DE LILLE

POUR LA COURT. COMPTE DES OUVRAGES ET AUSSI DES ENTREMETZ ET PAIINTURES FAICTS A RRUGES, AUX NOPCES DE MS LE DUC CHARLES, EN L'ANNÉE COMMENÇANT EN MARS, ANNO LXVIJ, BAILLÉ A COURT PAR LE DIT EASTRE, LE XIIJc DE MARS A° LXX.

Compte de Fastre Hollel , contreroleur de la despense ordinaire de l'ostel de mon très redoubté seigneur, MS le duc de Bourgongne et de Brabant, et par icelui seigneur commis , par ses lettres cy après transcriptes, à la conduite des ouvraiges qu'il a ordonnez estre fais, en sa ville de Bruges, pour y tenir la feste de la Thoison d'or et la feste et solempnité de ses nopces, commençant ledit compte le second jour de mars, Tan mil cccc lxvij et finissant le xnue jour de septembre, Tan mil cccc lxviu ensuivant.

Premièrement s'ensieut le double de la commission. Charles, par la grâce de Dieu, duc deBourgoingne — à tous ceulx qui ces présentes lettres verront, salut : Gomme nous ayons nagaires et nouvellement

1 Ce registre appartenait originairement à la Chambre des comptes de Lille, on le conserve aujourd'hui à Bruxelles. J'en ai parlé dans le premier volume, pages cxxiv et 522, et dans ce second volume, page xvi.

ordonné certains ouvraiges estre fais , tant pour la feste de nostre ordre de la Thoison d'or, que au plaisir de NS, avons conclu de briefment tenir en nostre ville de Bruges, comme autrement , et que pour tenir le compte d'iceulx ouvraiges soit besoing de commettre personnes soy en ce congnoisant; savoir faisons : que nous, confians à plain des sens, loyaulté et bonne diligence de nostre bien amé Fastre Hollet, contreroleur de la despense ordinaire de nostre hostel, iceluy Fastre avons commis et ordonné — à tenir le compte desdits ouvraiges. — En tesmoing de ce nous avons fait mettre nostre scel à ces présentes. Donné en nostre ville de Bruxelles , le nue jour de mars, Tan de grâce mil quatre cens soixante sept.

Les lettres de ce compte sont mises en une liace et portées en la chambre haulte.