CHAPITRE XXV

DK l'institution DES ENFANTS.

A MADAME DIANE DE FOIX, COMTESSE DE GUnSON.

Je ne veis jamais père, pour bossu ou teigneux que feust son fils, qui laissast de l'advouer; non pourtant, s'il n'est du tout enyvré de cette affection, qu'il ne s'apperçoive de sa défaillance; mais tant y a qu'il est sien ; aussi moy, je veoy mieulx que tout aultre que ce ne sont icy que resveries d'homme qui n'a gousté des sciences que la crouste première en son

enfonce, et n'en a retenu qu'un gênerai et informe visage; un peu de cbasque chose, et rien du tout, à la françoise. Car, en somme, je sçay qu'il y a une médecine, une jurisprudence, quatre parties en la mathématique, et grossièrement ce à quoy elles visent; et à l'adventure encores sçay je la prétention des sciences en gênerai au service de nostre vie : mais d'y enfoncer plus avant, de m'estre rongé les ongles à l'estude d'Aristote, monarque de la doctrine moderne, ou opiniastré aprez quelque science, je ne l'ai jamais faict; ny n'est art de quoy je sceusse peindre seulement les premiers linéaments; et n'est enfant des classes moyennes qui ne se puisse dire plus sçavant que moy, qui n'ay seulement pas de quoy l'examiner sur sa première leçon ; et, si l'on m'y force, je suis contrainct assez ineptement d'en tirer quelque matière de propos universel, sur quoy j'examine son jugement naturel : leçon qui leur est autant incogneue, comme à moy la leur....

Je n'ay point l'auctorité d'estre creu, ny ne le désire, me sentant trop mal instruict pour instruire, aultruy.

Quelqu'un doncques, ayant veu l'article précèdent, me disoit chez moy, l'aultre jour, que je me debvois estre un petit estendu sur le discours de l'institution des enfants : mais à la vérité, je n'y entends, sinon cela, que la plus grande difficulté et importante de l'hunudne science semble estre en cet endroict, où il se traicte de la nourriture et institution des enfants.

Tout ainsi qu'en Fagriculture , les façons qui vont avant le planter sont certaines et aysees, et le planter mesme; mais, depuis que ce qui est planté vient k prendre vie, à Teslevér il y a une grande variété de façons, et difficulté ; pareillement aux hommes, il y a peu d'industrie à les planter; mais depuis qu'ils sont nayz, on se charge d'un soing divers, plein d'embesongnement et de crainte, à les dresser et nourrir. La montre de leurs inclinations est si tendre en ce bas aage et si obscure, les promesses si incertaines et si faulses, qu'il est malaysé d'y establir aucun solide jugement. Veoyez Cimon, veoyez Themistocles, et mille aultres, combien ils se sont disconvenus à eulx mesmes. Les petits des ours et des chiens montrent leur inclination naturelle; mais les hommes, se jectant incontinent en des accoustumances, en des opinions, en des loix, se changent ou se desguisent facilement : si est il difficile de forcer les propensions naturelles. D'où il advient que par faulte d'avoir bien choisi leur route, pour néant se travaille on souvent, et employé Ion beaucoup d'aage, à dresser des enfants aux choses auxquelles ils ne peuvent prendre pied. Toutesfois, en cette difficulté, mon opinion est de les acheminer toujours aux meilleures choses et plus proufitables; et qu'on se .doibt peu appliquer à ces legieres divinations et prognostiques que nous prenons des mouvements de leur enfance : Platon, en sa Republique, me semble leur donner trop d'auctorité.

Madame, c'est un grand ornement que la science, et un outil de merveilleux service, notamment aux per-

sonnes esle«ees en tel degré de fortune comme vous estes. A la vérité, elle u*a point son vray usage en mains viles et basses : elle est bien plus fiere de prester ses moyens à conduire une guerre, à commander un peuple, à practiquer l'amitié d*un prince ou d'une nation estrangiere, qu'à dresser un argument dialectique, ou à plaider un appel ou ordonner une masse de pilules. Ainsi, madame, parce que je croy que vous n'oublierez pas cette partie en l'institution des vostres, vous qui en avez savouré la doulceur, et qui estes d'une race lettrée ( car nous avons encore les escripts de ces anciens comtes de Foix, d'où monsieur le comte vostre maryet vous estes descendus, et François monsieur de Caudale, vostre oncle, en faict naistre touts les jours d'aultres qui estendront la cognoissance de cette qualité de vostre famille à plusieurs siècles) ; je vous veulx dire la-dessus une seule fantaisie que j'ay, contraire au commun usage ; c'est tout ce que je puis conférer à vostre service en cela.

La charge du gouverneur que vous luy donrez, du chois duquel despend tout l'eifect de son institution, elle a plusieurs aultres grandes parties, mais je n'y touche point pour n'y sçavoir rien apporter qui vaille; et de cet article sur lequel je me mesle de lui donner advis, il m'en croira autant qu'il y verra d'apparence.

A un enfant de maison (1), qui recherche les lettres, non pour le gaing (car une fin si abjecte est indigne de la grâce et faveur des Muses, et puis elle regarde

(l) Fils de famille.

et despend d'aultruy), ny tant pour les commoditéz externes que pour les siennes propres, et pour s'en enrichir et parer au dedans, ayant plustost envie d'en réussir habile homme qu'homme sçavant, je vouldrois aussi qu'on feust soingneux de luy choisir un conducteur qui eust plustost la teste bien faicte que bien pleine; et qu'on y requist touts les deux, mais plus les mœurs et l'entendement que la science ; et qu'il se conduisisten sa charge d'une nouvelle manière. On ne cesse de criailler a nos aureilles^ comme qui verseroit dans un entonnoir ; et nostre charge, ce n'est que retire ce qu'on nous a dict : je vouldrois qu'il corrigeast cette partie ; et que de belle arrivée, selon la portée de l'ame qu'il a en main, il commenceast à la metere sur la montre, luy faisant gouster les choses, les choisir, et discerner d'elle mesme ; quelquefois luy ouvrant chemin, quelquefois le luy laissant ouvrir. Je ne veulx pas qu'il invente et parle seul ; je veulx qu'il escoute son disciple parler à son tour. Socrates, et depuis Arcesilaus, faisoient premièrement parler leurs disciples, et puis ils parloient à eulx. Obest plerumque iis, qui discere volunt^auctoritaseorum qui docenf. (1). Il est bon qu'il le fasse trotter devant luy, pour jujer de son train, et juger jusques à quel poinct il se doibt ravaller pour s'accommoder à sa force. Â faulte do cette proportion , nous gastons tout; et de la sçavoir choisir et conduire bien mesu-

(1) L'autorité de ceux qui enseignent nuit souvent à ceux qui veulent apprendre. Cicéron, de Nat, deor., I, 5.

reémeat, c*est uiic des plus ardues b&songaes que je sçache ; et est Telfect d'une haulte ame et bien forte, sçavoir condescendre a ces allures puériles, et les guider. Je marche plus seur et plus ferme à mont qu'à val'.

