v \ cliv. Cf. Et., liv. II, ch

apansé de chemin, et me feri de ses armes amolues et me dona cos et colées, don cuirs creva et sans issi ; et me fist plaies mortiex aparissanz et montrées à joutise à tel jor: don1, se il le quenoist, je requier que il an soit puniz comme de tel fait et mi domaige me soient2 amande jusqu'à la value de xx lb.; et se il le nie. je l'oufre a prover, si comme la cort esgardera que faire le doie. » Et li autres doit faire presantemant tel ni ou tel deffanse, corne il doit, car, an fait de cors, n'a point de jor de consoil.

cxlvii3. Maurenomez par cri qui n'est pris à nulle quenoissance, ne à nul presant fait, la joutise ne le doit pas condampner à mort; mais se anqueste le tesmoigne de granz cas, l'an le doit forbannir ; car il apartient à loial jostise de netoier sa province des mauvais. Et, se puis le forban, est trovez ou païs, il est pandables.

cxlviii4. Se aucuns acuse i autre de larrecin devant joutise, il doit avoir ses preuves prestes et doit nomer le larrecin et dire ainsin : « je me plain de tel home qui m'a amblé tel chose : et, puis le larrecin, je l'an ai veù an saisine, » et doit mestre un d. desus la chose. Et se il défaut de preuve, il demorra à punir à la joutise, se cil que il acuse ne quenoist le larrecin ou il n'a esté pris an presant fait, ou n'a esté trouvez saisiz et vestuz; car quenoissance faite en juigemant vaut chose juigie.

cxlix3. Se aucuns se plaint d'un6 autre qui li ait fait sanc ou plaie qui soit aparissant, et montrée à joutise, cil qui sera trovez an tort et avra donée la colée et an soit atainz par tesmoinz, il paiera lx s. demande au seignor et xv s. au plaintif et xii d. por son cop, se il les an viaut lever ; et amandera au plaintif ses domaiges et ses chomaiges et li fera sa plaie garir au sien.

Ci fenissent li establissement abrigié.