LES ESSAIS — LIVRE I

Je me suis souvent despité, eu mon enfance, de veoir cz comédies italiennes tousjours un Pédante pour badin, et le surnom de Magister n'avoir gueres plus honorable signification parmy nous : car, leur estant donné en gouvernement, que pouvoi je moins faire que d'estre jaloux de leur réputation? Je cherchoy bien de les excuser par la disconvenance naturelle qu'il y a entre le vulgaire et les personnes rares et excellentes en jugement et en sçavoir, d'autant qu'ils vont un train entièrement contraire les uns des aultres; mais en cecy perdois je mon latin, que les plus galants hommes c'estoient ceulx qui les avoyent le plus à mespris, tesmoing nostre bon du Bellay :

Mais je hay par sur tout un sçavoir pcdantesque;

ei est cette coustume ancienne; car Plutarque dict

que Grec et Escholier estaient mots de reproche entre les Romains, et de mespris. Depuis, avec laage, j'ay trouvé qu'on avoit une grandissime raison, et que magis magnos cUncos non sunt magis magnos sapiens tes (1). Mais d'où il puisse advenir qu'une ame riche de la cognoissance de tant de choses n'en devienne pas plus vifve et plusesveillée; et qu'un esprit grossier et vulgaire puisse loger en soy, sans s'amender, les discours et les jugements des plus excellents esprits que le monde ait porté, j'en suis encores en double. A recevoir tant de cervelles estrangieres, et si fortes et si grandes, il est nécessaire (me disoit une fille, la première de nos princesses, parlant de quelqu'un) que la sienne se foule, se contraigne et rapetisse, pour faire place aux aultres : je diroy volontiers que, comme les- plantes s'estouffent de trop d'humeur, et les lampes de trop d'huile; aussi faict l'action de l'esprit, par trop d'estude et de matière : lequel occupé et embarrassé d'une grande diversité de choses, perde le moyen de se desmesler, et que cette charge le tienne courbe et croupy. Mais il en va aultrement; car nostre ame s'eslargit d'autant plus qu'elle se remplit : et aux exemples des vieux temps, il se veoid, tout au rebours, des suffisants hommes aux maniements des choses pùblicques, des grands capitaines et grands conseillers aux affaires d'estat, avoir esté ensemble tressçavants.

Thaïes accusant quelquesfois le soing du mesnage

(t) Proverbe de frère Jean des Enlommeures dans Rabelais.

114 PÉDAGOGU£S Dl XVI® SIÈCLE

et de s'enrichir, on luy reprocha que c'estoit à la mode du regnard, pour n'y pouvoir advenir : il luy print envie, par passetemps, d'en montrer Texperience ; et, ayant pour ce coup ravalé son sçavoîr au service du proufit et du gaing, dressa une traficque qui dans un an rapporta telles richesses, qu'à peine en toute leur vie les plus expérimentez de ce mestier là en pouvoyent faire de pareilles. Ce qu'Aristote recite d'aulcuns qui appelloyent et celuy là et Anaxagoras, et leurs semblables, sages et non prudents, pour n'avoir assez de soing des choses plus utiles : oultre ce que je ne digère pas bien cette différence de mots, cela ne sert point d'excuse à mes gents; et à veoir la basse et necesâteuse fortune dequoy ils se payent, nous aurions plustost occasion de prononcer toutes les deux, qu'ils sont et non sages, et non prudents.

Je quitte cette première raison, et croy qu'il vault mieulx dire que ce mal vienne de leur mauvaise façon de se prendre aux sciences ; et qu'à la mode de quoy nous sommes instruicts, il n'est pas merveille si ny les escholiers, ny les maistres n'en deviennent pas plus habiles, quoy qu'ils s'y facent plus doctes. De vray, le soing et la despense de nos pères ne vise qu'à nous meubler la teste de science : du jugement et de la vertu, peu de nouvelles. Criez d'un passant à nostre peuple : a le sçavant homme l » et d'un aultre : ((. le bon homme ! ^d il ne fauldra pas à se destourner les yeulx et son respect vers le premier. Il y fauldroit un tiers crieur : « les lourdes testes ! » Nous nous enquerrons volontiers : « Sçmt il du grec ou du latin ?

escrit il en vers ou en prose? » maiss*il est devenu meilleur ou plus advisé, c'estoit le principal, et c'est ce qui demeure derrière. Il falloit s'enquérir qui est mieulx sçavant, non qui est plus sçavant.