Ceulx qui, comme nostre usage porte, entreprennent, d'une mesme leçon et pareille mesure de conduicte, régenter plusieurs esprits de si diverses mesures et formes ; ce n'est pas merveille si en tout un peuple d*eniants ils rencontrent à peine deux ou trois qui rapportent quelque juste fruict de leur discipline. Qil*il ne luy demande pas seulement compte des mots de sa leçon, mais du sens et de la substance; et. qu'il juge du proufit qu'il aura faict, non par le tesmoignage de sa mémoire, mais de sa vie. Que ce qu'il viendra d'apprendre, il le liiy face mettre en cent visages, et accommoder à autant de divers subjects, pour veoir s'il Ta encore bien prins et bien faict sien : prenant l'instruction de son progrez, des paidagogismes de Platon. C'est tesmoignage de crudité et indigestion, que de regorger la viande comme on l'a avallee : l'estomach n'a pas faict son opération^ s'il n'a faict changer la façon et la forme à ce qu'on luy avoit donné à cuire. Nostre âme ne bransle qu'à ctedit, liée et contrainte â l'appétit des fantasies d'aultruy, seî-ve et captivée soubs l'autorité de leur leçon : on nous a tant assubjectis aux chordes, que nous n'avoûs plus de franches allures; notre vigueur et liberté est esteinctc;

Qu'il luy face tout passer par l'estaminej et ne loge rien en sa teste par simple auctorité et à crédit; Les principes d'Aristote ne luy soient principes, non plus

que ceulx des stoïciens ou épicuriens : qu'on lui propose cette diversité de jugements, il choisira, s'il peult; sinon, il en demeurera en double :

Che noa men che saver, dubbiar m' aggrata (1) :

car s'il embrasse les opinions de Xenophon et de Platon par son propre discours, ce ne seront plus les leurs, ce seront les siennes : qui suyt un aultre, il ne suyt rien, il ne treuve rien, voire il ne cherche rien. Qu'il sçache qu'il sçait, au moins. Il fault qu'il imboive leurs humeurs, non qu'il apprenne leurs préceptes; et qu'il oublie hardiment, s'il veult, d'où il les tient, mais qu'il se les sçache approprier. La vérité et la raison sont communes à chascun, et ne sont non plus à qui les a dictes premièrement, qu'à qui les dict aprez : ce n'est non plus selon Platon que selon moy, puis que luy et moy l'entendons et veoyons de mesme. Les abeilles pillotent deçà delà les fleurs ; mais elles en font aprez le miel, qui est tout leur; ce n'est plus thym, ni marjolaine : ainsi lès pièces empruntées d'aultruy, il les transformera et confondra pour en faire un ouvrage tout sien, à sçavoir son jugement : son institution, son travail et estude ne vise qu'à le former* Qu'il celé tout ce dequoy il a esté secouru, et ne produise que ce qu'il en a faict» Les pilleurs» les emprunteurs» mettent en parade leurs bastiments» leurs achapts; non pas ce qu'ils tirent d'aultruy : vous ne veoyei pa^ les espices d'un homme de parlement; vous veoyez les alliances

(1) Aussi bien que savoir, douter a son prix (DAntë).

qu'il a gaignées, et honneurs à ses enfants : nul ne met en compte publicque sa recepte; chascun y met son acquest.

Le gaing de nostre estude, c'est en estre devenu meilleur et plus sage. C'est, disoit Epîcharmus, Tentendement qui veoid et qui oyt; c'est l'entendement qui apprôufile tout, qui dispose tout, qui agit, qui domine et qui règne ; toutes aultres choses sont aveugles, sourdes et sans ame. Certes, nous le rendons servile et couard, pour ne luy laisser la liberté de rien faire de soy.

Qui demanda jamais à son disciple ce qu'il luy semble de la rhétorique et de la grammaire, de telle ou telle sentence de Cicero? on nous les placque en la mémoire toutes empennées, comme des oracles, où les lettres et les syllabes sont de la substance de la chose. Sçavoir par cœur n'est pas sçavoir; c'est tenir ce qu'on a donné en garde à sa mémoire. Ce qu'on sçait droictement, on dispose, sans regarder au patron, sans tourner les yeulx vers son livre. Fascheuse suffisance^ qu'une suffisance pure livresque! Je m'attends qu'elle serve d'ornement, non de fondement; suyvant l'advis de Platon, qui dict : « La fermeté, la foy, la sincérité estre la vraye philosophie ; les aultres sciences, et qui visent ailleurs, n'estre que fard. » Je vouldrois que le Paluêl ou Pompée, ces beaux danseurs de mon temps, apprinssent des caprioles à les veoir seulement faire, sans nous bquger de nos places; comme céulx cy veulent instruire nostre entendement sans l'çsbranler : ou qu'on nous apprinst à manier un cheval ou une picque, ou un luth, ou la voix, sans nous y exercer; comme

MONTAlGIiE i33

ceiilx cy nous veulent apprendre à bien juger et a bien parler, sans nous exercer à parler ny à juger. Or, à cet apprentissage, tout ce qui se présente à nos yeulx sert de livre suffisant ; la malice d'un page, la sottise d'un valet, un propos de table, ce sont autant de nouvelles matières.

Â cette cause, le commerce des hommes y est merveilleusement propre, et la visite des païs estrangiers : non pour en rapporter seulement, à la mode de nostre noblesse françoise, combien de pas a Santa Rotonda, ou la richesse des calessons de la signora Livia : ou conune d'aultres, combien le visage de Néron, de quelque, vieille ruyne de là, est plus long ou plus large que celuy de quelque pareille médaille; mais pour en rapporter principalement les humeurs de ces nations et leurs façons, et pour frotter et limer nostre cervelle contre celle d'aultruy. Je vouldrois qu'on commenceast à le promener dez sa tendre enfance ; et premièrement, pour faire d'une pierre deux coups, par les nations voisines où le langage est plus esloigné du nostre, et auquel si vous ne la formez de bonne heure, la langue ne se peult plier.

