POUR SERVIR AU SECOND RANCQUET , FAIT LE LUNDI

4425. — Il y ot fait trente tenttes et trente pavillons, fais de charpenterie, par escrigniers, lesquelles estoient couvertz de fin tafta de pluiseurs couleurs, et tous enrichis de painture d'or, d'argent et azur, et à chacun pavillon avoit ung penon des armes de MdS , et aux tentes chacune deux banières et oultre

ce avoient chacune tente quatre blasons des armes des grans barons, vassalz de MdS, qu'elles représentaient, et servirent icelles tentes à y mettre le grant plat de rost, et les pavillons de y mettre les pastelz dedens, et estoient rebrachiez afin de véoir ce qu'estoit dedens.

4426. — Item , pour ce dit bancquet, y ot fait ung grant dromedaire , de environ ix piez de hault , sur lequel avoit ung moriau , richement habillié d'or et desoye, assis sur deux penniers, desquelz il tiroit hors pluiseurs bestes et oyseaulz vifz , enrichiz d'or et de painture, qu'il donnoit aux dames et damoiselles, séans au dit bancquet.

POUR SERVIR AU IIIe BANCQUET FAIT LE MARDI.

4427. — Il y ot fait ung grant griffon, estofféd'or; assavoir : les èles , plumes et le col , dont par son bec yssoient oyselez vifz qui s'envouloient sur les gens et parmy la salle.

4428. — Item, y ot fait la forme et figure de la grosse thour que MdS fait faire à Gorinchem , ton lté de charpenterie , qui estoit de xlvj piez de hault, et de grosseur à l'avenant, couverte de toille painte de machonnerie d'argent, et escalle d'azur, et les fenestres, les créteaulx et les pomeaulx tout doré d'or, la cappe richement estoffée d'or et d'azur , ayans banières sur chacune fenestre armoiées des armes de MdS, laquelle avoit les brayes y appartenans, et sur

Talée du pourthour d'icelle, avoit six habiles compaignons, habilliez comme singes, qui trouvèrent ung merchier endormi sur le dit pourthour emprès sa mercherie, qu'il avoit là mise avant pour vendre emprès la porte , qu'ilz desrobèrent et lui prinrent primes, miroirs, aguillettes, huves et semblable, et en firent pluiseurs singeries, et l'un print la flutte et tamburin du dit merchier et joua, et adontles autres se prinrent tous à danser la morisque sur et au long du dit pourthour.

Après ce, se monstra l'escarguaite de la thour avec ung cor qu'il sonna pour resveiller le guait; lors souvrirent quatre fenestres , et à chacune avoit ung loup regardant dehors, tous habilliez sur le vif, qui chantèrent une chansson au propos de la feste ; à une autrefois quatre chièvres qui jouèrent de Huttes; à une autre fois quatre asnes qui jouèrent de calamyes, et à une autre fois quatre senglers qui jouèrent de trompettes de guerre.

4429. — Item, y ot fait pluiseurs olifïans, portans chasteaulx et gens d'armes , cerfs portans penniers plains de divers fruis et autres pluiseurs bestes sauvaiges , qui touttes estoient estoffées richement d'or et estoffez de soye et fringes, qui touttes furent mises sur la table.

POUR SERVIR AU IIMe RANCQUET FAIT LE JEUDI.

4430. — Il y ot fait trente paons et chisnes revestuz , dorez d'or et d'argent , ayans chacun une

manteline de soye , armoyée des armes des chevaliers de Tordre de MdS, et chacun ayant le colier de la Thoison de celui qu'il représentoit , au col , et le blason de ses armes , paint sur la dicte manteline , et estoient chacun d'iceulx paons ou chisnes assiz en ung pré, remply de fleurs et d'erbage fais de cyrre et encloz d'une haye dorée d'or, assiz sur la grant table.

4431 . — Item, une grant balaine de lx piez de long, grosse et haulte à l'avenant, richement painte, en laquelle avoit serai nés et chevaliers de mer, ung tamborin jouant avec pluiseurs autres personnages qui estoient habilliez de plume et escaille d'or et d'argent , et avoit quatre grans gaians , richement armez et habilliez , qui la menoient parmy la salle des dictes noepces.