Nous ne travaillons qu'à remplir la mémoire, et laissons l'entendement et la conscience vuides. Tout ainsi que les oyseaux vont quelquefois à la quesie du grain, et le portent au bec sans le taster, pour on faire bêchée à leurs petits : ainsi nos pédantes vont pillotants la science dans les livres, et ne la logent qu'au bout de leurs lèvres, pour la dégorger seulement et mettre au vent.

Nous ne sommes, ce crois je, sçavants que de la science présente ; non de la passée, aussi peu que de là future. Mais, qui pis est, leurs escholiers et leurs petits ne s'en nourrissent et alimentent non plus ; ainsi elle passe de main en main, pour cette seule fin d'en faire parade, d'en entretenir aultruy et d'en faire des contes, comme une vayne monnoye inutile à tout aultre usage et emploite qu'à compter et jecter. Nature, pour montrer qu'il n'y a rien de sauvage en ce qu'elle conduict, faict naistre souvent, ez nations moins cultivées par art, des productions d'esprit qui luictent (1) les plus artistes productions. Comme, sur mon propos, le proverbe gascon, tiré d*une chalemie, est il délicat, Qc Bouha prou bouha, mas à remuda lous dits qu*€m ? SoufQer prou, souffler ; mais à remuer les doigts nous en sommes là. » Nous sçavons dire : « Cicero dict

(1) Rivalisent avec.^

ii6 PÉDAGOGUES DU XYP SIÈCLE

ainsi; Yoylà les mœurs de Platon; Ce sont les mots mêlâmes d'Aristote : » mais nous, que disons nous nousmesmes? que jugeons nous? que faisons nous?. Autant en diroit bien un perroquet.

Cette façon me faict souvenir de ce riche Romain qui avoit esté soigneux, à fort grande despense, de, recouvrer des hommes suffisants en tout genre de sciences, qu'il tenoit continuellement autour de luy, afin que, quand il escheeoit entre ses amis quelque occasion de parler d'une chose ou d'aultre, ils suppléassent en sa place, et feussent tout prêts à luy fournir, qui d'un discours, qui d*un vers d'Homère, chascun selon son gibbier; et pensoit ce sçavoir estre sien, parce qu'il estoit en la teste de ses gents; et comme font aussi ceulx desquels la sufSsance loge en leurs sumptueusés librairies (i). J'en cognois à qui quand je demande ce qu'il sçait, il me demande un livre pour me le montrer; et n'oseroit me dire qu'il a le derrière galeux, s'il ne va sur le champ estudier, en son lexicon, que c'est que Galeux, et que c'est que Derrière,

. . . Nous prenons en garde les opinions et le sçavoir d'aultruy, et puis c'est tout : il les fault faire nostres. Nous semblons proprem3nt celuy qui, ayant besoing de feu, en iroit quérir chez son voisin, et y ayant trouvé un beau et grand, s'arresteroit là à se chauffer, sans plus se souvenir d'en rapporter chez soy. Que nous sert-il d'avoir la panse pleine de viande, si elle ne se digère, si elle ne se transforme en nous, si elle ne nous

(1) Bibliothèques.

augmente et fortifie ? Pensons nous que Lucullus, que les lettres rendirent et formèrent si grand capitaine sans Texpérience, les eust prinses à nostre mode ? Nous nous laissons aller si fort sur les bras d'aultruy, que nous anéantissons nos forces. Me veulx je armer contre la crainte de la mort ? c'est aux despens de Seneca. Veulx je tirer de la consolation pour moy ou pour un aultre? je l'emprunte d'un Cicero. Je l'eusse prinse en moy mesme, si on m'y eut exercé. Je n'ayme point cette suffisance relative et mendice (1; : quand bien nous pourrions estre sçavants de sçavoir d'aultruy, au moins sages ne pouvons nous estre que de nostre propre sagesse.

Non enim paranda nobis solum, sed fruénda sapientia est (2).