Aussi bien est ce une opinion receue d'un chascun, que ce n'est pas raison de nourrir un enfant au giron de ses parents ; cette amour naturelle les attendrit trop et relasche, voire les pluç sages; ils ne sont capables ny de chastier st 3 faultes, ni de le veoir nourry grossièrement comme il faut et hazardeusement; ils ne le sçauroient souffrir revenir suant et pouldreux de son exercice, l)oire chauld, boire froid, ny le voir sur un cheval

134 PÉDÂGO<iLES DU XVI« SIÈCLE

rebours, ny coalre un rude lii^ur le floret au poing, ou la première barquebuse. Car il n'y a remède : qui veut faire un bomme de bien, sansdoubte il ne le fault espargner en cette jeunesse; et fault souvent chocquer les r^les de la médecine : ce n'est pas assez de luy roidir l'ame ; il lui fiiult aussi roidir les muscles : elle est trop pressée, si elle n'est secondée; et a trop faire de, seule, fournir à deux offices. Je sçaîs combien ahanne (1) la mienne en compagnie d'un corps si tendre, si sensible, qui se laisse si fort aller sur elle ; et'apperceois souvent, en ma leçon, qu'en leurs escripts mes maistres font valoir, pour magnanimité et force de courage, des exemples qui tiennent volontiers plus de l'espessissure de la peau et dureté des os.

J'ay veu des hommes, des femmes et des enfants ainsi nayz, qu'une bastonnade leur est moins qu'à moy une chiquenaude; qui ne remuent ny langue ny sourcil aux coups qu'on leur donne : quand les athlètes contrefont les philosophes en patience, c'est plustost vigueur de nerfs que de cœur. Or, l'accoustumance à porter le travail est accoustumance à porter la douleur î labor callum obducit dolori (2). Il le faut rompre à la peine et aspreté des exercices pour le dresser à la peine et aspreté de la dislocation, de la cholique, du cautei^e, et de la geaule aussi et de la torture; car de ces derniers icy, encore peult il estre en prinse, qui regardent les bons, selon le temps, comme les mes^

(1) Gémit.

(2) Lo travail endurcit à la douleur (Gicéron).

chants : nous en sommes à Fespreuve; quiconque combat les loix, menace les plus gents de bien d'escourgees et de la chorde*

Et puis, Tauctorité du gouverneur, qui doibt estre souveraine sur luy, s'interrompt et s'empesche par la présence des parents : joinct que ce respect que la famille luy porte, la cognoissance des moyens et grandeurs de sa maison, ce ne sont pas, à mon opinion, legiere incommoditez en cet aage.

En cette eschole du commuée des hommes, j'ay souvent remarqué ce vice, qu'au lieu de prendre cognoissance d'aultruy, nous ne travaillons qu'à la donner de nous, et sommes plus en peine de débiter nostrè marchandise, que d'en acquérir de nouvelle : le silence et la modestie sont qualitez trescommodes à la conversation. On dressera cet enfant à. estre espargnant et mesnagier de sa suffisance, quand il l'aura acquise ; à ne se formalizer point des sottises et fables qui se diront en présence : car c'est une incivile importunité de.chocquer tout ce qui n'est pas de nostre appétit. Qu'il se contente de se corriger soy mesme, et ne semble pas reprocher à ailltruy tout ce qu'il refuse à faire, ny contraster aux mœurs publicques : Licet sapere sine pompa, sine invidia (1). Fuye ces images regenteuses et inciviles, et cette puérile ambition de vouloir paroistre plus fin, pour estre aultre; et comme si ce feust marchandise malaysée que reprehenslons et nouvelletez, vouloir tirer de là nom de quelque peculiere

(1) On peut être sage sans éclat, sans orgueil (GicÉaoN).

valeur. Comme il n'affiert qu'aux grands poëtes d'user des licences de Fart, aussi n'est-il supportable qu'aux grandes âmes et illustres de se privilégier au dessus de la coustume.

On luy apprendra de n'entrer en discours et contestation, que là où il verra un champion digne de sa luicte ; et, là mesme, à n'employer pas touts les tours qui luy peuvent servir, mais ceulx là seulement qui luy peuvent le plus servir. Qu'on le rende délicat au chois et triage de ses raisons, et aymant la pertinence, et par conséquent la briefvelé. Qu'on l'instruise sur tout à se rendre et à quitter les armes à la vérité tout aussitost qu'il l'appercevra, soit qu'elle naisse ez mains de son adversaire, soit qu'elle naisse en luy mesme par quelque radvisement ; car il ne sera pas mis en chaise pour dire un rooUe prescrîpt; il n'est engagé à aulcune cause, que parce qu'il l'appreuve; ny ne sera du mestier où se vend à purs deniers comptants la liberté de se pouvoir repentir et recognoistre : neque, ut omnia, quœ prœscripta et imper ata sint, defendat, necessitate ulla cogitur (1).

Si son gouverneur tient de mon humeur, il luy formera la volonté à estre tresloyal serviteur de son prince, et tresaffectionné et trescourageux: mais il luy refroidira l'envie de s'y attacher aultrement que par un debvoir publicque. Oultre plusieurs aultres inconvénients qui blecent nostre liberté par ces obligations

(1) Nulle nécessité ne l'oblige à défendre tout ce qu'on voudroit impérieusement lui prescrire. GiciRON, Acad., U, 3.

particulières, le jugement d'un homme gagé et achepté, où il est moins entier et moins libre, ou il est taché et d'imprudence et d'ingratitude. Un pur courtisan ne peult avoir ny loy ny volonté de dire et penser que favorablement d'un maistre qui, parmi tant de milliers d'aultres subjects, l'a choisi pour le nourrir et eslever de sa main ; cette faveur et utilité corrompent, non sans quelque raison, sa franchise, et l'esblouïssent : pourtant veoid on coustumierement le langage de ces gents là divers à tout aultre langage en un estât, et de peu de foy en telle matière.

Que sa conscience et sa vertu reluisent en son parler, et n ayent que la raison pour conduicte. Qu'on luy face entendre que de confesser la faute qu'il descouvrira en son propre discours, encores qu'elle ne soit apperceue que par luy, c'est un effect de jugement et de sincérité, qui sont les principales parties qu'il cherche; que l'opiniastrer et constester sont qualitez communes, plus apparentes au!L plus basses âmes; que se r'adviser et se corriger, abandonner un mauvais ' party sur le cours de son ardeur, ce sont qualitez rares, fortes et philosophiques. On l'advertira, estant en compaignie, d'avoir les yeulx par tout; car je trouve que les premiers sièges sont communeement saisis par les hommes moms capables, et que les grandeurs de fortune ne se treuvent gueres meslees à la suffisance : j'ai veu , cependant qu'on s'entrctenoit au hault bout d'une table de la beauté d'une tapisserie ou du goust de la malvoisie» se perdre beaucoup de beaux traicts à l'aultre Dout. Il son-

dera la portée d'un chascim : un bouvier, un masson, un passant, il fault tout mettre en besogne, et emprunter chascun selon sa marchandise, car tout sert en mesnage; la sottise mesme et foiblesse d'aultruy luy sera instruction : à contrerooller les grâces et façons d*un chascun, il s'engendrera envie des bonnes, et mespris des mauvaises.

