entrées , et si a l'en pertuizié le mur du jardin de ma dicte dame, et fait une huisserie pour d'icelle place entrer ou dit jardin.
Item, en l'ostel vert, qui est à MS et tenant à son dit hostel , a l'en mis en point deux chambres qui n'estoient point achevées, ès nouvelles galleries, qui y sont de pieça faites, assavoir : de avoir clos chacune d'icelles chambres de parois de waghescot, et fait, en chacune , une garderobe aussi cloze de waghescot, et estoffé chacune de couches, de tables, de bancs et semblables choses y appartenant, pour y logier madamoiselle de Bourbon, et dessoubz icelles galleries a l'en mis en point de tables , de bancs et de tréteaulx pour y tenir Testât de MS le chancelier et du conseil durant la dicte feste , et a l'en mis en point la grant vielle chambre d'icelui hostel pour y logier madame la vidamesse, et en la chambre tenant à icelle a l'en fait une petite chambrette à parer en l'un des cornez qu'on a seulement close de waghescot.
Item a l'en pertuisié le mur et fait une huisserie, pour aler de ce dit hostel vert en l'hostel de MdS , par la place des dictes galleries, et si a l'en fait deux fausses portes de planches ès deux portes qui cloent les jardins du dit hostel, et au demourant a Ten fait
1410 appendice. 3i9
pluiseurs réfections et réparations par ie dit hostel de MS, et dont les journées des ouvriers, qui y ont ouvré, et les estoffes et matières, pour ce achatées et y emploiées, sont cy après déclaerées.
