Major autem sic creatus, collectas, taillias, semel vel
pluries imponere poterit super eos de communitate predicta, et facere, pro tuicione ville et patrie, reparationem pontium et murorum et ceterorum casuum necessariorum.
8. De emolumentis autem que major vel communitas percipiet quovismodo, tenebitur, anno quolibet, senescallo aut receptori nostro, aut eorum loca tenentibus, reddere computum ac etiam racionem ; nec de ipsis aliquid poterunt expendere, nisi pro utilitate communi.
9. Si autem aliquis eorumdem contra nos litigium vel discordiam habere contingat, major vel communitas predicta aliquem contra nos vel successores nostros, juvare non poterunt, facto, opère, consilio, pecunia vel loquela, quin, ipso facto, absque alia condemnatione, jus communitatis amittant.
10. Insuper, anno quolibet, major et consiliarii et scabini, nobis vel senescallo nostro vel ejus locum tenenti predictis, prestare tenebitur juramentum superius annotatum, nobis et nostris successoribus specialiter reservato, ne, per concessionem hujusmodi, nostris juribus, redditibus, jurisdicioni, nobilitatibus, aliquod prejudicium futuris temporibus generetur, nisi in casibus superius declaratis, quovis de facto major aut communitas contrarium facere niterentur, possessione vel sasina et lapsu cujuscumque temporis in aliquo nonobstante ; proviso enim, cum domini mei régis beneplacito, quod, pro juribus antedicte communitatis servandis, procuratoremregium, nobis invitis, non poterunt adjungere seu etiam advocare.
11. Creato autem majore predicto, nobis, aut senescallo nostro vel ejus locum tenenti predictis pro nobis, et nostris successoribus^ homagium ligium cum achaptamento unius annuli aurei ponderis duorum florenorum Florencie et juramento predictis, anno quolibet, tenebitur facere, pro majoritate et communitate predictis.
Ut autem haec omnia plenariam obtineant firmitatem, per dominum meum regem, cum ejus benevolencia, dari facere promittimus ac etiam confirmari, cura clausulis et capitulis antedictis. Mandantes omnibus justiciariis, officiariis et subditis nostris, presentibus et futuris, quatenus habitatores memoratos nostra presenti gratia et concessione perpetuo uti gaudere libère et pacifice faciant et permittant, impedimentis quibuscumque cessantibus penitus et amotis. Quae praemissa
omnia eisdem concessimus sine financia, de nostra sciencia et gracia speciali. In cujus rei testimonium, nostrum presentibus fecimus apponi sigillum. Datum Engolisme^ anno Domini millesimo trecentesimo quinquagesimo secundo» mense maii, salvo in aliis jure nostro et in omnibus quolibet alieno. Datum ut supra. Sic signatum super replicam : Per dominum comitem in consilio suo, présente domino Arnulpho d'Àudenehan, marescallo Francie.