Qu'on luy mette en &ntaisie une honneste curiosité de s'enquérir de toutes choses : tout ce qu'il y aura de singulier autour de luy, il le verra ; un bas» liment, une fontaine, un homme, le lieu d'une bataille ancienne, le passage de César ou de Charlemaigne;

Quœ tellus sit lenta gelu, qusB putris ab œstu; Ventus in Italiam quis bene vêla ferat (1) ;

il s'enquerra des mœurs, des moyens et des alliances de ce prince, et de celuy là : ce sont choses trèsplaisantes à apprendre, et tresutîles à sçavoir.

En cette practique des hommes, j'entends y comprendre, et principalement, ceux qui ne vivent qu'en la mémoire des livres ; il practiquera, par le moyen des histoires, ces grandes âmes des meilleurs siècles. C'est vxi vain estude, qui veult ; mais qui veult aussi, c'est un estude de fruict inestimable, et le seul estude, comme dict "Platon , que les Lacedemoniens eussent réservé à leur part. Quel prouflt ne fera il , en cette

(1) Quelle contrée oat ep^ourdle par le froid , ou calcinée per le foUll ; quel veat propice porte l«a veltseani en IttUe (Pao-

part là, à la lecture des Vies de nostre Plutarque? Mais que mon guide se souvienne où vise sa charge ; et qu'il n'imprime pas tant à son disciple la date de la ruine de Carthage, que les mœurs d'Hannibal et de Scipion; ny tant où mourut Marcellus, que pourquoy il feut indigne de son debvoir qu'il mourust là. Qu'il ne luy apprenne pas tant les histoires qu'à en juger. C'est à mon gré , entre toutes, la matière à laquelle nos esprits s'appliquent de plus diverse mesure ; j'ai leu en Tite-Live cent choses que tel n'y a pas leu; Plutarque y en a leu cent, oultre ce que j'y ay sceu lire, et à l'adventure oultre ce que l'aucteur y avoit mis : à d'aulcuns, c'est un pur estude grammairien; à d'aultres, l'anatomie de la philosophie, par laquelle les plus abstruses parties de nostre nature se pénètrent. Il y a dans Plutarque beaucoup de discours estendus, tresdignes d'estre sceus; car, à mon gré, c'est le maistre ouvrier de telle besongne; mais il y en a mille qu'il n'a que touchez simplement : il guigne seulement du doigt par où nous irons, s'il nous plaist ; et se contente quelquefois de ne donner qu'une attaincte dans le plus vif d'un propost II les faut arracher de là, et mettre en place marchande : comme ce sien mot, u Que les habitants d'Â9ie servoient à un seul, pour ne sçavoir prononcer une seule syllabe, qui est ; Non, » donna peult estre la matière et l'occasion à La Boëtie de sa Servitude volontaire. Cela mesme de luy veoir trier une legiere action , en la vie d'un hommei ou un mot, qui semble ne porter pai cela, c'est un discoun*

i40 PÉDAGOGUES DU XVI^' SIÈCLB

Il me semble que les premiers discours deqaoy on luy doibt abruver l'entendement, ce doibvent estre ceulx qui règlent ses mœurs et son sens ; que lui apprendront à se cogooistre, et à sçavoir bien mourir et bien vivre. Entre les arts libéraux, commençons par Fart qui nous faict libres : elles servent toutes voirement en quelque manière à l'instruction de nostre vie et à son usage, comme tous aultres choses y servent en quelque manière aussi; mais choisisons celle qui y sert directement et professoirement. Si nous sçavions restreindre les appartenances de nostre vie à leurs justes et naturels limites, nous trouverions que la meilleure part des sciences qui sont en usage est hors de nostre usage ; et en celles mesmes qui le sont, qu'il y a des estendues et enfonseures tresinutiles que nous ferions mieulx de laisser là ; et, suyvant l'institution de Socrates, borner le cours de nostre cstude en icelles ou fault l'utilité :

C'est une grande simplesse d'apprendre à nos enfants la science des astres et le mouvement de la huictiesme sphère, avant que les leurs propres :

Anaximenes escrivant à Pythagoras : « De quel sens puis-je ra'amuser au secret des estoiles, ayant la mort ou la servitude tousjours présente aux yeulx ? car lors les rois de Perse preparoient la guerre contre son pais. Chaeim doibt dire ainsi : a Estant battu d'ambition, d'avarice, de témérité, de superstition, et ayant au dedans tels aultres ennemis de la vie, iray je songer au bransle du monde? »

Aprez qu'on luy aura apprins ce qui sert à le faire plus sage et meilleur, on l'entretiendra que c'est que

•iHà

logique, physique, géométrie, rhétorique ; et la science qu'il choisira, ayant desjà le jugement formé, il en viendra bientost à bout. Sa leçon se fera tantost par devis^ tantost par livre : tantost son gouverneur luy fournira de Faucteur mesme propre à cette fin de son institution: tantost il luy en donnera la moelle et la substance toute maschee ; et si de soy mesme il n'est assez familier des livres pour y trouver tant de beauK discours qui y sont, pour Feffect de son desseing, on lui pourra joindre quelque homme de lettres qui à chaque besoing fournisse les munitions qu*il faudra, pour les distribuer et dispenser à son nourrisson. Et que cette leçon ne soit plus aysee et naturelle que celle de Gaza (1), qui y peut faire doubte? Ce sont là préceptes espineu3c et mal plaisants, et des mots vains et descharnez, où il n'y a point de prinse, rien qui vous esveille l'esprit : en cette cy l'âme treuve où mordre, et où se paistre. Ce fruict est le plus grand sans comparaison, et si sera plustôt meury (2).

C'est grand cas que les choses en soyent là en nostre siècle, que la philosophie soit, jusques auK gens d'entendement, un nom vain et fantastique, qui se treuve de nul usage et de nul prix, par opinion et par effect. Je croy que ces ergotismes en sont cause, qui ont saisi ses avenues. On a grand tort de la peindre inaccessible aux enfants, et d'un visage renfrongné, sour-

(1) Savant du quinzième siècle, né à Thessalonique, qui passa en Italie avec plusieurs autres savants de la Grèce. Auteur d'une grammaire grecque.

