ET PREMIERS

4420. — L'en a fait, pour servir au bancquet du soupper, le jour de la feste des noepces, trente grans naves , à façon de karracques qui estoient de environ vu piez de long et de haulteur à l'avenant; desquelles on faisait le plat à servir du gros rost, qui touttes ont esté faites de waghescot, ayans chacune son grant mast et celui de la mygane et ung pour le tricquet, avec chacun sa hunne estofFez de tout cordail , y appartenant , tant aussi pour les ancres comme pour les voilles, les dits mast, cordai! et guarittes des chasteaulx, tout doré de fin or; les

W2i) APPENDICE. 323

dits chasteaulx bordez d'azur , le corps des dictes naves paint de noir et clouées , les aiz de doux dorez, et embas estoient ondées de ondes de mer faites de couleur d'argent , ayans les voilles de soye , ung estandart pendant hors de la grant hunne , tout de soye, paint de lettres à or du mot et devize de MdS, disant : je Vay emprins, ayans chacune trois banières et ung penon des armes de MS, et oultre avoit pluiseurs autres banières du pays dont chacune d'icelles faisoit représentation, car chacune des xxx naves représentoit ung des pays et seignourie de MdS, touttes les guarittes des dits chasteaulx et le courrador de devant le mast, aussi la grant hunne, estoffez de panaiz, tous paints etarmoiez des armes d'icelle ville ou conté, icelles naves estant assises chacune sur ung entaulement de v piez de long , bordé de moulures , paintes à or et azur , et tout à Tentour faites de roches de bois , paintes richement de diverses couleurs et touttes raemplyes de divers herbages croissans sur coste et rive de la mer, et y avoit fait pluiseurs bestes venymeuses qui se monstroient entre les dits roiches, lesquelz herbages estoient tous fais de cyrre après le vif, entre lesquelles roiches estoit la dicte nave assise en ondes de mer paintes d'argent.

A chacune des dictes naves avoit quatre botkins, à ce appartenant , qui estoient paintz et estoffez de couleurs et dorez, garniz de rimes dorées, garniz de mariniers et gens d'armes, lesquelz botkins servoienl

de y mettre lymons , câpres , olives et semblables menus metz, appartenant à la dicte nave, qui faisoit le grant plat, comme dit est.

4421 . — Item, a l'en fait trente tabernacles , de diverses façons, qui ont esté fais de bois, et estoffez de paintures d'or, d'argent, d'azur et d'autres couleurs, ayant chacun une banière, armoyée des armes de MdS, mise au plus hault, et chacun d'iceulx a voit trois blasons , armoiz de Y une des principales villes des pays de MS , et estoit l'un , fait à façon d'une thour, l'autre d'un bieffroy, l'autre d'une cybole, l'autre à façon d'un chasteau , et ainsi de diverses manières, desquelz on a servi, au dit bancquet, pour faire la couverture des pastelz lorsque des dictes naves on faisait le grant plat.

4422. — Item, ont esté faites les xu histoires des xu travailz d'Erculez , richement aornées , dont les jeuz durèrent par trois jours ; assavoir : le lundi, le jeudi et le dimence dernier jour de la dicte feste. Esquelles ystoires y ot fait pluiseurs personnages , richement habilliez et estoffés de paintures , comme de deux bers dorez, esquelz estoient Hercules et.... en leur inffance et jeune eage, et là vinrent serpens qui le vouldrent dévorer, lesquelz il print par le col et les tint si fermement, qui les occist, et y ot aussi pluiseurs autres bestes, dragons, lyons, beufz, moutons , bestes à trois testes et autres à sept testes , déables et goulfe d'inffer, femmes montées à cheval,

armées et habillées, combattans Hercules; sept géans aussi combattans contre le dit Hercules, grans roches, désers et bateaulx servans aus dits ystoires et pluiseurs autres habillemens, qui seroient longues à raconter, tout fait de riches estoffes de painture, d'or et d'argent , de soye et boucran le plus au vif qu'il estoit possible.

4423. — Item, y ot fait ung grant lyon, richement paint d'or, tout le poil et corps de feulle d'or fin, couvert de soye armoyé des armes de MS, et dessus ce dit lyon estoit assise madame de Beaugrant, qui tenoit en sa main une banière de soye, armoiée des armes de MdS, et en l'autre main tenoit une maguerite, richement faite dnor de Cyppre , bien aornée et broudée de soye , laquelle fu présentée à madame la duchesse et ensemble la dicte dame de Beaugrant.

4424. — Item, une licorne, grande, painte d'argent, couverte de tafta, armoiée des armes d'Engleterre, sur laquelle séoit ung lupart, tenant en Tune de ses pattes la banière d'Engleterre.