De beaucoup plus foible

Montaigne. VII.

si grande que nous ne devons desdaigner aucune entremise qui nous y conduise. La raison a tant de formes que nous ne sçavons à laquelle nous prendre; Texperience n'en a pas moins. La conséquence que nous voulons tirer de la conférence des evenemens est mal seure, d'autant qu'ils sont tousjours dissemblables. Il n'est aucune qualité si universelle en cette image des choses que la diversité et variété. Et les Grecs, et les Latins, et nous, pour le plus exprés exemple de similitude, nous servons de celuy des œufs : toutesfois il s'est trouvé des hommes, et notamment un en Delphes, qui recognoissoit des marques de différence entre les œufs, si qu'il n'en prenoit jamais l'un pour l'autre ' . La dissimilitude s'ingère d'elle mesme en nos ouvrages : nul art peut arriver à la similitude. Ny Perrozet, ny autre, ne peut si soigneusement polir et blanchir l'envers de ses cartes qu'aucuns joueurs ne les distinguent, à les voyr seulement couler par les mains d'un autre. La ressemblance ne faict pas tant un, comme la différence faict autre 2.

Pourtant l'opinion de celuy -là ne me plaist guiere qui pensoit par la multitude des loix brider l'authorité des juges en leur taillant leurs morceaux : il ne sentoit point qu'il y a autant de li-

1. Et y ayant plusieurs poules savoit juger de laquelle cstoit Tœuf.

2. Nature s'est obligée à ne rien faire autre qui ne fust dissemblable.