(2) Mûri.

i42 PÉDAGOGUES DU XVP SIÈCLE

cilleux et terrible : qui me Ta masquée de ce fauk visage, pasle et hideux? Il n'est rien plus gay, plus gaillard, plus enjoué, et à peu que je ne die follastre; elle ne presche que feste et bon temps : une mine triste et transie montre que ce n*est pas là son giste. Demetrius le grammairien rencontrant, dans le temple de Delphes, une troupe de philosophes assis ensemble, il leur dit : o Ou je me trompe, ou, à vous veoir la contenance si paisible et si gaye, vous n'estes pas en grand discours entre vous : » à quoy l'un d'eux Heracleon le megarien, respondit : a C'est à faire à ceulx qui cherchent si le futur du verbe p&Xktù a double X, ou qui cherchent la dérivation des comparatifs xtipo^f et péXrtov, et des superlatifs x^ipKrzo^ et péXTKjTOv, qu'il fault rider le front s'entretenant de leur science : mais quant aux discours de la philosophie, ils ont accoustumé d'esgayer et resjouïr ceulx qui les traictent, non les renfrongner et cx)ntrister. »

L'ame qui loge la philosophi edoibt, par sa santé, rendre sain encores le corps : elle doibt faire luire jusques au dehors son repos et son aise; doibt former à son moule le port extérieur, et l'armer, par conséquent, d'une gratieuse fierté, d'un maintien actif et alaigre, et d'une contenance contente et débonnaire. La plus expresse marque de la sagesse, c'est une esjouïssance constante ; son estât est, comme des choses au dessus de la lune, tousjours serein : c'est Baroco Baralipton qui rendent leurs supposts ainsi crottez et enfumez', ce n'est pas elle : ils ne la cognoissent que par* ouyr dire. Mon Gouverneur luy fera cette nouvelle leçon : Que le

prix ethaulteur de la vraye vertu est en la facilité, utilité et plaisir de son exercice; si esloingné de difficulté, que les enfants y peuvent comme les hommes, les simples comme les subtils. Le règlement, c'est son util, non pas la force. Socrates, son premier mignon, quitte à escient sa force, pour glisser en la naïtveté et aysance de son progrez.

Si ce disciple se rencontre de si diverse condition, qu'il ayme mieulx ouyr une fable, que la narration d'un beau voyage, ou un sage propos, quand il l'entendra ; qui, au son du tabourin qui arme la jeune ardeur de ses compai gnons, se destourne à un aultre qui l'appelle au jeu des batteleurs; qui, par souhait, ne treuve plus plaisant et plus doulx revenir pouldreux et victorieux d'un combat, que de la paulme pu du bal , avecques le prix de cet exercice : je n'y treuve aultre remède, sinon qu'on le mette pastissier dans quelque bonne ville, feust il fils d'un duc ; suyvant le précepte de Platon, « Qu'il fault colloquer les enfants, non selon les facultez (i) de leur père, mais selon les facultez de leur ame. »

Puisque la philosophie est celle qui nous instruit à vivre, et que l'enfance y a sa leçon comme les autres aages, pourquôy ne la luy communique Ion?

On nous apprend à vivre quand la vie est passée. Cicero disoit que, quand il vivroit la vie de deux hommes, il ne prendroit pas le loisir d'estudier les poëtes lyriques; et 'je treuve ces ergotistes plus tristement

[i] Les moyens.

encores inutiles. Nostre enfant est bien plus pressé ; il ne doibt au paidagogisme que les premiers quinze ou seize ans de sa vie; le demeurant est deu à Faction. Employons un temps si court aux instructions nécessaires. Ce sont abus : ostez toutes ces subtilitez espineuses de la dialectique, dequoy nostre vie ne se peult amender; prenez les simples discours do la philosophie, sçachez les choisir et traicter à poinct : ils sont plus aysez à concevoir qu'un conte de Boccace ; un enfant en est capable au partir de la nourrice, beaucoup mieulx que d'apprendre à lire ou escrire. La philosophie a des discours pour la naissance des hommes, comme pour la décrépitude.

Pour tout cecy, je ne veulx pas qu'on emprisonne ce garson : je ne veulx pas qu'on l'abandonne à la cholèrè et humeur melancholique d'un furieux maistre d'eschole; je ne veulx pas corrompie son esprit à le tenir à la géhenne et au travail, à la mode des aultres, quatorze ou quinze heures par jour , comme un portefaix; ny ne trouverois bon, quand, par quelque complexion solitaire et melancholique, on le verroit adonné d'une application trop indiscrète à l'estude des livres, qu'on la luy nourrist : cela les rend ineptes à la conversation r.ivile, et les destoume de meilleures occupations. Et combien ay je veu de mon temps d'hommes abestis par téméraire avidité de science ! Csgrneades s'en trouva si affollé, qu'il n'eut plus le loisir de se faire le poil et es ongles. Ny ne veulx gaster ses mœui*$ généreuses par l'incivilité et barbarie d'aultruy. La sagesse françoise a esté anciennement en proverbe, pour une sagesse qui

prenoit de bonne heure, et n'avoit gueres de tenue. A la vérité, nous veoyons encores qu'il n'est rien si gentil que les petits enfants en France; mais ordinairement ils trompent Tesperance qu'on en a conceue; et, hommes faicts, on n'y veoid aulcune excellence : j'ay ouy tenir à gents d'entendement, que ces collèges où. ovL les envoyé^ dequoy ils ont foison, les abrutissent ainsin.

Au nostre, un cabinet, un jardin, la table et le lict, la solitude, la compaignie, le matin et le vespre : toutes heures luy seront unes, toutes place sluy seront estudes, car la philosophie, qui, comme formatrice des jugements «t des mœurs, sera sa principale leçon, a ce privilège de se mesler par tout. Isocrates l'orateur estant prié en un festin de parler de son art, cha^cun treuve qu'il eut raison de respondre : « Il n'est pas maintenant temps de ce que je sçay faire; et ce dequoy il est maintenant temps, je ne le sçay pas faire : » car de présenter des harangues ou des disputes de' rhétorique à une compaignie assemblée pour rire et faire bonne chère, ce seroit un meslange de trop mauvais accord; et autant en pourroit on dire de toutes les aultres sciences. Mais, quant à la philosophie, eh la partie où elle traicte de l'homme et de ses debvoirs et offices, c'a esté le jugement commun de tous les sages, que, pour la doulceur de sa conversation, elle ne debvoit estre refusée ny aux festins ni aux jeux ; et Platon l'ayant invitée à son Convive (1), nous

(1) Banquet.

veoyons comme elle entretient rassistance d'une façon molle, et accommodée au temps et au lieu, quoyque ce soit de ses plus haults discours et plus salutaires.