Dionysius se mocquoit des grammairiens qui ont soingde s'enquérir des maulx d'Ulysses, et ignorent les propres ; des musiciens qui accordent leurs fleutes, et n'accordent pas leurs mœurs ; des orateurs qui estudient à dire justice, non à la faire. Si nostre ame n'en va un meilleur bransle, si nous n'en avons le jugement plus sain, j'aymerois aussi cher que mon escholier eust passé le temps à jouer à la paulme : au moins le corps en serait plus alaigre. Voyez le revenir de là, aprez quinze ou seize ans employez ; il n'est rien si mal propre à mettre en besongne ; tout ce que vous y recognoissez davantage, c'est que son latin et son

(1) Ce savoir emprunté et mendié.

"^ (2) Car il ne suffit pas d'acquérir la sagesse, il faut en user.

grec Font rendu plus sot et plus presumptueux qu'il n'estoît party de la maison. Il en debvoit rapporter Tame pleine, il ne Ten rapporte que bouffie ; et Ta seulement enflée, au lieu delà grossir.

Ces maistres icy, comme Platon dict des sophistes leurs germains, sont, de touts les hommes ; et seuls, entre touts les hommes, qui non seulement n'amendent point ce qu'on leur «commet, conmie faict un charpentier et un masson, mais l'empirent, et se font payer de l'avoir empiré. Si la loi que Protagoras proposoit à ses disciples estoit suyvie, « ou qu'ils le payassent selon son mot, ou qu'ils jurassent au temple combien ils estimoient le proufit qu'ils avoient receu de sa discipline, et selon iceiluy satisfissent sa peine ; » mes paidagogues se trouveroient chouez, s'estant remis au serment de mon expérience. Mon vulgaire périgordin appelle fort plaisamment Lettre-feritSy ces sçavantaux ; comme si vous disiez Lettre-- férus y auquels les lettres ont donné un coup de marteau, comme on dict. De vray, le plus souvent ils semblent estre ravalez, mesme du sens commun ; car le païsan et le cordonnier, vous leur veoyez allez simplement et naïfvement leur train, parlant' de ce qu'ils sçavent ; ceulx-ci, pour se vouloir eslever et gendarmer de ce sçavoir, qui nage en la superficie de leur cervelle, vont s'embarraasant et empestrant sans cesse. Il leur escbappe de belles paroles ; mais qu'un aultre les accomode : ils cognoissent bien Galien, mais nullement le malade : ils vous ont desjà rempli la teste de loix ; et si, n'ont encores conceu le nœud de la cause ; ils scavent la

théorique de toutes choses ; cherchez qui la mette eh practi(|ue.

■ n y a aulcuns de nos parlements, quand ils ont à

recevoir des officiers, qui les examinent seulement sur la science : les aultres y adjoustent encores Tessay du sens, en leur présentant le jugement de quelque cause. Ceulx cy me semblent avoir un beaucoup meilleur style ; et encores que ces deux pièces soyent nécessaires, et qu'il faille qu'elles s'y trouvent toutes deux, si est ce que la vérité celle du sçavoir est moins prisàble que celle du jugement ; cette cy se peult passer de l'aultre, et non l'aultre de cette cy. « A quoy faire la science, si Tentendement n'y est? » Pleut à Dieu que, pour le bien de nostre justice, ces compaignies là se trouvassent aussi bien fournies d'entendement et de conscience, comme elles sont enc>ores de science! Non schoke^ sed vitœ disdmus (1). Or, il ne fault pas attacher le à sçavoir l'ame, il Yjj fault incorporer ; il ne l'en fault pas arrouser, il l'en fault teindre ; et, s'il ne la change et meliore son estât imparfaict, certainement il vault beaucoup mieulx le laisser là : c'est un dangereux glaive et qui empesche et offense son maistre, s'il est en main foible, et qui n'en sçache l'usage ; ut fuerit melius non dtdtcisse (2).

A Tadventure est ce la cause que et nous et la

(1) Nous nous instruisons non pour l'école, mais pour la vie (Senâqub).

