PIGROCHOLE ET SES CONSEILLERS

Comparurent douant Picrochole le duc de Menuail, comte Spadassin... et luy dirent :

ce Sire, auiourd'huy nous vous rendons le plus heureux, le plus cheualeresque prince qui oncques fut depuis la mort d'Alexandre Macedo.

— Gouurez, couurez vous, dict Picrochole.

— Grand mercy, dirent ils. Sire, nous sommes à nostre debuoir. Le moyen est tel. Vous laisserez icy quelque capitaine en garnison auecques petite bande de gens, pour en garder la place, laquelle nous semble assez forte tant par nature que par les remparts faicts à vostre inuention. Vostre armée partirez en deux, comme trop mieulx l'entendez. L'vne partie ira ruer sur ce Grandgousier et ses gens. Par icelle sera de prime abordée facilement desconfit. Là recouurerez argent à tas; car le vilain en a du content. Vilain, disons nous, parce qu'vn noble prince n'a iamais vn sol. Thesaurizer pst faict de vilain. L'aultre

partie, cependant, tirera vers Aunis, Sainctonge, Angoumois et Gascogne : ensemble Perigort, Medoc et Elanes \ Sans résistance prendront villes, chasteaux et forteresses. A Bayonne, à Sainct-Jean de Lus et Fontarabie, saisirez toutes les naufs, et, costoyant vers Galice et Portugal, pillerez tous les lieux maritimes iusques à Lisbonne, ou aurez renfort de tout équipage requis à vn conquérant... Espagne se rendra, car ce ne sont que madourrez. Vous passerez par l'estroit de Sybille, et là érigerez deux columnes plus magnifiques que celles d'Hercules, à perpétuelle mémoire de vostre nom. Et sera nommé celuy destroit la mer Picrocholine. Passée la mer Picrocholine , voicy Barberousse qui se rend votre esclave.

— Ie,.dict Picrochole, le prendray à mercy.

— ... Oppugnerez (dirent ils) les royaumes de Tunis, de Hippes, Argiere, Bone, Corone, hardiment toute Barbarie. Passant oultre, retiendrez en vostre mam Maiorque, Minorque, Sardaigne, Gorsique, et aultres isles de la mer Li-ustique et Baleare. Gostoyant à gauche, dominerez toute

' la "Gaule narbonnique, Prononce et Allobroges, Gesnes, Florence, Lucques, et à Dieu seas Rome...

Prinse Italie, voylà Naples, Galabre, Apouille et Sicile

toutes à sac, et Malthes auecques De là prendrons

Candie, Gypre, Rhodes, et les isles Gyclades, et donnerons sur la Moree. Nous la tenons... Dieu gard' Hierusalem, car le soudan n'est pas comparable à vostre pms-

sance

— le (dict Picrochole) feray doncques bastir le temple

de Salomon.

— Non, dirent ils encores, attendez vn peu : ne soyez iamais tant soudain à vos entreprinses. Sçauez vous que disoit Octauian Auguste? Festina lente. Il vous conuient premièrement auoir l'Asie minor, Garie, Lycie, Pam-

1 Les Landes.

philie, Gilicie, Lydie, Phrygie, Mysie, Betune, Gharazie, Sutalie, Samagerie, Castamena, Luga, Savasta, iusques à Euphrates.

— Voyrons nous, dict Picrochole, Babylone et le mont Sinaï ?

— Il n'est, disent ils, pas besoin pour ceste heure. N'est ce pas assez tracassé, d'auoyr transfreté la mer Hircane, cheuauché les deux Armenies et les trois Arables?

— Par ma foy, dict il, nous sommes affolez. Ha! pauures gens !

— Quoi? disent ils.

— Que boirons nous par ces déserts? Car lulien Auguste et tout son ost y moururent de soif, comme l'on dict.

— Nous, dirent ils, auons jà donné ordre à tout. Par la mer Syriace, vous auez neuf mille quatorze grandes naufs chargées des meilleurs vins du monde; elles arriueront à laphes. Là se sont trouuez vingt et deux cens mille chameaulx, et seize cens elephans, lesquels auez prins à une chasse environ Sigeilmes, lorsque entrastes en Libye : et d'abondant eustes toute la carauane de la Mecha. Ne vous fournirent ils de vin à suffisance?

— Voire; mais, dict il, nous ne beusmes point frais.

— Par la vertu, dirent ils, non pas d'vn petit poisson, vn preux, vn conquérant, vn prétendant et aspirant à l'empire vniuers, ne peut tousiours auoir ses aises. Dieu soit loué qu'estes venus vous et vos gens saufs et entiers iusques au fleuue du Tigre.

— Mais, dict il, que faict cependant la part de nostre armée qui desconfit ce vilain humeux Grandgousier?

— Ils ne chôment pas, dirent ils, nous les rencontrerons tantost. Ils vous ont prins Bretagne, Normandie, Flandres, Haynaut, Brabant, Artois, Hollande, Zelande : ils ont passé le Rhein par sus le ventre des Souisses et Lansquenets, et part d'entre eulx ont dompté le Luxembourg, la Lorraine, la Ghampagne, Sauoye iusques à Lion : auquel

lieu ont retrouvé vos garnisons retournans des conquestes nauales de la mer Méditerranée. Et se sont reassemblez en Bohême, après auoir mis à sac Soïieve, Wirtemberg, Bauiere, Austriche, Morauie et Stirie. Puis ont donné fièrement ensemble sus Lurbels, Noruege, Sueden, Rich, Dace, Gothie, Engroenland, les Estrelins iusques à la mer Glaciale. Ce faict, conquesterent les isles Orchades, et subiuguerent Escosse, Angleterre et Irlande. De là nauigans par la mer sabuleuse, et par les Sarmates, ont vaincu et dompté Prussie, Polonie, Lituanie, Russie, Valachie, la Transiluanie, Hongrie, Bulgarie, Turquie, et sont à Gonstantinople.

— Allons nous, dict Picrochole, rendre à eulx le plus tost, car ie veulx estre aussi empereur de Trebizonde. Ne tuerons nous pas tous ces chiens Turcs et Mahumetistes?

— Que diable! dirent ils, ferons doncques; et donnerez leurs biens et terres à ceulx qui vous auront seruy honnestement.

— La raison, dit il, le veult, c'est équité. le vous donne la Garmaigne, Surie, et toute la Palestine.

— Ha, dirent ils, Sire, c'est du bien de vous; grand mercy... »

Là présent estoit vn vieulx gentilhomme, esprouué en diuers hazards et vray routier de guerre, nommé Echephron, lequel oyant ces propos, dict :

« l'ay grand'peur que toute ceste entreprinse sera semblable à la farce du pot au laict, duquel vn cordoùannier se faisoit riche par resuerie; puis le pot cassé, n'eut de quoy disner. Que prétendez vous par ces belles conquestes? Quelle sera la fin de tant de trauaux et trauerses ?

— Sera, dict Picrochole, que nous, retournez, reposerons à nos aises.

— D'ond, dict Echephron, et si par cas iamais n'en retournez? car le voyage est long et périlleux. N'est cemieulx

que dez maintenant nous reposions, sans nous mettre en ces hazards? i>