Ainsi, sans doubte, il choumera moins que les aultres. Mais, comme les pas que nous employons à nous promener dans une galerie, quoyqu'il y en ayt trois fois autant, ne nous lassent pas comme ceulx que nous mettons à quelque chemin desseigné : aussi nostre leçon, se passant comme par l'encontre, sans obligations de temps et de lieu, et âe meslant à toutes nos actions, se coulera sans se faire sentir; les jeux mesmes et les exercices seront une bonne partie de Festude; la course, la luicte, la musique, la danse, la chasse, le maniement des chevaulx et des armes. Je veulx que la bienséance extérieure, et l!entregent, et la disposition de la personne, se façonne quand et quand (1) Tame. Ce n'est pas une ame, ce n'est pas un corps, qu'on dresse ; c'est un homme : il n'en fault pas faire à deux; et comme dict Platon, il ne faut pas les dresser l'un sans l'autre, mais les conduire egualement, comme une couple de chevaulx attelez à mesme timon ; et, à Touyr, semble il pas prester plus de temps et plus de solicitude aux exercices du corps, et estimer que l'esprit s'en exerce quand et quand, et non au contraire ?

Au demourant, cette institution se doibt conduire par une scvere doulceur, non comme il se faict : au lieu de convier les enfants aux lettres, on ne leur

(1) En même temps que.

présente, à la vérité, que horreur et cruauté. Ostez moy la violence et la force : il n'est rien, à mon advis, qui abastardisse et estourdisse si fort une nature bien née. Si vous avez envie qu'il craigne la honte et le chastiement, ne l'y endurcissez pas ; endurcissez le à la sueur et au froid, au vent, au soleil, et aux hazards qu'il luy fault mespriser; ostez luy toute mollesse et délicatesse au vestir et coucher, au manger et au boire; accoustumez le à tout; que ce ne soit pas un beau garson et dameret, mais un garson vert et vigoreux. Enfant, homme vieil, j'ay tousjours creu et jugé de mesme. Mais, entre aultres choses, cette police de la pluspart de nos collèges m'a tousjours desplu : on eust failly, à l'adventure, moins dommageablement, s'inclinant vers l'indulgence. C'est une vraye geaule de jeunesse captive : onla rend desbauchee, l'en punissant avant qu'elle le soit. Arrivez y sur le poinct de leur office (1) ; vous n'oyez que cris, et d'enfants suppliciez, et de maistres enyvrez en leur cholère. Quelle manière pour esveiller l'appétit envers leur leçon, à ces tendres âmes et craintifves, de les y guider d'une trongne eifroyable, les mains armées de fouets! Inique et pernicieuse forme ! joinct, ce que Quintilian en a tresbien remarqué, que cette impérieuse auctorité tire des suittes périlleuses, et nommeement à notre façon de chastiement. Combien leurs classes seroient plus décemment jonchées de fleurs et de feuillees, que de tronçons d'osier sanglants ! J'y ferois pourtraire la Joie, l'AIai-

(1) Au moment de leurs exercices.

gresse, et Flora, et les Grâces, comme feit en son eschole le philosophe Speusippus. Où est leur proufit, que là feust aussi leur esbat : on doibt ensucrer les viandes salubres à l'enfant, et enfîeller celles qui luy sont nuisibles. C'est merveille combien Platon se montre soingneux, en ses Loix, de la gayeté et passetemps de la jeunesse de sa cité; et combien il s'arreste à leurs courses, jeux, chansons, saults et danses, desquelles il dict que rantiquité.a donné la conduicte et le patronnage aux dieux mesmes, Apollon, aux Muses, et Minerve : il s'estend à mille préceptes pour ses gymnases; pour les sciences lettrées, il s'y amuse fort peu, et semble né recommander particulièrement la poésie que pour la musique.

' Toute estrangeté et particularité en nos mœurs et conditions est evitable, comme ennemie de société. J'en ay veu fuir la senteur des pommes, plus que les harquebuzades; d'aultres s'effrayer pour une souris; d'aultres rendre la gorge à veoir de la cresme; d'autres à veoir brasser un lict de plume; comme Germanicus ne pouvoit souffrir ny la veue ny le chant des coqs. Il y peult avoir, à Tadventure, à cela quelque propriété occulte ; mais on l'esteindroit, à mon advis, qui s'y prendroit de bonne heure.

Le corps est encores soupple; on le doibt, à cette cause, plier à toutes façons et coustumes ; et, pourveu qu'on puisse tenir l'appétit et la volonté soubs boucle, qu'on rende hardiement un jeune homme commode à toutes nations et compaignies, voire au desregleraent et aux excez, si besoing est. Son e:i^ercitation suive

Fusage : qu'il puisse faire toutes choses, et ii'ayme à faire que les bonnes. Les philosophes mesmes ne treuveni pas louable en Gallisthenes d'avoir perdu la bonne grâce du grand Alexandre, son maistre, pour n avoir voulu boire d'autant à luy. Il rira, il follastrera, il se desbauchera avecques son prince. Je veux qu'en la desbauche mesme il surpasse en vigueur et en fermeté ses compaignons ; et qu'il ne laisse à faire le mal ny à faulte de force ny de science, mais à faulte de volonté : Multum interestj utrum peccare aliquis nolit, an nesciat. Je pensois faire honneur à un seigneur aussi esloigné de ces débordements qu'il en soit en France, de m' enquérir à lui en bonne compaignie, combien de fois en sa vie il s'estoit enyvré pour la nécessite des affaires du roy, en Allemaigne : il le print de celte façon; et me respondit que c'estoit trois fois, lesquelles il recita. J'en sçay qui, à faulte de cette faculté, se sont mis en grandpeine, ayants à practiquer cette nation. J'ay souvent remarqué avecques grande admiration la merveilleuse nature d'Alcibiades, de se transformer si ayseenaent à des façons si diverses, sans interest de sa santé ; surpassant tantost la sumptuosité et pompe persienne, tantost l'austérité et frugalité lacedemonnienne ; autant reformé à Sparte, comme voluptueux en lonie. Tel vouldrois-je former mon disciple.