(2) Il vaudrait mieux n'avoir rien appri» (GicAnoii).

théologie ne requérons pas beaucoup de science aux femmes, et que François, duc de Bretaigne, fils de Jean V, comme on lui parla de son mariage avec Isabeau, fille d'Ecosse, et qu'on lui adjousta qu'elle avoit esté nourrie simplement et sans aulcune instruction de lettres, respondit « qu'il l'en aymoit mieulx, et qu'une femme estoit assez sça vante quand elle sçavoit mettre différence en la chemise et le pourpoinct de son mary. »

Aussi ce n'est pas si grande merveille, comme on crie, que nos ancestres n'ayent pas faict grand estât des lettres, et qu'encores aujourd'huy elles ne se treuvent que par rencontre, aux principaulx conseils de nos rois ; et si cette fin de s'en enrichir, qui seule nous est aujourd'huy proposée, par le moyen de la jurisprudence, de la médecine, du pedantisnie et de théologie encores, ne les tenoit en crédit, vous les verriez sans doubte aussi marmiteuses qu'elles feurent oncques. Quels dommages, si elles ne nous apprennent my à bien penser ny à bien faire ! Postquant docli prodierunt , boni desunt. Toute aultre science est dommageable à celuy qui n'a la science de la bonté.

Mais la raison que je cherchoy tantost seroit elle pas aussi de là que nostre estude en France n'ayant quasi, aultre but que le proufit, mais de ceulx (i) que nature a faict naistre à plus généreux offices que les lucratifs, s'adonnants aux lettres, ou si courtement

(1) A' l'exception de ceux.

(retirez, avant que d'en avoir prins le goust, à une profession qui n'a rien de commun avecques les livres), il ne .reste phis ordinairement, pour s'engager tout à faict à l'estude, que les gents de basse fortune qui y questent' des moyens à vivre ; et de ces gents là les âmes estants, et par nature et par institution domestique et exemple, du plus bas aloy, rapportent faulsemeut le fruict de la science : car elle n'est pas pour donner jour à Tame qui n'en a point, ny pour faire veoir un aveugle ; son mestier est, non de lui fournir de veue, mais de la luy dresser, de luy régler ses allures, pourveu qu'elle ayt de soy les pieds et les jambes droictes et capables. C'est une bonne drogue que la science ; mais nulle drogue n'est assez forte pour se préserver sans altération et corruption, selon le vice du vase qui l'estuye. Tel a la veue claire, qui ne l'a pas droicte ; et par conséquent veoid le bien, et ne le suyt pas ; et veoid la science, et ne s'en sert pas. La principale ordonnance de Platon en sa Republique, c'est donner à ses citoyens selon leur nature, leur charge. Nature peult tout, et faict tout. Les boiteux sont mal propres aux exercices du corps ; et aux exercices de l'esprit, les âmes boiteuses : les bastardes et vulgaires sont indignes de la philosophie. Quand nous veoyons un homme mal chaussé, nous disons que ce n'est pas merveille^ s'il est chaussetier : de mesme il semble que Texpériencc nous offre souvent un médecin plus mal médecine, un théologien moins reformé, et coustumierement un sçavant moins suffisant que tout aultre.

i2i PÉDAGOGUES DU XVI<* SIÈCLE

En cette belle institution que Xenophon preste aux Perses, tous trouvons qu'ils apprenoient la vertu à leurs enfants, comme les aultres nations font les lettres. Platon dict que le fils àisné, en leur succession royale, estoyt ainsi nourry : Aprez sa naissance on le donnoit, non à des femmes, mais à des eunuches de la première auctorité autour des rois, à cause de leur vertu. Ceulx cy prenoient charge de luy rendre le corps beau et sain ; et aprez sept ans le duisoient à monter à cheval et aller à la chasse. Quand il estoit arrivé au quatorzième^ ils le déposoient entre les mains de quatre ; le plus sage^ le plus juste^ le plus tempérant, le plus vaillant de la nation (1) : le premier luy apprenoit la religion ; ' le second, à estre tousjours véritable ; le tiers^ à se rendre maistre des cupiditez ; le quart à ne rien craindre.

