CHAPITRE XXII

Les jeux de Gargantua.

Après avoir bien joué, sassé, passé cl beluté temps, convenoit boire quelque peu ; c'estoient unze peguads pour homme ; et soubdain après bancqueter, c'estoit sus un beau banc, ou en beau plein lict s'estendre et dormir deux ou troys heures sans mal penser ny mal dire.

Luy esveillé secouoit un peu les aureilles : ce pendent estoit apporté vin frais; là beuvoyt mietdx que jamais.

Ponocrates luy remonstroit que c'estoit maulvaise diète, a^nsi boyre après dormir. » C'est, (respondist Gargantua), la vraie vie des Pères. Car de ma nature je dors salle, et le dormir m'a valu autant de jambon. »

(1) Un bréviaire dans son portefeuille.

Puis commençoit estudier quelque peu, et patenostres en avant, pour lesquelles mieulx en forme expédier, raontoit sus une vieille mulle, laquelle avoit servy neuf roys. Ainsi marmotant de la bouche, et dodelinant de la teste, alloit veoir prendre quelque connil (1) aux filets.

Au retour se tf ansportoit en la cuysine pour sçavoir quel roust (2) estoit en broche.

Et souppoit très bien par ma conscience, et voluntiers convioit quelques beuveurs de ses voisins, avecques lesquelz beuvant d'autant, comptoient des vieulx jusques es nouveaulx.

Entre aultres avoit pour domesticques les seigneurs du Fou, de Gourville, de Grignault *et de Marigny.

Après souper venoient en place les beaux Évangiles de boys, c'est-à-dire force tabliers, ou le beau flux, un, deux, troys, ou à toutes restes pour abréger ; ou bien alloient veoir les garses d'entour et petite banquetz parmy, collations et arrière-collations. Puis dormoit sans desbrider jusques au lendemain huict heures.