Voicy mes leçons : Celui là y a mieulx proufité, qui les faict, que qui les sçait. Si vous le veoyez, vous l'oyez; si vous l'oyez, vous le veoyez.

11 ne dira pas tant sa leçon, comme il la fera ; il la répétera en ses actions : on verra s'il y a de la prudence

en ses entreprinses, s'il y a de la bonté, de la justice en ses deportements; s'il a du jugement et de la grâce en son parler, de la vigueur en ses maladies, de la modestie en ses jeux, de la tempérance en ses voluptez, de l'ordre en son oeconomie ; de l'indifférence en son goust, soit chair, poisson, vin ou eau : Le vray mirouer de nos discours est le cours de nos vies.

Allant un jour à Orléans, je trouvay dans cette plaine, au deçà de Clery, deux régents qui venoyent à Bourdeaux, environ à cinquante pas l'un de l'autre : plus loing derrière eux je veoyois une troupe, et, maistre en teste, qui estoit feu monsieur le comte de la Rochefoucault. Un de mes gents- s'enquit au premier de ces régents, qui estoit ce gentilhomme quivenoitaprezluy; luy, qui n'avoit pas veu ce train qui le sùyveoit, et qui penseoit qu'on luy parlast de son compaignon, respondit plaisamment : « Il n'est pas gentilhomme, c'est un grammairien; et je suis logicien. » Or, nous qui cherchons icy, au rebours, de former, non un grammairien ou logicien, mais un gentilhomme, laissons les abuser de leur loisir : nous avons affaire ailleurs. Mais que nostre disciple soit bien pôurveu dé choses, les paroles ne suivront que trop ; il les traisnera, si elles ne veulent suyvre. J'en oy qui s'excusent de ne se pouvoi,r exprimer, et font contenance d'avoir la teste pleine de plusieurs belles choses, mais, à faulte d'éloquence, ne les pouvoir mettre en évidence : c'est une baye. Sçavez vous, à nion advis, que c'est que cela? ce sOnt des umbrages qui leur viennent de quelques conceptions informes, qu'ils ne peuvent desmesler et esclaircir au

MONTAIGNE i5i

dedans, ny par conséquent produire au dehors; ils ne s'entendent pas encores eulx mesmes, et veoyez les un peu bégayer sur le poinct de Tenfanter, vous jugez que leur travail n'est point à raccouchement, mais à la conception, et qu'ils ne font que leicher cette matière imparfaicte. De ma part, je tiens, et Socrates l'ordonne, que qui a dans l'esprit une vifve imagination et claire, il la produira, soit en bergamasque, soit par mimes, s'il est muet : Il ne sçait pas ablatif, conjunctif, substantif, ny la grammaire; ne faict pas son laquay ou une harangiere du Petit Pont; et si, vous entretiendront tout votre saoul, si vous en avez envie, et se desferreront aussi peu, à l'adventùre, aux règles de leur langage que le meilleur maistre ez arts de France. Il ne sçait pas la rhétorique, ny, pour avant jeu, capter la benevolence du candide lecteur; ny ne luy chault de le sçavoir. De vray, toute cette belle peincture s'efface ayseement par le lustre d'une vérité simple et naïve : ces gentillesses ne servent que pour amuser le vulgaire, incapable de prendre la viande plus massive et plus ferme; comme Afer montre bien clairement cheÊ Tacitus.

Voire mais, que fera il si on le presse de la subtibilité sophistique df quelque syllogisme? ce Le jambon faict boire; le boire désaltère : parquoy le jambon désaltère. » Qu'il s'en mocque : il est plus subtil de s'en mocquer que d'y respondre. Qu'il emprunte d'Aristippus cette plaisante contrefinesse ; « Pourquoi 'le deslieray je, puisque tout lié il m'empesche? » Quelqu'un proposoit contre Cleanthes des finesses dialectiques ; à

ISS P£»A60CC£S »U XTI« SIÈCLE

qui du^sippiis dkt : « Joue toi de œs battelages avecque les enfants; et ne destoame à eela les pensées serieiises d'un homme d'aage. 9 Si œs sottes aigaties, anUoria ei aculeaUi sophiswuUa, luy doibrent persuader on mensonge, cela est dangerenx^; mais si elles demeurent sans effet, et ne Tesmeuvent qu^à rire, je ne veois pas poarqu<H il s'en doibve donner garde. Il en est de si sots, qu'ils se destonmoit de leur voye un quart de lieue, pour courir après un beau mot. Au rebours, c'est aux paroles à senrir et à suyrre; et que le gascon y anÎTe, si le ftançois n'y peult all^. Je tcuIx que les choses surmontent, et qu'elles remplissent de façon l'imagination de celui qui esooute, qu'il n'ayt aulcune souTcnance des mots. Le parler que j'ayme, c'est un parler simple et naïf, tel sur le papier qu'à la bouche; un parler succulent et nerveux, court et serré; non tant délicat et peigné, comme véhément et brusque : plustost difficile qu'ennuyeux; esloigné d'affectation; desreglé, descousu et hardy : chasque loppin y face son corps; non pedantesque, non fratesque, non plaideresque, mais plustost soldatesque, comme Suétone appelle celuy de Julius César; et si je ne sens pas bien pourquoi il l'en appelle.

J'ay volontiers imité cette desbauche qui se veoid en nostre jeunesse au port de leurs vestements : un manteau en escharpe, la cape sur une espaule, un bas mal tendu, qui représente une fierté desdaigrieuse de ces parements ' estrangiers, et nonchalante de l'art; mais je la treuve encores mieulx employée en la forme du parler. Toute affectation, nommeement en la gayeté

et liberté françoise, est mesadvenante au courtisan; et en une monarchie, tout gentilhomme doit estre dressé au port d'un courtisan : parquoy nous faisons bien de gauchir un peu sur le naïf et mesprisant. Je n'ayme point de tissure où les liaisons et les coustures paroissent : tout ainsi qu'en un beau corps il ne fault pas qu'on puisse compter les os et les veines. L'éloquence faict injure aux choses, qui nous destourne à soy.

Zenon disoit qu'il avoit deux sortes de disciples : les uns qu'il nomraoit (piioXéyouç, curieux d'apprendre les choses, qui estoient ses mignons ; lesaultres, XoyocpCXouç, qui n'avoyent soing que du langage. Ce n'est pas à dire que ce ne soit une belle et bonne chose que le bien dire; mais non pas si bonne qu'on la faict; et suis despit de quoy nostre vie s'embesongne toute à cela. Je vouldrois premièrement bien sçavoir ma langue, et celle de mes voisins où j'ay plus ordinaire commerce.