C'est chose digne de tresgrande considération, que, en cette excellente police de Lycurgus, et à la vérité monstrueuse par sa perfection^ si soingneuse pourtant de la nourriture des enfants comme de sa principale charge^ et au giste mei^me des muses^ il s'y face si peu de mention de la doctrine : comme si, cette généreuse jeunesse desdaignant tout aultre joug que de la vertu^ on luy ayt deu fournir, au lieu de nos maistres de science, seulement des maistres de vaillance, prudence et justice : exemple que Platon

(1) Prudence, Justice, Tempérance, Courage : les quatre vertus fondamentales de la morale antique.

a suivy en ses Loix. La façon de leur discipline, c'estoit leur faire des questions sur le jugement des hommes et de leurs actions ; et, s'ils condemnoient et louoient ou ce personnage ou ce faict, il falloit raisonner leur dire ; et par ce moyen, ils aiguisoient ensemble leur entendement, et apprenoient le droict. Astyages, en Xenophon, demande à Cyrus compte de sa dernière leçon. C'est, dict il, qu'en nostre eschole un grand garson, ayant un petit saye, le donna à l'un de ses compaignons de plus petite taille, et luy osta son saye qui estoit plus grand : nostre précepteur m'ayant faict juge de ce différend, je jugeay qu'il falloit laisser les choses en cet estât, et que l'un et l'aultre sembloit estre mieulx accomodé en ce poinct * sur quoi il me remontra que j'avois mal faict ; car je m'estois arrêté à regarder la bienséance, et il falloit premièrement avoir pourveu à la justice, qui vouloit que nul ne feust forcé f^n ce qui luy appartenoit ; et dict qu'il en feut fouetté^ tout ainsi que nous sommes en nçs villages, pour avoir oublié le premier aoriste de tuictco. Mon régent me feroit une belle harangue in génère demonstrativo, avant qu'il me persuadastque son eschole vaut cette là (1). Ils ont voulu couper chemin ; et puis qu'il est ainsi que les sciences, lors mesme qu'on les prend de droict fil, ne peuvent que nous enseigner la prudence, la preud'hommie et la resolution, ils ont voulu d'arrivée

(1) À part le fouet qui vient Ici fort mal à propos : une erreur d« jugement li'est pai un délit.

iîi PÉDAGOGUES DU XVI* SIÈCLE

mettre leurs enfants au propre des effects, et les instruire, non par ouï dire, mais par Tessay de Taotion, en les formant et moulant vivement, non seulement de préceptes et paroles, mais principalement d'exemples et d' œuvres : à fin que ce ne feust pas une science en leur ame, mais sa complexion et habitude ; que ce ne feust pas un acquest, mais une naturelle possession. A ce propos, on demandait à Âgesilaus ce qu'il seroit d'advis que les enfants apprinssenl : a Ce qu'ils doibvent faire estants hommes, » respondit il. Ce n'est pas merveille, si une telle institution a produict des effets si admirables.

On alloit, dict on, aux aultres villes de Grèce chercher des rhetoriciens, des peintres et des musiciens ; mais en Lacedemone, des législateurs, des magistrats, et empereurs d'armée : à Athènes, on apprenoit à bien dire ; et icy à bien faire : là à se desmesler d'un argument sophistique, et à rabattre, d'un grand coul'age, les menaces de la fortune et de la mort : ceulx là s'embesongnoient aprez les paroles ; ceulx cy aprez les choses : là, c'estoit une continuelle exercitation de la langue : icy, une continuelle exercitation de Famé. Parquoy il n'est pas estrange si Ântipater, leur demandant cinquante enfants pour ostage, ils respondirent, tout au rebours de ce que nous ferions, qu'ils aimoyent mieulx donner deux fois autant d'hommes faicts : tant ils estimoient la perte de l'éducation de leur païs! Quand Agesilaus convie Xénophon d'envoyer nourrir ses enfants à Sparte, ce

MONTAIGNE i25

n'est pas pour y apprendre la rethorique ou dialectique, mais « pour apprendre (ce dict il) la plus belle science qui soit, à sçavoir la science d*obe!r et de commander. »

U est tresplaisaT\t de vcoir Socrates, à sa mode, se mocquant de Hippias, qui lui recite comment ii a gaigaé spécialement en certaines petites villettes de la Sicile, bonne somme d'argent à régenter ; et qu'à Sparte, il n'a gaignépasun sol; que ce sont genls idiots, qui ne sçavent ny mesurer ny compter, ne font estât ny de grammaire ni de rhythme, s'amusant seulement à sçavoir la suitte des roys, establissements et décadences des estats, et tels fatras de contes ; et au bout de cela, Socrates, luy faisant advouer, par le menu, l'excellence de leur forme de gouvernement public, l'heur et vertu de leur vie privée, luy laisse deviner la conclusion de l'inutilité de ses arts.