C'est un bel et grand adgencement sans doubte que le grec et latin, mais on l'achepte trop cher. Je diray icy une façon d'en avoir meilleur marché que de coustume, qui a esté essayée en moy mesme : s'en servira qui vouldra. Feu mon père, ayant faict toutes les recherches qu'homme peult faire, parmy les gens sçavants et d'entendement, d'une forme d'itistitution exquise, feut advisé de cet inconvénient qui estoit en usage ; et luy disoit on que cette longueur que nous mettions à apprendre les langues qui ne leur coustoient rien, est la seule cause pourquoy nous ne pouvons arriver à la grandeur d'anie et de cognoissance des an-

154 PÉ»A60€l£S »r XTl' SIÈCLE

ciens Grecs et Romaîiis. Je ne croy pas que ce en soit la seule cause. Tant y a, qneTexpedient que mon père y trouva, ce feut qu'en nourrice, et avant le premier desnouement de ma langne, il me donna en charge à un Allemand, qui dqMiîs est mort fiunnix médecin en France, du tout ignorant de nostie langue, et tresbien versé en la latine. Cetfeuy cy, qull avoit faict venir exprei, et qui estoit bi^i chefenient gagé, m'avoit continuellement entre les Ihus. Il en eut aussi avecques luy deux^ aultres moindres en sçavoir, pour me suyvre, et soulager le premier : ceulx cy ne m'entretenoient d*aultne langue que latine. Quant au reste de sa maison, c'estoit une règle inviolable que ny luy mesme, ny ma mère, ny valet, ny chambrière, ne parloient en ma compagnie qu*autant de mots de latin que chascun avoit apprins pour jargonner avec moy. C'est merveille du fruict que chascun y feit : mon père et ma mère apprindrent assez de latin pour rentendre, et en acquirent à suffisance pour s'en servir à la nécessité, comme feîrent aussi les aultres domestiques qui estoient plus attachez à mon service. Sooune, nous nous latinizasmes tant, qu'il en regorgea jusques à nos villages tout autour, où il y a encores, et ont prins pied par l'usage, plusieurs appellations latines d'artisans et d'utils. Quant à.moy, j'avoy plus de six ans, avant que j'entendisse non plus de françois ou de perigordin que d'arabesque; et sans art, sans livre, sans grammaire ou précepte, sans fouet et sans larmes, j'avois apprins du latin tout aussi pur que mon maistre d'escliole le sçavoit ; car je ne le pouvois avoir mesié ny

altéré. Si par essay on me vouloit donner un thème, à la mode des collèges ; on le donne aux aultres en françois. mais à moy il me le falloit donner en mauvais latin pour le tourner en bon. Et Nicolas Grouchy, qui a escript de comitiis Romanorum ;. Guillaume Guerente, qui a commenté Aristote ; George Buchanan, ce grand poëte écossois ; Marc Antoine Muret, que la France et l'Italie recognoist pour le meilleur orateur du temps, mes précepteurs domestiques, m'ont dict souvent que j'ayois ce langage en nion enfance si prest et si à main, qu'ils craignoient à m'accoster. Buchanan, que je veis depuis à la»suitte de feu monsieur le mareschal de Brissac, me dict qu'il cstoit aprez à escrire de l'institution des enfants, et qu'il prenoit l'exemplaire de la mienne ; car il avoit lors en charge ce comte de Brissac que nous avons veu depuis si valeureux et si brave.

Quant au grec, duquel je n'ay quasi du tout point d'intelligence, mon père desseigna me le faire apprendre par art, mais d'une voye nouvelle, par forme d'esbat et d'exetcice : nous pelotions nos déclinaisons, à la manière de ceux qui, par certains jeux de tablier, apprennent l'arithmétique et la géométrie. Cai* entre aultres choses, il avoit été conseillé de me faire gouster la science et le debvoir par une volonté non forcée, et de mon propre désir; et d'eslever mon ame eu toute doulceur et liberté, sans rigueur et contraincte : je dis jusques à telle superstition, que, par ce qu'aulcuns tiennent que cela trouble la cervelle tendre des enfants de les esveiller le matin en sursault, ot de len arracher

du sommeil (auquel ils sont plongez beaucoup plus que nous ne sommes) tout à coup et par violence, il me faisoit esveiller par le son de quelque instrument; et ne feus jamais sans homme qui m'en servist.

Cet exemple suffira pour en juger le reste, et pour recommander aussi et la prudence et Tafifeclion d'un si bon père ; auquel il ne se fault prendre, s'il n'a recueilly aulcuns fruicts respondants à une si exquise culture. Deux choses en feurent cause : en premier, le champ stérile et incommode; car, quoique j'eusse la santé ferme et entière, et quand un naturel doulx et traietable, j'cstoy parmy cela si poisant, mol et endorm'y, qu'on ne me pouvoit arracher de l'oysiiveté, non pas pour me faire jouer. Ce que je veoyois, je le veoyois bien; et, soubs cette complexion lourde, nourrissois des imaginations hardies et des opinions au dessus de mon aage. L'esprit, je l'avoy lent, et qui h'alloit qu'autant qu'on le menoit; l'apprçhension, tardifve ; l'invention, lasche ; et, aprez tout, un incroyable default de mémoire. De tout cela, il n'est pas merveille s'il ne sceut rien tirer qui vaille. Secondement, comme ceulx que presse un furieux désir de guarison se laissent aller à toute sorte de conseils, le bon homme, ayant extrême peur de faillir en chose qu'il avoit tant à cœur, se laissa enfin emporter à l'opinion commune, qui suyt toujours ceulx qui vont devant, comme les grues, et se rengea à lacoustume, n'ayant plus autour de luy ceulx qui luy avoient donné ces premières institutions, qu'il avoit apportées d'Italie ; et m'envoya environ mes six ans au collège de Guienne, trcstïoris-

sant pour lors, et le meilleur de France : et là, il n'est possible de rien adjouster au soing qu'il eut, et à me choisir des précepteurs de chambre suffisants, et à toutes les aultres circonstances de ma nourriture,^ en laquelle il réserva plusieurs façons particulières, contre l'usage des collèges; mais tant y a que c'estoit tousjours collège. Mon latin s'abastardit idcontinent, duquel depuis par desaccoutumance j'ay perdu tout usage ; et ne me servist cette mienne inaccoustumeç institution, que de me faire enjamber d'arrivée aux 'premières classes; car, à treize ans que je sortis du collège, j'avois achevé mon cours (qu'ils appellent), et à la vérité, sans aulcun fruict que je peusse à présent mettre en compte.